生生。泰港知味 (Closed)

灣仔雖然商廈林立， 但食肆從來不缺，今次來到生生。泰港知味吃頓泰式午餐。雖然小店面積不大，不過環境坐得頗舒服。午餐價錢只是$62-$70，免收加一服務費，價位經濟。香茅炸雞翼 (2隻) $16不算炸得太油膩，只是稍嫌炸得過了火候，令肉質變乾不夠juicy。炸素菜春卷 (2條) $16外皮不會過厚，素菜餡料輕盈無負擔，不過如果可以炸得更加脆卜卜就更理想了。黃咖喱牛腩飯 $65上枱已飄來陣陣咖喱香味， 醬汁做得不稀不稠，非常好下飯。牛腩肉質偏瘦，筋位不多，但炆得軟腍入味。粉糯的薯仔吸滿濃濃咖哩汁， 辣度不高，就連我這種吃不了辣的人都覺得容易入口。馬拉盞豬頸肉炒米粉 $65想不到一碟份量超多，一個女生都未必吃得完。加入馬拉盞鹹香四溢，十分惹味，不過就炒得略為油膩，吃得多會感到有點飽滯。鮮蝦雞肉炒金邊粉 $70同樣都是重量級份量的一碟，蝦肉夠新鮮爽口，只是雞肉肉質就有點粗糙。吃之前先滴上青檸汁，口感會更清爽也能消除油膩，味道酸酸甜甜特別醒胃，可惜金邊粉炒得未夠乾身，太濕亦容易黏作一團。泰式西米糕 $5以班蘭葉折成四方小盒子的造型美觀，香濃椰奶下藏著口感Q彈的粒粒西米。芒果糯米糍 $6黃澄澄色彩

灣仔合和附近平日食lunch 超多人，但夜晚就另一個樣，當堂寧靜好多～ 唔想同人逼，走黎呢頭搵食～要咗個二人套餐 $380，開頭以為唔夠食，想加多幾樣野食，點知份量都幾多大頭蝦冬蔭功海鮮湯好味，好多料，湯夠酸辣，海鮮味濃香，椰汁唔會太多令到湯好膩，必食！另加咗份青檸辣汁鳳爪 $78因為好想食，所以忍唔住加！ 係我見過最大份泰式鳳爪！平時好多泰國餐館d鳳爪下面會墊好多洋蔥/生菜/青瓜，但呢度堆到咁高都係鳳爪～ 抵食！酸辣度適中，而且醃得夠入味（好怕有d會唔入味，汁還汁，鳳爪淡而無味），呢個做得幾好，必食推薦！馬拉盞炒雜菜又係估唔到咁大碟！ 辣得好惹味，而且夠鑊氣！好味！海南雞半隻，肉ok滑，跟兩碗油飯小食拼盤有蝦餅同 春卷春卷都幾多餡椰汁冰椰青跟埋甜品食咁多野埋單唔使 $500食物質素同份量都唔錯，性價比高

這家位於街角的泰國餐廳裝潢簡約細看名字原來是一家社企坐下先點椰青和青檸梳打解解暑梳打用了泰國原樽入口的梳打水味道雖無特別但多了一份泰國味頭盤點了炭燒豬頸肉火喉控制得宜不會乾柴配上的沾醬味道相當討好主菜點了泰式海鮮濕炒河河粉是中式長條型的那款炒的火喉也略嫌不足幸好配料和醬汁也相當不錯重頭戲是泰知味鹽燒海魚一整條烏頭上場絕不欺場淡淡的鹽味已足夠提鮮不需沾醬已經很美味烏頭油份頗多入口油潤是質素極高的泰式燒魚

在灣仔比較多西餐和日本菜，發現在corner 位開了間新的泰式食店，就進去試試看。光線充足，日頭景唔錯，入面仲有好多位，都幾寬敞。Set都幾抵食，照顧到素食人士。Seafood set for 2 $480最吸引！泰知味特色冬蔭公配大頭蝦，兩人份的，湯蠻辣的，不會很酸，充滿海鮮的味道，跟香料配搭得宜，稠濃度適中。蝦真係幾大隻，又有蝦羔，已開邊，肉質仍然很嫩，配料多，仲有菇和車厘茄。泰式素菜春卷脆卜卜，新鮮炸起的，唔係返炸，甜味醬汁係泰式酸梅醬，春卷專用sauce，yummy！馬沙文咖哩煮蟹肉，新鮮蟹拆肉很有質量，很多蔬菜，有西蘭花、椰菜花、薯仔、青紅黃椒、洋蔥、椰菜、蘿蔔，不辣椰味濃，正宗又有特色，在坊間很少見。香茅鹽燒海魚，見到魚腩位放滿香茅、九層塔、檸檬葉，令到魚腩很入味，唔會腥，成條魚肉質嫩滑，少許鹽味已夠，不會死鹹，也不用再蘸sauce，最後把整條煎魚拆骨，通通吃掉。食泰國菜要食返碗泰國絲苗白飯，飯香軟熟。泰式西米糕2件，甜品很精緻，用上小盤子和叉子，椰奶味香，不會很甜，西米Q彈。

上月日本之旅玩得太過瘋癲，就連行李箱也被拖壞了，徬徨之際，幸得「山系領袖」借來百寶袋，才能把手信平安帶返香港。今晚要把百寶袋物歸原主，兩姊妹就順道吃頓晚飯，翻看旅途所拍的照片，回憶一下行程中的樂事。這間位於灣仔的泰國餐廳，原來是所社企，優先為弱勢社群提供就業機會，理念饒富意義。不過店子並沒以此作招徠，希望客人將注意力放在廚師的出品上。舖頭裝修簡約，木系色調加上柔和燈光，舒適平靜。門口採用大片落地玻璃，感覺開揚，靜靜地看著暴雨中的街景，別有一番情調。餐廳提供各式晚市套餐，價錢相當合理，以二人份量為例，只售$340至$480，更可以優惠價配上特飲。其他食物選擇亦不少，種類包括頭盤、沙律、湯、肉類、海鮮、野菜、飯麵和甜品等，一應俱全。由於我們看中的菜式不在套餐之列，於是決定散叫好了。天氣悶熱，喝碗泰式椰子雞湯($78)打開胃口就最好不過。成品熱辣辣送上，材料極之澎湃，幾乎佔去半窩位置。白色湯頭充滿香草芬芳，嚐得出檸檬葉、南薑、香茅、洋蔥的味道，酸酸微辣，又滲透出椰奶香，層次豐富，能夠刺激食慾。雞肉嫩滑不老，菇菌爽鮮，個人十分喜愛。店員力推沙嗲串燒($88/6串)，說是最受歡迎的食物，那就即管

泰式柚子鮮蝦沙律酸酸地，加上脆口腰果、爽身大蝦，更能刺激食慾。我們點的是一至二人份量的泰式椰子雞湯，湯有很重椰子味，濃稠順滑。湯內有切成大塊的雞肉和不少秀珍菇，$78二人份的湯好抵食。泰式菠蘿雞肉炒飯飯粒分明；提子乾juicy；臘腸粒也甘香；菠蘿汁多肉厚。泰式馬沙文咖哩煮蟹肉咖喱汁不算很辣，蟹肉完全去殼，吃起來很方便。伴碟的西蘭花、洋蔥、甘筍粒份量也很多，我們把這菜式與菠蘿炒飯同吃，味道也很配合。馬拉盞炒通菜我們是散點小菜，所以是以正價$45點椰青。如果是點套餐的話，可以付$25。甜品點了一份鮮芒果黑白糯米，芒果已熟，夠香甜。

閒時食一下泰菜又是不錯的選擇。最近灣仔新開了一間泰國菜館。裝潢並不是傳統泰國風情，只是一般餐廳格局，對我而言，不論裝潢，食物水準才是重要的。泰式柚子鮮蝦沙律份量不少，調配了比平常食更濃稠，更杰的醬汁，味道濃郁。泰式咖哩點都要試一下，點了黃咖哩牛腩配我最喜愛的蒜茸包。咖哩汁味道濃郁惹味，牛腩肉質軟腍，配菜的薯仔夠入味，越食越開胃。甜品芒果黑白糯米是指定要食的，因實在太鐘愛了。煙煙韌韌的糯米有嚼口，混入椰奶和芒果，口感太豐富了。

晚上遊走灣仔皇后大道東，朋友 office 對面有間不錯泰菜，門外落地玻璃，室內簡約設計，聚會晚餐都幾舒服，今晚三人女子組聚腳食飯平日晚上，人流不多，唔需要等位。地方唔清幽又有好食泰菜，最好chit chat! 打開menu選擇多，或有二人餐二人餐 $380，足足夠三個女仔，每人百幾，有高水準泰國，物超所值沙爹 （不包括套餐）雞肉牛肉各三串，肉質嫩煎JUICY外層少少微焦，十分惹味泰式小食小食有炸蝦餅、炸春。特別喜歡蝦餅鮮嫩彈牙好惹味海鮮冬陰公冬陰公海鲜足料好足料，明顯加入蝦頭煮，湯底有鲜味，唔會過咸，惹味開胃，不會太酸或過辣，味道剛剛好，另外加入大蝦、菇、蕃茄，十分足料  招牌無骨海南雞  （半隻）去骨海南雞，食落方便，而且雞肉十分嫩滑，有雞味，送上油飯一流馬拉盞雜菜蝦醬味濃郁，這馬拉盞炒得十分惹味套餐可優惠價叫飲品+16 青檸梳打+25 椰青

約朋友食飯，今次沒有訂枱，先在她灣仔公司的樓下會合，才一邊傾一邊揾地方，原來在皇后大道東這裡有間泰國餐廳。晚飯時段walk-in 也有位。晚市有套餐，幾抵食，但我們均不太餓，見套餐太豐富，所以就從主餐牌中散叫。我二話不說選了招牌泰式無骨海南雞，可選全隻或半隻，最愛已去骨的海南雞，啖啖肉，雞肉很滑，更欣賞的是店員為我們二人各準備了自己的薑蓉和辣汁，每人一碟，就不怕double dip！咖喱有豬、牛、雞可選，我們選了青咖喱豬，青咖喱有濃濃的椰香，最適合撈飯食！朋友不太吃得辣，但也點了泰式扎肉沙律，微辣的汁，她可以開懷進食！初時我們以為沙律會有很多菜墊底，但竟然全碟都是以扎肉為主的，很抵食！不過朋友堅持想食多一點菜，我們就加點了一個咸魚炒芥蘭，炒菜當然也好味！這裡的店員服務細心，食物的水準也好，坐得舒服，相信於寫字樓區的午市定必很繁忙。

唔係講笑，一入去完全唔覺得自己係黎食泰菜😆裝修好簡約優雅(唔信撥左睇相) 仲要加埋射燈同古典純音樂，好得意既配搭，少左一股東南亞熱鬧feel，但成個感覺令人好舒服，加上應該係新開業關係，全場得我地同另外一兩枱客人😆好似包左場咁，邊食邊傾食左兩個幾鐘☺️💕‧🥘#泰式蝦肉炒金邊粉 $108呢味有少少偏貴，不過勝在蝦肉夠新鮮同彈牙 唔會係梅梅地個種🙈好怕出門食海鮮食中好淋好梅/完全無味個種。上碟時擺碟都好靚，如果粉再乾身少少就更好，唔會食到後期痴埋一堆咁🤔‧🥗#金不換肉碎生菜包 $88肉碎肥瘦適中，加埋配料炒得好香，已經唔會好多肥油，因為你一包生菜而生菜通常都奉旨會爆開個陣...😂就會知啲肉汁唔肥係感覺好好多架！唔好睇佢細細碟，有少少食唔晒。‧🥒#馬拉盞芥蘭 $78比一般泰菜館大碟既炒菜😳所用芥蘭幾嫩身，食落無硬皮又無渣既，味道惹味唔過鹹，所以首先就比我地清晒🤞🏻🍢#泰式沙嗲 6串 $88呢個一定要大力推介一下❗️燒完既串燒都仲keep到好嫩好juicy, 尤其係雞肉，香料味道適中唔會cover左本身味道👍🏻沙嗲醬好味～雖然佢只有豬同雞🐷🐔...我好奇問下點解，店員解釋因為牛肉比較難keep到水

食社企為乜？為咗支持佢哋展開新生？雖然都好鼓勵大家了解吓唔同嘅NGO，但又唔洗吓吓搬咩大道理出嚟—社企餐廳永遠係質素嘅保證！用心經營就係幫襯嘅原因。社企餐廳要啲時間上軌道，一開始質素未必真係可以同專業泰菜齊名，但就一定會不斷改進。店員按菜式類型逐一呈上，保證食客入口嘅都係絕對新鮮熱辣。扎肉沙律鹹咗少少，但扎肉量好多。迷你小食拼盤有春卷、魚餅、蝦餅。春卷皮脆得嚟唔油，油溫控制得啱啱好。餡料滿滿，唔點醬都夠晒味~魚餅幾彈牙，但香料味可以再濃啲。蝦餅好彈牙，炸皮好薄，卜卜脆~~然後就到我極力推薦嘅冬陰海鮮湯喇！！單看色澤已贏一半。冬陰如果清澈就一定係唔夠椰奶，唔夠橙就係唔夠蕃茄......呢碗一望就知冇慳料！有青口又有大蝦，幾足料。落重香料，未飲就聞到陣陣香茅、青檸味，一飲就係蕃茄酸溜溜嘅滋味，然後就係海鮮嘅鮮味，下嚥後留有椰香餘韻。辣椒膏炒青口用上新鮮大隻嘅青口，炒完仲有少少海水味，亦唔會有沙或帶腥味。甜品—黑白糯米配泰國芒果亦係必試之選。黑糯米帶甜，較有咬口；白糯米帶微鹹，較黏糯，兩者1:1互補不足，平衡出冇得彈嘅芒果糯米飯~連埋甜甜酸酸嘅靚芒一齊食，一啖匯合多種滋味同質感，正！

灣仔合和斜對面新開了這間泰菜館名為「生生。泰港知味」，環境光猛闊落！店員服務都幾好，都會告訴我們餐廳的招牌菜式，還常為我們加水泰知味冬陰公(細), 雖然係size, 但份量都非常足料有3隻大蝦菌菇~味道非常香濃但唔會好辣！每人都可以分到2碗，非常抵飲超級推介！好耐無飲過咁正既冬陰公湯了 沙嗲串燒，可選雞，豬2款！雞肉燒到金黃幾香口，肉質嫩滑。個 沙嗲醬汁幾香幾惹味泰知味鹽燒海魚，最值得一提的是海魚非常鮮甜，味道入口似牛奶般這樣甜還有陣陣既香茅味道滲出非常充滿泰國風情這條魚真係不得了非常好食

灣仔之友留意番，皇后大道東近太源街位置多左間泰國菜，叫生生·泰港知味，坐嘅位置闊落，就腳，價錢合理，服務態度一流，午餐時段成日都好Full，所以今次係晚餐時段黎試一試。講番正題先，食物方面價錢合理，份量適中。首先食泰國野點少得冬蔭公呢，2人份（$88）有2-3隻大蝦，味道偏酸，好開胃。然後叫左個飛天通菜（$78），一大碟，2個人食唔哂啊，飛天姐係蒜蓉椒絲炒，好夠鍋氣。然後再叫左個泰式蝦肉炒金邊粉（$108），賣相極佳，金邊粉面鋪左一層蛋花。金邊粉味道同泰國當地食果d好似啊，大家黎到一定要試一試。食到禁上下，叫左個椰青飲下（$45）加椰汁西米糕（$48/4件）做飯後甜品，本來想試下個黑白芒果糯米飯嫁，點知賣哂喇，唯有下次再黎試下啦。埋單一共$412，無加一！

今日約左另一伴係灣仔去上堂，問朋友有咩推介，佢話平時食LUNCH 有一間泰國餐館係附近好好食，所以就唔諗，訂左呢間就番上堂時間，我地未到6 點就到，得一枱外國客，所以好靜好舒服，餐廳仲播住D好RELAX 既音樂，好似我學瑜伽最後播果D。餐牌有好多選擇，唯一差少少就唔夠相片，仲有素食可以選擇都幾好。本身想叫餐會平D，但又唔係樣樣中意食，所以都係散叫啦。泰式椰子雞湯叫左呢個湯，真係好好好好飲，平時食泰菜通常只有冬蔭功可以選擇，所以已然覺得好特別。呢個湯有好多雞肉同菇，椰子味都好重，但仲有少少清新既酸味同好多香草味，忍唔住一問原來真係落左檸檬，職員仲話大廚係泰國人，只識泰語，唔怪得個湯咁有泰國風味。一個唔覺意飲左3碗。泰式春捲呢個前菜唔錯，外皮香脆，入面有D粉絲，唔會油膩，加埋配上既醬汁，好開胃。泰式蝦肉炒金邊粉泰式金邊粉一向係我既至愛之一，不過賣相咁靚既都係第一次見，點整到網紋雞蛋真係唔知，但味道都係好好，酸甜度適中，好好味明爐烏頭呢個真係大份到呆左，仲配多一大碗有埋餸既湯，唔單止有魚，仲有豬肉、粉絲同菇，真係好足料，我地食唔曬。一開始食覺得有少少淡，可能之前食緊濃既嘢，正常要豉油時，發覺

表姊又約我食晚飯，今次話同我係灣仔食泰國野，佢實在太寵我了。明知我超喜愛泰菜，約係灣仔地鐵站A3 出口等，原住灣仔玩具街一路直上係間酒店隔離，好有格調咁都唔似食泰菜咁，如果唔係當晚落雨朦查查從窗望出應該幾有feel的。聽開同店員講佢地開左3個月到，怪之得餐廳內裡裝修好新！環境舒服！食物賣相靚味道仲好好，份量仲要好大碟，服務又細心。魚露蝦干炒椰菜苗 $88熱辣辣還有香脆嘅蝦干同炒椰菜苗，口感爽脆又咬口夠惹味。半隻海南雞 $128雞味濃，廚師起晒骨，食時啖啖肉又皮香又肉滑，平時唔食雞皮嘅我都忍唔住，好入味真係值得推介。表姊話午餐黎食過，所以一定要帶我黎食喎，真係真材實料！沙嗲串燒 半打 $88雞肉同豬肉各三，燒得焦黃少少濃邊超香，肉夠厚身食落唔乾，雞肉較嫩但我覺得豬肉更ya2嚼頭，而且醃得好入味添，一定要醮埋個沙爹汁添！ 串燒風味！泰式蝦肉炒金邊粉 $108賣相💯 食落酸酸甜甜好醒胃，蛋網包著金邊粉還有雞肉，蛋，蝦肉花生粒，青檸，足料和豐富口感，份量超大。人均約$206 已經大滿足。下次要試佢地嘅兩人餐先，發覺飽到連甜品也要忍口。