一品南記

Open Now

Now Closed

我系買外賣.其中入面有炸両，拎走之前就話想要花生醬.佢就好唔耐煩咁打開比我加，但系加之前我見佢拆開個袋，將啲花生醬醬料包全部掉返上去個架上面，即系本身有比.佢講聲咪得囉，佢叫外賣單號碼果時，我真系吾知邊度睇號碼.佢就沖出嚟搶咗我張飛。啲態度超黑人憎囉。

全新裝修，之前懷舊風味已經變成現代管理，服務禮貌當然比之前主動，環境一定比以前光淨，連隻碗都係新，粥底一樣咁棉，米香味就之前靚D，我相信唔係每個人都識，但已經合格了，講返碗粥：配料比之前多～足料～低食，腸粉以前拉定，E家新鮮拉，又滑～又熱，皮厚左少少～腸粉漿/水多左少少，但已經算合格～好好了！

平日都好鍾意過嚟河畔《一品南記 》呢邊食粥，而家裝修好靚，坐得舒服，企理乾淨，店員殷勤服務。生滾粥即叫即做，粥底好滑，今日叫咗個大滿貫樣樣齊乜都有，魚片小心有骨，豬皮、肉丸、皮蛋、牛肉片、魷魚等等。另外叫咗個季節限定~西洋菜皮蛋瘦肉粥，西洋菜纖維好高好健康，皮蛋瘦肉又香又滑。最喜歡佢嘅鹹肉粽，好大隻，整整一隻鹹蛋黃，肥豬肉餡料實在令人垂涎欲滴，有花生，本身好鍾意食鹹肉粽嘅我，唔使等端午節，正！另外，叫多個牛肉腸粉，都係即叫即做， 滑滑的，甜豉油令整個食物味道更上一層樓。有人要食薑蔥蠔油撈麵，配鯪魚球，呢個可以食到真味道，正！下次一定要點個招牌炸鯪魚球。臨走時見到隔離枱食緊手撕雞粥及叉燒腸，下次都要試埋呢兩個先。

40蚊。。。。。。。。。。。。。。得個8塊。。。。。。。。。。。😅第一次買亦都係最後一次。。。。。。。。。。。。。。。。。。。。。。。。。。。。。。😂

嚟到沙田今餐想清清地，呢間下午茶時段都全場坐滿，雖然店舖唔算大，粥粉麵嘅質數好好。✨招牌細蓉湯麵好耐無食雲吞麵喇，麵質爽彈外皮滑嘟嘟嘅雲吞，裡面嘅蝦肉好新鮮，爽口✨瘦肉艇仔粥熱辣辣嘅粥底好綿，魷魚好味，本身都好夠味，再加少少胡椒粉更加正點少得加埋油炸鬼 同油菜✨鴛鴦腸粉必食腸粉．粉醬做得好好，口感又滑又煙靭鍾意叉燒同鮮蝦，呢度嘅腸粉仲有齊鴛鴦兩款，夾埋一齊食又好夾✨炸雲吞外皮脆到薯片一樣...第一啖咬開"索索聲"沾上甜酸醬好好味✨豆漿今餐食得健康，唔少得加返支冰凍豆漿

今天在沙田圍工作至晚上，見這店很多人排隊，我和朋友便決定試試。🥢招牌大滿貫一品粥🍚我很喜歡吃粥。這個招牌大滿貫一品粥一上台已經令我自和旁人都十分驚喜，它的份量超大，放在桌子上佔足足佔據了半張桌子。棉棉粥十分滑，裏面的材料也很足。鮮蝦跟湯匙差不多大小，彈牙而且沒有雪味。其他材料全部薄切，每次一口份量。以新鮮豬製作成肉丸，鮮味十足！牛肉很嫩滑，沒有渣。🥢鴛鴦腸粉腸粉有鴛鴦選擇，正適合我這種有選擇困難的人。一份腸粉有兩種味道，叉燒🍖味道帶甜，鮮蝦又大又彈牙，真是一次過滿足兩個願望！🥢蔥花蝦米炸兩🥠吃粥怎能不足炸兩呢？這個炸兩軟硬適中，外軟內脆，豉油更是畫龍點睛的效果，令炸兩變得鮮味十足！🥢炸魚皮魚皮炸得又香又脆，吃粥不能錯過之選！🥢鮮蝦鳳城水餃🥟朋友大讚水餃味道鮮甜，份量十足！🍵枸子銀菊蜜🍵兩朵菊花配上枸子，茶味清甜。

同亞女返完主日學係附近搵下野食，見涼涼地我就想食粥，見店鋪都幾乾淨，侍應又熱情。「生滾粥」鮮鯇魚腩粥加皮蛋雖然見到米粒形狀，但粥底好綿滑，粥稠而且清爽不渾濁，鯇魚腩夠新鮮鮮甜。炸水餃平時食開炸雲吞，今次叫左炸水餃，水餃皮炸得金黃鬆脆，餡料有絞肉、冬菇、木耳等材料，真係食唔停。櫻花蝦米炸兩店鋪提供3款醬料：麻醬、甜醬同辣醬，自己可以自行調味。油炸鬼亦好脆口，腸粉夠薄皮嫩滑再埋櫻花蝦更加香。柱侯牛腩撈粗麵牛腩入味又夠淋，牛筋滑嘟嘟夠嫩滑，粗麵又夠爽口，份量十足，粗麵食唔完😂😂。支裝豆槳

今日經過沙田要入油，發現油站附近有很多食肆，所以在這裡食埋午餐。因很久沒有食粥，所以就泊架車在粥鋪門前的馬路邊，準備快手食完就走，怕被抄牌。點知店員很好說慢慢食啦！原來店內有閉路電視，4個鏡頭都是看著門外，他還說若看到抄牌會即通知我們，叫我們安心食野。雖然店比較細，但座位很整齊，我們點了-狀元及第粥粥底非常綿滑和有米香味，還很足料，有新鮮爽口豬膶，豬肚和粉腸，彈牙的肉丸。-招牌細蓉有6隻雲吞，雲吞的蝦肉爽口，幼麵彈牙有口感，加埋大地魚熬煮的湯底，很有傳統味道。-柱侯牛腩河 牛腩淋軟入味，河粉軟滑。-牛脷酥 甜甜地，表面炸得香脆，微熱。因店內有個專放油器的熱櫃，能保持油器鬆脆不會變淋。-脆炸鯪魚球 鯪魚球炸得外表香脆，肉質彈牙，點埋蜆介醬汁一齊食，很配合。-鮮蝦腸粉 軟滑的腸粉包著大大隻的鮮蝦，很有口感。-支裝豆漿 豆味香濃，不甜。

今日想食啲簡單嘢，去咗一間沙田圍的粥粉麵的小店。店內環境光猛，裝修簡單，感覺舒服衛生。店員態度友善殷勤。大滿貫一品粥果然好大碗，兩個人share就最啱。材料十分豐富，有蝦、魚片、牛肉、魷魚等等，可能材料多，粥煮得特別鮮味。而且粥底好綿滑，真材實料，價錢合理，值得推介。鮮蝦鳳城水餃麵配幼面，水餃有三大隻，用料豐富，有大大隻的蝦做餡，脹卜卜，好鮮味。麵質好彈牙爽口，份量足。鴛鴦腸粉都幾特別，出邊比較少見。同一碟腸粉有蝦同叉燒，最啱有選擇困難症的我。碎粒叉燒加大大隻蝦，試齊兩款口味。份量十足。腸粉皮好滑，值得推介。脆炸鯪魚球賣相一流，鯪魚球大大粒脆卜卜，新鮮炸起熱辣辣，配上蜆蚧醬，真材實料，食落有魚味。炸雲吞一碟有六隻，同樣脆卜卜熱辣辣，呈金黃色，又有蝦做餡料，我有另一個食法，就係餸粥食，脆得來淋淋地，非常唔錯。

今日陪呀媽睇表妹剛出世bb，媽咪話今日想食下粥粉麵，就搵間粥店滿足下老人家🤭🤭🤭🤭店店乾乾淨淨，餐牌裏多選擇，先點了水餃粗，我最愛，濃濃大地魚湯底，甜，香、鮮，加小小紅醋，更加配合。粗麵夠爽口，，水餃簡直一流，脹脹水餃，有鮮蝦，皮簿餡靚，木耳係入面增加口感。正👍🏻👍🏻👍🏻白灼豬肚加粉腸，豬肚爽脆，粉腸新鮮，加小小醬油、蔥蔥更升華😆😆😆狀元及第粥，粥夠底夠綿，米經過長時間熬出幾乎融化成漿糊，加入豬肚，粉腸，豬膶，肉丸等材料，用料足味道鮮香。豬膶腸粉😍😍豬潤熟度剛好，腸粉皮滑，大量豬潤，滿足到愛吃豬潤的我😄😄😄最後點了杯檸檬茶及豆漿，媽媽表示很滿意

😋與朋友一起打乒乓球，運動後到這家食肆吃晚餐。食肆的內部裝修新，環境清潔，冷氣足夠，侍應熱情款待。🍴牛利酥11元，大大件，已被煎開六件，方便食用，外層香口，內層煙韌，味道微甜。🦐鮮蝦腸粉30元，腸粉滑，蝦肉彈牙，韭黃的味道和蝦肉的味道很夾。🥢叉燒腸粉24元，漲卜卜，內有大量叉燒粒，叉燒味甜，肉質嫩，容易咀嚼。提供了三款醬汁麻醬、辣醬和甜醬，顧客可自行調味。🥩柱侯牛腩淨食50元，牛腩很入味，牛筋軟滑，牛腩有嚼勁，墊底的生菜鮮甜。🍢蝦膠豬肉丸淨食40元，豬肉丸加入了蝦膠，份外彈牙，味道特別，值得推介。🥗招牌細蓉撈麵45元，雲吞有六粒，蝦肉彈牙，幼麵爽口，大地魚湯香濃帶咸味，很適合與幼麵一起吃。

有同事新居入伙，搬咗去沙田翠華花園，今日放工叫咗我哋幾位同事入去參觀一下，之後去咗食晚餐，大家都話天氣熱唔想食飯，想食啲粉麵，咁就去咗附近嘅一品南記食，餐廳地方整潔，主打港式粥粉麵飯，價錢大眾化。狀元及第粥：及第粥粥底綿滑，大米經過長時間的熬煮幾乎融化成漿糊般，但米粒依然可見其形狀，粥稠而不粘。加入豬肚、豬粉腸、豬膶和肉丸等材料，食材新鲜用料足，味道鮮香爽滑 。生滾豬膶粥：豬潤夠新鮮又肥厚大件，而且養肝明目，鮮味爽滑，粥好綿，好好味﹗鮮蝦鳳城水餃麵：大大粒的手包水餃好足料，用上木耳、筍絲、鮮蝦及豬肉，食落好鮮味又爽口，加上彈牙的幼麵，每一口都是傳統滋味。招牌細蓉河粉：雲吞皮薄餡靚，用料十足，薄皮內包滿蝦肉，吃起來很爽口，湯底鮮甜河粉滑溜。蔥花蝦米腸：腸粉即叫即做，軟滑嘅腸粉皮， 加上蔥花獨有嘅香味， 仲有一粒粒蝦米增加口感，再加啲甜豉油、甜醬、辣醬和麻醬，超級好味！炸兩：用腸粉包裹油條，加麻醬、甜醬、辣醬一起吃，外腍內微脆非常美味。

天氣炎熱影響胃口，今晚得兩人開飯，我提議到新店鋪「一品南記」吃粥麵晚餐。四款小食：家人的至愛炸雲吞，雲吞饀的鮮蝦與豬肉是黃金比例，雲吞皮炸得金黃酥脆，再蘸少許甜酸汁，完全沒有油膩感。我的至愛酥炸鯪魚球，很豐厚的鮮甜味道，口感爽滑，與鹹香蜆介醬齊吃是絶配，吃得很開懷。牛肉腸粉和炸兩，腸粉口感柔嫩有彈性。家人的柱侯牛腩湯麵，有筋腩湯麵售$38是物有所值。我的生滾及第粥，先嘗多款小食，現在嘗粥温度變得剛剛好，淺嘗嫩滑豬潤、爽脆豬肚、鮮味豬肉丸感覺很滿足，粥底很綿密，好吃的。

新開張期間，啲油炸鬼都幾有水準。同舊舖嘅品質不相伯仲。所以每次光顧，都係必定之選。可惜，而家應該係全港最難食嘅其中一間。又奀又硬🥲連帶影響埋炸兩😖粥店，無咗靚油炸鬼，同茶餐廳無靚奶茶差不多。等接。

已經有一段時間冇食港式粥品，原來一品南記翻新左，新淨又好坐，小朋友又鍾意食雲吞麵，一於就去食靚粥麵腸粉。🥰坐底點左招牌細蓉幼麵、瘦肉艇仔粥、炸兩、齋腸粉，飲品有黑糖薑母茶及杞子銀菊蜜。😍招牌細蓉幼麵湯底鮮甜，好有傳統廣東麵嘅湯味，麵雖幼小但超彈牙，而主角雲吞大大粒，咬落去鮮蝦味濃。😋瘦肉艇仔粥好綿，用長時間煲特別滑，所有艇仔料都齊晒如花生、魷魚、肉碎、豬皮等等，加上新鮮瘦肉絲，令人再三回味。😋炸兩內脆外軟，油炸鬼炸得香，腸粉拉得夠薄又軟，點甜醬、麻醬、甜醬油、芝麻食有多重口感。😋齋腸粉同樣薄且滑，大家記得落甜醬油食。😋黑糖薑母茶及杞子銀菊蜜，一杯暧胃一杯清熱，夠健康。😋