銀龍粉麵茶餐廳

Open Now

Now Closed

薄煎牛扒、香腸、通粉 - 銀龍粉麵的美味早餐銀龍粉麵的薄煎牛扒絕對是這家茶餐廳的招牌菜。牛肉雖然片薄,但吃起來卻質感十足,入口即化,帶有溫和的醬汁香氣,令人胃口大開。搭配香脆的香腸和柔軟香嫩的煎蛋,是一個簡單又十分豐富的早餐組合。除了主菜,店家的另一拿手絕活就是通粉了。火腿通粉份量十足,麵條軟滑Q彈,火腿片肥瘦相間,加上鮮美的湯汁,吃起來格外有滋有味。這正是所謂的「早餐套餐」代表作,為一天的開始注入滿滿的能量。最後必不可少的就是招牌凍奶茶。冰涼順口,奶香濃郁,恰到好處的甜度,無疑是一大亮點。無論是搭配點心,還是單獨品嚐,都帶來無比的滿足感。整體而言,銀龍粉麵的早餐組合質量出眾,各項食材都有其亮點所在。無論是想來個豐盛的早晨大餐,還是尋找一處恬靜的空間小憩片刻,這裡都是不二之選。

服務態度好，坐位舒服，不趕客，況且食物質素也能保持，得閒都不妨一去，並且咖啡香口，湯水雖然要18元，但都夠火喉，撈飯食一流，有兩層樓，厠所又乾淨，應該都很難挑剔

昨天2024年5月9日 中午12:10我去旺角銀龍，因為趕時間叫左個快餐。到12:19 我問侍應：我個快餐係唔係未蒸好。即答我係，跟住去廚房窗口裝一裝，話即刻到。過左幾分鐘未見窗口有我叫嗰個餐出，個侍應話等多2分鐘，問我好唔好，我已經唔識答佢。再過左幾分鐘，個侍應又去廚房出菜窗口裝一裝，同我講等多5分鐘。我答佢：我唔要個餐了。起身執野走，個侍應叫我廚房：唔好理出比佢。廚房回覆我聽唔到，但係我見到廚房指，嗰份餐唔出得。侍應鬧廚房：照攞出嚟啦。我說：你唔得說唔好夾硬嚟啦。轉身就走。我唔滿意嘅地方一） 知道個餐未準備好，一開始就應該通知客人，給客人有得選擇。二）連續兩次「裝一裝」這個動作，根本在做樣，欺騙我，拖我時間。三）見我要走，就準備提供一份未準備好的食物給我。我食咗會點？

本身同男朋友拍拖諗住食完嘢之後去睇戲，點知想食嗰間唔知執咗笠定冇開，就去側邊求其搵間嘢食！銀龍周圍都有分店，睇佢佢個樣都係光光淨淨多選擇就唔理啦，入咗去先我同男朋友都睇咗一輪先揀！佢就嗌咗個咖喱雞，因為想食咖喱，雞就係我揀嘅我就試吓佢個湯飯，都鍾意食湯飯本身 感覺又冇咁肥膩咖喱雞賣相好好好大份亦都好足料，有薯仔洋蔥青椒等配菜仲有好多舊雞件，應該都有五件我嗰個金銀蛋鯛魚片湯飯一上枱嚇親男朋友，佢驚我唔夠 🤣🤣然後覺得個賣相唔吸引 不過我就OK嘅只係睇落好細份（雖然真係）材料比較少鯛魚好薄嘅大概有四至五片，不過正常食唔飽的，鹹蛋應該煮咗落湯所以睇唔到，皮蛋就有幾粒 不過就不太香的質素湯底OK的，但係食食吓會覺得好鹹有好多菇的，不過就整體份量算少，幅相就係美食之前嘅食物照片！加$18要碟菜菜 有啲硬，不過可以接受姐姐服務態度好好哦友善 不過廁所就有啲污糟，有卡位坐就舒服

今天下午五時 ，我走了過去西洋菜南街 銀龍茶餐廳 ，早一些吃晚飯 。我叫了一碟鹹魚雞粒炒飯， 配上一杯熱奶茶 ，大約50元。 炒飯炒得很乾爽， 味道唔錯。 餐廳客人很多， 人來人往， 相信銀龍都係一間出名嘅餐廳。

在附近辦事順便吃埋午餐，見到呢間餐廳就近地鐵，就入嚟試吓，叫咗三個餐，冇一個好食，咖喱吉列魚柳太辣，柱候牛腩，啲牛腩好鞋，唯一一個黑椒豬還算可以，普普通通，3杯熱飲，一杯朱古力同好立克甜到溝咗兩杯水先飲到，一杯熱咖啡就唔錯，總之一句，冇下次服務態度又差

📍銀龍粉麵茶餐廳 (旺角)旺角西洋菜街59號地下今朝8點幾就到旺角，出左地鐵站就搵早餐食，見到銀龍有開就諗都唔諗入左去了…食個火腿通心粉碗牛角包🥐雙旦熱奶茶通粉都幾大兜😂我都食唔灑…其他都正正常常😆不過留意星期六日會加收2蚊….

今日去銀龍吃午餐 叫咗個蘿蔔炆牛腩 結果個蘿蔔凍嘅，明白d蘿蔔一早煮好曬，但係上比客人時，可唔可以煮熱d 唔好咁求其 跟住叫人叮熱佢（因為趕時間 ）吃咗咁多最中伏係今次 咩心情都無曬 服務態度都OK 不過佢d食物質素時高時低

出地鐵站賣完東西後，俄了，而且餓得腿打晃，快站不住了，所以趕快找吃東西的地方，往前走了不遠，即看到了這家銀龍粉麵茶餐廳，趕快衝進去，一樓客滿，衝到二樓，落座點餐：雲吞麵（到任何一家茶餐廳都要點的東西）、牛肚河、炸魚皮、奶茶。雲吞麵，麵筋道、蝦彈牙、湯底稍清淡；牛肚河，牛肚滷味醇厚；炸魚皮，未留下深刻印象；奶茶大贊，茶、奶比例恰到好處，口感幼滑細膩，非常滿意。本只想填飽肚子，沒想到卻得到了一個意外的驚喜，莫非是過於飢餓，吃什麼都好味不成？

我真的食唔起:$38一碗魚蛋粉,,$45一碗牛肚米,唔包飲品,兩碗野仲要係無味道,無伴菜,無乜蔥花,要飲品?話優惠價$11,就可以加喎,我係港燦,真的唔會再加$11去比佢地賺囉...唔怪得全間野得我地兩公婆似香港人,食咁少野.......食完,坐一陣睇睇隔離自由行食啲乜?佢地都揀唔落手,都係食碗粉,仲自我安惠話,"香港係咁架啦".坐我地對面既一位類似中招的自由行同志,碗魚蛋面未食完就走,真的真的好難食...全部都係清水碌,

這日在旺角，人多天氣又熱，想喝杯冰凍港式凍奶茶。剛好看到這間茶餐廳，一於進去順便吃個午餐。第一次來，原來menu選擇頗多，有點翠華的影子，不過環境就不及翠華企理。最後決定吃份馬拉咖喱石斑飯，加杯凍奶茶。奶茶先到。香濃茶香，有水準，好喝！(4.5/5)接著咖喱和飯送到。飯的份量很多，而咖喱的顏色則黃得有點奇怪。咖喱內的石斑肉雖說是雪藏貨色，但肉質實和處理得不錯。咖喱除了薯仔粒和洋蔥外亦加入了較少見的青椒（？這是銀龍馬拉式）。其實這個咖喱的味道有點接近葡汁，不夠香辣，不是我杯茶。(2.5/5)

四月下旬‧晴忙到七彩的一天，約了朋友吃飯，來了這裡，純粹就他。要了碗魚蛋米線，味道很淡。壞處就是不好吃，好處就是至少不會太整色整水。反而杯熱咖啡不錯，幾滑身味道也濃郁，不酸不苦，有水準的。

自從上一次花園街銀龍既失水準既茶餐之後.久久都對呢間敬而遠之.但一次並不能定成敗(除非太唔好食啦)好,今次試多一次(不過係同區別店)叫左個普通西冷牛扒配意粉$42先嚟忌廉湯3分:無一舊舊,OKMAIN COURSE3.5分:都好易鋸開.明顯係鬆肉粉既功勞. 配菜都叫有炒過.合格啦!跟餐叫左柚子茶,無特別!服務都不過不失,但有兩.三個服務員晌水吧前有太多助語詞.好似有D...不過.呢D唔係就係MK茶記文化?好啦.俾番個OK你啦!

又是旺角區的茶餐廳早餐. 是日一行行到來西洋菜街. 位於旺角正中心的大街大巷, 舖租應該甚貴, 呢一間銀龍, 多年來都是在這繁華的鬧市中, 保留一些香港的原有文化. 此銀龍, 門面換了LED燈, 夜晚會閃下閃下, 是較為吸引的. 入到入面, 是保留了一貫的茶餐廳風格,完全沒有因為翠華的影響而把原有茶餐廳的格局改變了.同樣的, 我要了公仔麵餐. 不過今之就要了雞扒麵. 雞扒, 煎得香口, 油不算多但起碼雞皮夠脆. 醃得好, 味道入肉三分. 雞肉有味是最好食的雞扒. 中國人食野, 最重要, 就是入味. 湯底, 是加了雞精的湯, 格外的鮮味, 不過, 用雞精....即是用味精啦......黑白奶茶夠熱夠滑夠好....食飽.....又要繼續為生活而忙碌啦.....

一行三人午餐，茶餐廳乜都有，實揀到野食，坐一樓卡位，我叫咗「咖喱牛腩」跟意粉（$50），無湯無飲品，要加飲品要加$8，特飲加$15，太貴了，不值，食物很快上枱，意粉不會太淋，少少咬口，幾好，咖喱汁夠濃厚，唔太辣，牛腩有五件，大件嗰啲肉較嚡，仲有三件牛筋，牛筋粗身夠淋，配埋青椒洋葱薯仔，味道真係唔錯，侍應勤快，環境較迫較嘈吵，旺角食餐飯咁上下