銀瑚牛扒餐廳 (Closed)

呢間深水埗的小店，真的是城市中的綠洲，現今的時代最緊要講服務，而這間小店的員工，確實達到這個標準。首先講環境，這間舖一入到去， 就已經感覺到一種很classic嘅感覺，經典嘅格仔地磚，再加上港產片中的卡位設計，簡直令人有如回到80年代，超有懷舊feel，正，至於食物質素方面，本來覺得非常之高，我叫左一份牛扒餐medium well，首先飲咗一個紅湯 開開胃先，waitress姐姐仲主我，要否添飲，令我感覺非常之親切，激讚，雖然我沒有添飲， 但這個行為令我感覺上非常之覺得值得加分，飲完前湯，食完前菜炸薯條，好快主菜就送到我面前，一加汁，就已經非常鮮嫩嫩滑，再加上前菜的薯條，簡直係我所想的完美扒房感覺，超激讚的一次好的惠顧經歷

在深水埗呢間唔算平，不過食物、環境、服務等等都唔係好，食客唔算多，但係落單後等好耐。叫左個炒飯跟湯，兩樣都過濃，雖然炒飯係好多、好大碟，但食左呢餐飯之後覺得非常十分口渴，覺得食左好多味精落肚，感覺好唔健康。深水埗有不少餐廳，價錢都比呢間平，而且食物比呢間好食，又唔駛等咁耐。其他餐廳叫左湯仲可以包埋熱飲(當然凍飲再另加錢)，但呢間只可二揀一，揀左湯就唔包野飲，無咁抵。因此，在深水埗唔去呢間仲有好多其他更好的選擇。

和家人去食晚飯，家人叫有珍寶腸和魚肉那碟飯，飲奶茶，佢食完之後就開始覺得唔舒服啦，食物唔乾淨，好唔好味已經唔重要。另外還叫了吉列牛扒飯，吉列牛扒本身已經好乾，還要汁好少，飯又多，所以成個飯可以用「乾爭爭」三個字去形容。而另一個牛扒飯就一般，兩個牛扒飯都有菜，但都係菜好硬，食唔到。至於環境方面，這間餐廳比較舊，其實現時香港仍有不少餐廳都係比較舊，不過環境舊都算，最緊要係食物夠乾淨，千其唔好食壞人囉。

話說星期日晚, 屋企無人煮飯, 老婆又唔得閒, 一枝公唔知食乜好茶餐廳雞扒, 豬扒常餐,  平時返工都食唔少啦於是貢左落去醫局街, 睇下有無乜野好食, 順便去飲杯涼茶銀瑚, 呢間野響好運隔離, 但應該先講下好運, 佢係好舊好舊既食肆,貌似普通餐茶廳, 但其實內裏唔普通, 佢地有火煱, 有海鮮有日日唔同既蒸魚, 有普通常餐亦有唔普通既小菜, 鑊氣一環就高過普通茶餐廳, 值得去試下既只係唔知點解, 開飯搵唔到佢地既資料好, 到銀瑚,  佢地同樣係茶餐廳外貌, 裝修比好運新淨, 但其實都唔算新橙色裝修, 感覺有D暗但佢地D野食幾特別, 居然有大良蝦餅, 唔係度度有得食今晚我就膽粗粗叫左個豬膶煲, 哇, 正豬膶: 放心, 好多塊, 畢竟唔係貴野, 咬感爽口, 食落入面有少少紅, 不過今日星期四都無事我諗應該都無事卦當然非黃沙膶, 黃沙膶我而家都唔敢食, and有D筋, 但正常既, 無你仲驚啦膶味一般, 雪既, OK咁啦東菇: 切成片, 入口淋, 易咬爛, 香就唔香, 少少菇味配料仲有洋蒽頭, 薑, 蒽, 青椒, 加理醬汁送飯係唔錯白飯: 一碗, 但就真係細左D餐飲: 凍檸檬茶, 志在解下D油膩

在深水埗區的工作已進入倒數階段，把握機會多吃一兩間區內的食肆，因為將來重臨的機會不大，我很珍惜人生中與每一位人士和地區的緣份。選這間餐廳原因很簡單，因為我沒有來過，和午餐不想太花費。套餐有多款，選了紅燒豆腐飯，可選例湯或茶啡。我選了咖啡，味道不過不失，有些香味，收貨。紅燒豆腐飯，份量頗多，豆腐，肉絲，菜心覆蓋整碟飯，完全看不見飯的蹤影，豆腐很滑，沒有酸味，肉絲可口，茨汁不稠，加兩條菜心，吃得很滿意。若是日後重臨深水埗，也會再來這店，後會有期。

店名：銀瑚牛扒餐廳 Ngan Wu Steak Restaurant平民式茶餐廳地點：深水埗醫局街199號地下，電話：2729 1008光顧次數：多次。(1) 湯飯類：味菜墨魚仔湯飯，$40；(2) 中式小菜餐；涼瓜火腩飯，約$37；(3) 自選A餐：魚丸通粉+兩片紅腸及荷包蛋，$28；(4) 自選A餐： 五香肉丁銀針湯粉，$28。共兩人享用本餐，合共約$33.3元。食物的色香味如何：靈活組合，自選A餐的粉麵可選擇達8種之多，計有：瀨粉、米粉、油麵、米線、意粉、可粉、銀針粉，現在可選擇銀針粉的店舖不多，所以我非常欣賞，這裡的銀針粉很爽滑可口；種類上，此店具有多款中西式的飯餐，單是湯飯類可供選擇的已達廿餘款，而我曾經吃過的有味菜墨魚仔湯飯、味菜蜆肉湯飯和味菜八爪魚湯飯，選材新穎，味菜夠鹹，墨魚仔和八爪魚彈牙，新鮮夠味;此外，荷包蛋生熟度適中，紅腸也香口。環境：一切平民化，裝修僕實無華。服 務：有禮，招呼週到，而且出菜準確度高，沒有出錯的情況。衛生：可以，ok。抵食：很抵食

西冷牛扒價格便宜 , 牛扒唔細件, 都幾底食 ;叫係5成熟嚟係10成 , 咁不如唔使問啦 !  不過10成熟都唔會好硬或好難食 ,鬆肉粉應該有落但唔係太多呱 ;黑椒汁少而且好"杰" , 個阿姐係咁"凳" , 個壺咀都觸碰到塊牛扒啦 !  衛生分要扣!!  至於汁嘅味道係普普通通 ; 薯條都幾多 ; 牛扒下面仲有幾條菜心 , 個配搭都幾怪 !我一個人坐卡位 , 對面冇人坐嘅 , 個肥大啲嘅侍應兩次跨過我頭上 , 拎個不鏽鋼糖瓶去加番滿再放回 ,其實大把位過但偏偏要經人哋個頭上面過 ! Anyways , 服務態度係散漫同埋粗疏 ; 睇 menu 鐵板餐嘅選擇都唔少 , 又平 , 如果服務改善番少少嘅 , 成日嚟都幾ok嘅 !

今(3-6-2012 Sun)朝早起身,不如趁早啲拎o野出深水埗畀男友兼同佢食早餐,然後佢返工,我去買餸.出到去會合佢後,佢帶我o黎佢食過晚飯o既呢間,10:00am都未夠,竟然聽到有客人問係咪冇早餐?我好奇怪,不過老闆就澄清話有.我同男友睇餐牌,搵極都搵唔到早餐,老闆叫我o地睇後面,我反轉o黎睇,啊,係全日供應o既餐單,不過有啲o野就限定早餐時段有,重要係售完即止o個隻.呢o度o既早餐好得意,任你自己配搭,而且晨早都有晚市至有o既o野食.男友叫o左$26.00o既豉油皇炒河,加$2.00要凍檸茶.我要$26.00o既龍脷柳包,加$2.00要凍奶茶.落單後,亞姐問我o地加唔加o野?男友答加兩份羊扒煎蛋,我即更正話唔係,係一份,另一份要炸帶子煎蛋.亞姐糾正我話我o個份加o野就要加$3.00.啊,咁好啦.佢問問廚房有冇帶子,廚房答冇.噢,好可惜,咁我改要炸蟹拑煎蛋啦.落好晒單,第一樣o黎到o既係豉油皇炒河,份量唔係多,一o黎到我嗅到過火o既(火羅)味,但食落又冇,但唔太惹味,河粉唔會過腍而變得糊口.之後係o野飲到o黎,開頭奶茶o既奶同茶味都幾均勻,但飲到底又覺得奶味多啲,而且唔算滑.然後係

琴日入去, 叫咗7號餐, 芝士焗龍脷柳意粉, 是1-7號餐唯一的焗餐.食咗半碟, d汁好漏, 漏到要邊食邊飲水才吞得下, 其實都幾難入口. 雖然食唔晒, 不過我一向對食物要求不高, 諗住唔好浪費, 叫侍應給我一個發泡膠盒帶走, 夜晚可以再食過.點知侍應話食呢個餐如要取盒帶走要加5蚊.老闆仲走埋嚟話規矩係咁, 餐牌已寫明此餐外賣+5蚊, 如果我叫1-6號餐, 再取盒帶走只收1蚊, 但食7號餐就要收5蚊. ??若我打電話叫外賣, 佢用錫紙盒來裝, 成本貴d, 要+5蚊我能理解, 亦覺得可以接受.但當時侍應取出來的, 明明只是一個普通圓蓋發泡膠盒, 收5蚊?! 我覺得很不合理及有被騙的感覺.除此之外, 我哋另外order一杯可樂, 12蚊居然用一個平時裝熱飲的小膠杯嚟裝, 加埋冰, 我諗大概得200毫升嘅可樂都無, 除了好唔抵之外仲覺得好突兀, 都係第一次見有餐廳用熱飲杯裝汽水. 去完呢間餐廳後成日都覺得好唔開心. 奉勸各位去之前要三思.

被食友的照片吸引着，一個人走進這間身處醫局街內，位置甚為隱敝的茶記....來光顧的大多是在附近工作的地盤或車房工人，市井味道十足十。所以這兒賣的食物，價位自然是便宜得很....看到食友們order的豬扒包很像樣，也就叫了一個試試。店方用的是軟身長餐包，勝在有預先烘熱過，吃落夠熱，可以收貨；豬扒乃連骨之雪藏貨色，有用過鬆肉粉處理的，本應不合格，但又勝在醃得很夠味道，而且又是即煎即吃，所以還不稱得上難吃；配菜如生菜絲、蕃茄片及沙律醬也是下到足。以十多塊錢一份的價值來講，已是很okay的了...牛脷米不常出現於普通茶記的餐牌裡面，原因可能在於事前處理牛脷有點麻煩。難得這兒有得點吃，小弟又是另一熱愛牛舌之狂人，自然就要叫碗吃吃。看到端上檯時之賣相，掌勺人將事後放上燒汁的牛脷放在熱湯之上，很自然地汁就會走進湯裡。若牛脷沒經預先醃定的話，自就是一點味道也沒有了。肯定若果將兩者分開上的話，效果一定更好；說回牛脷本身，切得既大塊又厚身，但肉卻甚韌；伴菜只處兩條菜心，吃落又爽又甜，又不差wor；可惜的是吃至尾段之時，不幸地竟咬着侍者那張米褐色廚房下單紙的一角，連一向天不怕地不怕的我，也登時大皺眉頭，有點

第一次寫食評...有d緊張添嘻嘻~因為男朋友話我成日影埋咁多相....做咩唔上黎寫食評喎...哈~星期5晚上同男朋友星期6到深水埗覓食.....但我又唔想成日只係去西9到食....所以都上左黎搵下有咩好野食~就搵到呢間......睇到個個食評都話佢個豬扒包得...所以我一早就決定食呢個啦而且佢有個自選餐....都係$27..凍飲加$2所以我就要左沙嗲牛肉麵同豬扒包...凍奶茶少甜~不過黎到果陣一飲我都覺得好甜=.=!!麵仲係用出前一丁!!讚個豬扒好大塊-v-!!如果去埋骨仲好不過都真係幾好食~而男朋友就叫左五香肉丁麵同蟹柳煎蛋~~~男朋友話蟹柳幾好食喎~~~哈哈~但我冇試~~整體黎講都好味.....因為我好耐冇食過好味既茶餐廳~~下次去深水埗都會再食呢間^^!!

我差不多每日到會過來這餐廳食Lunch, 因為可以食得好飽, 基本上都會叫唔該少飯 因為這餐廳除了每日有7款不同既飯餐之外 (包括: 中or 西湯+餐+飲品) , 可惜今日冇款啱食,唯有試吓自選餐大優惠喇, 哈哈, 我揀咗菱魚球粥(冇碎骨)+豬扒飽+熱奶茶, woo ...豬扒飽超正呀, 唯一唔好就係我嫌豬扒有骨囉 最後我覺得呢個餐又可以幫我慳幾蚊)及醫飽既程度剛剛好,所以啱晒值得一提這餐廳d 員工好nice

基本上一個星期都起碼食兩次, 因為近我屋企. 同埋好多款式, 唔會怕悶...通常我都會睇下有咩餐食, 因為有七款咁多, 唔難搵到心頭好. 如果真係冇, 就會食茶餐...呢度 d 咖喱好好味... 首推咖喱牛脷... 如果o個日有呢個餐, 基本上都唔駛諗其他野; 我通常會叫佢俾多 d 薯仔, 因為 d 薯仔整到好林好好味.另外佢個茶餐我通常會食豬扒包... 個塊豬扒好滑, 個包亦唔會俾隔夜麵包;同埋呢度 d 奶茶係超超超超超好飲... 我同我男友個肚都好弱, 飲親奶類飲品都會少搞肚; 但係我地寧願搞肚都會叫呢度個奶茶飲... 好似上隱咁.美中不足係堂食個環境問題.... 坐出面都 ok d, 但坐入面通常都有烏蠅; 所以我地通常都係叫外賣.

周末或假日的下午，總愛到平民式茶餐廳吃個開心下午茶，每逢到深水埗的那天，一雙腳不期然便走進銀瑚！或許，這裡是平民區域，消費比其他旺區較便宜，租金也相對低，食物價錢自然可以調低一點；舉個例，下午茶一款麵或包配咖啡或茶都只是十七元，兩款則是廿一元，很經濟實惠！這天我選了肉丁麵跟雞扒包，別的店子用的是大光麵之類，這裡就只賣出前一丁，成本也高一些，其次，配肉丁不需加錢，我吃過一間茶餐廳，肉丁要加三元啊！另外加上美味可口的雞扒包，雞扒肉質很鮮美，而且塊頭很大，心想，收這個價錢還可以賺多少？它的香滑又不“鞋”口的奶茶，也教人回味，飽餐一頓之後，晚飯都吃不下了！