鵝記渣咋

Open Now

Now Closed

行完廟街夜繽紛，黎嗰啲依度食就最啱啦舖仔細細，五臟俱全。餐廳空間唔大，最多五人一枱。人手落單，只收現金糖水價錢合理，糖水夠熱。薑湯湯圓6粒$24，渣咋$28，蓮子桑寄生茶加蛋$30下圖為參考，食緊先影嘅

又是支持小店系列，不過，其實這間店名氣也不算小的了，在廟街屹立多年，絕對是有名有口啤的中式糖水舖。對比起同區另一間排晒長龍的某某甜品，要食渣咋的話，我就一定選擇食這間。個人認為凍渣咋比熱渣咋好食，有好多不同豆類，又有芋頭及西米等，非常足料，而且每粒豆都煮得好夠腍，椰漿及花奶比例剛好，不會太甜。至於鮮水果西米露亦算OK，畢竟只要水果新鮮，很難會不好吃吧。

這間店䇄立多年，之前在彌敦道的大鋪面，搬進內面廟街一個小店，現在傳統港式糖水買少見少，所以飯後決定來個傳統糖水。要了一碗凍喳咋及一碗凍芒果涼粉。喳咋非常足料，上面倒了花奶，增添香味，甜品剛好，豆非常軟粉，整碗很足料。涼粉不加修飾，糖水底有點甜，上面新鮮芒果好甜好吃，吃完清涼。

今晚喺油麻地食完飯，周圍逛逛。因為好多年冇去廟街，打算入去感受一下香港嘅本土文化，順便重拾一下以前嘅回憶。點知行行吓，俾我哋發現有間似曾相識嘅糖水店 ⋯⋯ 原來係澳門好出名嘅 「鵞記」。同行嘅朋友跟我好有默契咁，二話不說，就入咗去幫襯了。🤭「鵞記渣咋」一入到去，當然要 order 碗招牌 「鵞記渣咋」😋 足料👍🏻 大大碗👍🏻 仲有香濃椰絲膏👍🏻 食完第一啖，澳門嘅回憶即刻返晒嚟 ⋯⋯ 澳門，很想念你哦！幾時先可以變返正常日子呢？🧡💛💚💙💜🖤❤️🥹

廟街入面🚥有間比較舊式嘅中式糖水舖💁‍♀️「鵞記渣咋」。細細個果陣👧🏻爹地、媽咪帶過我去食，不過都好多年冇去食過啦⋯⋯😗今次食嘅目的係尋回兒時回憶👶🏻多過食佢嘅味道。☺️我叫咗碗”凍渣咋”，店員淋埋椰漿同花奶再上枱。😉有好多唔同款嘅🫘豆類、蓮子、芋頭、西米等等嘅材料，非常足料。🥳口感豐富👏，味道都可以，唔算太甜。🤭為食仔就食”凍綠豆沙”，相比之下就冇咩特別啦😐，不過不失。😅食飽飽🤰買多2碗熱渣咋比屋企人食。😎

往彌敦道行百貨公司購物後，去附近的鳶記甜品店食糖水，店在廟街天后廟附近，是正宗由澳門人打理，最著名皇牌乃渣咋。坐下即刻叫了一碗熱渣咋再加一碗熱紅豆沙。渣咋的價錢只賣二十六元，可說超值，因為內容豐富，有不同款式的豆豆混合煑成，豆豆夠腍但還是粒粒完整並無煮爛開花，糖水面加些花奶中和甜味，吃完感覺滿足非常！一邊食一邊已見有幾位客人外賣，全部都是叫渣咋。可見非常出名！可惜再品嚐紅豆沙便覺得非常普通不及其他糖水舖，只得紅豆一樣，並無添加陳皮，蓮子，百合等等去配合，味道便覺得單調，只得甜水一碗，價錢少貴。

好多年前來食過，印象中的喳咋好多料而且味道不錯，所以和朋友在附近食完晚飯後，便提意來尋找記憶中的味道。🔸喳咋中式糖水我鍾意熱食，感覺味道較突出。喳咋是她們家的招牌糖水，味道的確不錯，而且用料十足。🔸芋頭西米露有點失望，西米露只有凍食供應，凍食的芋泥結成硬塊，根本不能溶落西米露，導致芋泥和西米露的味道是分開的，而且西米的椰汁味也很淡，芋泥同樣沒有芋頭香和味道，整體就是無味。除了喳咋，我想其他甜品也應該沒太特別，不用特意來食。加上店舖燈光好暗，初頭係門外還以為未開舖，燈光暗加上環境普通，所以不是坐得太舒適。

我個人好鍾意食糖水的但我便比較多食的不是西式的糖品， 而是中式的糖水呢！ 例如來到呢間小鋪叫鵝記渣咋糖水舖， 在我最鍾意食保仔飯的對面， 油麻地又係比較方便了！ 一定要食呢個桑寄生蓮子蛋茶啦！

呢間朋友推介，其實係朋友想食渣咋，我個人唔喜歡食，晚上9：30，正常糖水舖應該多人，但呢間未入去已見到拍緊烏蠅，完全冇咩人，感覺有d伏，再上食評睇，劣評多過讚，唯有硬着頭皮去點個芒果布丁，點完發現又係伏，26蚊完全唔值得呢個價錢，布丁上面有幾粒芒果，食起來有連皮，削得唔乾淨，個布丁完全冇芒果成份，似用啫喱粉整咁，布丁又唔落花奶，芒果同個脅丁好似完全分開咁，兩碟餸咁夾硬放一齊，26蚊又貴又唔好食，個環境又暗淡，出面又有d大媽唱歌，感覺烏煙障氣，唔會再幫襯。

尋回70後嘅童年回憶系列，經過廟街依間啊爸啊媽年代嘅童年回憶，見冇乜人就入去試咗碗招牌糖水。舖頭係非常懷舊嘅設計，昏黃嘅燈光，茶餐廳嘅檯櫈，好old school。叫咗個招牌渣咋同什果西米露，渣咋十分之足料，有鷹嘴豆、赤小豆、紅腰豆、眉豆等等，佢仲有啲一條條嘅椰絲同西米添，甜度適中，唔會話死甜。渣咋係一早整定晒放入雪櫃，所以拎出黎個刻，係雪到有啲啫喱咁嘅狀態。而個碗什果西米露就麻麻地啦，生果係罐頭嘢黎，可以不試

潮流興懷舊比起味道我諗 更多嘅係一份回憶同埋人情味如果要為回憶定一個價格你又願意比幾多？凍渣咋 $26.有人會覺得哩碗渣咋質感太凝固但多豆，有花奶，椰絲哩個可能先係正宗廟街渣咋嘅味道雖然我未經歷過 不過啲長輩就食得津津有味

有一日要返學返到夜晚，搭巴士出旺角轉車返屋企嘅途中好肚餓，就喺佐敦食少少野先返屋企🙈🙈🙈揀咗一間糖水店食，可能姐姐見到我好肚餓嘅樣子，所以好快就上咗一碗咋喳俾我🥰🥰🥰呢間糖水店我好耐之前都已經食過幾次，佢哋嘅咋喳可以揀凍或者熱，我叫咗一碗熱嘅咋喳🤤🤤🤤 入面有好多豆、芋頭等等嘅配料，都叫做食得飽肚🥰🥰🥰🥰🥰之前見到啲食評話覺得麻麻地，可能因為肚餓嘅原因，呢一碗咋喳出奇地好食😋

千萬千萬，記得記得，要考慮清楚總共叫左3碗第一碗，叫左個凍ge渣渣，真係麻麻地，唔知點解碗野好硬，奇奇怪怪咁第2碗，白果腐竹糖水，d外皮仲係到，又係麻麻地。第3碗，麻蓉湯圓，嬲到唔想影，d湯水就清水有少少薑味，d湯圓全部窿底唔知發生咩事，入面又凍凍地。本身想試豆腐花，但姐姐話無哂，傷心之後又唔敢叫其他野試。3碗計埋成為70元服務一般，環境又一般，本人覺得唔值e個價，不過附近又好似無其他糖水店只好試一下啦。

N年冇去過廟街，風味依然。記得附近有間咋喳好好食，好多椰絲嘅。搵唔到，可能已經冇咗.......經過左呢間糖水舖，上網睇見佢啲咋喳同我想食嘅都係有好多椰絲就入去試吓。好失望，一凍一熱，兩碗都麻麻哋。係有啲椰絲，但唔香，椰汁味又唔夠重。唯一取勝係豆夠多同大碗。20幾蚊呢個份量當飯食都飽，但係我想食嘅係好味嘅糖水。。。。環境已經唔係好坐，仲要服務同出品都麻麻哋，唔怪得成間鋪頭得我地兩個。下次都係走返出旺角食穩陣。

叫左個紅豆沙，煲得唔會太杰和太稀！幾好既跟住一食苦既碗紅豆沙，超級難食呀佢都幾慳皮，連陳皮，蓮子百合乜都無跟住食左幾啖真係頂唔順，無食了！而芝麻糊就正常的食碗紅豆沙甘簡單既湯水都伏都無野好講！