廿一堂

Open Now

Now Closed

🍢廿一堂 Nijuuichi Don 🍢讓人心情愉快的午餐時間又到了💃🏻因爲今天午餐時間延遲了，所以就變成下午茶時間👏🏻👏🏻👏🏻Happy afternoon tea time~~————————————————————————🌟迷你關東煮 配鰹魚湯讚岐烏冬 @$43關東煮足料，獅子狗、冬菇、蒟蒻、昆布、蘿蔔，應該要有的都有，鰹魚湯例牌好味道，讚岐烏冬夠彈牙，另配玄米茶吃飽後喝一口茶消消滯，一流👍🏻🤔一個完美的日式下午茶，推薦。

午餐吾知食咩好 同事話一齊去呢到食啦 所以就即興去左 同預想一樣 超多人等緊位😬我地分左兩批一批等人一批去左買飯先 我叫左巑岐烏冬配關東煮 朋友叫左唐揚雞飯丼 結果佢仲快過我出 😑 等左十分中都未有我個號碼 心諗明明我個啲齋夾就得應該好快 完全吾明點解咁耐 等多陣就決定出去問下 先知原來有人拎左 所以無出過我個號碼🙄好彩去問一問 吾系就呆呆地等了講反個烏冬 巑岐烏冬系出色既 鰹魚湯都好飲😋😋 關冬煮菇同蘿蔔都入味 獅子狗如果可以切段煮耐啲啲會更好 布袋有芝心 但可能我最後食 味道普通所有餐都跟大褔 今日系黃豆味😚都吾錯吃

豚肉生薑燒配65c 温泉玉子 $60小編每次糾結完都係睇心情嗌邊個豚因為有温泉玉子就會冇左燒焦既豚肉質感！不過呢個好值得嗌！因為加左玉子令成個丼好滑好juicy 🥳廿一燒豚丼 $56首先賣相黎講又係好掂啦將每片豚肉既表面都燒得好靚食落！好香呀因為小編每次引唔住即刻食左所以冇留相添！唯有用文字答救🥺每片豚肉都好平均好似五花腩咁肥既地方好juicy 瘦肉部份都脆好焦香小編就鐘意食辣落埋七味粉更好食🤤而且 廿一堂考慮到食左肉會好飽濟佢地都有放甜薑係飯度食到底既時候反而好有口感仲酸酸味味咁好夾喎！🤠

中午12:30到，雖然lunch time好多人，但餐廳座位算多，流轉快，所以等一陣就有位。❤廿一燒豚丼 （$58）套餐包丼飯、飲品同大福草餅。豚肉厚薄適中，中間有少少肥肉，表面同邊位燒成微焦，好香口。肉嘅份量都唔少，可以鋪滿成碗飯。飯係用左日本米，粒粒圓潤彈牙。燒汁味道濃郁，而且有甜洋蔥同醃蘿蔔可以解膩。大福係綠茶餡，外面沾滿綠茶粉，食完好飽😆。❤廿一燒鳥丼（$58）燒雞肉外層都好香，肉質就比較乾身。同樣有跟飲品同大福。

#係中環有咩好食 #會唔會好貴 .上星期同同事係咗去中環 #搵食係...大熱天時由上環行去中環搵食不過真係比我哋搵到一間性價比高嘅食堂呀~.廿一堂📌中環士丹利街33號地舖.入到去，其實有少少覺得似係置身於快餐店係無錯...係快餐店不過當我叫個丼嚟咗你就知佢唔似啦~♦️我點咗個 #燒豚丼 您哋睇唔睇到呀?好多豚肉呀~又多又Juicy夠哂大碗有個大福送比您食~我點埋個 #玄米茶.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣環境：🟣🟣🟣🟣🟣地點：🟣🟣🟣🟣🟣.總括嚟講，廿一堂真係性價比好高堂食坐位夠多又寬敞坐得幾舒服同同事午餐真係必食呀~•••••••••••••••••••••••••••••• @NijuuichiDon••••••••••••••••••••••••••••••.#攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #廿一堂 #中環美食 #日式快餐 #日式美食 #大小帳 #互追 #followforfollow #hk #hkmama #hkmamablogger #hkmami #

中環對窮人黎講無野好食，$60樓下一個午餐少之又少。好彩今日搵食過左中午繁忙時間，2點黎到唔洗等位。坐位都幾多同卡位都闊落。加入會員送UDEN關東煮，甜醬油浸住蘿蔔好入味，竹輪同冬菇彈牙。燒豚丼麻麻，個燒汁好惹味，但豚肉實在太肥，女仔食一定唔鐘意，舊舊都肥到食唔到，真係肉好少。雞肉丼都可以，燒烤雞肉份量適中，少少燒汁都好餸飯，加左個浸菜都健康。跟餐送既麻薯波波唔知係咩黎，無味又淋無口感，不如改其他？

中午要响中環搵食真係唔容易，所以我通常買外賣返公司食。有同事介紹咗一間叫廿一堂，話D日式丼飯唔錯，所以就試吓。我到達餐廳時係中午十一點五十分，唔洗排隊就買到，但攞完外賣走時已經有十幾人排。心諗應該都好食先咁多人幫襯🤔本身勁鍾意食牛舌，所以一見到有廿一厚燒牛舌丼就即刻買。餐牌寫住$64，但店員收我$67，問番原來係外賣要加錢。雖然$3好少，但外賣要加$3覺得多咗啲囉😅等外賣嘅時間正常，期間見到有宣傳話係用日本米，可能就係因為呢個原因，碗飯比較少，以一個男仕來說，其實掙少少先夠飽😅但講返味道就正常，牛舌有四大塊，都夠送飯。但燒烤味就唔夠覺，似煎熟多啲。而牛舌嘅牛騷味都重，喜歡食牛舌就係因為呢陣味。跟餐仲有麵豉湯及綠茶糯米糍，食埋就飽多少少。但絕對有食下午茶嘅需要。唔知下次可唔可以叫多飯呢🤔🤪

午餐，行過聞到好香，好日式嘅炭燒味，見平均唔駛$60有午餐丼飯加汽水，試一次啦！我叫咗廿一燒牛丼 $55包可樂（其它凍飲加$3-$8不等）。好唔掂！牛肉燒到又乾又鞋，本身都唔係瘦，燒完都咁乾，我燒可能好過佢。牛肉唔靚，冇肉味，得黑椒味，用的是粗粒黑椒，有點偏辣。燒肉汁聞就好香，食入口第一啖已經覺得超勁鹹，結果我可以忍受晒啲牛肉，但啲飯食剩三份一。topping有紅色薑漬物、洋蔥、芝麻。唯一要讚係機器點菜很方便，仲可以每樣topping選擇要唔要。（奄尖如我，要親口向售票員講「走洋蔥」「汽水走冰」等，其實都有點煩人）總括：食得飽，但下次唔會浪費錢了

係中環地區想搵個價格商宜，又坐得舒服， 又想係日式料理，好似好多要求，但係呢度就岩哂啦！每次係呢度食飯都係夜晚放工時間，人流並不會太多，座位非常寬敞，太好啦。😁 相信午飯，下午茶時段會很繁忙。今次叫左兩個定食，免費配上玄米茶或汽水一杯 👍🏻鰹魚湯讚岐烏冬 🍲配關東煮🍢，麵豉湯🥣，大根醬油漬🫔 份量十足，魚湯紫菜烏冬麵身清爽，湯汁一啖入口，好好味😋 關東煮雖然係配菜，不過絕不馬虎，獅子狗卷丶蘿蔔入味👍🏻👍🏻👍🏻廿一炭燒鳥丼 🐓亦都是配上麵豉湯🥣及大根醬油漬🫔 滑滑燒雞柳係不錯，不過燒汁少少過鹹，大根醬油漬作為前菜簡直冇得頂！快靚正，推介⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

中環抵食又吾洗等位又坐得舒服既午餐餐廳真係吾多，廿一堂就係其中一間。十二點去到，吾洗排又吾洗等位，今次試下個厚切牛舌飯，然後搵位坐，五分鐘左右就拎得野食。雖然感覺係快餐，但係佢嘅服務不嬲都幾好，服務員又有禮貌。今次個牛舌非常足料，大概有四五塊左右，塊塊都好大塊。但應該係採用日本米，口感同普通米飯不一樣。另外佢也免費跟野飲，同埋有一個甜品跟埋，甜品係凍既糯米糍，是芒果餡料。得閒定期都會再黎食，性價比太高啦。

今日午餐第一次試呢間同事介紹嘅廿一堂, 同事介紹嗰陣話佢係高級版嘅吉野家, 所以令我都非常期待！不過去到睇menu覺得佢更應該被稱為燒肉版嘅吉野家, 因為佢啲丼飯主要以燒肉為主, 唔會有吉野家嘅招牌牛肉飯嗰種因為係第一次食, 我今次就揀咗佢標示係人氣no.1嘅廿一燒豚丼($58), 外賣自取有9折, 最後埋單$53包埋飲品(汽水/麵豉湯/玄米茶)同一粒大福, 喺中環嚟講非常抵食！不過因為餐廳話係即叫即燒, 所以打工仔要有心理準備等大概10-15分鐘返到公司一打開個外賣就聞到好香嘅燒肉味, 豚肉嘅份量都唔少, 肥瘦適中, 肉質有啲乾但係可以接受, 如果有多啲燒肉汁就好了！餐廳喺個飯上面放咗一啲紅姜, 紅姜下面係燒洋蔥。因為我本身唔鐘意紅姜嘅味道, 所以挑走晒佢哋我先正式開餐跟餐嘅大福個皮非常煙韌, 入面係唔會太甜嘅cream, 唔錯！呢個價錢同質素應該會令我瘋狂幫襯, 下次要試同事極力推介嘅燒牛舌飯

今日喺中環食晏，周圍都好多人又難揾位，跟住就行到廿一堂， 雖然好似好多人，但大部分都係買外賣的，所以很快就有揾到位就。呢段時間外賣可以有9折。午市有十多款選擇，有丼飯亦有烏冬類， 可以配牛，豬，炸雞，鰻魚，鯖魚等。今日就食廿一燒牛丼，有大福草餅同玄米茶。堂食$56。由於外賣好多人，所以堂食都票等，應該都有15分鐘左右個飯都好熱，燒牛肉份量都好多，非常足料，上面有點紅薑同芝麻，再加上大福草餅加可樂就好滿足嘅一餐

中環中午時份無論買外賣或堂食都超多人，依家係廿一堂買外賣有9折，食日式餐廳嘅外賣都幾吸引。本來想堂食，但真係好多人又要等位，唯有買外賣食，佢呢度都好多選擇，有飯類又有烏冬定食，今次就叫左1號餐~廿一燒豚丼，連大福草餅及一杯飲品$59，外賣有9折，即$53，係中環係超抵食，等大概10分鐘就有，可以接受燒豚肉好香，而且上面有生薑酸酸地醒下胃，醬汁美味外賣嘅大福草餅會有個小盒仔載住，再加杯可樂就好yummy

喺公司附近冇咩特別野好食⋯同事就話不如試吓呢間嘅丼飯😋燒牛丼肉質比較乾身因為牛肉冇乜油脂不過可能係燒既關係一打開個蓋已經勁香！上面紅卜卜嘅係醃蘿蔔 加埋啲牛肉一齊食會比較冇咁油膩👍🏼燒豚丼用咗五花腩 油脂比較豐富咬 落去會比較腍同樣地亦都好香燒過嘅味道！.芝麻雞翼脆卜卜好香口 如果可以多啲肉汁就更好💪🏻

今次介紹一間好受中環打工仔歡迎嘅日式快餐店🥳～ 餐廳就位於中環Donki上一條街，成日經過都好好奇🧐小編終於有機會試試佢啦！點餐流程同連鎖快餐店一樣，俾錢攞飛再攞餐 亦都可以自助點餐😉餐廳座位闊落乾淨 不過唔算好多，平日lunch time通常都逼爆。食物方面頗有誠意，燒豚丼豚肉厚薄適中 邊位微焦 有焦香😋飯就用上日本米 粒粒圓潤分明有口感🍚面頭都放咗啲酸蘿蔔解膩。讚岐烏冬免費轉咗鰹魚湯 比較清淡🍜似係日式醬油湯底 帶些少甜味。唐揚雞大大塊 肉嫩脆口 好好食🤤跟餐仲送嘢飲同大福🍡大福外皮軟糯 內餡係滿滿嘅忌廉，味道偏甜。除咗主食，大家仲可以加配小食 大致$8-16，小編都試咗幾款。炸薯餅口感非常綿密 裡面質感似薯蓉🥔芝麻手羽其實就係雞全翼，炸得非常香口 值得叫！肉串有啲似ikea嘅肉丸🧆普普通通 無必要試。小編真心覺得抵食過吉野家多多聲，每次消費仲會送優惠卷，唔怪得咁受歡迎！🌟 廿一燒豚丼 ($56)🌟 唐揚雞配日式咖喱讚岐烏冬-轉鰹魚湯 ($68)🌟 芝麻手羽2件 (+$16)🌟 北海道炸薯餅 (+$8)🌟 日式雞軟骨肉串(+$16)味道：🌕🌕🌕🌗🌑環境：🌕🌕🌕🌑🌑價錢：🌕🌕🌕🌕🌑