廿一堂

Open Now

Now Closed

係得中環區返工既大家, 又唔想食貴餐, 呢度甘一堂相信一定幫到你！▼▼▼▼▼▼▼▼▼▼▼【甘一厚切牛舌丼 $(55)】今次是我非常推薦一定要吃甘一堂的美食, 這裡吃到脆彈好吃的厚切牛舌, 重點係保留了很多肉汁, 牛舌份量還是多的, 絕對夠飽！P.S. 絕對會再返黎食。~~~~~~~~環境: 4/5服務: 4/5味道: 5/5性價比: 4/5

中環食飯人多又貴，開業不久的廿一堂，日式燒丼專門店，值得一試。$60的牛脷飯，標明用日本米（粒粒圓圓地，口感Lim Lim 哋，一般般）大大塊厚切牛脷，連飲品及一個大福甜品，坐得舒服，都算食得過。

廿一堂基本上是我每星期都會吃的餐廳(將軍澳也有一間分店)，主要喜歡它性價比高，而且食物選擇合口味。今天晚餐想不到吃甚麼的我又幫襯佢啦哈哈！🤣平時一定揀食飯嘅我今日因為不太餓，所以就揀咗牛肉65°C溫泉玉子烏冬，套裝跟配麵豉湯和大福。另外還加點了一份唐揚雞。🐤味道方面蕃茄湯不是很濃味的那種，雖然吃的時候沒有是令人眼前一輛，但是牛肉和配料份量挺多的，有海苔、腐皮和洋蔥。讚岐烏冬大家應該都知道質感如何，不用說了吧～😙 Mix埋玉子更好吃👍🏻唐揚雞外皮有點太脆和偏硬，以致比較容易𠝹口，大家吃的時候要小心一些。但是味道唔錯，而且夠熱。強烈建議一定要沾沙律醬，十分配！作為沙律醬粉絲的我每一下都沾了很多，正💕飲品我加錢點了柚子檸檬梳打。飲落唔太特別，跟想像中的一樣，但也是 OK 嘅！🍋 唔想飲玄米茶嘅話可以試吓。最後當然唔少得甜品啦！🤤 呢一個大福可以一口吃完，整個放落口十分滿足而且滿滿奶油味。表面灑上了抹茶粉，甜品控不要錯過🧡💛 我想講隔離枱有人唔識大福就丟咗，我超想幫她食埋😭整體來講，係中環呢間店的性價比可以說是幾高嘅，難怪放工都有不少OL來吃。

因為我的放飯時間就已經是下午茶時間，所以常常都可以用下午茶價錢吃到午餐，在中環來說都是一個好處，幫我省省金錢。今天來到廿一堂，好明顯我是因為給餐牌的圖片及價錢吸引而來的。每個餐看起來都好似很好吃，它的配搭也很多選擇。今次我點了H餐 海老裹卷 配迷你鰹魚湯讚岐烏冬，一次滿足我想吃壽司及烏冬的兩個願望。因為我是細胃人士，所以份量對我來說是夠飽的，但始終是下午茶menu，所以不要預計會有很大份。見旁邊食客叫了關東煮那個餐，那款就比較大碗。一份有4件的海老裹卷，卷內的炸蝦炸得很香脆，而且佔卷的一半，所以都很大隻。旁邊有子薑和沙律醬，所以吃上來不會太乾及油膩。烏冬是用鰹魚湯做湯底，所以一上來就聞到很香的鰹魚味，湯底很清也一點都不鹹，配上煙韌的讚岐鳥冬，感覺上很健康又沒有負擔。這次食我都忍不住飲了點湯，不覺得有口乾感。廿一堂是要先買票後取餐的半自助式，在中環地區竟然找到間平民價但高質的和食餐廳，而且今次餐內的2款食物都很好吃，真的很有驚喜。之後會再來試試其他們的套餐的！

今日同同事黎左中上環呢間日式餐廳搵食一黎到仲差d入錯左隔黎果間，因為同一舖頭入面間開左兩間餐廳，另一間係食日式咖哩飯。而廿一堂就係類似日式快餐咁。餐廳有好似大型連鎖快餐店既自助點餐機，極之方便。今次就揀左南蠻炸雞配鰹魚湯烏冬，湯底可以轉蕃茄湯/咖哩湯，$66包飲品同甜品，非常抵食。炸雞：大概有4-5件，唔算大件，炸得ok，配埋蛋黃醬，不錯！烏冬：鰹魚湯讚岐烏冬，昆布都幾多！甜品：黃豆粉糯米糍，入面包左少少忌廉，幾特別，如果唔鐘意黃豆味仲可以揀抹茶味！總結：午餐時間較難搵位，不過中上環黎講十分抵食

其實我知呢間野開咗好耐，以前係間出名食蛋撻既茶餐廳，但係呢間餐廳個門面裝修得怪怪地，我都冇留意裏面食乜，今日睇真啲原來係食日本野，有魚生飯，有丼，有特飲，又唔貴嘅，最平生薑豬肉丼套餐$58，有汽水有甜品，咁我今日揀咗燒牛舌丼套餐，$60仲平過隔離品X同埋翠X, 啲牛脷都幾厚身，又夠冧，但係啲汁咸咗啲，不過都會再返嚟食；但係座位就係似大家樂，自己搵位霸位出去點餐攞嘢食，如果自己一個人食都幾難霸住個位；另外自己回收托盤，有部機可以㩒兩蚊優惠券下次用架

係極繁忙既中環區到外出食lunch 係一件幾苦惱既事..午飯時間一小時由公司出發一來一回要等位等野食實質用餐時間可能係30一mins而呢間就一星期都會食一次..易搵位又幾好食..又同公司近..冇咁趕餐牌有2個 魚生同熟食好多款選擇炸物.蛋包飯..咖喱都有可選麵豉湯或飲品魚生飯套餐都唔洗$100.熟食有些仲好平 $60都有角切寶石丼刺身係切成大粒形狀...份量唔少..刺身新鮮辣味三文魚丼魚子勁多仲好鮮味！呢個三文魚仲帶少少辣仲有d沙律醬配埋飯好開胃

中環食到平野都幾難，平加正就更難中環港鐵站行上少少嘅呢間廿一堂都唔差地點就腳，座位夠多，唔洗點等位✨廿一燒豚丼豚肉入量多，每塊都好厚。煎香後，遠距離都聞到燒汁味。咬落唔韌，爽口的，送飯一流，下面的飯仲有少量燒汁淋面，成個飯都好入味。職員好貼心，會特別會問需唔需要多飯多汁。好彩有選擇到多飯多汁，好味道的一個飯，記得下次黎都要咁點先得。跟餐送餐飲及綠茶大福，餐飲都係汽水個啲選擇。綠茶大福表皮煙韌，綠茶味唔算太重，細細個，做飯後甜品都唔錯。

四個同事一齊去食蛋包飯，平時都唔係好覺廿一堂有得食😗但同佢啲熟食同埋魚生丼有啲唔同，雖然都係要自己出counter買餐，不過佢係有送餐服務嘅！今次發現呢間嘅蛋包飯有好多款式！ 雞、牛、豬都有！咖喱汁又可以揀甘口或者辛口（即係甜啲或者辣啲）甘口黎講的話，譚仔淨係食到10小辣嘅我都可接受☺️我今次就試咗咖喱漢堡扒蛋包飯，啲蛋煮得超滑，漢堡扒又好食，仲係好食嘅珍珠米🥰加12蚊仲有蘋果石榴羽衣甘藍汁👇🏼我自己本身好鍾意飲石榴汁，呢個juice仲加咗羽衣甘藍superfood，健康有營之選！呢餐係中環性價比咁高嘅lunch，為而家苦悶同埋被悲傷充斥嘅生活，帶嚟一絲安慰🙂

呢個價錢黎講算唔錯～地方乾淨整潔冷麵清新爽口，餸菜足夠，冷凍口感不錯三文魚飯都算新鮮～呢個價錢唔會要求太高起碼地方坐得舒服。如果定期更新下菜單會更加好啦～如果丼飯同烏冬多d選擇就好

之前一直都想去試，但係都未食到，今次試過之後真係覺得實在係一個好好嘅選擇！同埋係吉野家嘅good代替品！佢係一個日式嘅快餐店，係要自己好似大家樂咁去櫃檯度買然後等叫號碼去攞嘅。雖然中環lunch真係有好多人，要等位，但係因為turnover都好快，所以唔使等好耐。同普通快餐店一樣，佢食品嘅選項係要非常多嘅，主要係有三類嘅。第一類呢係刺身飯同壽司嘅唔熟食物。第二類呢就係燒丼類，燒鯖魚飯，鰻魚飯，咖喱烏冬，關東煮etc. 樣樣都好吸引！ 店舖頭仲有另一個corner呢係專係賣早餐，一啲英式all day buffet同埋一啲日式嘅咖哩蛋包飯。我就叫咗生姜燒豚肉溫泉蛋飯，先58蚊。佢每一個餐呢都係會一粒大福(右上角)，嘢飲可以係汽水、茶或者麵豉湯。 本身呢我覺得個量唔算好多，男仔可能會唔飽，但係因為有粒大福，大福入面全部係cream, 所以你食埋粒大福就會飽。另外朋友買咗呢個係我覺得menu裏面最吸引嘅，有好多人都食緊，就係日式嘅咖哩烏冬配唐揚炸雞。佢呢度真係即叫即整嘅，炸雞係好熱嘅 食完呢個係會好飽嘅，但好滿足而且都係66蚊，係中環真係好抵。搭枱對面嘅女仔呢個睇落都好吸引，係一個 烏冬配關

聽講廿一堂好抵食，係中環呢度算係相對便宜了，今次lunch時間過來食個飯，點咗日式咖喱烏冬面配炸雞，加多個一個麵豉湯，呢個份量都算大了，咖喱味道好濃，烏冬軟硬係適中的，每一啖都好滿足，炸雞炸得好香脆，外層好薄，口感唔錯，加上個蛋黃醬好夾。

不是第一次來了，呢間餐廳堂食好過外賣好多，所以如果可以要盡量選擇堂食。而且餐廳都大，有好多卡位，在中環來講，算吾錯。今晚我同男友各自選了廿一咖喱唐掦雞丼套餐，有麵豉湯同大福再加$12配抹茶紅豆冰特飲。炸雞丼好好味但杯特飲吾好飲，好一般麻麻地要加$12吾值囉男友果份廿一炭燒鳥丼套餐一樣有麵豉湯同大福$8巨峰椰果梳打，燒鳥丼好味，雞肉嫩，吾錯。值得一讚係柜檯職員，個人喜歡食炸物鐘意配沙律醬，炸雞丼無跟，所以到櫃檯問，職員好有禮貌地用碟載上，值得一讃，雖然好簡單的一件事，但她好有禮貌，所以感覺良好，對呢間食店有分加😆

之前介紹過佢哋嘅下午茶，覺得真係好抵食，唔使$40嘅價錢，就可以喺中環區食一個都幾飽嘅下午茶。不過今次去到未到下午茶時段，於是就試吓佢哋嘅午餐，午餐價錢大概$50去到$90不等，如果你係食魚生飯，咁都係$100內。今次我就叫咗一個咖喱烏冬，加上炸雞。炸雞好大件大概有五件左右，炸得好香脆。加上蛋黃醬係絕配之選。咖喱烏冬好香濃，每一啖烏冬都有滿滿嘅咖喱醬，鍾意食咖喱嘅你千祈唔好錯過！另外魚生飯下次都可以試吓

好耐之前已經有聽過呢間餐廳，因為真係好鍾意食咖喱，所以一路都好想來，不過一直都夾唔啱時間，今日放假終於約到朋友一齊嚟食啦我叫咗一個咖喱炸雞飯，份量好大份，咖喱味好好味，炸雞都係好嫩滑分量大到食唔晒，唔想浪費，就打包餘下嘅部分回家佢跟餐仲有個好似麻薯咁嘅甜品架，哈哈因為份量真係太多，都完全唔記得咗食，食落口佢冇好Lim嘅感覺，不過當然都係講唔到嘢嘅，味道甜得來唔會太過火，好好味呀講真以60幾蚊來講食早呢個質素嘅咖喱炸雞飯真係好扺食