肉肉烏冬

Open Now

Now Closed

📍是用貓貓做主題嘅日式烏冬店! 位置好近佐敦地鐵站 離遠就見到有一間木色裝修舖頭 裡面由餐具 調味料同食物都有貓貓元素🐾 🌀 武藏野風豚汁烏冬 (沾烏冬) 可單點 或選擇套餐 套餐包1份小食及飲品～ 豚汁使用鰹魚汁做個base 然後加入大蔥/ 油揚/冬菇片/芝麻等令到湯頭味道更豐富 不過壽喜燒湯底質感偏向流質 唔算掛湯食落比較淡 但幾香烏冬就唔夠煙韌 雖然話武藏野烏冬使用埼玉縣地粉 有小麥成份 應該係鹽量高而彈牙 但食落真係比較似煙韌版嘅蕎麥麵😹🌀 薯仔忌廉咖喱烏冬表面印上貓貓手爪 睇落超可愛 啱曬打卡～ 面層忌廉相當有厚度杰身creamy 中間加入不少牛肉及豬肉粒 加添層次 相信忌廉愛好者應該都會很喜歡 🌀 厚切吉列豚腩炸粉與豚肉並沒有分離 吉列脆漿超鬆化 唔錯

咁又係佐敦呢頭食，入面好多貓設計嘅嘢（睇到最尾）咁其實呢間呢個門面幾靚嘅都想試好耐咁不過呢都係食隔籬嗰間魚蛋粉多咁我自己呢就叫咗個薯仔忌廉咖喱烏冬都幾膩同好（漏）個樣就幾靚，味道都OK略為甜同埋另外都加多咗個豚肉片（ok既）跟住另外兩位朋友呢分別呢就是食左明太子溫泉蛋冷烏冬同埋呢個吉列豚肉飯咁味道都係略為甜㗎個蛋咁最後盛惠就$284 啦，我同另外兩位朋友都覺得呢其實可以叫兩個嘢食再分三個人食會比較好，因為都比較濃嘅口味，頭幾啖係會想繼續食，但係食到一半就覺得都夠咁後尾呢其實都再加多咗個冬菇天婦羅嘅都OK正常囉

本身係網上search左佐敦有咩推介, 自己本身都中意食烏冬就被依間吸引左, 同埋個薯仔咖喱烏冬賣相幾吸引, 但可惜當日7點已經賣晒了咁就點左兩個沾烏冬食, 因為出面好少聽沾烏冬, 多數湯唯主, 就試下佢啦結果係超乎難食！！烏冬麵質唔彈牙, 如果佢係出名自家手打既話, 係可以講好失敗沾麵汁同普通湯無分別, 係我食過最稀身既沾麵汁, 基本上係掛唔到上烏冬上菜時提左我地小心熱, 但其實個沾麵汁係無好熱, 我兩三分鐘後已經凍晒, 而烏冬又唔係熱既食到最後問加唔加柚子湯飲, 想講其實佢本身已經可以就咁飲, 一D都唔係平時食開沾麵果種又濃又稠身餐點失望都係其次, 當日叫左套餐所以都有兩款小食跟埋, 小食味道正常但當我地一夾起最後一舊, 店員快到我都未擺落口已經收起隻碟, 其實都知香港食野有用餐時間, 又多人排隊, 但你本身set左用餐時間就可唔可以唔好趕客咁, 小食係咁, 當然食完個烏冬亦係一樣總結, 我唔排除佢薯仔咖喱烏冬好味, 但如果要咁既服務我都唔會再去試了

朋友在佐敦工作，話公司附近有一間忌廉咖喱烏冬超級好味，極力推介，終於有機會去會一會它。早上 11:45 分來到，已經有好幾個人在等着店家中午12:00 開門，既然時間尚早，在附近逛一下，正午回來，幸好座位不多的店也仍然有枱。一心就是要吃忌廉咖喱烏冬，所以二話不說、毫無懸念，和朋友一人叫了一碗。忌廉咖喱烏冬碗面是一隻朱砂赤色的貓爪印，絕對搶 fo ，打卡之餘，又可成為讓人印象深刻的標記。打致幼滑的薯蓉混和香滑的忌廉，再加入甘甜而不過辣的日式咖喱，造成濃厚而絲滑的忌廉咖喱糊。內藏粒粒嫩滑雞肉，起初還疑惑會是一碗齋烏冬呢！介乎於湯汁和醬汁之間的濃稠度，剛好讓每一條烏冬充分沾上，條條滋味 😋。好彩朋友有經驗，知道一碗忌廉烏冬已足夠我們果腹，所以果斷決定只叫兩碗烏冬，吃完還感覺晚餐都可省掉 🤭。QR code 下單期間，因網路緩慢，索性請店員直接下單。友善店員還提醒可以將包包放在椅子下面，這樣，雖然店子小小座位有限，但是客人將包包放在椅子下，就可舒舒服服用餐了。

下午同朋友行經佐敦，見到一間烏冬店面精緻，又多人排隊，就吸引左我地都排隊試下。餐廳鋪面比較細，座位空間較緊迫，枱同枱之間嘅間隔都唔大，私隱度較低。不過，店舖嘅送餐速度頗快。火炙壽喜燒牛肉湯烏冬呢道烏冬冇帶嚟太多驚喜，好似一般嘅牛肉湯烏冬。壽喜燒湯底較淡，烏冬口感除咗稍微爽口外，並無其他特色薯仔忌廉咖喱烏冬烏冬可愛嘅貓圖案，非常吸引，適合打卡。當中咖喱與忌廉嘅配搭濃郁，口感Creamy，但食耐咗會覺得比較單調，同埋碗入邊肉粒比較少天婦羅盛盒天婦羅盛盒中規中矩，入邊有蝦、菇、南瓜傳統嘅配搭，味道正常，香口厚切吉列黑豚腩黑豚腩較為出色，肥瘦比例好，炸得鬆脆，肉感結實，食落都有肉汁

人生第一次寫食評，食完覺得唔寫對唔住自己間餐廳專賣烏冬，但完全唔覺得自己係食緊烏冬個烏冬睇落係真手打，因為好raw，好似小朋友搓泥膠咁樣食落質感係魚麵咁，啲麵係稔嘅，一啲都唔煙韌，未食過啲烏冬係咁我覺得佢買業務用真打烏冬好過，唔好嘥時間自己打麵，咁樣會更對得住自己個名我哋叫咗火炙豚同火炙牛套餐，個湯又豚汁又壽喜燒咁，完全係巧立名目豚汗咁清澈嘅啡色我都係第一次見，2個汁都係同出面買返嚟自己屋企煮冇分別一上枱我真係以為佢比錯我仲要話自己係柚子高湯，加幾絲柚皮就係柚子高湯？咁樣收我$118同$138，真係唔會返嚟食雖然個烏冬真係好差，不過都有讚位嘅2位樓面姐姐態度都好好，而且好彩佢啲貨係入得幾靚At least我加咗個小食吉列黑豚腩，我都覺得佢肥瘦剛剛好，食落唔差，啲吉列炸皮都冇分離總括，唔會再嚟食，都唔會推薦人嚟食呢條街咁多嘢食真係唔洗食佢，對面有拉麵隔離又有魚蛋粉，唔好同自己過唔去

首先系該店不設在網上訂位，🤘見到openrice 有電話可以打去，諗住打左去book左位先。因為吾知道該店既爆滿程度！9月6打去三次 9月8都打過去兩次。完全無人聽電話如果系吾設電話訂位既話.直接吾show電話號碼仲好😆當日一去到坐低食野 短髮金毛女職員全程黑面落野食落枱都大大力 ，老實講做得服務行業小小微笑都有掛？佢每樣落枱我都講哂吾該前吾該後～但烏冬好食既.麵質好彈牙。出面比較小見😋😋一碼歸一碼，食左豚沾烏冬，加牛肉烏冬都好出色👍👍追加左個盛合同紫菜天婦羅，粉吾多，夠脆❤👍但如果要再去幫襯既話就不了一間好既餐廳除左野食要好食外，服務態度都需要重視 短髮女職員長期板起塊面好似趕客禁：真系想問一句..我欠左你錢嗎？

Meow meow cafes hold a special place in our hearts 🥰 But what about a meow meow adjacent cafe? 🤭 With a Japanese inspired interior and paw prints on the cup and the chopsticks, it’s quite the fun dining room! Located in Jordan, they serve up some specialty udons that has attracted quite the crowd 🙂‍↕️ We waited outside for around 20 minutes for a table during a weekend at lunch time, so gotta make sure you get there early! 😎The Creamy Curry Potato Udon ($78) is just the thing we desired! With a t

向左走向右走，成日lunch time 經過，都見到咁多人，又售罄。 早兩日終於冇乜人，就衝入去，十分期待忌廉咖哩烏冬。見到白雪雪一碗野，肉都冇粒，仲擔心唔夠飽😅 點知食咗幾啖就發現有d肉粒😆，即刻放心晒食晒之後就發現大獲喇🤣勁飽，晚餐都唔洗食

依間人氣小店主攻賣幾款烏冬，鋪面唔係好大，平日夜晚嚟到剛好唔使排隊，坐低冇耐就開始有人喺外面排隊😝呢度最出名係薯仔忌廉咖哩烏冬，我哋叫咗個餐跟厚切吉列豚肩，另外再嗌多個火炙牛肉壽喜汁烏冬（湯）。薯仔忌廉咖哩烏冬餐配厚切吉列豚肩🐖（$118）呢個烏冬外表非常吸引🥰有動物腳印圖案喺面。而個烏冬係忌廉味偏重嘅咖喱，口感creamy，食到後期會有啲膩，住家味一啲。而雞肉同薯仔嘅份量唔算好多，整體吸講無咩驚喜。厚切吉列豚肩🐖個皮炸得好酥脆有驚喜，唔係厚粉嗰種，一啲油膩感都無，肉質相對偏乾身，有幾塊會少少，整體嚟講都幾唔錯👍🏻火炙牛肉壽喜汁烏冬（湯）睇其他評論話沾麵湯底唔夠熱，叫左湯烏冬就無呢個問題。本來對佢冇咩期望，塊肉片一入口有炭燒味，絕對有驚喜😳湯底唔會太鹹幾好味，加左幾片柚子，對個湯底影響唔大，食到嘅時候會多返少少清新嘅味道，同個湯底都幾夾。三樣嘢最驚喜反而係火炙牛肉壽喜汁湯烏冬，而佢哋本身個烏冬質地好Q彈，價錢都唔高，值得一試🤗

bookmark咗呢間餐廳好耐，就係因為非常吸睛嘅貓貓肉球圖案忌廉咖喱烏冬！嚟到見到餐牌原來仲有湯烏冬、沾烏冬同冷烏冬~ 我哋就揀咗一個忌廉烏冬、一個沾烏冬。•🥢 薯仔忌廉咖喱烏冬 $78烏冬上面有一個貓貓肉球圖案，絕對要相機食先🤭 影完相就要盡快襯熱撈勻個烏冬，咖喱味超級香，帶日式甜咖喱嘅味道，但咖喱香料味偏濃啲，即使加咗忌廉都有少少微辣，而薯仔就應該打咗做薯蓉，撈落忌廉咖喱汁到，所以個汁係竭身啲，食到後段會有少少膩，不過我哋兩個人叫忌廉烏冬同沾烏冬share食就還好~•🥢火灸壽喜燒牛肉沾烏冬 $98壽喜燒汁沾烏冬都好少見～碗邊掛住幾片牛肉，牛肉表面有火灸過，迫到油脂出嚟，所以好香😍 底層仲係生嘅，想熟啲可以快啲浸返落壽喜燒汁到，壽喜燒汁本身幾濃味，但烏冬一啲都唔掛湯，如果就咁沾兩下落壽喜燒汁到係等於無味😅而且個壽喜燒汁都幾油，做沾烏冬唔太夾，但烏冬本身有咬口，個質地係唔錯嘅，可能揀湯烏冬會好啲。•🥢天婦羅盛合 +$40主食加錢可以轉套餐，但之後諗返加天婦羅盛合要+$40好似有啲貴🤔 天婦羅盛合有兩件蝦、一件南瓜、一件番薯同半件菇。炸粉唔厚，好脆而唔油膩，但調味就比較淡。•📸 日本木

每次喺附近睇完醫生都見到要排隊，終於見到今次唔使排就一於去食😂選擇唔算好多，同埋坐得比較迫，好彩凳底都可以用黎擺袋👝店員態度都幾親切有禮.整體上份量偏細，大食既人要叫多幾個小食～.✨武藏野風豚汁烏冬（沾）✨賣相幾吸引，豚汁碗邊上圍上超薄切豚肉🐷烏冬煙靭得黎有麵粉香，口感好岩個人口味，豚汁主要都係醬油同蔬菜既味道，行清爽路線，不過略嫌唔夠熱（加埋冷氣就凍得更快）✨明太子溫泉蛋冷烏冬✨無咩特別toppings, 主要都係食明太子同烏冬，簡簡單單，岩晒中意食明太子既我地✨柿種脆炸雞✨炸雞唔算好大粒，肉質唔係最滑但都夠juicy

留意咗呢間餐廳好耐,今日收工一行3人都各自叫咗個壽喜燒沾烏冬套餐....嘢食嚟講真心麻麻唔值呢個價,呢個價係佐敦大把嘅野好食過佢服務態度唔好,大聲叫佢明明聽到都扮聽唔到舖位細要搭枱唔緊要但禮貌好啲 一句唔該都冇叫我哋拎開個袋比其他人坐,叫客人咩住大袋食嘢?咩住食又會整到其他人.....一味識得叫人入去但完全冇諗過唔夠位嘅問題而且完全冇冷氣夏天大熱天時冇冷氣仲要咁多人真係搞唔掂(條街仲舒服過入面)總括嚟講,性價比唔高唔會再去,請我食都唔會去

見到這個可愛的肉肉烏冬, 專登來試下 食物 : 薯仔忌廉咖喱烏冬(套餐) 配厚切吉列豚肩+可樂 $118 ~ 肉肉烏冬打卡一流, 咖喱味有住家FEEL, 味道香濃, 唔錯幾特別, 吉列豚肩比較硬身, 炸得香脆 火炙壽喜燒牛肉沾烏冬(套餐) 配厚切吉列黑豚腩+雪碧 $138 ~ 味道好正, 雖然是沾麵, 但湯底唔會好咸, 牛肉嫩, 烏冬彈牙, 吉列黑豚腩較肥, 但唔會好油膩, 留意食完麵之後, 可以加高湯, 將湯底飲完, 好味唔浪費 環境 : 日式木係裝修, 舒服乾淨 服務 : 職員有禮貌 價錢 : HK$256/2人 (無加一服務費)

📍肉肉烏冬 (佐敦)佐敦白加士街1-11號康寧大廈地下C號舖見到貓貓肉球烏冬超可愛，所以決定黎食，用餐時間60mins ,當日排左10mins 就入得，店舖細細，五臟俱全，用qr code 下單☁️薯仔忌廉咖哩烏冬白色忌廉上面印左肉球圖案，超級可愛，我見每枱都有叫一碗，香濃咖喱，薯仔已經煮到溶咗，細細粒，少少辣☁️武藏野風豚汁島冬（沾/湯烏冬）豚肉舖滿碗邊，半肥瘦，油脂豐富，武藏野烏冬有別於其他烏冬，會放在竹蓆上，配以沾汁，好食☁️火炙壽喜焼牛肉這個小食有四片，肉汁鮮甜，用火槍燒過，非常惹味#佐敦#佐敦美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#cafe#coffee#日式#烏冬#肉肉烏冬#貓貓肉球#日式定食#炸物#eating_and_working_in_h_佐敦