Nisugu (雙子匯1期)

Open Now

Now Closed

小店位於最近新開幕嘅The Twins，主打多款西班牙菜，前菜、小食、主食、甜點、飲品，另外提供週末Brunch同Weekday Lunch Set。店內裝潢簡約，設有室內同戶外位置，約埋一大班朋友上嚟食飲酒就啱曬啦！主食有壽喜燒牛肉烏冬，麵條軟硬度適中，吸滿鹹甜嘅壽喜燒醬汁，牛肉嫩滑多汁、肉味突出、薄切唔嚡，撈埋蛋黃啱啱好。飲品有AKI同UJI，前者係焙茶荔枝梳打水，甜度適中，飲落清爽、後者加入威士忌、抹茶、柚子、檸檬、蜜糖等，淡淡酒香氣，讚👍相比之下會話呢度嘅甜點質素極高，黑芝麻同72%香濃朱古力巴斯克蛋糕味道濃郁，同時唔會蓋過芝士香氣，口感綿密，軟熟、法式西多士厚度適中，外層酥脆，內裏鬆軟，上面放埋邪惡嘅流心焦糖燉蛋配合桃碎同lotus餅，令人一試難忘。布甸有雜莓焦糖同咖啡口味，前者偏甜，後者香濃，各有千秋。而黃豆粉同抹茶蕨餅就正常發揮，煙煙韌韌，試試無妨。

同家人去行新開嘅SOGO，見食評唔錯去試試，主要見有西班牙海鮮飯，老人家應該啱食。walkin 排咗大概20-25分鐘隊，入座前先講西班牙海鮮飯售罄，咁都照入，試一試新餐廳。最離譜，發現比我哋後入嘅人叫到西班牙海鮮飯！個侍應話係我哋落單之後先有(?)，本身入座之前我哋已經表示想食，當時佢仲好好心地同我哋推介其他菜色，然後個待應先搵經理處理，但口罩經理解釋嚟嚟去去得一句，態度差，原本開開心心嘅飯都冇心情繼續食。軟殼蟹蟹肉西班牙飯 $198蟹肉偏少，1隻軟殼蟹，飯未熟已經拎咗去焗，明顯飯好硬，絕對唔係想像中西班牙飯成盤拎去煮。Spanish Sucking Pig $268好食嘅，肥瘦分明有脆皮，蘋果蓉解膩。Gambas Al Ajillo $128蒜油唔會錯，但一片簿麵包唔過癮。Iberia Ham Fig Salad $118份量偏少。

今日去開啟德SOGO，買完嘢已經到lunch時間，順便search有咩嘢食，見呢間有set lunch唔使煩，即管試吓。餐廳環境開揚，好光猛，好新淨，應該新開無幾耐。同朋友嗌咗唔同嘅set，又可以試多幾款唔同嘅嘢食✌️D食物上枱，賣相都好靚仔。我最欣賞嘅係佢嘅主菜-香烤慢煮豬頸肉配火箭菜沙律酸種面包，簡單配搭，口感出奇豐富，豬頸肉彈牙，仲有陣燒烤嘅香味，面包外脆內軟，夾埋火箭菜，一口咬落，非常清新，好味👍甜品方面，蕃薯糖水就食得多，蕃薯蛋糕真係未試過，食落囗感順滑，好似食緊雪糕甘，芝士同蕃薯原來可以夾到🤭蛋糕面再唧上滿滿蕃薯蓉更突出蕃薯味，而不會被芝士味過分蓋過，加分👍有驚喜嘅一款甜品，蕃薯迷一定要試🤭其他嘢食不過不失，要注意返，香蒜辣椒欖油大蜆扁意粉，D蜆唔夠味同有D沙。

啟德雙子匯開咗Sogo 升降機直上食匯堂 14/F 見到呢間餐廳店內劃分室內同戶外空間天氣涼涼地．坐Outdoor 好Chill餐廳午市係cafe．主打日式及西餐套餐晚市化身成 Bar & Restaurant 唔同時段嚟，品嚐不一樣的菜式我地分別揀咗兩個套餐✨車厘茄水牛芝士沙律✨凱撒沙律兩款沙律各有特色．新鮮嫩綠．口感清新爽脆✨蒜片欖油大蝦原隻大蝦放在鐵板煎Pan熱辣辣．蝦肉好爽彈✨蕃茄酸種麵包香脆麵包添上粒粒通透嘅蕃茄既開胃．又清新✨香蒜辣辣欖油大蜆意粉大大隻嘅蜆包圍着✨壽喜燒牛肉炒烏東 配 醬油蛋黃香甜嘅壽喜燒同牛肉好夾加上流心蛋黃．份外香滑✨流心焦糖燉蛋法式西多士 配 合桃碎及焦糖餅乾厚厚嘅西多士．似蛋糕一樣鬆軟面層舖滿流心嘅燉蛋．仲有薄脆嘅焦糖✨香濃咖啡焦糖布甸滑溜溜嘅布甸充滿香濃咖啡味道為今餐劃上完美句號

呢日去左啟德雙子匯呢間新餐廳食dinner，呢間餐廳係主打西班牙加日本fusion菜，餐廳午市係cafe，晚市係bar& restaurant，有戶外位置，好chill。主食方面，我哋點左北海道帶子蒜油扁意粉，帶子大大粒，超新鮮，意粉口感好好，再加埋蒜油，好香。另外仲點咗軟殼蟹蟹膏西班牙飯，份量好大，非常抵食，軟殼蟹炸到酥脆，入面都有幾多蟹膏，好味道。梅酒浸蜆好特別，第一次食呢個菜，每一隻凍蜆都吸收咗梅酒嘅味道，鮮甜得來又帶酒香，好啱我呢個酒鬼。食埋黑松露薯條，勁惹味。呢度嘅Cocktail同mocktail都好正，今次點左Uji，係whisky加matcha再加其他材料，味道清新！

無論是日間的咖啡店，或是夜間的酒吧，餐廳都可以欣賞到啟德的景色。西班牙海鮮飯呢個一上枱真係超香的蝦味，海鮮有兩隻大蝦，蜆，飯比較乾身，但味道真係吸收曬蝦的鮮味。吉列西班牙豬鞍配蕃紅花咖哩汁豬鞍很大件，仲要肉味香濃，油脂分佈均勻，即使用吉列方式烹煮，都仲有肉汁。飯是搓成圓球，再加漬物，非常和式，配上香甜微辣的咖喱汁，佐飯一流。香濃咖啡焦糖布甸布甸入口滑溜，濃郁的咖啡香味，還有一層薄脆的焦糖，有水果配襯。流心焦糖燉蛋白色西多士配合桃碎及焦糖餅乾多士外層微焦香脆，口感很鬆軟綿密，流心焦糖燉蛋很有水感，很滑溜，仲有合桃碎，焦糖餅乾增加口感。Hoji果味較濃，焙茶及gin 都好夾，好適合女士淺嚐的美酒。Uji喜歡綠色的漸層，有抹茶及威士忌，加入柚子及檸汁，更顯酒香。

啟德SOGO 開了去逛逛，逛到餓了去了這家吃東西，去了家位置14樓的餐廳。這家主打西班牙菜的餐廳，白天是咖啡店，晚市是酒吧西餐廳，給人一種不同的感覺。簡約文青風裝飾環境舒適，還有露天位置用餐，可以飽覽附近景色🙈。-飲品 午餐跟餐點飲品會減$20，可以飲得便宜點欵，點了熱朱古力和熱焙茶拿鐵 。熱飲會有拉花可以打卡一下📸。熱朱古力味道香濃，味道甜而不膩。熱焙茶拿鐵顏色挺深色，焙茶味道甘香不苦澀，口感順滑奶味挺重的。- Lunch Set HKD$108這個套餐有冷盤、主菜、米飯及飲品。冷盤點了蕃茄沙律，酸酸甜甜的味道挺開胃。主菜點了芝士漢堡扒，肉質厚身帶肉汁，跟芝士吃多了份咸香味😆。米飯選擇了2健康的三色藜麥米，挺粒粒分明有嚼感的。-Lunch Set HKD$148這個套餐有沙律、小食、主菜及飲品，較豐富點的套餐。沙律點了凱撒沙律，簡單食材口感爽脆。小食點了火腿可樂餅，金黃色賣相外質內軟，質感軟滑綿密。主菜點了香烤慢煮豬頸肉配火箭菜沙律酸種麵包，豬頸肉肉質軟腍，吐司香脆整體口感豐富，醬汁惹味聞起來味道挺香的。-流心焦糖燉蛋法式多士配合桃碎及焦糖餅乾 HKD$88賣相吸引的甜品，面層是香脆

啟德Sogo 終於開幕，今日與朋友去逛逛，順便食午餐。揀了Nisugu，位於Sogo 14樓，有大玻璃窗，採光非常好，而且由高處望出去景觀很好，感覺很悠閒。餐廳提供西式及日式午市套餐，兩種都很吸引，我哋就日式及西式各揀一set。西式套餐包括：車厘茄水牛芝士沙律的火箭菜很新鮮，水牛芝士十分creamy，好食。蒜片欖油大蝦雖是油浸，但食落不油膩，而且大蝦很彈牙爽口。香蒜辣椒欖油大蜆扁意粉十分惹味，碟邊圍滿了大蜆，賣相十分吸引。蜆肉新鮮又大隻。日式套餐亦非常豐富，頭盤的明太子玉子燒非常好食，明太子醬給得很大方，很鮮味。主菜是紅酒燴牛臉頰，份量非常多，滿滿一碗，兩個人都夠食，牛臉頰燉得非常軟淋，味道亦很好。米飯揀了三文魚子飯，還可以揀三色藜麥飯，健康度立即升級了！三文魚子新鮮，份量足夠，每一口飯都可以食到三文魚子。還配了足料味噌湯，讚！飲品揀了髒抹茶及焙茶拿鐵，賣相一流，味道香濃又不會太甜，正。甜品揀了焦糖蕃薯蒙布朗巴斯克蛋糕及抹茶Tiramisu，賣相精緻，打卡一流。焦糖蕃薯味道非常突出，芝士蛋糕味道香濃，不會過甜，令人一口接一只地食。抹茶Tiramisu 茶味十足又軟滑，非常讚。

今日難得有假期，約吓朋友行Sogo和食午餐，去到食匯堂見到一間環境很舒適的餐廳，便入去試吓。佢哋嘅午餐好豐富，包括沙律 ，主食，小食及飲品。沙律： 凱撒沙律，煙肉粒很脆口。車厘茄水牛沙律，火箭菜很新鮮配上意大利陳醋酸酸甜甜很開胃。小食：火腿可樂餅，餡料很豐富。蒜片欖油大蝦鐵板上菜熱辣辣咬落去大蝦 鮮甜彈牙。主菜 ：壽喜燒牛肉炒烏冬配醬油蛋黃， 牛肉肉質鮮嫩配合蛋黃更是嫩滑鮮美。香蒜辣椒欖油大蜆扁意粉，蒜香味很濃大蜆很鮮甜。 飲品：摩卡咖啡，手冲咖啡很有特色。抹茶拿鐵抹茶味很濃不會太甜。甜品：流心焦糖燉蛋法式西多士配合桃碎及焦糖餅乾，外面脆卜卜內裏很鬆軟很美味。雜莓焦糖布甸很嫩滑。過程中朋友不小心掉落飲管，服務員很貼心我們都未說便已經很快送來飲管真係很窩心。

今日嚟啟德sogo行完街上樓上餐廳食飯，呢間西日fusion菜主打西班牙菜及日式菜式，朝早係Cafe，夜晚搖身一變酒吧餐廳。有室外同室內座位，坐戶外座位比較舒適寫意，仲可以俯瞰啟德夜景。Hoji $138Signature Cocktail之一，Gin酒底配上焙茶粉，加入檸檬汁及柚子蜂蜜酸甜可口，仲有淡淡嘅雲呢拿香，好易入口。NATSU $68熱情果酸甜開胃，配上烏龍茶底，味道清新檸檬鹽麴雞翼 $88有四隻雞翼，幾大隻，烤得好香，加咗檸檬鹽麴鹹鹹酸酸好惹味開胃。雞翼外皮焦香，裏面肉質非常鮮嫩，仲有好多肉汁好Juicy。西班牙燒乳豬配蘋果蓉 $268即叫即烤，所以等待時間比較耐，不過係值得等待，乳豬外皮非常香脆，油香味濃郁，配上清新蘋果蓉，可以平衡肉嘅油膩感軟殼蟹蟹膏西班牙飯 $198呢度有傳統嘅Pallea同呢款軟殼蟹既，當然要試吓啲與別不同嘅。軟殼蟹炸得幾香脆，配上蟹膏蟹肉、芝士忌廉汁同西班牙飯幾夾。焦糖蕃薯蒙布朗巴斯克蛋糕$68賣相好吸引，巴斯克蛋糕上面加咗焦糖番薯布朗，香甜細滑，巴斯克蛋糕底軟心效果滿分，有香甜嘅雲呢拿香味，口感creamy而不膩，甜度恰到好處

第一次食西班牙海鮮飯，好有驚喜，焗脆邊上，有飯焦口感，味道唔錯，十分欣賞👍🏻但有一樣美中不足，店舖裡一名鼻頭偏大的中年女侍應，不論態度或面口都十分差，其餘職員算有禮貌和友善。

最近秋意清涼，最適合al fresco dining。身處新開幕的雙子匯Sogo，於半空中的Nisugu浪漫晚餐，享受清幽的夜景，同時飽覽啟德區的璀璨燈火。為左西班牙菜合集，我今季密密光顧西班牙餐廳，今次要涉獵比較特別既西日fusion。RED PRAWN AVOCADO TARTARE 紅蝦鮮甜他他，牛油果綿綿HOKKAIDO SCALLOP CRUDO 北海道刺身帶子配上柑橘類的橙漬，令人吃得清新舒爽。SPANISH SUCKLING PIG 西班牙燒乳豬配蘋果蓉 為餐廳的signature dish之一，難得的是燒乳豬的全片外皮都十分香脆，咬下去時聽到脆皮的清脆聲，絕對有asmr的治癒感。乳豬油香溢，跟蘋果蓉產生中和之效，是明智之選。72% DARK CHOCOLATE 巴斯克蛋糕的外層用上72%黑朱古力，難怪朱古力味是如此香濃，非常出色，是必點之選。UJI Whisky上密佈著Matcha 厚層，混和後好易入口，到後調會帶出到檸檬汁的微酸。AKI 為無酒精的Mocktail，焙茶/荔枝/梳打水，幫助解膩。

很久沒有吃西班牙菜，去了一間在家附近新開的餐廳嘗試了一下。首先，蕃茄搭配酸種麵包，新鮮清爽的蕃茄鋪在脆脆的麵包上，口感極佳，又醒胃。接著，蒜片橄欖油大蝦熱騰騰地上桌，散發油香，蝦肉彈牙可口。檸檬鹽麴烤雞翼既有烤的惹味，肉質又保持鮮嫩多汁。我特別喜歡的伊比利亞火腿無花果沙律，這裡的食材新鮮，調味也十分到位。西班牙海鮮飯則做得香濃糯軟，還帶有脆底，口感非常豐富。一頓有驚喜的家常便飯。一定會再回來嘗試其他菜品。

第一次來，6:00準時開始入座。見座位不多。幸好揀到一個窗邊嘅卡位。 除咗paella, 每樣食物和飲品都不錯。 但價錢亦唔平。我們叫了軟殼蟹Paella。 由於我哋剛剛去完西班牙和葡萄牙回來，人家全部用鐵pan。這間餐廳係用不鏽鋼pan, 飯比較薄和乾。我們試咗三個甜品、兩個飲品。 Aki 飲品幾特別。 甜品就試咗espresso cream brûlée , 焙茶Tiramisu 和 Matcha Red bean French toast. 我們三個都覺得 French Toast 幾好味。Suckling pig好味，但太少。 蘋果蓉好夾，我哋好喜歡。 牛油果他他都幾好味，但不是必叫。mussels 細粒，但味道煮得好，