貴族甜品 (Closed)

打完邊爐食多個甜品，先至係畫上完美嘅句號，可惜每次打邊爐都食到好飽，拎唔起支筆畫呢個句號😅😅😅今次我生性，留肚嘆個甜品，平時見佢都有人排吓隊，就試你啦😊😊第一印象係店員真係好有禮貌，因為我同朋友仔喺門口睇餐牌時，佢唔會企定定有催促感，但到睇完望入舖想搵位時，又即時會發現有人招呼你，對比一些大牌子，旺場甜品店，即時感覺到呢度嘅服務態度👍👍順便一提，你會發現佢哋嘅甜品名改得好靚，雖然都係一般嘅配搭，但配咗個靚名，真係好唔同feel, 🤣🤣🤣

中秋節難得早收工，當然是趁機去接仔放學再係附近搵下野食。朋友話這間貴族甜品有甜品放題，價錢便宜，但我們就當然唔會食放題，對我來說，太heavy同唔健康了。我跟兒子各自點了一客甜品，都是以芒果為主。兒子所點的是陽光小子，大大碟的芒果綿花冰配上小丸子及紅荳，旁邊還有幾舊頗甜的芒果，味道還可以。我點的叫星空，芒果冰底配上西米及龍眼肉，味道淡，即使將芒果冰撈勻，味道依然淡，完全食唔到芒果味，西米黐埋一舊舊，有啲仲要係白色未煮透的，稍遜！兩個甜品合共$75尚算合理。但如果食到放題就真係超抵了。

噚晚諗住去呢間食個熱紅豆沙豆腐花外賣$29，點知俾錯左凍嘅俾我，佢話幫我叮返熱佢，但膠兜點入微波爐叮？算啦，心諗可能佢聽錯，咁我諗住俾多$29買多一碗熱紅豆沙豆腐花豆花，佢先話無熱嘅，有都係叮熱嘅。。。。。其實我要食叮嘅不如去超市買百福好過啦，點知返到屋企先最嬲，成碗都係豆腐碎花，加出哂水嘅剩紅豆，唔係紅豆沙，啲味仲要淡到清水咁，食左兩啖就成碗掉左，呢間嘢真係唔會再有下次，品質差到唔駛錢都唔會再食！

19/4/2018 晚上8點左右在大角咀杉樹街 貴族甜品店食這個 凍 椰皇燉雪燕底層的燉奶是無問題的 依然重奶味椰汁和西米都沒問題但不知道為什麼是酸的問樓面 樓面回答我: 廚房師父說這個來貨是偏酸!!!吃了這麽多次 不明白為何這次是 來貨偏酸吃了兩口 吐了兩口 再沒有吃過浪費了我＄65元 榴槤公主 榴槤沙冰與同淡水一樣完全沒有任何榴槤味味道不如埃華街果間以前的味道以前品質挺好的 不明白現在變成這樣真的可笑 完全吃不下 不會再有下一次光顧!!!!!