名點屋

Open Now

Now Closed

十點半入座，食物都即叫即蒸，熱辣辣，叫咗醒晨孖寶$42，鮮竹卷足料好味，鳳爪大大隻入味，但本人好辣，鮮竹卷加埋辣辣油，味道啱啱好呀！見到煎炸野都好正，但一個人食唔到咁多野，下次再試！茶位11蚊一位。

負責收銀的亞嬸站在最前線，收錢後一句多謝都沒有，本人不要求她有笑容，只需要聽到一句［多謝］，只是基本的禮貌，價格已經不便宜，還要服務態度落後，很難令人繼續光顧。

2022年至2024年頭，2年內已經加價3次,而且平均每次加幅達到超過7%. 例如一籠非常普通燒賣己超過hkd45.而且味道普通。另外，一碟叉燒飯,叉燒又乾又細片,單味加一杯熱奶茶已經超過hkd80. 另外服務員禮貌有待改善，愛理不理，見到有一位果服員呼喝長者。但老實講，食店環境尚算可以，枱與枱之間較為寬濶。衛生方面地上都充滿油漬。食3籠點心加（茶錢每人要13元，）已近200元。性價比超低，不值得再 去。

名點屋 @ 屯門而家食點心唔一定要去茶樓先有得食，坊間嘅點心店愈開愈多，所以而家夜晚都可以食到點心👍🏻呢間名點屋就第一次試😊因為聽聞嗰酥皮叉燒包好食所以就到店試一試啦😋💥酥皮叉燒包 一碟3個大大個🤩酥皮都幾鬆軟，叉燒餡都幾多叉燒選用半肥瘦，而且都幾淋👍🏻不過由於太大個，食一個都飽左6成😂但值得一試😋👍🏻 評分 : 7.5 / 10💥沙律炸雲吞又係一碟有3件大大件🤣雲呑上舖滿沙律雜果，而份量都唔少🤣平時出面酒樓食通常都係沾甜酸醬，呢間就採用沙律醬舖面代替，都幾特別👍🏻雲吞都炸得好鬆脆，入面仲有隻大蝦🍤👍🏻 評分 : 7 / 10💥鮮肉小籠包 呢個反而就比較一般，皮厚，肉汁比較少。👍🏻 評分 : 4 / 10💥醬皇蒸鳳爪 同平時酒樓味道差唔多，不過佢比較無咁重口味😝👍🏻 評分 : 5 / 10💥黑椒牛仔骨 上枱時第一眼望到，大家都講左句「咁淺色嘅😂」有黑椒味嘅，不過唔香唔太濃味，而且牛仔骨偏肥食落感覺滿口油兼無乜肉食🥴👍🏻 評分 : 3.5 / 10💥瑤柱蒸蘿蔔糕 呢款酒樓而家好似比較少見？面頭都好足料，有蝦米同臘腸粒再配埋少少蔥花蒸得幾好唔會話好水同一，亦都食到有蘿蔔條/粒，唔係只食到粉

門口見好多人等位，就行過去望下，中式食肆黎咁就拎左張飛等位，行一陣超市25分鐘就入座佢既點心好出色😍個粉果晶瑩剔透個皮薄到餡料勁多味道好好👍🏻即叫即蒸👍🏻另叫左雪山叉燒飽-熱辣辣，建議趁熱食係非常好食叉燒腸-皮薄，料多

今次同屋企人黎到屯市呢間飲茶，本身我自己就麻麻地喜歡飲茶，成日覺得食黎食去都係燒賣蝦餃，但屋企老人家中意食，就算喇去試下。點知有驚喜喎，我哋4個大人1個小朋友，叫左12樣嘢食，埋單每人$100左右，食物質素真係幾好，好味之餘又足料，大大份，最推薦既就係腸粉，有叉燒腸牛肉腸，啲腸粉勁滑😍😍小朋友勁中意食😂難怪我屋企人咁中意黎呢度飲茶🫖，不過黎呢度飲茶要預早排隊，黎親門口都勁多人等位😂所以都要有啲耐性先得。

諗住入一田買個送，無意中見到角落頭有間食點心，口痕決定食個下午茶食幾舊點心叫左相入面既野食，其實d野食都好大件，，但就略嫌d野食太冇味，凈係見到個樣，你咪埋眼食，應該以為食緊全部都係同一舊野。

今日端午節，一家人都放假，仔仔話請我哋飲茶，我8點走去霸位，原來8點半先開門！我們3人叫左6個點心：路邊腸粉，咖哩魷魚，煎鮮蝦韮菜餅，黑椒牛肚，鮮蝦菜苗餃和鳳爪排骨飯！D點心全部都好好味！不過咖哩魷魚D魚太大件，可以一開二！腸粉大大碟配埋混醬超好味！鮮蝦韮菜餅不會油淋淋，幾香幾好味。黑椒牛勝也很大碟，有7，8件咁多，黑椒味道濃郁，牛肚够腍！正！但是味道優先最開心是每次飲茶仔仔都會主動埋單！佢咁乖咁孝順真的是很感恩！

同friend 想係屯市飲下茶，發現真係冇乜選擇。唔太想食美心集團嘅我地，就揀左呢間名點居試下。依間野其實都開左好耐。好似係同上面嘅名苑係同集團。我地9點去到就唔駛等位。飲茶就一定要講下啲茶。對茶有要求嘅朋友就建議你自帶茶。佢嘅茶係茶包黎。個人覺得冇乜茶味，品質麻麻。點心就大部分都唔錯同價錢都唔貴。當中比較好食嘅係芹菜餃，腐皮卷同腸粉。麻麻地嘅就係皮蛋粥，好重味精同唔綿。服務呢，都正常，同譚仔差唔多。

屈人嘅！平時吾飲凍飲一定吾會有叫。個阿姐老屈話明明系叫凍啡無可能囉～～又話無熱啡 定系一叫咖啡你就當左系凍🙄仲要幻想當成真🤨🤨大大聲咁屈人！仲話無熱 咁你要吾要啊😾西口西面～～凍飲要加$3既～啲客叫凍飲系咪要同人講聲先～無熱既都要同人講聲啦～～仲要講到好似系我哋錯咁款～超惡～明明系你地錯～食到一肚火🔥🔥🔥尼間野態度真系超差～食物質素都差左～雖然同區點心黎講 尼間算系正常但都好難要我再幫襯！

疫情時候好多酒樓都唔開, 所以好耐無去過飲茶喇, 今日同屋企人去 ❥⧽名點屋 ❥⧽ 飲茶。餐廳有一部分係卡座位, 另一部分係普通座位, 坐嘅位置都偏狹窄。𓊈咖喱魷魚𓊉咖喱汁超級香濃, 魷魚好入味, 唔會咖哩汁還咖哩汁, 而且魷魚好軟腍, 真心推薦!𓊈蟹籽燒賣王𓊉燒賣大大粒, 爽口彈牙, 食到有蝦肉。𓊈酥皮叉燒包𓊉酥皮叉燒包好好食呀! 外皮好酥脆, 而個包好軟熟, 加埋裡面d 肥瘦適中嘅叉燒一齊食, 真係好好食!𓊈鮮蝦腐皮卷𓊉腐皮卷炸得麻麻地, 外皮嘅粉有d 厚而且唔脆, 餡料太碎, 混合咗太多配料反而無乜蝦肉。𓊈沙律炸雲吞𓊉同傳統嘅炸雲吞有少少唔同, 面層舖滿好澎湃嘅鮮果沙律, 而炸雲吞卜卜脆, 熱辣辣咁食係好食嘅。✧✧ 整體食物都幾好呀, 值得再去。

係屯門飲茶我通常都會揀以間🫖其一我爸媽好中意，其二佢算係快靚正系列，唔同一般既酒樓， 夜晚都可以繼續食點心。不過佢嘅點心有時都幾飄忽-雪山叉燒包 $26 （7.5/10）每次食佢都一定唔會令我失望🤤一碟有三大個，叉燒餡肥瘦適中，仲要熱辣辣流出黎🙌🏻💕。每次食完一個都飽左一半 (我細食)。以個係我尼到必點既點心。-金粟叉燒腸 $27 (5.5/10)腸粉皮尚算滑溜，皮都夠煙靭。-蟹籽燒賣皇 $36 (5.5/10)普普通通冇乜特別。-名點蝦餃皇 $38 (7/10)今日我叫以碟蝦餃大大粒夠晒飽滿，皮薄餡靚最好食係今次。-鳳爪排骨煲仔飯 $58 (5/10)正正常常最失望嘅係煲仔飯冇飯焦，唔夠乾身比較偏濕，如果佢係普通一盅既飯我接受，但煲仔飯來講就唔得啦，雖然排骨好食但都救唔到啲分😂-整體來講呢間名點屋價錢相對進取啲，點心整體已經算係唔錯，如果可以更加統一水準就更加完美，佢不設加一服務費，已經好過區內一啲又貴又唔好食既酒樓。

名點屋夜晚無咩人食，而家用消費券埋單有優惠（滿$100可得優惠券$20乙張，下次晚市滿$100時可使用一張，有效期一個月）名點屋的點心有時好食有時唔好食今日算整體不錯🐱酥皮叉燒包$26大大個，夠熱，不過酥皮唔脆，中間那個仲要燶左🐱鮮蝦腸$36皮煙靭， 蝦算大隻🐱鳳爪排骨煲仔飯$58飯很香，排骨很軟嫩🐱蝦餃$40幾大粒，足料🐱小籠包$30大粒，肉汁唔算太多

最近愛上在點心店飲茶沒有落場時間晚餐也能吃點心而且基本上過左4點長期有位又多卡位不用搭枱我很喜歡吃點心所以大概一星期會幫襯一次但不是每次都好食尤其是5-6點的時候中伏機率係好高的🤔不過好食的時候真的比一般酒樓好食叉燒包大大個好多餡好食的時候個菠蘿包皮係脆的唔好食的時候偏涼貼埋軟腸粉的皮很彈牙好食的時候蝦很大隻不過也有時候偏細隻同埋皮變淋排骨水準最穩定多肉少骨調味很好我也推薦排骨飯，好味😋蝦餃好食嘅時候大大粒，飽滿蒜蓉蝦春卷好好味的時候好脆蒜蓉味濃惹咪我真心希望名點屋能好好監管點心的質素咁我就唔會有時食得開心但有時又好失望

今日同男朋友去咗屯門市中心嘅名點屋食點心，我哋等位都等咗20張枱大概都有半個鐘。我哋兩個人叫咗六樣點心總共$215。小編覺得整體來講都係一般般但係點心都非常之熱辣辣，但係點心嘅味道就比較普通。首先嚟嘅時候第一樣點心就係脆皮叉燒包，我同男朋友覺得脆皮比較少，雖然個包好大個但皮多餡少但係麵包都比較軟熟唔係硬身的之後呢就嚟咗韭菜餅，呢個係成餐我覺得最好食嘅一樣野因為佢夠脆口同埋好熱都比較新鮮嘅感覺但係韭菜味呢就比較冇咁濃之後呢就嚟左叉燒粟米腸，我哋都覺得唔太好食因為叉燒嘅份量實在太少而且腸粉皮實在太厚。小編極度建議大家唔需要嘗試之後一陣食點心嘅部份啦喎，首先呢就嚟咗蝦餃都好正常，蝦肉都非常之滿足嘅，唔會無咩蝦但皮都屬於厚身之後呢就食咗燒賣，燒賣唔錯，唔質感唔會太硬同埋太多肥肉最後都想我哋直接左小籠包啦，呢個小籠包一定唔係店舖自己整嘅感覺而係似攞貨嘅感覺，同埋個皮呢都非常之厚，肉都唔算太多，我覺得有陣時喺惠康百佳買嘅都比佢好食