貴族甜品 (埃華街)

Open Now

Now Closed

同家人於附近食完晚飯後，意猶未盡想享用埋甜品。原本並唔係幫襯呢間的，不過想去附近的另一間原來已經執咗，唯有試呢間啦。7個人叫咗共8樣甜品加1樣飲品，有幾款甜品並無影相。整體的質素真係麻麻地。如果係簡單如凍芝麻糊，係無問題的。但如果本身係應該需要啲時間烹調的甜品，我地就發現出奇地快速上枱，相信係因為於工序上，只係將一堆單獨的食材放埋一齊就出餐。食材之間因為係最後一刻於上枱前先放埋一齊，所以完全無咩味可言。我地對甜品有基本要求的，並唔太接受呢種標準。

星期五晚男友跟同事食完生日飯，便跟我試我屋企附近的貴族甜品，我們叫了芒果丸子和紫霞仙子，味道一般，仙草不似台灣仙草，味道似港式涼粉，食完不會印象很深刻，最令我們印象深刻的卻是，一店員在我們坐下來的短短十幾分鐘，已趕了兩枱剛食完或者快食完的客，主動幫客人賣單，話店外有人等位，剛上了食物的我們匆匆食完，也不敢久留，怕被人趕尷尬。香港人喜歡吃完飯再去食甜品，三五知己、情侶也喜歡在甜品店相聚，邊吃令人開心的甜品，邊與好友暢所欲言，是不少人的減壓良方，食一頓甜品講緊可能平均半個小時至一個鐘，再上下一輪食客也很合理。今次見識過這間會趕客的甜品店，男友話以後不去呢間食，寧願揸車去較遠地方例如西貢，一些較有人情味的糖水舖，我舉腳贊成！

貴族甜品係呢區我都食左十年咁劑以前鍾意食佢既龍珠二世，冰沙夠滑夠線又有芒果味，芒果又甜，雪糕好食呢排叫左幾次foodpanda外賣，質素越做越差，最近呢次最離譜，芒芒雙丸，以前係冰沙，又滑又綿用鮮芒果搞碎做個湯底，依家係冰碎，仲要撈懷疑係濃縮芒果汁，完全無芒果味，得個甜字，芒果粒仲要係青青黃黃，完全未熟，酸到盲公開眼，根本每食一粒芒果肉都係忍住個酸味黎食，唔食又好浪費，其實無心做不如執左佢，俾機會d有心做既人

最開頭係比佢個雞蛋仔夾雪糕吸引入去但入鋪之後 黑框眼鏡果個呀姐 啲態度完全係趕客 啲野食好普通 但價錢一啲都唔普通就算成條街都無甜品鋪 都唔會再幫襯唔明點解仲可以做落去不知所謂價錢貴貼錢受氣

晚饭之后就近原则选择了这家贵族甜品。八点不到的样子，店里除了我们大概做了三桌客人。我们俩人点了一个椰皇炖蛋和一个咖啡味绵绵冰，绵绵冰上桌的时候，我们都呆住了……如图，这就是一坨冰，表面还像是被怎么处理过一样！！这和我们平时吃到的一层层细腻的绵绵冰完全是两个东西，合着这家店是特殊工艺，特色绵绵冰？那也不对啊，menu里的照片也不是这样的！于是我们大胆问店员，“唔该，这是绵绵冰嘛？”店员非常不耐烦说“係啊”，满脸一副你不识货的样子。五分钟之后，我们看到隔壁桌也端上来了绵绵冰，明显和我们的不是一个东西，除了冰的造型绵绵之外，还如menu上一样撒上了糖粒。反观我们的所谓绵绵冰，Excuse me，这是什么鬼！这种品控还开连锁店呢，拉黑拉黑拉黑！！！

濃郁香芋雪糕配上Q彈芋圓及香芋雪糕糯米糍，簡直完美組合，一試難忘！底下配搭香芋味炮冰，多重口感一次過滿足多個願望，每次望住滿滿的材料都忍不住食指大動！非常值得推介！

大角咀抵食糖水鋪 刨冰 雞蛋仔 中西式都有宇治金時 45$宇治金時甜品的刨冰芋圓綠茶雪糕和紅豆是一道令人垂涎的美味甜點。首先，刨冰的質地非常細緻，輕盈而不沉重，讓人感覺清爽又不膩口。芋圓則是軟軟的，口感有點彈牙，入口即化，讓人愛不釋手。綠茶雪糕則是網羅了宇治的綠茶精髓，帶有濃郁的茶香和微苦的滋味，與刨冰和芋圓的甜美口感形成了完美的對比。紅豆是這道甜品的點睛之筆，既增添了色澤，又為整個甜品帶來了濃郁的豆香味道。每一粒紅豆都經過了細心的烹煮，軟硬適中，入口即化，更增加了整個甜品的層次感。這道宇治金時甜品的搭配和比例非常恰到好處，每一口都能感受到各種不同的口感和味道，給人一種愉悅的感受。不僅滿足了甜食愛好者的味蕾，還給人一種對日本傳統甜品的獨特體驗。

入到店內員工一直坐喺度吹水( 黑色眼鏡 紮頭髮阿姐) 叫救命咁先過嚟落單， 落單對客人呼呼喝喝 上openrice睇實平原來負評極多， 唔知點解可以捱到今時今日。真係想訪問下佢哋老細係咪唔憂做 食物已經唔係好 星期日晚入到嚟見到得五個客人我都知道奶嘢， 永不會再有下次

我好少行依度附近，咁啱今日個朋友一齊行下依一區，行行下話天氣熱想食甜品涼陣冷氣，果陣四點零鐘左右。我地路過依間甜品鋪望落覺得menu幾多花款幾正咁。仲有張poster貼正正門口，寫住逢一至六2pm-7pm 有下午茶，我地就話好抵咁喎，就決定入去試下。入到鋪頭坐低之後有個肥肥地嘅男店員話賣晒叫我地揀其他野。當下覺得似係有種被人水咗入間鋪嘅感覺。問題係依間鋪如果一早知未有下午茶嘅就啱該你貼住大大張lable寫暫時未有啊，暫停供應嘅字眼啦。唔好搞到啲人望到以為係有下午茶先行入嚟但最後又無供應。😞

今晚係大角咀食完飯，就諗住係附近搵間糖水舖食，見到幾光猛就入去試下啦😌 唔試猶自可，一試便難忘😅 一入間舖順手關門是常識吧！一位肥男店員/老闆嗌出黎：唔好關門！ok即刻開番比佢。一句唔該客氣說話都冇👎🏼 入到去門口已經知咩事，入面三部冷仔係頭頂，每個位都好凍同好大風，問店員可唔可以教細少少，肥女店員話：教唔到😓好喇講下野食，六個人嗌左六個甜品，首先講下個杏汁桃膠，杏汁杰撻撻。唔知係汁定芡？🤔 桃膠係酸既，杏汁係輕微杏仁味溝滿滿既水，大約係1比99。桃膠椰奶，當然桃膠同樣係酸既，而椰奶係冇味,水nelnel 😪蛋白湯丸芋圓，湯丸個皮係好粉 芝麻係冇味，芋圓冇煙韌口感，只覺得咬緊一堆麵粉。薑汁湯丸冇薑汁味，好淡 同樣地湯丸都係咬緊一堆粉團。心太軟好出色，成舊軟奶奶既，唔知心軟連外皮都軟。拎到黎已經塌哂落黎 都覺得唔對路👎🏼👎🏼👎🏼香蕉船普普通通，基本質素。隔離枱食完好快走左，行出去時同我地講”好凍呀‘’⋯⋯ 🥶我見另一枱男仔成份心太軟係食左一啖，兩舊雪糕冇食就埋單。lee間小店真係要永久保存入黑名單，簡直係貼錢買難受😣野食差就梗既，態度都咁差唔會再有回頭客囉！天氣咁熱入到去都震哂，個個要著

在大角咀同同事們一直吃開這間 今日下午茶點了個紅豆相思 當職員拿出來我就看到只有個碗6成滿 我心想可能是下午茶時段給了下午茶份量？然後買單是正價38 有點驚訝 真是份量少得可憐我吃過近10次 失望透頂 下次唔去了

在平台叫外賣，椰汁燉桃膠係酸既，仲要係超酸，因為新外賣平台有折，折左後一份甜品要$43，好細個盒之餘，仲要比d變壞左既野比人，打電話去，話留名同電話，下次去買就扣返今次甜品既錢，都冇理由再比錢買d垃圾黎食，仲要分分鐘食完肚屙！間咁既野點會再有下次幫襯😤😤😤

首先我用外賣平台訂之後等左成個鐘先取消我張單，因為比另一個人拎走左，痴線咩吾係應該對岩張單先比人架？想打過去就浪起部電話冇人聽，執粒啦垃圾！！！！！！！！！！！

今日很不爽，去樓下呢間甜品店，點知有個肥女人侍應態度非常差，仲要大聲駡食客，以後不會再去，大家都不要去，正一垃圾店，甜品又細份左好多，生果很不新鮮又細舊，對街坊沒禮貌真差，一定要執，都未試過這樣生氣，送食物上來已黑口黑面，說要關店摺摺聲，未食完食物仲想上來掃走客的甜品，真的很沒品很垃圾！大家記得千萬不要幫襯，生氣到極點！其實待客有禮是基本的，但這店的肥婆侍應真是忘了，說她沒禮貌不會再幫襯仲要走出來在街大駡「好呀，最好不要來幫襯」，這間垃圾店不用再幫襯！

限聚令后, 好耐無去堂食甜品, 宜家終於解除左. 今晚去左大角咀食飯, 食完飯好似意猶未盡咁, 就搵下附近有無糖水鋪啦. 行左陣見到NOBLE 門面都好光鮮. 同埋都記得NOBLE 都有分店,應該唔會中伏掛. 就殺入去啦. MENU 都好多款式選擇. 咁我地一行二人各選了個芒晶晶, 白馬王子. (真心D名都機幾老派,但我鍾意) 希望好好味啦. 1) 我個芒晶晶黎到, 當然一口試下先. 點知黎左個驚嚇. 一D都唔甜,係完全無味道. 可能芒果唔係是令季節啦. 但最少都有DD甜味. 我都唔知自己食緊D咩 ！ 雪糕都係正常嘅大盒裝牛奶公司雪糕，唔會死人。 好失望。 我朋友望住我勁笑. 真係爆曬粗. 2) 我朋友嘅白馬王子黎到, 當然也唔會好過啦. 情況都唔好得我好多. 呢次到我恥笑佢喇..最後我地喺呢個中伏嘅情況下, 互相恥笑中, 勉強咁食左佢. 大家都不停笑好開心好攪笑. 仲有佢地店員都有一種唔憂做嘅感覺. 都幾唔友善. 唔好嘅都講曬, 點都有D 好野. 就係間店都幾大. 坐位寬敞. 不過我諗應該無下次喇........ 再見.