Nomads (Closed)

在寫這段文字的時候﹐餐廳應該已改名了﹐新名字是Nomads ...改為Nomads 後﹐加入新口味如自製小Pizza ( 自己加餡料和醬汁) ﹐也增加多位能說廣東話的服務員﹐佈置也改得比較舒適﹐價錢和已往差不多。很多朋友也對配料有些頭痛﹐怕弄出來不好吃﹐他們忽略了一塊在配料上的Recommended Recipe ﹐跟做一定不會難吃... 雖然不一定是你想吃的口味。

鐵木真係一間好特別的餐廳﹐賣既係蒙古燒烤﹐但最奇怪的地方係要自己執料同調味。入座時每人有一塊牌仔(係你的座位編號)﹐你就要拎住塊牌仔出去﹐用個碗先取適量的菜﹑肉﹑粉﹑飯等主要材料﹐再選醬汁及調味品﹐分量你自己話事﹐想鹹又得﹐想淡又得﹐淨炒菜亦得。就算淨炒飯個廚師都唔會SAY NO﹗但好唔好食就睇你自己喇﹐如果整好左又唔好食的話﹐應該諗下自己執錯左D乜﹐第二碗再作改善﹐執下執下﹐到第三﹑四碗都仲係好難食的話﹐可能鐵木真不適合你﹐只此一次算吧。其實想唔難食﹐不妨參考一下餐廳提供的“貼士”照住他們定的分量去執料﹐衰極都有個譜。我個人提供的“貼士”﹕(1)菜類煮熟後會縮水﹐執料時不妨將菜的份量增加一點。(2) 每一碗的肉類不宜下太多不同的款式﹐否則炒完出黎會好似垃圾堆﹐樣樣都有﹐但每一樣的味道都變得一樣。(3) 醬汁亦不宜下太多﹐尤其是油類﹐否則炒完出黎會好濕好油﹐食得落都會好快會“滯”。其實論價錢﹐的確有點偏貴﹐但如果未試過的話﹐我又覺得無論如果應該去一次﹐幫襯呢種“自助味道”的餐廳是很難得的經驗﹐起碼叫做試過﹐喜不喜歡已是其次。下面的味道評語我俾5 係因為﹐既然係自己整俾自己食﹐朋友面前﹐

有一日行過舖面，隔住玻璃窗看見他們煮食物，幾得意，他們還跟我們打招呼，於是就找一日去食啦。滿以為是自助餐$158連加一(1人)，不過$200，試無仿，食了第一碟後仍舊沒有水來。還以為我們人未齊，稍後才給水，後來發現是不會有水飲，要飲，請落單。要了一杯他們介紹的特飲食$42，因大部份食物都是烤煮，非常口渴，再落單礦泉水$35一支(3人同飲)，之後，埋單$230幾(1人)，重貴過去酒店食。不過，自我安慰，都曾經試過蒙古燒烤啦，幾好玩(因為覺得好似玩煮飯仔)，又要有好想像力(因為全英文介紹食品及不同醬汁，見都未見過)。未試過可以試試，不過之前最好飲多多水啦。

大食之人到Kublai 一定非常滿足，食客首先好像食自助也先把自己喜愛的食物放進碗內，例如各式各樣的牛肉，羊肉，蔬菜等，再加上自己挑選的醬汁，廚師便會幫您把材料煮成炒飯，最重要的是您可以任食唔嬲，隨意挑選不同的配搭。