撈撈雞 (Closed)

又到每星期都最期待既星期五，今日出左去食Lunch ，去左葵涌廣場搵食，對上個次食過另一間撈麵之後覺得好食又夠飽，今次食依間，佢有分幾個餐，可以揀雞翼/雞胸/雞脾先再3款配菜，味道都有三種，有鹽水、泰式辣同芝麻汁我揀左雞胸配青瓜、杏鮑菇、冷麵配鹽水味中辣，雞胸大塊到手掌咁大塊，再切開一件件，青瓜食落好爽脆，杏鮑菇大件夠爽口，中辣都真係幾夠辣，啱哂鍾意食辣既我，份量多得黎好似食極都仲有咁，好飽啊

雞脾肉加三款餸 $40雞肉嫩滑，鹽水汁有台灣晚巿的感覺，難得在不算太鹹。拮雞肉時，由最底拮上面，就不會浪費鹽水。青瓜及菇感覺最夾鹽水，菇吸鹽水的效果好，而青瓜新鮮，平衡下下，所以一定要點。就是撈得有啲耐，同埋有啲貴

之前打定主意要試時遇到爆水管，結果沒等到開門，今次再去葵廣一定要試！叫左雞胸+蘋果+青瓜+木耳，加$5蚊要左泰汁。個汁幾惹味，個人覺得配蘋果木耳真係幾夾，不過食落都辣架，所以青瓜剛好發揮左作用！份量都算幾大碗，成個蘋果仔同成條青瓜仔架！雞胸唔會覺得「鞋」，下次去都要再食！

本身價錢覺得偏貴嘅，但係整完出黎係好大碗，蘋果係用哂成個嘅，即刻覺得好抵😂配料可以揀水果，成碗食落感覺好fresh👍🏻👍🏻老闆好風趣好似Minion😂😂😂葵廣果個Area好多人好逼，買完要企出少少食

見到新開又係我最鐘意食既雞 走去試下本身想食雞脾 不過老闆介紹我食雞胸 就試下啦 40蚊可以簡3個餸 加雞胸or雞脾 本身5知簡咩好 老闆介紹話清d既話可以蜜瓜 青瓜咁 咁岩呢2樣都係我鐘意食既野 最後簡多個木耳 老老實實 其實成碗都係我鐘意食既野 🙈🙈之後老闆介紹埋我加5蚊食個秘制泰辣汁 呢5蚊堅抵加 加埋個秘制泰式辣汁 不得了 正😍😍酸酸辣辣 好開胃

於葵涌廣場2樓的撈撈雞店，$40可選雞+3款配料，本想點雞脾肉但店員推介雞胸，那就點了雞胸蘋果蜜瓜同石榴+泰式辣汁要加$5.等候時間不算耐，味道好開胃辣汁配水果好好味而雞胸很滑，如果配麵應該更好吃.望見店舖乾淨及服務員超有禮貌，確是加分！