麵館皇 (Closed)

昨晚當完夜班，做埋啲手尾已經十一點幾。雖然唔係太肚餓，但都是但搵咗間嘢食。行都呢間門口，老闆娘（好似係, 同MENU上既女人差唔多樣）就好熱情大叫"入嚟試試啦”。見咁就腳，就決定呢間。呢間麵館皇有幾間分店。謝斐道呢間好近地鐵站。銅鑼灣c出口過一條馬路就到。擺設係茶餐廳風，乾淨企理。而且門口寬敞，容易睇住自己架車。（頭盔：本人並非在此鼓勵違例泊車)食品主要係川滬菜為主。口水雞，紅油抄手，韭菜餃，刀削麵。今次點咗碟麻辣口水雞，藥膳湯底手擀麵，凍豆漿。口水雞味道不會太鹹，比其他川菜鋪出色嘅係選材。雞肉處理得恰到好處，連雞胸肉都覺得滑嫩。而且我見每碟都係雞胸加雞腿，唔會俾啲雞骨雞肋敷衍了事。手擀麵，又稱燴麵，製作手法好考師傅功力。上品係厚度闊度適中統一。上菜時個鍋仲滾緊，可見係湯麵一齊煮，令麵條更加入味。湯底只會散咗淡淡的藥材味，怕飲中藥的我也覺得份外滋味，把湯全部喝掉。埋單50幾，幾扺。開完夜，食個藥膳煮麵，好像補返身咁。

今日好想食湯麵類，見食評不錯，加上又想食刀削麵，所以就過黎試試。店舖位置都幾容易搵到，可能係非繁忙時間，不用等位。因為我地6:30p.m.去食，所以店內人客不算太多。侍應態度有善，好親切，笑容滿面咁安排我地坐低。見餐牌選擇都幾多，有麵、飯、包類及小食。適合唔同時間唔同口味既人選擇，正！係咁多選擇之中，決定叫我想食既刀削麵配口水雞，而幫男友叫左個特製鎮江骨手擀麵。跟餐加$3可以飲豆漿，所以叫左2杯。一人一杯，唔洗爭飲。見到餐牌有酸辣湯，天氣咁熱，飲返碗酸辣湯會開胃d，所以叫埋一碗酸辣湯。舖內環境舒適，坐位空間大，唔會好逼夾。還有卡位可選擇。讚！麻辣口水雞賣相吸引，份量都幾多下。雞肉口感不錯有雞味，雞不會太肥，配埋d蒜蓉及辣油食更惹味。特別在於口水雞下還有爽口青瓜，吸收晒d汁料，清新得來好惹味，十份讚！手擀麵送來散發出陣陣藥膳味，好吸引。湯底淡淡藥膳味，不會太濃烈，剛剛好。手擀麵麵質彈牙，比刀削麵薄身，口感幾好，配埋個藥膳湯一齊食幾唔錯。刀削麵同手擀麵湯底一樣，只係刀削麵更彈牙加厚身，適合我鐘意食d麵係硬身少少既人。其實碗麵都幾熱下，因為個罐碗係有加熱，食既時候要小心唔好點到個罐碗，唔係就

想食湯麵又唔想食雲南米線咁悶，諗返起之前同事話呢到既口水雞好正，就去試下先得😋我地叫左兩個唔同麵底，叫左「刀削麵」同「手擀麵」水餃配刀削麵（$62）佢個湯底好濃藥材味😍 岩晒我口味，冬天食一定仲正，食完個身暖笠笠，有d似台灣既藥燉排骨，清清地就咁飲都好惹味刀削麵好有咬口，QQ的～水餃有五粒，全部漲卜卜，好真材實料👍口水雞配手擀麵（$62）一開始上碟雞已經俾佢個size嚇親，咁大份😱😱😱 好似平時叫例牌個個size 口水雞調味好好，唔會過麻過辣，朋友仔唔係食到好辣都食到手擀麵有d似薄身既刀削麵，又有少少似河粉，滑滑地

Sogo 又做特價，為了爭取時間血併，經過一間麵店坐下，環景舒適，店員主動送上兩杯水。個腦只係想快，晚市套餐最岩我我叫了囗水雞刀削麵，雞肉滑，小小辣、有香濃的生蒜頭味。下面有啲青瓜，吸收了辣汁好野味碗麵分上的好處係吾會令全碗麵好油。呢個麵係药膳湯底。老實說是有小小藥材味，但老公話在室內冷氣的餐廳越吃越熱，行氣活血。麵的粗幼掌握得很好。麵條很入味。另外叫了一個酸辣湯麵也不錯。酸辣程度恰到好處。雲耳、豆腐等材料充兄。整體來說也不錯，有機會再試其他麵。

當天與朋友約會後便想找一家餐館吃晚飯，我們都希望吃一些特別的中菜，於是就進了這家麵館皇。一看進去就看到餐廳的裝修十分新，找到位置坐下時也感覺很舒服。我的朋友點了咖喱牛腩刀削麵，而我則點了一個肥牛刀削麵。我覺得這家餐廳的食物十分多元化，雖然它主要賣的是刀削麵，但也提供了不同的菜色配合給食客。吃進口裡，刀削麵口感十足，麵條也很彈牙，配合清淡的湯底，確實是滿足了我們吃得淡的寄望。而肥牛則與清湯形成對比，味道充足，吃過後讓人回味。

就係因為見到咁多好評，雖然見到店肉空無一人，都入去試一試，點知一試便出事了。個小籠包啲肉鞋颯颯，紅油炒手上枱時一嚿嚿！又冇俾隻碟我放醋。杯豆漿用膠杯裝如果做得掂有邊度洗賣咖哩？

筆者本身已對麵食情有獨鍾，今日經過銅鑼灣，見到麵館皇個名，就比佢吸引左入去！見到有好多種麵食揀，本身想保守啲食米線，但見佢主打係刀削麵，雖然要加$3，不過都照試下新野啦！最後係叫左糖醋魚塊、口水雞、刀削麵，三樣野。「甜在心頭」糖醋汁味道偏甜，小小酸，係一道開胃菜，如果佢個汁可以完全包裹住啲魚塊，同埋加小小菠蘿，咁就更好。「炙手可熱」呢個麵係我暫時食過最深刻既，因為佢上枱果陣，啲湯仲係滾，係滾，有好多大泡泡仲冒緊上黎，真係即叫既煮！湯底係清湯，帶小小中藥味，入面仲有木耳小小蔬菜，層次多，唔單調。口水雞唔係一大盤辣油果種，呢款食落冇咁油膩，如果唔太食得辣，可以撥走面頭既辣椒，岩哂各種口味既人。雞肉好嫩，小小調味，唔係只有辣，好易入口。要讚既係上枱速度好快，岩哂我呢啲快閃😆

去銅鑼灣謝菲道搵食，開左間麵館皇，入面整齊企理，地方夠大，都坐得好鬆動。我地嗌左晚市套餐，滋補藥膳罐湯，見口水雞係招牌，就點左佢啦，一上碟，店員好細心咁嗌我地小心鍋邊熱親，佢地用左個大黑石鍋嚟盛面，入面嘅湯面會保住熱度，藥材味適中，見到有幾款藥材，所以個湯幾好飲，口水雞是另上的，而且份量都好多，辣辣地，很惹味，雞肉有雞味，而且都幾嫩滑，吾錯。係銅鑼灣食dinner 62蚊加3蚊有凍豆漿，幾抵食，又吾洗加一，味道又吾錯，值得推介。

剛剛感冒完左, 老婆話帶我去補身, 佢話銅鑼灣有麵店d藥膳湯底好得, 又知我熱愛麵食, 帶我去食吓, 真抵錫,這間麵店装修光猛簡潔, 座位亦舒適,兩個人叫左兩款麵餐, 飲品當然試吓豆漿, 不太甜, 亦有豆味, 可以,來到主食, 麵餸分開, 不會將味道攪亂, 唔錯, 我點的口水雞份量不少, 以60蚊左右價錢在CWB叫抵食, 而且味道OK , 不太辣, 豆豉和蒜蓉味非常香, 雞肉亦嫩滑不柴, 惹味到流口水,老婆叫的鎮江骨, 醋味適中, 酸中帶鮮非常開胃, 排骨炆得夠, 一咬即化, good ,主角麵食:湯底有濃厚中藥味, 聞落好香, 飲落又順喉, 推介不錯, 飲完個湯即刻好似精神左, 刀削麵咬落煙韌, 麵香足, 吸埋d湯好美味,總括:藥材湯底非常吸引, 好這味的必愛, 而且價錢亦算抵食, 口水雞惹味出色

出到銅鑼灣又唔想食太貴，呢間餐廳係唔錯嘅選擇。餐廳環境方面，靜靜地，坐得都幾舒服。女友叫咗一個麻辣口水雞刀削麵$62。口水雞分量十足，落單時可以同姐姐講聲要幾辣架。雞肉嫩滑有雞味，雞皮爽脆👍🏻配上有花生、蒜頭嘅麻辣醬，就更加惹味啦！底層有爽甜嘅拍青瓜，中和辣度👍🏻刀削麵係藥膳湯底，嚟到嘅時候滾得好勁😳散發著淡淡的當歸、黨參味😍我同女友都好鍾意！👍🏻刀削麵一樣分量十足，好有咬口！食食吓都幾飽😝我就要左個金牌咖喱牛腩刀削麵$65。牛腩一樣分量十足，啱晒我呢啲食肉獸😂牛腩質感好淋，好香柱侯醬味，配上微辣既咖喱汁，味道豐富。用嚟送麵，就更加好味～聽姐姐講，原來餐廳係上海師傅主理，下次可以試下啲小籠包添！

叫左個口水雞刀削麵叫完好快就有得食啦口水雞有大大隻雞脾係入面，雞上面有好多豆豉同辣椒乾，鐘意重口味d既，可以加埋一齊食口水雞唔會辣到食唔到，麻既味道亦足夠同個麵幾夾下一份雞肉既份量超級足夠，食完麵仲有雞可以慢慢食個底仲有好多青瓜粒俾你解辣個藥膳湯底真係好香清香撲鼻，味道唔會太濃，配唔到既餸菜都易夾最難忘係個刀削麵口感真係一流彈牙之中帶點咬口，食落有種回香每條形狀大小都不一，但同樣煙un有勁掛湯力好高，味道好好

今日同朋友行街睇戲，完場見餓餓地就去左附近搵好野食，行過謝斐道見到呢間麵館皇，裝修好企理咁就決定入去試下！叫得麵館皇又點可以唔試下佢既麵呢？我就揀左咖哩牛腩刀削麵，望到麵流哂口水，上菜既時候啲香味飄埋黎真係忍唔到口呀！咖哩味不會辣，牛腩又林又香另外朋友叫左個湯底係藥膳黎既，又健康又好味！藥味不算重，怕中藥味的。朋友都可以黎試下！男女老幼都一定岩食架。佢仲提供左好多唔同既配菜同埋小食！好似肥牛呀、雞肉、豬肉等等。唔同口味既朋友仔都可以去試下架

星期四同女友去老銅買野，順便食個便飯，就揀左<<麵館皇>>。 呢間冇記錯係新開的，望街的一邊，落地玻璃設計，唔似中式麵館。 今晚就食個套餐，有野飲嘛。 話時話，呢度出名食藥膳湯底的麵，今次就叫左個手擀麵。賣相幾特別，似刀削面般厚及薄。聞起上來，入口，湯底都好香藥材味。同時，湯麵都非常熱，食得更有滋味。 今次的主菜是醉雞，另外上的。份量多，入口又香又有酒味。 加了三蚊轉凍檸茶，天口氣，真係好解渴。

「麵館皇」係豬小姐中學時期嘅打躉點 不過係沙田第一城分店！最愛就係煙韌又有彈性嘅刀削麵今日同豬先生過對面海行街街 途經尼度 就決定懷緬一番 睇下那些年同現在嘅感覺是否依然銅鑼灣謝斐道分店裝潢比較新式 不會像沙田分店般比較傳統舊式 可能是要配合銅鑼灣這潮流集中地吧 環境簡潔企理！叫左兩個晚市套餐 一款係麻辣口水雞手擀麵 另一款係上海獅子頭刀削麵招牌嘅滋補藥膳湯底係用不同藥材製作而成 用保溫的器皿盛載保持高溫 上菜時冒煙熱辣辣湯底顏色清徹 飲落清甜 係淡淡嘅藥膳味道 而非大家想像般又苦又濃嘅味道 感覺無味精 飲多幾啖都唔驚口渴 仲幾滋潤湯底仲有蔥粒 椰菜同木耳絲做小配料！麻辣口水雞嘅麻辣係另上嘅 大家可以控制番個辣度麻辣汁少麻偏辣 令人食得過癮！雞件夠冰凍 溫度低可以另雞肉變得更有彈性更滑 雞件嘅份量比一般多仲有蒜粒同豆豉作個小小調味 更惹味呢！上海獅子頭有三大粒 每粒都肥大飽滿 充滿肉汁及濕潤感 啖啖肉！不過調味方面就重手左 咸了一點手擀麵口感順滑 薄切扁扁而透亮 比較腍身 岩哂鐘意滑溜又唔洗點咀嚼麵條嘅朋友仔刀削麵粉感會重一點 因為用刀削的關係 所以麵條每條大小都會不一邊邊位呈波浪型

養生藥湯麵@麵館皇銅鑼灣 謝斐道482號地舖病魔纏身，食西藥治標不治本，還是要好好養身及從日常生活飲食著手。以藥湯聞名的麵店，大大窩端上來已聞到陣陣中藥香，喝下甘而不苦帶當歸味，絕對是女仕調養身體的恩物，微甘男女老幼接受程度高，而麵條可以多種，如特別的刀削麵或手擀麵，我就要了米粉因吸湯又健康。豬軟骨雖然邊位多脂肪，但肉質好滑唔難咬，而軟骨位爽口，是雙重享受。飲品要豆漿$3，都係以健康考慮，高蛋白質喝入口不死甜。店叫麵館皇，其實仲有飯同上海點心食架，以銅鑼灣一區就，小店真是經濟實惠。