北方餃子源 (砵蘭街)

Open Now

Now Closed

早幾日有好多嘢做，午飯同同事去咗附近的餃子館食午餐。餐廳位置方便，朗豪坊行三至5分鐘就到達。呢度除咗有湯餃，更有煎餃子，以5/10隻為一組。餃子係午市冇得選擇雙拼，所以我決定同同事每人叫了不同味道來分享。係Menu中，最吸引到我就係煎鮮蝦韭黃豬肉餃。雖然皮有點厚，不過咬開都有不少汁，而且見到有幾大隻蝦。雖然呢到的餃子不算差，不過價錢不算太平，而且無得雙拼，又沒有餃子價，未必會再試。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

曾經喺灣仔返工，有同事帶咗我去北方餃子源嘅銅鑼灣分店食午餐，雖然等咗好耐都未上菜，但食完之後係會對佢嘅煎餃念念不忘！今次就去咗旺角試埋佢個水餃🤤❣️✍🏻 / 煎芹菜豬肉餃麵💵價錢：HK$50🔘整體美味指數：❤️❤️❤️❤️❤想口感豐富啲，我通常都會叫啲有木耳或者粟米餡嘅煎餃，今次就叫咗比較爽口嘅芹菜。呢間店嘅煎餃最令我著迷之處係佢個餃子皮，雖然叫煎餃，但佢層皮好似炸出嚟咁，超香脆！蘸埋啲自助豉油同辣椒醬，真係超好味🤤✨另外，佢個麵條麵好爽滑彈牙，連本來嫌上菜慢嘅男友都讚好（基本上係畀佢食曬）！✍🏻 / 茴香牛肉餃💵價錢：HK$33/5隻🔘整體美味指數：❤️❤️❤️❤️❤本來以為餃子有連湯底，但原來冇，可能要加錢或叫麵底先有湯。不過就算冇湯，一咬都泌曬啲汁出嚟，睇圖就知冇呃你㗎🥟💦菜肉係我鐘意嘅比例，絕對唔係果啲勁多菜得小小肉嘅餃子。✍🏻 / 棗泥鍋餅💵價錢：HK$32🔘整體美味指數：❤️❤️❤️❤️🤍睇返佢份menu介紹，棗泥鍋餅原來係揚州名點之一。本來以為係煎脆外皮，點知原來係類似pancake嘅口感，不過似係即叫即煎，外皮微脆，熱辣辣上枱，上枱即食好正，雖然中間嘅紅豆餡份量唔算多，但甜度恰到好處👏🏻✨。💵埋

夜晚差五多10點係旺角油麻地突然想食D熱辣辣Ge野不過好多都9半已經last order見到北方餃子源仲開 之前已經見幾個人介紹話佢地素餃子出色本身想試好可惜兩款素餃都已經賣曬所以就外賣左玉米豬肉餃十隻兩個人食講真50蚊十隻餃都五算平落單后大概等左6 7 分鐘就可以取得出到去先發現要餃子湯要加3蚊後悔無加到而皮薄都煙韌，餡幾多，玉米粒🌽好甜！！and 有汁！都幾出色最緊要係夠熱辣辣~！！以宵夜黎講好正雖然50蚊食餃子係貴少少但我覺得都ok！真係幾好味

每次去到旺角油麻地果頭就會想食珍心素食，但可惜佢地收得早，夜少少就已經冇得食，好彩都有啲非素店提供唔少素食選擇，北方餃子源就係其中一間。用得餃子黎做生招牌，就緊係要食下啲餃子啦，鐘意食香口野既我一定會叫煎餃。煎素菜餃拎到上黎有少少嚇親，個餃前係半煎炸feel，熱氣指數以幾何級上升。個皮夠哂脆卜卜，個餡都仲好夠水份，唔會好乾，有啲蘿蔔呀木耳之類既基本野。個豆瓣醬稍為鹹左少少，點好少好少就已經夠味。素汁炆冬菇好正呀！啲冬菇炆到好稔，又吸收左好多汁，隻隻脹卜卜好飽滿，食落去好滿足。啲菜飯都做得好好，菜既size唔會太大，啲飯加左少少油咁，好香口但又唔會太油膩。麻醬撈麵冇乜特別，不過個麻醬似平時天使bb果隻，所以可能有蛋奶，vegan要注意呀。

🦄北方餃子源 @northern_dumpling_yuan-🌸🥟第0️⃣5️⃣回の餃子日記🥟🌸-碧綠素菜餃(5隻) Hkd31Rating🌕🌕🌕🌑🌑木耳香菇素菜餃 (5隻) Hkd35Rating🌕🌕🌕🌕🌑素汁炆冬菇 Hkd53Rating🌕🌕🌗🌑🌑爽脆西蘭花 Hkd21Rating🌕🌕🌕🌗🌑山楂茶 Hkd10Rating🌕🌕🌕🌗🌑-話咁快就嚟到第05回餃子日記🥰一次過介紹兩款素餃🥟唔分開講了😆本身打算去深水埗分店 但係我搵咗好耐😱睇哂地圖又入埋巷仔😂最後都係搵唔到😅我真心懷疑自己係咪存在於第二個國度🙂於是即刻9秒9搭車去油麻地分店😢餓死寶寶了🥺雖然得我一個人食晏🙈不過我都叫咗好多嘢食😂最後一個人獨力KO哂 真係飽到連晚餐都唔使食🤪-🌸🥟MIRU餃子日記の私心排名🥟🌸🌸0️⃣1️⃣北方餃子源 木耳香菇素餃🌸0️⃣2️⃣餃掂 野生松茸素餃🌸0️⃣3️⃣北方餃子源 碧綠素菜餃🌸0️⃣4️⃣饃饃饃子 饃饃素餃🌸0️⃣5️⃣餃里 清新素餃🌸0️⃣6️⃣GRAIN OF SALT Soup-er Dumplings🌸0️⃣7️⃣餃掂 大滿貫素餃🌸🌸以上排名只係代表我個人嘅喜好🥰🌸只供參考 亦都會隨住時間而改變😉-呢間餃子店其實都幾出名🥰好開心佢有兩款素餃🥟

之前嚟餃子源都係食餃子同麵食，覺得都不錯，所以間中都會幫襯。是日午飯時間經過，想食飯，就點咗個山東手撕雞飯。手撕雞同預期嘅好唔同，唔知係咪山東嘅做法，唔係條狀嘅，係一嚿嚿的。整體賣想好一般，雞肉有啲乾。下次都係食返餃子開心啲

路過想起這間美味餃子店的羊肉餃子🥟，隨即就用OpenRice App 下單， 不夠數分鐘店員便將生餃子送上，方便快捷！冬天打邊爐，呢個絕對極佳嘅選擇😊，一盒仲有12隻添！大飽口福😋

今晚朋友突然話想食餃子，咁我就上google search下油麻地邊度有啦，點知係就近有間叫北方餃子源，地鐵站A出口行過去都唔洗5分鐘。咁我朋友就事前食左小小野，所以今餐就叫左兩碟餃子同一碗米線！香炸豬扒米線豬扒炸得岩岩好，食落唔會覺得熱氣。個米線都算彈米，係個湯底唔太夠味扣左小小分。煎鮮蝦韭黃豬肉餃餃子煎得岩岩好，餃子皮脆卜卜，入面真係有蝦仁。京蔥羊肉餃我平時好少食羊肉，略嫌有少少騷，但係我朋友話十分好味。3樣野都好味，份量都好夠，兩個人食除翻開都只不過每人$80蚊，晚餐黎講都唔算太貴！整體黎講都算唔錯，衛生都唔差，係鋪面比較細，所以就容納唔到太多人。如果下次想再食餃子，喱間絕對可以再回頭

今日咁啱出旺角整啲嘢，餃子癮起，又嚟食餃子源😂。原來14:00-18:00有下午茶餐，我哋分別叫咗🐽炸豬扒擔擔麵同🥟8隻雙拼煎餃，跟餐可揀菊花茶、山楂茶或豆漿。🍜炸豬扒擔擔麵餐（$49）湯嘅顏色比以前深色左，一上枱好香花生醬味，濃比以前食嘅香濃咗，有好多炒香咗嘅花生、醃青瓜（好入味😋），炸豬扒好香脆，上海幼麵彈牙，吸埋啲湯汁好正！哩款好啱愛重口味人仕。👍🏻👍🏻👍🏻🥟雙拼煎餃子餐（$49）我揀咗西洋菜餃同京蔥羊肉餃，三面煎過嘅餃子非常香脆，但我覺得西洋菜餃還是比較適合水煮，煎的話菜嘅香甜味會被蓋過。相反京蔥羊肉餃就好適合煎嚟食，煎完令京蔥更香，真係好好食😋。下次試吓拼煎韭菜餃先😝

身為一名餃子控，無論係食店定街市賣嘅餃子，我都會試，但講到最鍾意、最常食嘅就係哩一間 「北方餃子源💛」。幾年前，晌旺角區返工，而餃子源就晌公司附近，所以成日都會去食午餐。佢哋嘅午餐好抵食，40幾蚊就有涼拌前菜+各款麵/飯+豆漿/酸梅湯。而家出開旺角諗唔到食咩都會去食餃子源㗎。我最愛佢哋嘅🥟水煮西洋菜餃同🥟煎京蔥羊肉餃。皮薄得嚟煙韌有彈性、餡料好多好飽滿，菜同肉嘅比例剛剛好，仲有佢哋嘅醋都係有陣香味，唔會淨係得酸。煎餃佢哋係三面煎香，所以睇落似炸，但佢唔係炸架，其實三面煎左仲香口，但都好熱氣😂😂呀！仲有佢哋個豬扒米線都好好食，豬扒炸過又香又入味，仲有佢哋個豬扒汁，咸咸甜甜溝埋啲蒜蓉，好正，我通常會叫佢比多啲豬扒汁我送米線🍜❤️今日因為太想食，媽媽咁啱晌旺角就買生餃返嚟煮，整個生菜底水餃，我食完好滿足，好開心😃

今次第一次食呢間餃子店，聽人講佢地既灣仔分店好出名😏但灣仔太遠，所以就黎左旺角呢間分店try try我地兩個人黎食晚餐，叫左三樣野：白菜豬肉餃、西洋菜豬肉餃同埋豆沙鍋餅！我想講佢地既餃子係會食得飽，平時我食10隻灣仔碼頭既水餃都唔夠飽🤣皮既厚度適中，唔會太薄或太厚，餃子餡都唔錯，唔會食落去好散，味道都好出，點埋個豆瓣醬，簡直perfect池！個豆沙鍋餅都煎得唔錯，紅豆餡亦唔會太甜，正！#餃子#北方餃子源

不嬲都有打電話去嗌"外賣自取" 講真 聽電話嗰位姐姐態度都唔算特別有禮貌 不過尚可接受啱啱又打電話諗住外賣10隻水餃 我最後加句"唔該走餐具呀!" "撲!" 乜都冇講 cut我線!!! 心諗會唔會電話接收有問題 唔緊要啦 打多次去confirm自己個order 個阿姐勁唔耐煩話"聽到啦! 頭先有電話入呀!" 我話:"你乜都冇講就咁cut我線 拜拜都講句呀 啲服務態度咁㗎!" 個阿姐用勁串嘅聲問我"仲有冇其他嘢呀?! 冇就拜!拜!"真係好嬲!!!

今日下午茶時段, 行過路過走咗入去試試.下午茶優惠都有好多選擇, 第一次試哩間餃子店當然想試試佢地d餃子得唔得啦, 下午茶餐其中有雙併餃子系列, 有淨餃或配麵 (淨餃有8隻, 配麵有6隻), 我係晏食午餐, 所以揀咗個配麵的雙併餃子 --- 3隻韭菜餃, 3隻西洋菜餃 (有多款味道嘅餃子比你選擇, 當中仲有素餃, 方便食素人士).等咗一陣就有得食, 餃子飽滿, 味道濃厚, 韭菜餃嘅肉同韭菜味道好balance, 而西洋菜餃嘅西洋菜味好出, 兩種餃都好正 ! 湯底無咩特別, 比較清淡, 可能係配番濃味嘅餃子吧, 麵條就比較糊口易碎, 唔係煙韌style, 唔係人人接受到.下次再黎食, 我諗我會食淨湯餃, 哈哈~

好吃既的餃子我可以吃好多，我同朋友剛巧途經旺角來到這間香港星級品牌及得獎食肆，當然對其食物質素有期望。看見餐牌的菜式令我什麼都想點，思前想後，還是點了兩個水餃湯麵套餐加兩個散點。※ 芹菜豬肉水餃湯麵 ~ 雖然留意到門前寫著不用味精給豬油作烹調，但想不到湯麵的湯底是這麼清淡可以說是沒有香味有點像鹽加水的烹調｡麵條只有一款，也煮得太熟，不爽彈，失望! 相反餃子的皮厚薄適中，咬開後有肉汁，芹菜與豬肉的份量很充實，芹菜味道特出｡※ 西洋菜豬肉水餃湯麵 ~ 麵條也是失色的。烹西洋菜水餃雖不及芹菜香味那麼出眾，但西洋菜與豬肉的比例剛剛好，餡料不會過實，清甜好吃｡※ 煎特級素餃 ~ 素餃子餡了豐富，有蘿白絲，木耳，菌類及菜等等，雖說是煎餃，看上有點像炸的。餃子皮只有一種，所以用來煎的餃子皮很厚很實，皮邊輕微香脆，但容易吃膩，也比湯餃烹調失色。※ 京式醬蹄 (冷盤) ~ 豬蹄肉片較厚且乾身，口感不爽滑。只靠在肉上塗上少量的醬汁作調味，未能刺激味蕾及食慾｡※ 自製凍山楂茶 ~ 山楂茶濃郁，甜度適中，用作餐後消滯的確不錯｡事實上，店子還有很多不同餡料的餃子及小吃，下次會再來或到其他分店試試其他款式!

餃子源雖然有好多款嘢食，但係我最鍾意都係佢嘅招牌餃子。今次我試咗京蔥羊肉餃，10隻都只係49蚊，每隻羊肉餃子都好juicy，而且幾足料，啲羊肉都唔會有羶味，值得一讚。加多杯凍豆漿，飽晒