舊墟茶居 (Closed)

野食有水準 對客人態度好 正正正正正正正正正正正正正正正正正正正正正正正正正正正正正正！

地方夠光猛整潔, 侍應態度良好.1) 口水雞 ($38) - 味道ok, 如去骨更好.2）海蜇青瓜($38) - 青瓜爽脆, 食完再叫一碟.3）醬燒乳豬($218半隻) - 皮脆肉熱, 連殼食, 好味.4）拨絲鮮肉排($88) - 其實只是生炒骨. 所謂肉排內裏全是骨頭, 似煲湯骨, 只吃到漿粉吃不到肉, 甚差.5) 棗蓉正菜蒸龍躉頭腩($108) - 魚片偏薄, 厚一点較好. 不夠新鮮, 入口即散, 沒有新鮮龍躉片入口彈牙的感覺. 小黑木耳好味.

一大班人開工到夜晚！收工一齊食返餐好嘅！同事介紹呢間，唔使等位，場內好大！菜館格局！光猛乾淨！雖然客人都多，唔會嘈雜！我哋坐近門口一張中枱！店員好熱情介紹特色菜比我哋！ 食物好快到！ 芥蘭炒臘味（$68）賣相靚！芥蘭爽脆！臘味香口！有齊臘腸、潤腸同臘肉！好味！ 胡椒豬肚雞煲（$78）有埋gas爐！一路滾住食，熱辣辣好正！豬肚唔硬，胡椒湯好香好暖身！好味！ 自家製龍躉滑豆腐（$78）賣相靚！四方豆腐磚好滑，中央夾層住啲菜，再炸一炸，加上龍躉肉獻汁！味道清爽！好味！ 燒汁茄子牛柳粒($88)茄子粒爽口，牛柳粒彈牙！牛味重！燒汁味濃但唔會過鹹！好好味！龍躉兩味: （$188） 炒龍躉球：脆肉瓜爽脆！龍躉肉厚到似塊扒，嫩滑唔嚡！ 蒸龍躉頭腩：好滑！好滑！配埋枝竹索汁好好味！ 羊腩煲（$68）有火爐！材料足料！羊肉唔膻！好多爽脆馬蹄！不過荀比較老！而且無提供生菜！ 明爐燒鵝皇（$98）火爐好精緻，用玻璃兜盛載，雖然唔脆皮！鵝肉唔老！燒汁好味！正！ 乳豬（例）（$48）脆皮！肉唔老！點甜醬好味！店員勤快！上菜收碟爽手！有笑容！難得廁所好乾淨！呢餐食得好開心！

是日同爸爸提早食生日飯，因為搬咗出黎住咁多年，都唔知粉嶺有咩好食，所以就由爸爸發板決定黎呢間龍躉專門店。我地總共6個人，叫咗半席宴 ($888)，另外再加咗個干燒伊麵同重慶雞煲味道剛好，豆腐惹味蝦肉彈牙龍躉肉嫩滑雞煲個汁幾好味，可惜雞肉應該冇醃過，所以食落有啲淡口燒豬嘅皮好香脆，正!白菜清甜金沙脆皮惹味香口，蠔味濃，正!呢個紅棗糕超驚喜，QQ嘅口感，紅棗味唔太濃(啱我，我起初好抗拒)，清甜好味~總共1湯9餸1甜品6罐汽水，埋單$1059，真係好抵食!

一班5-7人係聯和墟食晏搵位好難，雖然午市都好多人，但呢間茶樓就好在好多時都唔洗等好耐。點心足料味道唔錯，推介龍躉炒飯夠鑊氣，叉燒包傳統味道，清甜紅棗糕都好推介，最緊要價錢合理，唔洗廿蚊碟腸粉。

實在有好一段日子沒跟太太午膳了，反正今天上晚班，可以放下兩隻小魔怪，靜靜地撐檯腳。舊墟茶居開業已有好幾個月，正式飲茶還是第一次，兩個人亦吃不了那麼多，炒碟粉，來碟菜，再加點心，差不多了。沙爹雞球炒河的芡汁未免太沏澎湃，而且非常濃稠，沒沙爹味卻十分輕，河粉碎濕濕，雞肉無味，算了吧！魚湯浸生菜反而不錯，綠油油的賣相，相當吸引，入口爽甜，真的好吃。最後的排骨蒸陳村粉算是不過不失，排骨的汁都滲入陳村粉內，但陳村粉蒸到一舊舊，只能味道搭夠，午餐只得一小時，亦不能要求太多，最緊要快！

在FACEBOOK見到朋友在粉嶺飲茶, 好奇一問之下, 才發展原來在家附近的新茶樓, 甘星期6就同媽咪一起去試新酒樓。環境這個是入左門口, 可能因為是新酒樓, 所以超多人排隊, 當日亦有些少混亂。其實因為佢係地鋪, 門口出門就係行人路同車路, 重要係聯和墟主要的車路, 車來車往, 人又人等, 所以都幾危險。最後D人都迫晒入來店門口個度。佢地廚房係用玻璃窗, 所以好清楚入面廚師做野, 應該都好衛生。MENU南北美點$5.8....係唔係真先.....就要看看了。食物因為同媽咪2個人, 所以我們沒有叫了太多的食物, 叫了:* 蝦腸* 蘿蔔糕* 燒賣* 翡翠餃* 蝦腸個樣跟普通酒樓一樣....都幾滑, 不過有2條得一粒蝦, 一條有2粒蝦 , 唔知係唔係比老鼠偷食左。味道: * 蘿蔔糕個樣跟普通酒樓一樣, 食落好糕, 成舊粉甘, 好像冇咩蘿蔔味。份量還OK, 傳統的3件。味道: * 燒賣味道好好, 有4粒 ^^, 沒有肥豬肉的感覺, 對比個籠來說, 佢係小了一點, 相反「粵軒」就大粒好多.....味道: * 翡翠餃味道好好, 只有3粒, 不過唔知係唔係蒸得太熟定個皮搓得太薄, 一夾..