Oasis Cafe & Party House (Changed Hand) New Restaurant

Welcome to the mini Chip 'n' Dale world lolzWe ordered two dishes:- Baked cheese chicken chop with tomato pasta- U.S. Angus burger in spicy sauce with French fries and saladthe burger wasn't bad but I wish that the chicken chop could be a little bit crunchier.the restaurant didn’t have many customers so people can talk comfortably. i like the decoration there. The dolls Chip 'n' Dale listing near the windows are so cute! Sadly I expected there were rabbits as I saw on openrice but the boss said

朋友生日，梗係要搵個地方食下飯慶祝下啦，之前有朋友嚟過呢一間cafe朋友,今日我哋就選擇左呢間嗰度過我哋嘅朋友嘅生日嘅一晚，我好少寫食評，但係今晚又食得開心啲嘢好食所以我都要寫下先。我哋睇個餐牌之後就選擇咗三種嘢食啦其中一種就係黑松露藍殼青口意大利飯，卡邦尼同埋，香辣雞扒漢堡。黑松露藍殼青口意大利飯，黑松露肥龍屬青口又亂，啲飯又唔會好似真係意大利飯咁樣硬，啱曬我哋香港人口味。卡邦尼，嘉邦力嗰個汁煮得非常好唔會太乾， 煮得剛剛好。香辣雞扒漢堡，雞扒夠大份又夠脆，D薯條好食過麥當勞好多，配埋黑醋沙律，簡直係絕配。岩鹽芝士奶蓋芒果沙冰，估唔到樓上cafe都有奶過飲，芝士奶蓋係鹹鹹地幾得意，芒果沙冰夠軟綿綿。下一定再同啲朋友再嚟試下佢另外其他嘅食物。

一行5人想搵個地方坐得耐 又可以傾下計 但好多樓上cafe都唔好食 於是search到呢間好評好似貼地d  一於嚟睇下呢間會唔會令我對樓上cafe改觀啦 結果係: 無 =( 都係咁失望 首先一入去佢有個閘係個門口 以為去錯地方 入面環境都昏暗嘅燈光 D 凳用 面感覺好dirty 入D有皮嘅梳化先乾淨d 睇下個Menu先 佢嘅選擇都唔係好多 openrice 訂座叫一個main+一杯飲品先有79折 就咁散叫就無折 我等朋友期間叫左杯薄荷朱古力 以為唔會難飲得去邊 點知...... 成杯野得個甜字 薄荷味怪怪地 個配方應該整得唔好主食方面叫左雞扒意粉同埋明太子意粉 睇個樣未食都覺得伏d意粉得微暖 雞扒入面都熱嘅 佢應該整完意粉再煎雞扒 攤到凍哂 意粉一D味都無 明太子意粉一樣都係凍嘅 賣相完全唔想食 無咩明太子味道伏中之伏! 有朋友叫左個安格斯牛漢堡包 伏到相都無影 $108 個包只係普通超市個隻嘉頓包 入面塊牛又唔juicy 又乾  其實$100出面已經食到好多好高質嘅burger 朋友食左3分1 就無食了講下d board game 先 都無好好管理佢地 盒盒打開都少咁d棋呀牌呀 都唔

終於等到放暑假，約埋成班同學去cafe hea下先 。上openrice揾番上次去嗰間喺旺角先施大廈嘅cafe，因為夠方便，D嘢食又好食，所以我哋就一行八個同學一齊上去hea返一個夜晚 。cafe嘅好處就係有得食有得飲，仲有board game玩，好容易就可以消磨咗一晚 ，我哋約咗七點鐘上到去，一玩就玩到夜晚十一點幾先返屋企。上面個環境好舒服，而且啲嘢食仲好好食 ，最難得嘅就係唔會同樓下啲餐廳啲服務態度咁差，坐一陣又畀人趕走， 而且呢間cafe我哋唔係第一次來，每次店主啲服務態度都好好 ，食物嘅份量好充足，足夠我哋食飽飽 ， 近排仲轉咗新menu，多咗好多唔同嘅嘢食，不過我都係鍾情佢嘅安格斯牛肉漢堡，因為大大個， 塊牛肉又好juicy，配埋啲芝士太美味，而且配埋黑醋沙律、薯條好好味，嚟緊漫長嘅暑假我哋一定會再來。

前2日係我的生日，我的best friends帶我去旺角的一間Cafe，雖然在旺角這個煩囂環境，但一入到這間Cafe很有休閒的感覺，餐牌食物雖然款式唔多 但係勝在睇得出都很有心思。廚師推出左一款新嘅食物，介紹左我地，牛肝菌汁牛肋條長通粉，牛肝菌汁嘅濃郁，牛肋條煮得鬆軟多汁，再加埋長通粉好有咬口，這款菜式的新配搭，好啱口味，超有驚喜再加上店主的適當招呼，讓我那晚生日聚會得窩心得黎又很有私人空間。讓我和我的best friends 過了1個盛女舒適的生日。

有個朋友見到呢間有優惠，就約我哋上嚟食餐飯見下面。我之前睇咗啲評語都唔多好，上到黎就深深體會到啲評語又幾啱喎。呢度係好似家庭式運作咁樣，好似兩公婆咩起成間餐廳，所以好多嘢都係落左單之後先逐樣煮，所以上菜超慢。我哋每人叫咗一個貌似差唔多樣嘅意粉，但係上每一碟都隔左10分鐘，搞到等齊都凍哂啦。食物方面都幾普通，就係普通Cafe食咪咁囉。嘢飲就普通茶記食物，柚子蜜，奶茶等等。呢度都叫有啲boardgame可以玩下，環境都算幾適合後生仔女。

今日同朋友經過旺角，行到攰攰地喺網上面搵到呢間cafe 喺先達入面，搵都唔難搵。入到去職員人唔多，有笑容有禮貌，同埋好快就招呼我地🙋🏼‍♀️❤️我地散叫左幾款野食，味道唔錯，食到是用心製作的。❤️⭕️水牛雞翼製作後有佢獨特既汁醬留在面，唔會乾爭爭，食完都唔使飲水。👍🏻⭕️OREO奶昔特別在佢係紫色的🔮⭕️煙鴨胸沙律是朋友至愛，佢話好Fresh😍⭕️Oasis拼盤熱辣辣趣卜卜，當然比小朋友清晒🥳🥳整體是十分滿意的，會再幫襯。

行完先達想走之際，出面大雨到呢，唯有避下雨先哪。不過等下等下唔係辦法，搜下附近有無茶記或cafe記坐下吧，見到先施大廈有間cafe，心諗成楝都係賓館喎。。。但又總好過坐茶記喎，反正都係避雨，踩踩場哪。上到去地方唔算好大，但係好有細個個陣蒲樓上cafe的感覺，係要有一點MK味，先帶來點點回憶嘅。食物方面，因為已經食左飯，志在避雨飲杯嘢Hea下，叫左小食拼盤，超大份，有齊雞翼，春卷，咖啡角，餃子，薯條，炸得唔乾身，都算抵食，飲品就隨便叫左乳酪沙冰，青萍果同都芒果都試左，甜度適中，也不錯。再叫多個朱古力雪糕慕絲cake，雪糕外層是mousse，口感好細滑，不會死甜，值得一試。坐下傾下玩下，就咁消磨左一個下雨的晚上，望住窗外的霓虹光管，就是五光十色的MK了，無心插柳嚟到看似品流複雜中的一點綠州(Oasis)，算是雨中的浪漫吧！

不錯的餐廳！一入到去已經有服務員去迎接!地方不算很大，但環境就很舒適！啱晒啲小型嘅聚會普通嘅tea time!dinner!雖然大型嘅聚會就未試過但係相信就值得一試食物味道不失西式料理。下次都會再來！

呢間餐廳既地點好易搵 我今晚同成班朋友去呢到食晚飯聚舊 我覺得大致上全部食物都好味 吾系普通咁簡單 等候啲食物都黎得好快 我特別鐘意食圖中既兩個意粉 一個叫明太子意粉 另一個好似系牛肉意粉 味道岩岩好 其他野都幾好味 個沙律啲菜又好新鮮 兩款雞翼又好入味 我既小朋友都食左好多 我認為呢間餐廳值得一試 店員招呼態度一流 環境又大又舒服 最適合成班朋友食飯傾計 現場仲有好多玩具玩添 在等食物既時間可以娛樂 吾錯架！值得推介～～～～！下次一定會再幫襯^^

今日同朋友去完mk皆旺買野，突然想搵地方坐底同朋友一齊傾吓計，咁咪上網搵吓有咩地方，搵到間近近地係先達，咁咪同朋友上去試吓，好，講兩講，就去搭，電梯大堂好易搵，其實我地好小去cafe，所以推門前有啲緊張，就好似搭紅van一樣緊張，坐底時，我地完全唔知食咩好，太多都想試，但發覺店員很有耐性介紹我地食咩，因我地有選擇困難症😂，真係要比個like佢，食物的味道比想像中好，下次mk買完野，係我地成班人既好去處！

窩心CAFE今日同朋友去旺角食飯，噉就上op搵下睇下咩好食啦，本來BOOK枱先的但就得閒就落緊雨，今日放工後攰攰地，又唔想周圍行所以直接上咗去先。原來兩邊都有升降機可以上去都好方便，由升降機出門行過條走廊都算光猛，呢啲舊式嘅大廈好似睇緊警匪片一樣，好有feel。入到裏邊，非常乾淨無任何異味，牆身裝飾仲好特別。坐低先知道BOOK枱有優惠，walk in就要正價，點知個服務員好好噉樣同我哋講都可以畀返啲優惠我哋，（窩心第1擊）。服務員就攞個餐牌畀我哋睇，上邊都多選擇，主菜單都有成7款選擇，另外加錢又可以再加啲小食比普通正價嘅小食要平。朋友就揀咗煙三文魚黑松露意大利飯，我都揀左煙三文魚黑松露意大利飯但係我今日唔係咁想食飯想改意粉就同服務員講可唔可以轉意大利粉，佢即刻話要搵廚師傾傾先，好快佢就即刻返轉頭回復我話可以。之後我哋再點一個雞翼山嘅小食和追加一個薯條小食，今日我想食芝士所以問下服務員可唔可以幫手喺啲薯條上面加芝士，佢好快即刻就話畀我聽可以，雖然，餐牌上面冇但係都可以幫你加芝士，超幸運，好似去咗食深消食堂一樣，叫乜都可以煮到（窩心第2擊）。煙三文魚黑松露意大利飯煙三文魚黑松露意大利，估唔

考慮緊既你可以考慮其他。旺角仲有好多正常人類去既地方啱你。今晚同學聚會，約咗上樓上cafe，位置係旺角呢幢成幢都係賓館嘅大廈度，喺樓下兜嚟兜去先搵到個門口，因為一路都唔相信一間Cafe會係呢棟咁嘅大廈入面。入到個大堂見到個水牌，係搵唔到呢間Cafe嘅，淨係見到好多好多賓館。成個大堂都係遊客，相信係住呢幢大廈入邊幾十間賓館嘅。仲要壞淨一部lift，部lift仲要好容易超重，好有問題。上到4樓先至真係恐怖，周圍都係晾曬衫同被，周圍黑蚊蚊，十足睇鬼片入邊嘅場景。摸黑去到門口，入到去見到得6張枱，燈光暗。仲要有浸貓味添，怕動物味嘅你真係唔好考慮上嚟，如果唔係真係食唔到一餐安樂飯。食物唔多選擇，晚餐得幾個set，我地想用open rice個79折，竟然係一定要叫主菜加飲品先可以79折。我叫左芝士炸雞扒配番茄茸意粉，已經算係比較大份。朋友叫既其他野真係細到無眼睇。雞扒勁細塊，炸完竟然係濕既，一啲都唔脆唔香。意粉係用千島醬加少少番茄汁撈既，係千島醬！真係聞所未聞。呢度上菜速度非一般慢，全場得五枱客，我地竟然都等左半個鐘。被迫叫杯野飲，想叫啲平時少見啲既，就叫左士多啤梨乳酪。黎到成杯係白色既，咁好明顯

放假搵個地方同班朋友聚下 吹下水係openrice book位 會有優惠 咁就試試望落去價錢真係平好多咁就同朋友一齊試下地點係旺角，交通真係好方便，Cafe唔難搵我地叫左兩個set，之後再加野飲野食同飲品都好好另外地方都乾淨，唔會「痴立立」咁我覺得服務好好，人又有笑容😃雖然地方唔算好華麗，但朋友相聚唔洗勁靚最緊要係舒服玩下board game食下野，吹下水，坐左好耐最後有用book位優惠嘅價錢真係好抵可以再黎👍🏻👍🏻

今日朋友生日，都有一段時間好耐冇見，難得佢同我今日都得閒，就提早同佢慶祝生日。搵地方食飯開心吓，當然係上openrice睇下有咩食啦！大家決定咗喺旺角開飯，上openrice度睇到有間樓上cafe好似幾特別，咁我哋就上去試吓。六點鐘上到去已經有幾枱客，好彩我哋早到，晏啲可能驚佢冇位添！睇下餐牌除咗意粉同平時啲飯之外，都幾特別嘅，原來佢仲有burger同All Day Breakfast食，朋友佢就叫咗個美國安格斯牛肉漢堡，我就叫咗個煙三文魚意大利飯，大家share食。估唔到cafe嘅漢堡都有好好嘅質素，塊牛肉好juicy，而且係靚牛嚟！配埋啲薯條好香脆，仲有啲沙律伴埋，食落好開胃。至於個三文魚意大利飯，估唔到質素都好好，意大利飯軟硬適中，而且重都幾多三文魚，仲放得好靚㖭！另外，我哋仲叫咗個串燒小食，都好好味，同朋友都有三四個月冇見，今日同佢慶祝生日，呢度嘅環境氣氛都好好，我相信佢今日都過咗個很愉快嘅生日。