大久保日本料理 (Closed)

响樓下個接待員好有禮貌, 送埋我入!不過我上次嚟食,接待員都唔係呢個女仔!上到去已經有人帶位!至於食物就一般啦, 無咩特別, 不過有幾樣野特別好味o既:刺身船-夠新鮮(仲要唔駛加錢); 辣辣冷麵,辣味好香, (不嗜辣人士, 唔適合試);炸豆腐及炸雞-好香口; 魚頭鍋- 湯好入味!總括嚟講, 唔算太奄尖, 就好抵!

服務一般啦, 不過d侍應笑吓會好d囉!見佢地咁忙, 又未至於個樣唔耐煩, 就算數啦^^三文魚係幾新鮮, 不過就切得幾簿, 口感會少咗囉!鱸鮎魚都幾得意, 又幾好食!我地响vip房坐, 唔太知出面咩環境, 不受打擾, 幾好!生日cheese cake 味道幾得(對我地呢d消費者嚟講, 個蛋糕不另收費, 已經係好事!) 鹽燒o既食物都只屬一般, 唔夠香!

如果一大班人冇定去, 黎呢度都okay呀,1x人一間房, 又有television, 刪門可以點都得!!10:xx時段, 野食勉強, but唔至於難入口,朋友話生野唔及<<大八>>好!始終唔鐘意既都係淋的紫菜......埋單$11x到!!

做開個頭好多時都有食呢間野...我覺得早上服務既待應服務唔錯,不過夜晚就好唔掂了,個個黑面的好似同人有仇咁..野食方面就夜晚好似好d,因為d鍋幾好食,但d菜老到嚇死你,刺身壽司就好一般,最衰就係上到黎時甩甩漏漏咁,睇見就唔開胃,d三文魚切到簿到穿窿..=.=駛唔駛咁啊....最後食完都叫飽肚既...

VIP房有電影睇, 唔錯呀!如果間房有街景睇, 仲好...因為有d密室feel!不過環境都算舒適!!睇雜誌介紹呢度有條怪魚叫鰱魚, 咁咪ORDER囉!!好彩無呀錯, 都算幾鮮甜, 又見識多一種魚!!鹽燒多春魚都燒得幾靚, 幾香口呀, 我狂食幾碟!一品鍋係呢度o既首選, 入味, 正呀!日本料理呢度算多選擇

tea time $48/ each + 10% service charges(2:30 - 4:00pm)時間太短.手卷類- 都ok喎, 紫菜仲好脆添.炸豆腐- 唔掂, 我唔鍾意佢有湯浸住上.炸餃子- 好味, 又熱又脆, 炸得好夠, 金黃色, 一d都唔求其.蕃薯天婦羅- 食得最多, 雖然層皮唔夠鬆, 但蕃薯好甜.鮑汁魚翅豆腐- 唔掂, 好淡味.醬燒豚肉- 幾野味, 仲好稔添.鹽燒秋刀魚- 我覺得怪怪地, 可能我唔太鍾意食魚, 但朋友話好味, 仲好大條添.湯烏冬類- ok架, 但好快飽, 最好兩人share一碗.風味海鮮辣辣冷面- 鍾意食元綠既辣辣冷面既朋友, 一定要試呢個, 好味同埋辣過元綠, 正.刺身- 都幾新鮮, 又唔腥, 都唔係講得咁差啫.蟹籽沙律- 雖然得d生菜, 蟹柳及蟹籽, 好似好齋, 但撈完日式沙律醬, 都幾好味, 我自己都食左兩碗.甜品- 珍珠爽爽凍- 金色透明一舊賣相幾靚, 點知食落無味.甜品- 大久保紅豆糕- 粉紅奶色既物體, 似啫喱, 但好難食.甜品- 東京雜菓果凍- 只不過係罐頭生果溝啫喱, 睇個名仲以為係好野, 扼晒.味噌湯- 鹹左d.雖則d員工態度麻麻,

上半年嚟過, 覺得一般, 所以無再食!但前幾日朋友訂咗枱, 就再食多次, 發現進步咗~雖然多客, 但唔混亂, 招呼算OK!除咗食自助餐, 都有去壽司吧點特價蟹食, 新鮮!以前, 我記得經常漏單, 而家都改善咗, 唔駛我成日追野食!略嫌熟食未夠入味, 最好食係鍋物!以前嚟過呢度既人, 可以再一試!

26/10 今日放左學,諗唔到去邊食野未迫著去呢間野 之前都去過ga 喇...覺得好似無mud野咁啦...不過覺得d野唔好食咁姐.....點知入去時,同我地講2個鐘ge自助餐,其實係1個半鐘.d野食傳得又慢......又少野食....叫ge同到ge....差勁遠.....又難食.......服務極差....d野黎到就咁掉...係明顯睇到佢唔(ger)掉入黎law......連我d唔鐘意爆粗ge人都好想.....唉.....有個服務者唔小心插左隻手指落去碟野度.....不但唔換個第兩碟....仲起度(只只)聲.....嘩.......聽落去好似得個嘩........e.......咁都得........但起現場ge我地.........真係火滾呀...之後寫左d評語......不過都係無用ga喇...佢地傳頭一定會掉左佢..不過有得宣發下怒氣都唔錯........此地不宜久留.........

上星期六三個人上左去食飯，真係如大家所講ｄ野黎得超慢，又永遠都唔夠數，ｄ刺身先勁呀，片片都好似發育不良咁，好心呢間野啦，咁孤寒又唔好做放題啦，又要用放題黎吸引人，又要唔捨得比人食，咪只係可以吸引到人上去一次咁人把，如果果晚唔係有人想去我都真係唔會去呀，佢ｄ野其實一早已聽過，不過而家真係聞名不如見面囉，以後我都唔會再去呢間野到架喇。ｐ．ｓ．仲要果晚食完返去痾左成晚

昨日到大9保去慶祝友人生日,我地一行5人,卜左房,又係個間離toilet最遠的果間房仔.我地一行入去就覺得有陣怪味,之後坐左陣,點左第一round 之後發覺原來有塊吞拿魚貼住左係個窗度,實在好鬼核突>.<"不過我地都無理佢我地飲曬d茶諗住搵人幫私地加番d,個服務生一行黎就話:「咩事丫?」嘩,果陣時我以為自己比人兇緊丫=="個服務生上菜時個態度真係好唔知點咁,算la,我都唔想再講落去la=="

尋日係我生日.朋友就同我去大9保慶祝.訂左位宵夜8個.去到話多左一個.門口果個女仔又好似好唔滿意咁.都算喇.9個人俾間細房我地.黎野又黎得慢.叫綠茶仲溝左水.黎既野又5係我地叫既.total咁多次叫左80 隻甜蝦.1隻都冇黎.叫佢跟下.又俾埋d唔知咩拼盤我地.d野又唔岩.拎罐野飲.佢都可以要我地追.追完仲要拎錯!d刺身真係難食到不堪! d侍應仲要黑哂口面.個生日旦糕追左都5黎.之後咪叫佢埋單囉!如果再有下次.我5會再黎囉!

前幾日, 嚟呢度食個tea都唔錯!我叫果個係焗蜆肉長通粉, 味道似正宗意大利餐廳煮法!份量都好適中!我個friend叫碟千層麵, 賣相都幾正, 好似舊四方蛋糕!唔知係咪下午茶時間關係, 全場唔多人, 都好坐, 又有戲睇吓!

食物水準真係好一般, 但又冇d人所講既咁難食....星期五個晚上去,比我想像中小人,所以環境都唔錯,送野食就真係慢左d,我地有8折coupon,冇+野飲,埋單2個人$250,如果冇左coupon既話我會覺得唔抵食,所以上去食記住拎coupon呀

每次落單剌身只有1,2 件, 而且極不新鮮, 咬落一陣陣雪水味, 似係冰隔arm arm拎出來咁凍壽司個舊飯更食不落口火鍋張單唔放係桌上, 要問佢先拎出來服務奇差, D待應掛住睇電視, 唔多耐煩, 斟水倒瀉當冇事行開冇啦啦播<龍咁威>個speaker開得勁大, 但我們坐的位置根本看不到電視, 已經火上加油, 叫個貌似經理的西裝友埋來, 佢仲問我地「咁你想點呀!?」晚飯時段$138加一落樓$152竟得如此食物質素及服務一蚊貼士都冇比, 不知所謂, 唔駛錢都唔再去, 貼錢買難受

食物水準唔錯, 送果隻刺身船都OK, 刺身新鮮噃!VIP房好坐, 不過迫咗少許! 冷氣勁咗D....服務OK, 不過人手加多D會更好!日本料理有酸辣湯飲夠特別!值得一試!