OKA'S

Open Now

Now Closed

😎位置方面，位於尖沙咀the one地下，aeon隔離，之前朋友買咗外賣，非常推介呢一間，我比較鍾意食佢嘅飯團，炸雞都好食！飯團嘅套餐非常平，兩個飯團再加兩件炸雞，$33，呢一個價錢真係冇得輸，而且炸雞熱，唔係預先做好。呢個位都非常值得欣賞，我今日去買嘅時候都好多人排隊，叫咗一個明太子飯糰，好足料，入邊好多，而且少少L辣令到成個飯團好食，輕食下午茶嚟講真係可以考慮一下，下次會再返嚟幫襯其他嘢外帶，店員姨姨都非常客氣

同朋友行aeon 佢話想食少少嘢 呢一間餐廳可以叫少少 可以輕食一下 我哋叫咗套餐B $33 套餐係包括左可以喺咁多到飯糰入邊任選兩件飯團 同埋兩件炸雞 飯團有好多種唔同嘅選擇 上網睇咗啲人話明太子飯團好食 我哋到最後每人夾咗一件 再加埋炸雞 呢一個價錢真係非常平 下午茶來講飯團中間好多明太子 辣辣地再加埋日本嘅米 飯糰嘅風味有啲似日本便利店嘅飯團 做得幾好食我哋都覺得 明太子亦都好香 炸雞亦都非常好食 熱辣辣 以為會係好凍放咗好耐 下次會返嚟再試吓其他 個肉丸都好似好吸引

今日喺尖沙咀嘅aeon shopping, 同朋友行行下佢就話想食嘢，咁啱行到上去一樓嘅時候就見到有呢一間手作嘅飯糰，本身我哋諗住買返屋企先食，但係見到佢啱啱即刻包好，諗住新鮮即刻食，附近有四五張枱，唔介意嘅朋友都可以企喺度食🙈🙈 我哋叫咗一個套餐再加一件炸雞，套餐本身包兩件炸雞，加多一件就每一件$6，呢個價錢嚟講都算非常平㗎喇🙈🙈 炸雞熱辣辣，而且咬落去仲有肉汁，無諗過質素都唔錯，難怪有咁多人外賣幾件幾件咁樣買返屋企🙈🙈，我就食咗明太子飯團，入邊嘅名牌子多到一咬就有，整體味道嘅配搭都做得幾好🙈🙈

上次朋友買咗呢一間日式快餐店嘅炸雞上我哋屋企，之後我就一直都念念不忘，因為未到真係做得非常同日本嘅一樣，炸雞咬落去係非常香脆，而且唔會做得太乾，咬落去仲係會有少少肉汁，所以係非常同日本居酒屋嘅相似，非常適合買返去做餐前嘅小食，另外餐廳嘅飯團亦都非常出色，個人嚟講比較鍾意佢嘅明太子飯團，入邊嘅明太子份量非常多，冇諗過呢一個價錢都可以食到呢一個質素嘅明太子飯團，我同朋友都非常有驚喜，鍾意食明太子飯團嘅朋友唔可以錯過！

嗰日行開tst aeon, 見到呢一間日式買飯團，同埋買其他日式小食嘅小店，佢係尖沙咀The One 地下一層，價錢嚟講真係非常便宜，兩個飯團嘅套餐再加兩嚿炸雞，價錢都只係$33！仲可以額外加其他例如薯餅，肉丸等等的小食，價錢嚟講都係非常便宜✔️明太子飯團，飯團非常重份量，每一個都大大件，絕對唔會偷工減料，明太子再加埋飯糰嘅配搭真係好好食，明太子嘅份量亦都好多，成個配搭都做得唔錯，呢一個價錢嚟講非常平！炸雞亦都熱辣辣，同日本嘅味道好相似，下次會外賣拎返屋企食！

孩子好欣賞這家日本人開嘅飯團店，以熱辣辣飯包成，材料有飯素或鮮食材做，適合不同人口味！所以每次去開The ONE都會外賣飯團🍙🍙海藻飯團🍙紫蘇飯團🍙炸雞飯團🍙明太子飯團+$炸雞球～大大件，炸得肉嫩入味

幫襯咗好幾年，飯團好多隻味都好食，最鐘意鯛魚、日式高菜、牛肉壽喜燒味。飯團嘅分量唔會因為平就偷工減料，呢個價錢抵到爛，無得彈。便當都好足料，好抵食，小食質素都唔錯，推薦炸雞。以前幫襯多數見到係個日本人叔叔嚟。

行街行到咁上下，又想食小小野，去衣間店舖都係一個唔錯嘅選擇。見有好多飯團和定食餐，仲有茶碗蒸，沙律和炸物。因為唔算太肚餓，就揀左薯仔沙律，和兩款炸物。薯仔沙律都好味，係薯蓉中夾住一啲薯仔粒，有口感，如果佢啲青瓜絲和甘荀絲粗番啲就仲好，因為太幼，比醬料或薯仔嘅味道蓋過這味道，就有啲失色。雞肉炸物，唔係好熱，啱入口，賣相和味道都👍豬肉炸物就凍左啲，味道都唔差，可以一試。

🥢OKA’S @尖沙咀TheOne 相信我身邊嘅朋友對呢間飯團一定唔會陌生😂，介紹無數次 回頭幫襯過20次嘅飯團炸雞🤣🤣應該2015,16年開始幫襯到而家～雖然佢keep住加價，但質素仍然保持到👍🏻👍🏻炸雞仍然又脆又多汁((喺香港未食到好食過佢嘅唐揚炸雞wahahaaa，有嘅話麻煩推介))，飯團都仍然係又好食又好打卡，佢個樣完全係細個睇卡通片入邊小丸子揸住嗰啲飯團😚😚強烈建議大家左手揸炸雞右手揸飯團，然後左一啖右一啖咁樣食😂🤍以前喺附近返工成日都會買來做午餐，佢哋有啲幾抵嘅set，兩個飯團兩舊炸雞 每樣平幾蚊咁樣~不過頭先買嘅時候前邊兩個排隊都係買蕎麥麵set(但係我未試過佢哋嘅蕎麥麵。。。下次試吓先😂🌟明太子(首選)/鮭魚飯團🍙 $12/1 🌟唐揚炸雞🍗 $6/1 🌟芝麻菠菜/炒牛蒡/美林茄子🍆 $22/1📌 The ONE LG1 AEON超市1號舖營業時間: 10:00 - 22:00

經過AEON，見到唔少人係櫃位望望下行過去睇$10一個飯糰，仲有唔同味選擇比多幾蚊，有更多口味另外，仲有餐只要買兩個飯糰，加10蚊就可加一個小食最後選擇了兩個飯糰吞拿魚沙律醬+昆布明太子再加牛肉薯餅好味道，又抵MENU仲有便當，沙律等同埋有素食食物比大家選輕食首選！！

呢間野其實我已經買過好多次，每一次都覺得好好味，但每次買完都秒食左唔記得打食評今次終於記得啦！！今次都係例牌嗌B餐✨兩個飯團+兩件炸雞：我嗌左醬油飯團同埋紫蘇梅子飯團，紫蘇梅子每次都嗌冇得輸，梅子味超重的。但個人認為醬油飯團唔係幾好食，因為始終唔係新鮮出爐熱辣辣嘅時候食，凍咗嘅口感會好似雪過夜嗰啲飯咁。個人推介返明太子口味飯團，係我心中長期第一位，真係超級好味我覺得呢間野嘅賣點係啲飯，啲飯團嘅口感真係超好，啲飯好軟熟，同時帶有日本米嗰種黏口。至於炸雞，都唔知點解佢整到凍食都好味雞肉超嫩的！大家一定要去試下，整體來講性價比極高！！

成日經過都好想食，感覺真係日本過7仔嘅飯團多多聲。仲要$10起有交易，啲飯又唔會雪到7仔嗰啲咁，抵啦！今次叫咗個飯團，叫魔鬼飯團，好香好有麻油味同香蔥味，一試難忘幾好味！另外買咗兩粒黑醋豬肉丸，呢個感覺嗰澱粉好多⋯個醬汁就其實幾好嘅，$6/粒 仲有啲洋蔥粒喺入面，如果少啲澱粉會經常encore。

尖沙咀The One既Aeon入面有幾間外賣店，主打日式飯糰既OKA’S都有幾多素食架！$10一個飯糰，仲有得叫餐，兩個飯糰加個天婦羅都只係$30。對比起開到四圍都係既華御結，最平既都要$16一個，OKA'S真係超值！嗌飯糰要小心，唔好見到個名得菜就一定係素，我地就中左少少伏喇。叫左四個飯糰，包括紫蘇梅子、海藻、紫蘇昆布同燒豉油，點知原來海藻同燒豉油唔係素架！可能係啲調味有動物成份...不過其實人地一早已經喺4款素飯糰貼左個vegetarian牌，係我地發雞盲睇唔到。真係素食既款式係紫蘇梅子、紫蘇昆布、高菜同牛蒡。一般天婦羅都會有蛋漿，所以我地特登問左職員，佢就話係冇落蛋既，咁就信佢啦！皇帝菜天婦羅好好食，凍左食都唔會食到成口油，推薦💚

The One 地庫呢間OKA'S，我每次經過明明吾餓，都想買2 舊飯糰食🤣我真係好鐘意食澱粉質😜今日我買左明太子飯糰($10)，紫蘇昆布飯糰($10)，再加10蚊可以配薯餅或2件炸雞，兩樣都好想食🤔。。左諗右諗最後要左南瓜薯餅👅😋坐車回家用焗爐180度烤5分鐘，個飯糰變脆pok pok😋。我次次買都要南瓜薯餅，因為d 南瓜真係好甜👅，而且吾熱氣👍如果平時上The One睇戲趕時間，食呢個飯糰非常方便😆

依間野不經不覺我已經食左4年。我晌尖沙咀返part time，好多時候都會自己帶飯，但幾乎每一次我冇帶飯既時候，我都一定會幫襯依間既SET B!!!炸雞真係炸得超級好食！不過真係有啲油，咬落去果陣啲油會「必」曬出黎，但都真係好好食，價錢咁平，間中食一次真係好正飯團方面，每一款都非常好食，而且感覺好健康，入面有好多菜，食完唔會有強烈罪惡感，如果平時想快買快食，好推薦這間，健康又好味的小店