Olbye (Closed)

我哋一行五日. 正常落dinner order, 等咗半個鐘湯都冇, 其間追咗三次都話得喇得喇嚟緊. 其實就冇實際去check.到我走埋counter 去追佢嘅時候, 佢先認真去撳電腦. 先至發覺真係漏咗㗎， 又話個電腦cake住唔知啲乜嘢， 出唔到張飛， 但係我哋後面嗰三台全部啲餸嚟哂， 佢地差唔多食完添。好了，到嘢食嚟咗喇， 我又要再追啲飲品 ， 嗰陣時又發覺 D飲品又漏咗飛，咁樣嘅服務態度，都真趕客啫， 冇人想食飯食到一套氣吖嘛。

最近同朋友仔喺青衣運動場跑步，出咗一身汗之後當然想食返餐好 😝 之後就去咗泳池隔離間餐廳度開餐，由於泳池唔開嘅關係，所以都少咗客人幫襯，不過咁樣亦幾好，靜靜地舒舒服服食返餐。餐牌超級多選擇，多到唔知食咩好。蜜糖雞翼 ($45) : 蜜糖汁沾滿成隻雞翼，見到都流口水 🤤 食完咁甜蜜蜜嘅雞翼，隔離就有沙律菜可以解一解油膩嘅感覺。黑松露芝士蝦肉 Pizza ($98) : 餅底非常脆口，而且仲散發出微微嘅黑松露味，不過如果配料再多啲就更滋味。USA Premium 豬柳配著條 ($138) : 套餐可以揀飯 / 意粉/ 薯條。粗身薯條超級正 😍 豬柳煎至金黃色，口感柔嫩而且肉中無筋，以小店嚟講已經屬高水準之作，其他配菜亦鮮嫩爽脆。😋是日餐湯係香蒜粟米薯仔湯，口感綿綿蒜味濃郁。

位於青衣游泳池旁邊嘅小店，佢嘅位置真係好隱秘😂😂經過咗好多次之後先發現到佢。價錢嚟講其實偏貴，不過食物就非常高質，pasta同risotto一樣咁好食。小食嚟講我最愛薯蓉同蒜蓉包，佢嘅薯蓉綿密軟滑，蒜蓉包就烘到脆卜卜，又多蒜喺面。每次做完運動都會喺度食dinner😋😋😋

因為係葵青區居民，因為係青衣打羽毛球，因為偶而同波友打完波，一齊去tea先發現呢間隱世小店，佢就静静地，好難會留意到的放左係青衣運動場 & 青衣游泳池中間一個好唔起眼的位置，一進來樓底好高，陽光的下午感覺開揚，坐椅出奇的大及舒適，粉紅、粉藍的佈局好少女，香港已經很小能夠有足夠位置放置大檯、大椅，環境係贊的。食物水準當然份量係充足的，第一次點了豬扒飯，說老實感覺很多餐廳的牛扒已大不如前，改食豬扒有一段時間，而且這裡是厚切豬扒，無得輸架‼大大個飯食唔曬架，所以我每次都帶個盒裝小小飯走我雖然唔食炸物，但每次來都見有人點炸魚薯條，好可惜呀‼好可惜呀‼今次帶個女來食，點知佢地換左menu無左炸魚薯條食。。。失望左小小，但豬扒仍然好食還有這裡工作的姨姨們，我們真的真的要欣賞她們，大家都試過用餐被餐廳要你wait﹐甚至無視你的存在，所以她們用心款待係要讚架，不要吝嗇表揚對工作有熱誠的每一位呵‼

假日例牌不煮飯！有時同小朋友拖拖拉拉遲出門口，未行到商場之前，通常都會選擇青衣泳池側邊呢間餐廳，貪其近近地沒怎外區人知道，位置就在游泳池入口排隊的右手邊，其實如果去游水都未必看到。之所以會經常encore，主要是因為貪方便、味道幾好、而且價錢合理。週末去到未夠一點，不過現場剛好坐滿，大概等了15分鐘左右，仍然未有四人座位，只有二人枱，因為它們的二人枱其實頗大，我們就建議兩個小朋友加兩張BB櫈坐側邊快閃食，好過繼續呆等。（事後覺得非常可以，甚至比起某些餐廳的四人枱還要闊落）近來幾次食覺得味道再進步咗！以往有試過意粉來到的時候稍為凍咗啲、不過煎炸食物就一向都有水準，送到上枱時真是熱到辣口架！過去幾年餐牌十年如一日，最近加咗些少新菜式，又分享吓。其中一個新菜式就是安格斯牛肉漢堡配薯條，包飲品或者沙律或者是日餐湯。以$70的價格非常唔錯！味道好+足料、薯條份量不算少+夠熱。另外因為迎合小朋友口味就點了一個豬扒意粉（可以跟返）這個幾乎是我每次去都會點的套餐。厚切豬扒都幾大，意粉份量感覺比從前減少了，但味道有進步，配菜的西蘭花和翠玉瓜到時熱的，很好。小食方面這次選了蜜味雞翼，好好味！雞皮好脆口（吃

之前一早都知道青衣泳池旁邊有間餐廳，但以前好像用作社企，現在不知轉了手幾多次，看到店內的店員通通都是阿姐，好像服務也不算太差。環境就像一般的政府康文署地方，內裏的餐桌夠大，座位亦都夠多依舊寬闊，看看餐牌，這個時候又可以叫午餐又可以叫下午茶。看了一看，還是點了個炸魚薯條，然之後等候的時候，看到家人的牛扒、豬扒，份量都相當之大，幸好我的炸魚薯條，亦都非常大份，魚柳夠大條，薯條是粗條型薯條，份量亦都不少。這兒的魚柳亦都相當可口，的確會吃到一絲絲鮮味的魚肉在內裏，不會好像有些西餐的魚柳，得個滑字，完全沒有味道。粗條型的薯條，夠粗夠大夠闊，內裏的薯仔肉亦都很多，可以點茄汁，亦都因為炸魚柳的白色沙律醬比較多，亦都可以點沙律醬。一係要湯一係要嘢飲，當然點飲品比較二人，平時我都會叫奶茶咖啡，但由於這天是難得的運動日之後，因此就點了個檸檬可樂，都不用加錢，的確是相當不錯。由於店內夠大，因此看到不少父母都帶小嬰兒來這邊進食。$50-$60一份餐，比起青衣區內的茶餐廳，可能貴少少，但比起青衣城那些，應該便宜得多，而且份量多得很。

今年聖誕，第一次試這店的聖誕2人餐，一次買了2組，變咗四人餐，有驚喜，食物質素吾錯，值得推介！燒雞非常入味，而且肉質吾錯，配合他們的特別醬汁，令雞肉味道更提升。矮瓜配合煙肉同少少辣椒，好好味😋意粉材料十足，好大隻蝦😍😍只係pizza 的黑松露吾太出，我哋要自加少少黑松露醬😅薯條好好味，粗身吾淋。本身有餐湯，番茄粟米湯，番茄味好濃，只係每碗只得半碗，吾夠喉😅羊架入味，唔鞋，口感豐富！整體價錢合理！

對於外區客，好難估到喺青衣泳池隔離會有間咖啡餐廳，而仲要係高質素！👍🏿👍🏿雖然當見到時門面你可能會有猶疑，但試過之後，你會發現食物質素係絕對有誠意！不論係下午茶或晚餐，意粉、burger、同扒類都好有水準。由於係小店關係，人手比較緊張，點餐同上菜都要比啲耐性，但性價比係高！幫襯過幾次，包括下午茶同晚餐，質素同樣高！意粉好有驚喜，有大量嘅芝士片喺上面，好有咬口。而豬鞍扒可以配飯/意粉/粗薯條，份量絕對夠男士享用。

這一所餐室是屬於註定要留下讚美的級數的。所謂Hidden Gem，就是他原來就在妳身邊，但妳永遠發現不到他原來就是這麼相近。緣份來到的時候，竟然讓我遇上他…一個天陰陰的日子，下著微微細雨。我途徑青衣城，就看見在青衣游泳池的建築物旁邊，隱沒式的座落了這所餐室，一所讓妳微笑和嚷著要再見的地方。走進餐室，這裡是簡單、樸實、寧靜和舒適的咖啡室風格，家俱舖陳得相當寬敞舒服，淡雅的粉紅油漆貼緊天花和牆壁，地磚的淡啡色和長檯的實木色互相映照，空氣是嗅得出平靜與和藹的味道。那位年約三、四十歲的老闆娘充滿著親切的態度，凡見每一位客人都主動上前寒暄兩句。我看著餐牌，明顯是高檔的食材：那些魚籽、蟹肉、三文魚、松子、羅勒、廣島蠔、帆立貝、銀鱈魚、乾蔥紅酒、香草、黑松露…字眼已經充滿上佳的味道，讓人胃口大開，再看看，有美國、加拿大、挪威等國家的名稱，絕對給人貴族淑女品嘗佳餚之意象。我點了個西班牙全橡果飼豬鞍配黑松露燒汁意粉，配一杯凍咖啡，那位和藹親切的老闆娘還著我這個天時喝凍咖啡不好，換上熱的好，這時候的感覺，就像遠途旅行至世界一處角落，卻能夠與自己的媽媽久別重遇。等候期間，看著標緻的方格窗戶，眺望外面的泳池景

响青衣泳池旁邊，原來有間穩世小店，環境簡單舒適，食物中上，價錢$5X-$6X一個午餐，但份量大大份，又有餐湯同飲品，的確值得推介青衣人去試下！試咗個豬扒意粉，塊豬扒真係幾大塊下，意粉都多到食唔晒。雖然味道唔係話好出眾，但咁既價錢真係算係咁啦！南瓜湯都有模有樣既。三文魚小食都好正

一家人相聚，打算為小朋友預備簡簡單單的生日會，選擇了這間泳池旁感覺溫馨的小店，食物份量足夠，質素高，環境舒適，老闆又好友善，可以在粉紅色的牆加少少裝飾，小朋友大快樂番茄芝士意粉厚切豬鞍飯芝士蜆肉意粉番茄芝士鯛魚飯雞扒意粉自家製蛋糕，無收切餅費

今時今日香港嘅舖租同經商環境， 小店要生存真係一啲都唔易。呢間鋪對上一次幫襯應該已經係兩三年前， 呢日想喺青衣食西餐忽然之間諗起， 見到佢仲屹立不倒其實都幾感動 位處青衣泳池旁邊， 唔係地膽其實都未必知呢度有一間餐廳 。比較隱世所以好好坐，傾計hea下真係一流店面冇咩花巧裝修，用上粉紅粉藍色嘅椅坐得好舒服。價錢同兩三年前好似都冇咩分別， 一人叫咗一份set dinner， 南瓜餐湯打到好滑身 ，南瓜味濃郁黑松露豬鞍size正常 ，略嫌老咗少少有點鞋 ，黑松露汁味濃 值得一讚嘅係飲品用上紙飲管，為環保出一分力。 希望有心嘅小店可以繼續做落去啦

我都算係呢間既常客因為呢道既員工都好有善自重第一次開始食過晚餐既豬𩣑之後都覺得佢既份量非常之足夠（包括午餐和下午茶）但係今次既份量係我食過既最細份，可能太長時間冇黎食過，細食既女仔食都未必夠伴碟既蕃茄重大件個舊豬𩣑我地叫左3份豬𩣑有2份都係超細份，有一份叫大小小，但都係細份令外一個就叫三文魚意粉，都係正常份量總括黎講，係呢道食野就多數一定有位，野食既份量就睇你好唔好彩，好唔好食就要你去試過至知可能轉左廚房師父真係唔知有冇下次

先講講令我最唔滿意嘅銀鱈魚230幾蚊嘅銀鱈魚，口大少少都可以2啖冇晒?好似過份咗啲喎?啲椰菜花同舊魚都差唔多size啦，魚嘅味道只係不過不失，未去到超水準，過熟，但體熟可能係外賣運送期間，餘溫導致 唔怪佢但舊魚真係一打開就令我同男朋友呆晒配嘅係香草忌廉汁，味道唔錯，好香嘅香草味再嚟係個249蚊嘅肉眼扒，首先，配菜嘅蕃茄已經出晒出，令件牛扒底部浸晒水，配紅酒汁，濃味同紅肉幾夾叫咗5成熟，係因為考慮埋需時運送，嚟到應該變成7成熟，所以食落口唔會太硬，不過牛扒冇得揀跟飯或意粉，而係跟薯角，薯角好乾好硬，乾到食唔落，所以係成餐504蚊2個人都食唔飽。最後講個餐湯，忌廉湯，係用麵糊最嘅忌廉湯，以呢個價錢連個餐湯都唔比返少少質素，只係同一般茶記一樣用麵糊開，就好對唔住 西餐廳 3個字囉，咁不如幫襯大快活食鐵板餐算啦唔會再幫襯囉

朋友生日聚會，雖然青衣城開了第2期，多了很多餐廳選擇，但要訂10人食飯真係唔容易！很多餐廳都會限時，有些又要人齊先可以入坐。最後，有朋友推薦我訂Olbye，我記起有次與友人食過下午茶，就係青衣城旁邊，近泳池旁邊！早一個星期訂位，都訂到位，而且地方寬躺，可以容納BB車，朋友帶BB黎都好適合。我地每人點一款晚餐，然後大家share食，可以試多幾款！這餐廳意粉煮得唔錯，卡邦尼煙肉意粉，芝士味好濃，好多汁。(不過如果一個人食曬成個就會好)全晚最好味，竟然這個是「豬」！睇睇餐牌原來是「西班牙豬鞍」，所以肉質真是比較鬆軟。點了兩份蒜香牛柳粒，$40來說，份量比較多，但肉質比較肕(煮得過熟)。我點了銀鱈魚，每人夾一口，很快就沒有了=.= 味道不算深刻，反而配菜的紫薯蓉做得唔錯！薯角炸得唔夠脆，但份量都算多。炸蠔青口意粉也唔錯，總整來說意粉的菜色水準比較平均，而且多汁！我們還點了「南瓜汁帆立貝雜菌意大利飯」，帆立貝味道唔錯，但意大利飯中心比較生，熟的時間唔夠。(忘了影相)晚餐選擇唔算多，下午茶或午飯比較抵食，但勝在地方大，適合一大班人聚會食飯，而且無限時間，又唔收切餅費用。