Oliver's Super Sandwiches (Closed)

Having a late breakfast at 10am as will be going to movie at 11am. Ordered B2 and B3, both $37 come with coffee or tea. Not really worth the price but once in a while is fine. The portion is a bit less than the pictures, fried eggs and grilled tomato is good, toast a bit hard and dry, croissant is too small and not hot.

晚餐來了食三文治，可單點，可加咖啡，再可加埋餐湯，是乎各人喜好啦，是晚要了四樣食物三杯啡。煙三文魚三文治半份配沙律+咖啡（$72）一片大三文魚，蕃茄，醬料等，鹹香好味。三文魚蛋沙律焗薯配沙律（$48）薯仔焗得香口，上面的三文魚蓉沙律同蛋沙律醬汁很多，混得好好味。火腿芝士蘑菇意大利包+咖啡（$64）簡單的食材，加埋一齊就是很夾，意大利包煙煙韌韌的很有咬口。雙併意粉+咖啡（$64）意粉略失望，未煮透心過硬了，醬汁一半係肉醬，一半係忌廉汁，加上幾片芝士片，個汁幾好味。咖啡出色，啡香奶滑，味道剛好，熱辣辣好正。食物ok，環境都幾好坐，要在商場中找個地方hea都很難，呢度唔多人等位，都幾好hea的。

吃過早餐後已十二點多，就在形點逛逛shopping原來已很久沒有悠閒地shopping過估唔到一逛就逛了三，四個鐘都算大有收穫雖然不用吃午餐，也可來個下午茶…就不用吃晚餐了下午四點鐘不用傷腦筋就去返早餐那家見有非常豐富又合口味的配搭不用多想即叫這款下午茶套餐三文治蛋沙律及吞拿魚醬料很豐厚用上全麥包感覺健康啲這樣說…也可欺騙自己吧再以優惠價追加鮮果沙律生果一般，尚算新鮮今次杯凍mocha非常養眼而且味道恰到好處發覺這家餐飲服務不太一致曾經有次同樣order凍mocha，但完全不是這回事賣相不太像樣，就如一杯普通朱古力加冰… 但今次要畀個like吃完這個下午茶真正滿足飽飽狀態維持到晚餐也可免了

以前一直覺得 Super Sandwiches雖然價錢唔親民但係野食有水準, 但係近年唔知仲乜每況越下野食求其左, 環境衛生差左, 仲冇咁環保連野飲都轉晒即棄外賣杯今日原本約左朋友食LUNCH我早到嗌左個黑松露磨菇意粉我見佢有得跟湯就嗌左個湯, 點知原來而家個湯就然唔係忌廉湯而係栗米忌廉湯/雜菜湯(Super Sandwiches不嬲忌廉湯係招牌黎架, 係好好飲架!)我唯有揀左栗米忌廉湯, 飲左啖已經唔想飲, 擺明係罐頭湯意粉味道亦都麻麻, 而且份量不足, 食完一個鐘後實肚餓最難受係!!! 呢間分店有好多烏蠅飛黎飛去!!!食果陣極度唔舒服, 有幾次隻烏蠅仲飛去碟邊我極速食完個意粉就閃人, 然後叫個FD去第二度食算數完全唔明白點解而家Super Sandwiches退步到咁既質素..好失望

難得這個週末天朗氣清跟另一半走到形點嘆咖啡早餐心諗十一點過後應沒多地方仍有早餐吃但原來這家早餐供應到11點半👏 當然快速第一時間先order付款然後快速搵位…坐定定等早餐送到另一半喜愛的熱香餅新鮮熱辣辣配薯仔小粒粒，未算乾硬化仍然有咀嚼口感一向不愛吃薯仔的另一半都會吃幾口因為想吃熱香餅就只有這一款早餐的配搭但喜愛吃薯的我自然會替他接收這堆小薯仔啦自己所選的一款算是早餐中最貴的了炸魚黑松露炒蛋加窩夫，其實目標是炸魚和窩夫當然都會與另一半共享... 炸魚分量好大件，也算厚身，比起一般快餐店的炸魚早餐算是真材實料雖然黑松露是矜貴食品，只怪自己不懂得欣賞 一向都覺得黑松露氣味怪怪的有點似石油氣味實在受不了同一種食物，當然各人也有不同口味，有人瘋狂愛吃，亦有人不愛吃，拒絕接觸！所以“愛吃”是很主觀的…說回這份早餐的“黑松露炒蛋”自然由另一半全接收…熱哄哄的炸魚像是剛剛炸起，但又不覺得太油膩，脆漿也不算厚，可看到內裏厚厚的魚肉反而窩夫已經放涼了，暖暖哋…外皮不脆的且有點硬…而且是乾乾的估計是放了很久的！ 吃飽飽已差不多十二點，中午也不用吃了難得今天休閒就在商場逛逛… 👋待續😆

唔講唔知，要擺個電子感應器上枱面上既貼紙先會響，之後店員先會送餐過黎。不過做左個小測試，就算唔擺上個貼紙都會響既，唔洗咁擔心。今日食豪d，一叫叫左個最貴既組合：意粉+湯+野飲，盛惠$81。我叫左黑松露牛肝菌篇意粉，對我黎講個份量真係唔係好夠。個松露味係強，但個意粉味道偏淡，要落好多芝士粉先夠味。個粟米湯我認為好好味，粟米蓉比較多、但忌廉相對比較少。飲落啖啖足料，由於忌廉較少，所以少一份油膩感。而檸檬水都幾得意，係打直切四份一個檸檬放入杯水。雖然望落比較美觀同新鮮，但係就好難「篤」，要喺杯水撈返塊檸檬上黎再擠返d汁落去先得。

常常去酒樓吃下午茶真係有啲悶，陪媽咪去吃輕食美式下午茶，她似乎好喜歡喎！點了酥皮粟米忌廉濃湯，是配跟意粉才有，沒有單買的。先來了白汁三文魚蜆肉意粉，正方形的器皿盛上，好多醬汁，份量適中，又夠熱，沒有芝士味的，媽咪好鍾意加點Tabasco，可以更加吊起蜆肉鮮味。不久，waitress就奉上黃金色的、香噴噴的酥皮湯，酥皮夠鬆化，入面的粒粒粟米好甜又好creamy。可惜沒有單買，如果唔係encore多一碗。呢個餐仲配有餐飲，要了一杯coffee ，我平時不會飲的，今次破例試下啦。估唔到好香，飲落不苦澀，可能我放了一包咖啡糖，咖啡夠熱，飲了一啖，感覺好relaxing。我點了一款淨salad 叫加冕雞沙律，估估到除了賣相吸引外，原來咁好味，主要薯仔好有口感，咬起來，爽得來又唔係好冧，沙律醬唔會好酸，其次是雞肉，肉質嫩滑；伴合桃、提子同提子乾，感覺好fresh，如果沙律再凍少少就very good 啦！

形點焗薯新發現自從新元朗中心變為形點二期後商場内多左好不同食點今日我就黎左 super sandwich 作為Potato fans 既我緊係食焗薯啦除左淨焗薯外 還可以配套餐普通餐 combo ： 沙拉焗薯 + 湯/熱飲特餐 super combo ： 沙拉焗薯+碎蛋迷你牛角包+湯+熱飲今次我試左Beaked potato with Tuna salad （ super combo） 吞拿魚沙拉焗薯（特餐） $6.5/10整體食物質素唔錯 但卻欠缺驚喜！餐湯、吞拿魚沙拉及碎蛋沙拉味道好像平日食開的罐頭製品，味道算不上特別好吃，只能說不過不失。講番主角焗薯薯仔分量都尚算能夠填飽小鳥胃薯仔雖然唔係傳統焗薯 亦不失薯味可惜凍冰冰的吞拿魚沙拉好像跟焗薯格格不入下次會試其他味道

形點本身沒太多早餐的選擇,希望可以坐得舒服及慢慢吃的相信只有這裡。早餐的意大利包很脆,配上牛油增添香口。腸仔是一條外國腸,因為我分不到哪個國家所以稱它為外國腸就好了。整個早餐最特別的是炒蛋,我們分別是乾蕃茄炒蛋及煙三文魚炒蛋,乾蕃茄炒蛋一點酸中帶點甜味,很是特別;煙三文魚炒蛋是第一次嘗,味道很新鮮,配搭得很出色,使人吃過有種想再吃的感覺。總括來說很滿意這個早餐。

假期早餐又去左幫襯super sandwiches, 今次有新menu推出, 有新野揀下都唔錯。B18 鹹牛肉露筍炒蛋、 豬肉腸、 炒薯仔粒、 烤蕃茄、 多士配熱茶 $38 鹹牛肉加落炒蛋度味道又幾唔錯, 加埋爽口露筍, 呢個配搭都幾好。 不過炒薯仔得個5粒, 少左dd, 豬肉腸係現成煎香, 唔太特別, 反而蕃茄就好juicy下。 多士用左意大利包, 比平時塊麥包多士鬆軟又好食d。B10 炒蛋、 煙肉、 豬肉腸、烤蕃茄和窩夫配熱咖啡 $35 因為呢個餐有窩夫所以先揀, 其他早餐要轉窩夫就要加錢, 感覺唔太抵。 得半塊窩夫唔係好夠喉, 外層都女5算脆, 但內裡唔夠鬆軟濕潤, 加左糖漿叫好食d。 炒蛋熟左d, 煙肉煎得燶左小小有d乾, 整體屬一般。因為假日好多人食早餐, 每張檯幾乎都有人等位, 可能要疏導人流, 樓面好心急要收碟, 食都未食完就問仲要唔要, 見你飲淨杯野就乜鬼都收走晒, 搞到要問店員擰多個膠杯蓋先可以擰杯野飲走, 好唔環保! 食到趕頭趕命咁, 好唔舒服。

投訴形點2期分店服務差錯多，嚴重影響客人假日用餐體驗。點了餐鴨肉焗薯餐點後才說沒有，要求本人再點其他食物時又未有提供餐牌，結果落錯單，上了錯的三文治餐，但因等得太耐，不想追究，食完就算。用餐時侍應突然走來說我點較貴的餐要求補差價，但待應只在要求我補錢時才提供餐牌告知有關價錢。一個簡單的假日下午茶餐，三個服務員不必要的錯誤(廚房跟樓面溝通不足，重點用餐按排欠妥善，落錯餐卻要食客補差價)，卻要食客承擔，實在係非常令人不悅的用餐體驗!HIS IS A REALLY SUPER BAD SANDWICH EXPERIENCE!

自從Super Sandwiches 係Yoho Mall開左後, 逢假日都有好多人去食個豐富早餐, 搞到次次都要等位。 今次等左10分鐘都無位, 於是索性買外賣返屋企食。 點知外賣都等左差唔多10分鐘, 有d無奈! 好在返到去仲熱熱地。今次要左B3 $35同B6 $36。B3有煙三文魚粟米炒蛋、 蜜味火腿、 早餐腸、 烤蕃茄、 意大利包多士配熱茶 炒蛋差唔多炒到全熟, 不過都幾滑, 三文魚粒同粟米粒份量都幾多, 熱食既三文魚始終會有d腥。 火腿同腸仔現成野, 煎香左又咸咸地, 都算唔錯, 蕃茄烤完仲保持到有好多汁同爽甜。 意大利包多士烘到好香脆好食, 一d都唔韌仲好香口, 好食過之前塊麥包多士。B6有乾蕃茄炒蛋、 早餐腸、 薯粒、 熱香餅配熱咖啡 乾蕃茄炒蛋d蕃茄好明顯係鮮蕃茄, 呢個炒蛋都係熟左小小, 食落好似平時食飯既蕃茄炒蛋咁。 Super sandwiches既薯粒連埋薯皮, 炒到金金黃黃咁, 乾身得黎又夠香口, 民樣係幾滿意。 熱香餅有兩塊, 不過又厚又實, 一d都唔鬆軟, 加埋蜜糖同牛油食勉強叫收貨, 熱香餅始終係M記整得好食!大大杯咖啡同熱茶可以係屋企慢慢飲。

元朗Yoho Mall 之前開左間Super Sandwiches, 放假多左個食早餐好去處, 唔駛下下都去茶餐廳同飲茶。個位係正扶手電梯隔離都幾開揚, 好在係商場角落, 行過經過既人都係以幫襯既人多, 唔駛下下都比經過既人望住食野。 附近唔多食三文治食意粉既西式早餐餐廳, 加上價錢都算係平, 所以好多人幫襯, 成日都要等位。有預先整好既三文治同沙律, 早餐梗係想食熱辣辣啦, 落完order比完錢, 就等店員送黎。B1 $40 呢個餐有甘筍忌廉湯螺絲粉、紐倫堡腸、炒蛋、烤蕃茄、薯餅、多士配熱咖啡。 呢個餐最正有埋碗熱辣辣螺絲粉, 所以都幾多人叫, 甘筍忌廉湯都幾稠, 唔似用罐頭開個隻, 而且幾香甜, 螺絲粉無浸到過腍, 幾好食。 紐倫堡腸煎到小小燶香噴噴, 無唔好食既理由。 炒蛋就熟左d, 好在都有小小蛋汁, 炒得都幾滑, 配埋多士食都唔錯。 薯餅同多士都係現成野, 無咩特別, 多士烘過下都幾脆口。 蕃茄好juicy, 加埋灑面既香草都幾好食。 熱咖啡好大杯, 咖啡味都幾香, 雖然同兜巴星有段距離, 不過都唔錯既, 食完個早餐都未飲得晒, 好在用紙杯裝, 可以擰返屋企慢慢歎。B2 $3

新推一月份會員優惠，當然要捧下場最就近的分店就是元朗形點，落單付款後找到舒適座位等餐送到…非常之高效率的服務，不夠一分鐘即刻送上熱湯，意粉及沙律… 其餘的食物也陸續送上！看到枱上的晚餐真是很豐富啊…起初還擔心未必吃得完，怎料與另一半邊傾邊吃，慢慢品嚐估唔到也吃得曬呀先從南瓜忌廉湯開始勁多南瓜蓉，最重要是熱湯要夠熱記得曾經在另一間分店飲過不夠熱微暖的湯，還要是粟米雞蓉忌廉湯未煲得溶一舊舊開粉的糊狀勁難食雞肉凱撒沙律，醬汁不是很多，適合另一半的口味沙律菜仍算新鮮 反而這客意大利包只是一般，可能軟包烘熱未夠，火腿及芝士仍有點冷冷的…至於扁意粉就沒什麼特別，因為跟其他分店也是一樣的標準口味！再加上甜品朱古力三重奏及榛子鮮奶咖啡才算得上是完美的晚餐整件鬆軟的朱古力蛋糕，上面是一層薄薄的朱古力醬，最面層鋪上一些朱古力碎條 一口三重奏的感覺，入口溶化，朱古力也不算太甜最後再配上榛子鮮奶咖啡完全感動感覺完美的晚餐

64元最多可以選擇4款沙律我覺得咖哩薯仔雞肉係最好食的，但如果講健康當然係藜麥紅菜頭沙律，想知藜麥有幾健康可以自行上網找下。抵玩有趣指數：6/1064元4款沙律坦白講唔算抵，同中環某些專食沙律的店鋪比差不多，但份量唔細都算飽肚。咖哩薯仔食落的口感係幾好幾有趣，另外個三款沙律雖然食左幾次，但都唔覺悶。元朗店鋪係位於可以看到商場天花的地方，空間感幾舒服，在這裡食早餐真的幾寫意。