安利魚蛋粉 (Closed)

我今日行經安利, 於是入去食番碗片頭切腩撈粗,醫醫個肚仔, 再加杯凍奶茶, 真正人生一大怏事,點知, 食啖粗麵, 發覺同平時唔同, 有苦味, 於是再試多一啖, 果然都仲有苦味, 直情係濃烈既皂水味, 於是叫個亞叔埋黎, 話比佢聽碗粗麵好苦, 好唔掂, 佢就話,換番粗麵都分分鐘唔掂, 不如換幼麵, 好唔好?我梗係話好架啦,點知坐係我隔離個西裝哥哥就話, 佢都食到自己碗撈沖口粗麵有苦味, 於是一味飲湯,沖淡喉嚨陣苦味, 我見佢碗麵仲剩番一大半, 好趕時間行出去埋單. 跟住佢就黎碟淨撈幼, 唔食由自可, 一食把幾火, 仲苦過頭先碗粗麵, *皂水撈幼*至係真,當時真係無晒胃口, 行出去埋單兼投訴, 點知收銀個亞姐笑笑口話, 正話係有個客食到粗麵有皂水苦味, 我於是叫佢換米粉,如果早知就同你換米粉就無事啦!真係比佢吹漲!直情係「掩耳盜鈴」。其實令我的起心肝寫這篇食評的原因是個收銀亞姐話皂水麵番黎耍兩日功夫去除皂水,尋日星期六賣晒, 所以今曰既麵就.........。大家話係唔係離晒大譜, 為左賺錢,就不理會客人的健康,我本人絕對不會再去幫襯。

the fish ball is ok. but quite much MSG. the river rice noodle is quite smooth. but really don't know why so many ppl queue and wait. it is only a HK sytle noodle shop! the environment is not comfortable and the worst thing is there's an ant in the soup!

今日去左食啦,食左魚片魚蛋河,河粉幾滑不過個人覺得無乜特別囉d 魚蛋,可能我對呢樣野無乜特別興趣掛,中午食完之後仲全日都口渴到死...慘~~ 無下次..

沒什麼特別囉…普遍的店吧了…也沒什麼特別好吃…不知為什麼好多人排隊，可能不過明星效應~~

我逢每個禮拜六或日都會去安理食我至愛既切腩片頭湯河多汁，一定要多汁，佢地就會俾好多腩汁你，勁好味!切腩片頭撈粗又係好正，好濃，但我好少食，可能落好多味精，食完好口渴!另一個推介係奶油多，奶多勁好味，麵包好香脆，我認為係咁多間茶餐廳之中食過最好味既多士.我開頭唔識，試過見安利舊舖同對面個間都好多人等，咁我就去安利舊舖隔離間安利大派檔，以為同一間，點知食落係勁難食，佢地落好多麻油落撈麵度，食到一口麻油味，後來有人講話係兩兄弟鬧交分開o左，所以係同名唔同舖，好味個間係安利魚蛋鈖(好舊既舖，同斜對面新舖)，唔好食個間係安利大排檔(晌好舊既正安利舖隔離)，大家認清楚唔好去錯!

有朋友從外地回來,說很想吃好味的魚蛋,第一就想到安利了;河粉還是很滑,但魚蛋就沒有之前的好吃了(很普通,沒有魚味),可能是來貨差了( 魚肉).等我之前還不停讚這裡的魚蛋好味,真失敗!下次還是保守一點好.

我讀中學果陣間唔中都會幫襯呢間食lunch~大個左之後就小左去~ 近排有一次身痕痕咁無無聊諗住懷舊下咪走去食個粉~ 依然係咁彈牙呀d魚蛋~ yeah~ 好味無得頂~

最初我到東大街唸著試下安利係唔係咁巴閉。點知門口排長龍，大熱天時，見到隔離店又叫安利...但後面是寫大排檔、于是入去叫了魚旦粉。一食入口就知衰，魚旦很霉又沒有鮮味。半碗未到我便離開。後來發覺這安利大排檔是其中的兄弟不和拆以另開的。之後我終於試到真正的安利。老實說,我從來未食過咁正的切腩魚片河；河粉很滑，魚片很彈牙及香，切腩很軟滑.最重耍湯底好.再加上辣椒油,可以說世美食。但我認為魚片比魚彈可口，久有河粉才可配合到湯底的鮮味，米粉或麵卻一般。另外,如果不想排隊，平日是okay 不用等.但晚上收鋪就大過早...七時正.順帶一提，我介紹了差不多30個朋友去試安利.約99%的女性朋友也極喜愛它的切腩魚片河。但男性朋友便覺中上吧了。奇怪。

有人話呢度的魚蛋粉世界第一, 一生人總要食一次......因為咁, 我便來試試.叫左一碗魚蛋粉, 水準唔錯, 嚮香港算係不俗, 但又唔算好好食.世界第一??? 我一定唔同意, 我嚮澳門食過更加好!

好耐都冇食安利的粉麵以前中學讀書果陣已經成日去食今次撞岩假期仲多人等左10分鐘今次冇叫片頭撈粗反而叫左切腩粗安利的牛腩好特別有一部份係淺色的好似根但係食落去好唸連住果的肉又好有肉味.的粗麵好爽...每一條都有豉油豉油無話太多搞到的麵濕哂$22一碗雖比其他麵檔貴但係值得既..~希望的伙記個樣唔好好似的陀地公仔佬咁p.s. + $10 Iced milk tea

今日下午慕名而來，因為早前又電視又報紙的講到幾好。今日就同媽咪，做了二十幾年麵檔的哥哥去食，重諗著食完外賣一碗給仔食。去到一坐下，就叫了旦粗，旦河，旦米。不夠二分半鐘即到，立即二話不說將一千零一塊旦頭放入口。嘩差些吐出來，因為塊旦頭中間凍的。所以立即將旦片和魚旦推落底裡，製熱它。d河半透明，幾滑，滑到不想食，講返d旦，又冇味，又不彈牙，還有少少梅。魚片亦是一樣，食到一半已想掉。阿哥個碗重衰，又冇湯，d麵又吸水，他食到一半就不食了。阿媽算有口得食了大半碗，不過是落了成匙辣椒油才食到。還有那些湯，又重胡椒粉，食完只可以講一句，一定冇下次。所以食完還外賣都不買就走了。順帶一提，經阿哥講這間鋪已經給個名弄衰了，現在只是食名氣，唉又一失敗名店了。

早幾日lunch個同事揸 車去食，佢話哩間嘢 好出名，不過真係唔識。見個個都食魚旦，所以要咗 碗魚旦河，仲要咗 碗清湯腩一切食。本身對白色果隻魚旦麻麻地，點知又真係幾好味，魚片都唔錯，不過都算細碗，要$16，清湯腩都好味，但都係貴咗 啲，好似要廿零三十蚊（唔係好多舊），另外一提，佢啲 辣油夠辣，正！

以前對面街未開之前都成日食開舊果間..都幾難頂因為好dirty個feel.其實我食左咁耐都冇咩突別law覺得.但一定好味過謝記啦(-_-謝記宜家有益味)我唔食牛腩的so未食過咁耐都-0- 但片頭撈真係唔錯..

魚旦好有魚味，不過食慣左謝記既魚旦，都係鍾意謝記個d比較硬身既魚旦！切腩就幾好味！不過都未至於要甘多人排隊等囉！

成條街都有幾間安利,但正印應該係果間比較舊既先岩.星期日下午都要排隊,但係好快有位.魚蛋河果然名不虛傳,直情正過香港仔謝記同都幾好味既江仔記.其實唔係好彈牙,但食落就知真材實料,有魚味,d湯好飲,加d辣油,一絕!另外撈麵都好多人叫,其他飲品同油菜都偏貴.都係食招牌魚蛋河最好!特登搭車去食既人多的是,外星人都係甘話!