風月堂 (Closed)

22-5-09(五)到銅鑼灣風月堂午饍，經常到這兒是因為質素有保證，但今次卻失望而回。問題出在主菜牛肉卷上，牛肉淡而無味，而且還又乾又硬，味同嚼蠟。由於之前對餐廳信心過足，同時點了兩份主菜都一樣，兩份牛肉都是不濟，變成雙倍不滿，真是始料不及。結尾的雪糕窩夫也挽不回 T的心，他說短期內也不會再來了。飯後甜品多月也不轉款？唉！

20-4-09(一)想不到在那裏午餐時，又來了這裏。由於覺得餐湯比較普通，兩份都選了要沙律。露筍煙火腿什菜沙律：沙律新鮮，露筍也可以。煎羊柳伴帶子和扒鱈魚伴煙肉菠菜卷兩份主菜都不錯，份量適中。還是喜歡飯後有雪糕吃。

與好朋友黎食飯，不過要早拎位，遲黎就有排等啦。環境好靚，坐得好舒服(食左成兩個鐘)，個menu好多好多野食，睇左好耐先諗到揀咩食好。1. Set dinner - 有個starter + 個main course羊扒 + 餐湯 + 麵包 (羊扒普通)2. 泡沫鮮奶抹茶 (跟set dinner叫的) - 無咩抹茶味，得個靚字3. XX拚盤 - 4款小食，好靚，全部都好食，除左個羊肉un左D之外3. 牛肉青芥末薄餅 - 真係有wasabi味，Yummy!!!3. Waffle + 豆腐雪糕 (跟set dinner叫的) - 有得揀味道，好食! 不過咁食覺得貴左D，用左恆生信用卡有9折，埋單每人arond $200到

一去到有好多人, 等位度都幾迫, 落去行陣先上番去入到去環境好舒適, 服務亦唔差2個人叫左1個飯1個年糕1個米卷1個parfait都okay唔會太飽個米卷超好味, 有衝動叫多個個年糕有好多芝士, 但sticky到要用刀切其他大致上都好味, 而甜品又有好多選擇甜品既獨立menu令人睇得好開心最中意menu上有好多好多圖可惜食物上得唔快, 而且唔太夠熱, 但都接受到甘食左大約$250 for 2

星期六都黎個豪雨加行雷, 唔通個天都唔鍾意我地 ?掃左個減價倉攪到血流成河之後再掃Sogo ,點知人多過街市..點算?!唸唸下都係食過 Tea , 於是搵個好既地方坐坐先, 上到去都有九成滿, 原來個個都係同我心態一樣 …. 安頓好再叫野食, 當時都 5 點幾, 橫樹都未食 Lunch, 所以向友人要求黎過Early Dinner 香草三文魚天使麵 $78 : 三文魚有二薄片, 無乜魚味, 香草有點怪味, 天使麵炒得幾重油味, 感覺麻麻地海鮮湯意粉 $78 : 湯底好正, 係蕃茄湯底, 而海鮮（有魚,青口,帶子,蝦…） 份量夠2 位女士/1.5 位男士食, 意粉無過淋, 飲左2 大碗湯, 友人也不容氣, 干了大大半碗, 勁 ! 甜品 : 酥皮炸香蕉加芝麻雪糕 $45 : 小女子最愛呢到既Waffle, 但今日要轉轉口味, 點了其他 , 等了又等 … 15 分鐘後 悶氣全消 … 原來香蕉切開後加入芝麻漿, 再以酥皮包著同炸, 怪不得攪咁耐, 配以我最 愛既芝麻雪糕更加不得之了！　友人病病地有藉口小女子一人獨享, 爽 ~ 今日我請客 其實個天對我地好好，比左好多美食我地品嚐　 我們時

同屋企人6點幾食晚飯,慶祝母親節....不過真係唔多滿意....係第一次來.....見網上好多人說環境好,但因為我們坐最出,吃東西期間竟然聞到廁所臭味,可能通風有問題,真的很糟糕!如果選位真係要留意...對面又剛好有個人帶個勁扭計既bb,不斷又嘈又喊...食物方面,叫左既野都偏鹹,鹹到入不到口,因為我唔知係咪全部野食都係咁,只可以講下我食既...我飲的是忌廉菠菜湯,一來就見個色好深綠(dark dark green),同張相完全唔同,張相是淺綠的(pale green),一飲真係超鹹太濃味,好有問題....不過咁貴都飲埋去...另外有個海撒沙津,味道亦非常濃同鹹,仲有個海鮮pizza, 味道亦偏鹹,而且很濕身,但塊皮又好硬用刀都切不開...又叫了一個芝士焗菜飯(唔記得個名),味道非常濃同鹹,冇咩芝士味...至於墨魚汁闊麵個味道無咁鹹,味道正常d,但係當食完其他野,根本無既味覺得個鹹字....至於服務真係唔太好,想問佢拿餐具,叫左幾次都唔記得,加水時幫在座5個人的杯加水,有個人未有水,佢個水樽無曬水於是就走,以為佢會再返來,點知原來唔會,當冇左件事...如果佢一開始唔諗住再返來,是不是4

6:30pm...想搵地方傾計...結果去了這裡....睇左menu 好耐先揀到食咩甜品...太多選擇了....揀了雜果窩夫雪糕....朋友吃雪糕奶茶...雞軟骨....雜果窩夫雪糕....其實只係類似香蕉船...但因為太想食雪糕...見呢個有三球又有窩夫便叫....d 雪糕....好像有得揀味道...但當時唔知道.... >_<窩夫ok...有四塊.....但幾細塊...overall....可以試下甜品...傾計....環境都幾舒服的....

今晚一行六人唱完ｋ就嚟呢度食晚餐我都好耐未嚟過嘞～今晚三個女仔二個男仔叫咗以下食物　牛舌：　佢吔話唔錯好味喎．．　（我唔食架．．．）　炸天婦羅：　佢吔話好多分，唔夠鬆化呀　（我都唔食架．．．）　白汁什菌墨汁闊條面，味道差少少，　都ｏｋ架　三文魚米卷：好味，煙三文魚好味．．．配埋芥辣醬ｇｏｏｄ　煙肉pizza, 好好味,熱辣辣,餅地好脆,good ar 白汁焗海鮮飯, 都好好味呀, 青口同海鮮都very good 至於甜品方面 粟子焗酥餅, 好多粟子既饀,但好流同好多cream呀..我就唔係太like 粟子來餅, 好味,但窩夫太淋了,雪糕都ok, 但好似係牛奶公司咁既 綠茶pancake, 反而呢個係最好味呀,綠茶既cream好有綠茶味呀,配埋芒果做饀一流呀

自從這裡的前身大家樂搬了之後﹐都沒有機會來這裡獲不少好評的餐廳品嘗。 是晚路經此地﹐仔細地看著放在其店門前的餐牌﹐然後便決定踏上旁邊白白的梯級上店內用膳。這裡的環境及設計時尚清新﹐整間餐廳的牆身﹐天花﹐以及枱櫈的用色亦主要以白色為主, 有些位置還用上白色半圓梳化﹐令客人進店後有一種開洋寬敞﹐舒適自然的感覺。單憑菜式名字﹐往往只能憑想像力猜想食物的樣貌。但這裡的餐牌內每款菜式都是圖文並荗﹐能給顧客在點菜前有一種清晰的理解。雖然本人在其店門前已細閱餐牌﹐但最終亦用上很長時間從多款想嘗試的菜式中挑選了和風帶子炒飯及蕃茄海鮮湯意粉。和風帶子炒飯 $80 – 賣相不錯﹐炒飯上的木魚因熱力的關係不斷擺動。這炒飯不是像其餐牌中那麼乾身﹐而是用上香濃調味醬料炒至濕身﹐質地有點兒似意大利飯﹐但沒有那麼黏口。飯內亦用上很多配菜﹕ 洋蔥﹐青椒﹐冬菰絲及芹菜來作天然調味﹐因而另每口飯有大量新鮮蔬菜香口的味道。蕃茄海鮮湯意粉$78 – 主要因看到食評的推介及太座欽點而選這到菜。蕃茄湯底當晚不像其他食評所描述的濃﹐但不太喜歡過度濃味的本人覺得味道剛好。海鮮主要有薄帶子兩片﹐炸魚兩塊﹐蟹柳一條﹐青口一隻﹐墨魚仔兩隻

上星期同朋友慶祝生日黎左呢度環境幾不錯啊！四個人叫左忌廉汁墨魚麵 -- 個汁好味又唔太漏明太子炒飯 -- ok，但我覺得唔夠熱焗青口 -- 冇乜特別呢個煙肉卷 -- 都冇乜特別呢度d野唔太特別不過好多選擇囉，價錢亦唔算貴，係朋友聚會的好地方呢

琴日同屋企人黎食酥皮海鮮湯 - 酥皮是不錯的, 海鮮只有一隻蝦, 帶子同八爪魚煙三文魚焗芝士年糕 - D年糕太過煙韌了....有D接受唔到, d三文都OK羊柳 - 都OK~不過我覺得唔夠膻味, 變左會感覺食緊牛.....三文魚炒拉麪, 呢個有唔少三文, 佢有D香料的, 我覺得一般啦(因我最愛食SMOKED的), 不過炒拉麪就幾特別呢度環境唔錯, 好多空間, 而且加水加得幾密下~幾值得去, 而且食物既款式亦都好多, 我地揀左好耐先落到單~~

聽朋友講呢間餐廳不接受訂枱, 又話佢長爆的, 所以今晚特別走去試試。可能係平日的關係, 所以唔駛等位就直入了。叫了一個晚餐及日式便當。晚餐有餐湯:一般, 沒有特別, 主菜是鵝肝牛柳, 都係一般, 唔難食, 唔係好食, 甜點: 雪糕pancake, 這個不錯 及餐飲。日或便當有味噌湯及便當盒, 有沙律, 煙三文魚卷, 雪魚, 生果。除了生果及沙律外, 其他野都唔好食, 特別係個雪魚, 好鯹! 所以我地冇食, 而個煙三文魚卷又怪怪的。但係佢個環境好靚同好舒服, maybe黎食甜點會好0的, 我就未必會再黎囉。

新年前約了舊同學行花市同吃飯，朋友提議來風月堂！我們叫了三文魚墨魚面，燒雞pizza，玉桂萍果酥，和紅豆酥share來吃！燒雞pizza烘得剛好，雞亦燒得很香，不過批皮不太脆。三文魚墨魚面個sauce 是忌廉汁，煮的很淡。三文魚分量頗多。甜品是玉桂萍果酥，size好像細了點，不過有好香的玉桂味，而整個批都好薄好薄！萍果肉都不多，好彩有雪糕補番數！紅豆酥個酥反而比較大，烘得漲卜卜，紅豆sauce 不會太甜，好味~

星期天，一想起茶樓的盛况就有些卻步。雖然這裏平日的午餐較為化算，但假日也可趁機多試幾款這裏的出品，就試試吧。燒牛舌: 香口惹味，很受歡迎。芝士煙肉焗青蠔: 賣相不錯，味道麻麻。可能個人較愛原味的青口。什錦鮮蝦天婦羅: 材料新鮮，香口但不覺油膩，以這價錢計，巳交足功課。因為假若做得不好，白白浪費吃油膩食物的限額，是很氣憤的。牛肉青芥末薄餅: 材料充足。不太愛吃薄餅，也覺不錯。焗薯茸帶子蝦：一碟六隻，有三隻是帶子，有三隻是蝦。我吃了蝦，無特別。薯茸和鮮蝦，擦不著任何火花。焗牛油果三文魚雞柳飯: 焗飯總好像在那裏吃都差不多，起碼這碟飯不會又乾又硬，感覺良好。牛柳粒鵝肝什菜炒飯: 炒飯比焗飯好，純個人喜好。炸雪糕碟：賣相討好，味道一般，相對價錢略貴。草莓雪糕班戟：反為平實的雪糕班戟，美味。風月堂出現以來，口碑不錯。總覺得她實在知道營商之道。清雅的裝潢，臨窗的卡座，甚得女仕們的歡心。往那間食肆？她們往住是手握决定權。食物多元化，甜品多姿多彩，也是強項。食材也不俗，和價錢對稱，不會求求其其，但求人流之類。就如lunch set，飯後甜品一環，和精緻的餐茶，總讓人感受到她的誠意吧。價位定價合理，例如

趁著有空閒時間，逛逛港島線，由北角走到炮台山，再下一站天后，走過香港中央圖書館，來到銅鑼灣 ... 老實說，頗花腿力的 ... 在人來人往的鬧市中遊得累了，途經風月堂，就休息一會吧 ... 在餐牌中看見喜愛的蟹肉焗芝士西蘭花，點了，甜品容後 ... 餐廳是樓上舖，環境幽靜，玻璃窗沒有窗花，桌椅、牆壁以白色為主調，空間不大，卻予人寬闊的感覺，桌上的花是餐廳中的一點顏料 ... 環境雖靜，別以為客人不多，侍應忙得團團轉，難得的是他們沒有黑面，態度頗殷勤的，有要求、有詢問，都會禮貌地回應 ... 考慮片刻，決定多點一客草莓夾餅乳酪芭菲，建議：「可以等你食完客西蘭花先上，咁就唔怕杯雪糕會溶啦 ^^」劉華式服務 ... 先是蟹肉焗芝士西蘭花，有點驚喜，初時還以為蟹肉會像湯羮般稀釋的，結果卻是一塊一塊，西蘭花焗得爽脆，夾著芝士的焦香，很好吃 ... 接著是草莓夾餅乳酪芭菲，圖片不是僅供參考，賣相十分吸引，但味道卻一般，都是在外也能吃到的味道，可取之處是那個 "螺旋槳"，鬆鬆軟軟的，頗好吃 ...吃完東西，本想多坐一會，但一個人呆呆的坐著，有點古怪，還是離開好了 ... 再次潛入鬧市之中 ...