風月堂 (Closed)

多年前, 在旺角幫襯過, 之後一直無緣再來, 原來在佐敦開了分店, 下午茶時段, 老友無意見, 就方便, 隨意吃一點.芒果千層忌廉蛋糕伴雪糕, 價格$88的下午茶, 如此裝潢, 數口精的友人幫其計一計數, 實在只能算是合格以下, 所謂的蛋糕, 只是三層薄薄的芒果做成的皮, 夾著一堆忌廉... 與另一差不多格局的店: Italian Tomato 相比, 人家的好太多了, 反而那件朱古力雪糕有些來頭, 味道不錯.友人選了"黑松茸海鮮忌廉意粉伴三文魚", 都是$88, 算是合理多了, 下午茶的份量, 忌廉汁的味濃度不足, 未算太好, 與UCC有段距離, 但可接受. 小白魷魚, 青口, 小蝦, 還有三文魚, 都算合格以上.此店的服務極差, 把單據亂放也不是大問題 (13A和14A檯的單都給了我們), 但那位身形略大和略黑的店員放下後, 友人出聲叫她, 她轉頭望過來, 愛理不理的樣子, 懷疑她可能誤會了, 以為我們是再加單, 所以不理會, 其實友人只想告之"放錯檯"... 我們絕不是那些因小事而亂投訴的顧客, 尤其是一、兩次的"被不禮貌"對待, 因為皆有可能是彼此溝通的誤會, 無謂怪錯好人,

 外層為綠茶味忌廉, 內餡有兩球雪糕, 分別綠茶及雲尼拿, 面層加上紅豆粒, 賣相不討好, 但味道還可以晚餐定食之沙律 - 賣相不是太吸引, 沙律菜加少許雞肉及一片水蜜桃煙三文魚白汁意粉 - 煙三文魚不會太咸, 賣相不錯, 但只得一片卷成花形, 好似少了些, 意粉全熟配以白汁, 味道不太差肉眼扒意粉配黑椒汁 - 肉眼扒7成熟, 火喉剛剛好, 另配介抹醬亦好味 HOUSE RED WINE - 入口感覺比較酸, 葡萄味不太重, 反而酒味濃士多啤梨巴菲 - 底層為朱古力醬, 中層為粒粒士多啤梨, 上層為芒果片, 每層間著忌廉, 頂層為朱古力,芒果士多啤梨味雪糕, 再加一塊餅乾做裝飾, 賣相非常吸引, 味道也不錯HOUSE WHITE WINE - 白酒味道似香檳, 入口甘甜

叫左set dinner,食品一般,Dessert試左Apple crubble&木糠布甸,5掂! 蘋果太硬太乾憎憎!!木糠布甸5滑也乾但服務太差 !!流order, 凍O茶冇跟糖水,d服務員應左又5理,叫比個Dessert menu 睇,又係應完等陣又無左件事!係叫幾個侍應都冇理! 但當晚還未客滿㔾咁樣!終於自己行出去攞問個著克衫的點解服務咁差又流order連要個Menu都冇比!點知佢話係咩!個Menu有比,不過比左第二枱! 吹漲 !原來佢係到發緊夢 !Order都係佢落流單!投訴完最尾先有個似樣的服務員跟甜品!兩人消費5佰幾,比d咁嘅服務質素!食到無癮！無下次 !

是老師的開張儀式在附近，星期六中午一放工就趕車過來。非常餓。見到這間門口沒有人排隊就衝入去。來到時已經下午兩點。兩個人，不用等位。我點了一個紅酒牛舌餐，友人點了香煎鱸魚大蝦午餐。圖片很吸引，是嗎？等了十分鐘左右，來了牛油餐飽。上檯時是冒煙的，熱辣辣。本來想等埋餐湯。不過真係好餓，一口咬下去是軟棉棉的。非常讚！雜菜湯，用料很足，充滿蕃茄味和雜菜，並不油膩。也是熱辣辣的。友人不要湯，叫了沙律，他說 ok，沒有特別。紅酒燴牛舌，因為餓，要了飯。有四片頗大塊牛舌，紅酒味存在不過不突出。牛舌的軟硬剛好。其實真係好飽。友人的香煎鱸魚大蝦，味道不錯。大蝦不是很大，他有點失望。忘了拍照。咖啡，香味很好，很滑。合格。杯，好精緻。窩夫雪糕是亮點！雪糕有朱古力，士多啤梨，豆腐，芝麻，芒果，雲呢拿，菠蘿味。點了豆腐。窩夫好熱好脆，塗上雪糕是立即溶化！非常好味！唯一要注意，食物應該是一大批一齊出，好處是樣樣都是熱的。可能我們來的時候已經是兩點，客人不多，樣樣都是等。如果不趕時間，可以慢慢傾，倒是不錯。像咖啡是要時間蒸餾，才能暈開一杯甘純。

已經好耐好耐無黎呢到食飯啦，一直以黎都好鍾意去日式西餐廳既我，當然好鍾意呢到既環境啦。星期日中午時分到訪，都唔洗等位，真開心。坐低後叫完野食，餐湯同麵包好快就送到。餐湯揀左雜菜湯，好鍾意呢到既湯，蕃茄味濃得黎個湯又唔會太油，麵包又鬆軟，入口仲係暖暖地，口感一流。欖油鮮蝦野菜天使麵伴燒鴨胸: 天使麵唔太油，鴨胸一D都唔少，蝦又大大隻，炒得超香口，無得頂。香煎豬扒伴龍利魚配黑椒汁: 龍利魚煎得夠香，豬扒都唔太肥，薯條仲要好香好脆，不過最吸引既反而係D菜，其實我唔介意將D薯條轉晒做菜架。 日式海鮮野菜炒烏冬伴帆立貝: 炒烏冬一般都會係比較油，但係呢碟一D都唔油，唔太鹹，海鮮都算多，好好味。食完咁多野之後仲有個雪榚伴窩夫做甜品，雪榚味道仲有好多選擇，再跟埋杯熱咖啡，真係一流。呢到星期日LUNCH TIME 一個餐都係$98 至$108 左右，有湯有MAIN COURSE 有甜品仲有野飲，唔多人，環境好又靜靜地，幾適合傾計。

今日又得我自己一個食飯，見到風月堂幾抵就入去食下啦。88蚊加一，有湯同餐包。湯係粟米火腿忌廉湯，都幾多料，有粟米味，唔會好味精，個包係熱上既，鬆軟的黎又幾煙韌，加埋牛油食真係好正。之後食主菜，我就點左燒豬膝肉配香煎三文魚。厚厚既一塊豬扒，竟然一啲都唔老，仲好juicy。三文魚香脆唔鞋口，仲唔會腥。連配菜既薯角都好香脆。食完主菜仲有飲品同甜品，我點既凍檸茶都係正正常常。甜品既雪糕窩夫，有好多唔同味既雪糕比你選擇。我點左豆腐味，唔太甜，幾正。窩夫外面脆口，入面軟熟，藉得推介。

Everything was quite wonderful, the most unexpected item was the champagne.  I didn't even know Orchard Garden started serving alcohol until the waitress recommended it to us after we ordered our dishes.  The champagne gave the dinner an increased thrill to the evening.  I've been to Orchard Garden a few times but all the dishes I tried this time were all new to me and it didn't fail to disappoint.  The avocado pizza was good but I didn't have enough xp. The seafood tomato soup spaghetti had a v

佐敦佑寧堂附近開左間新的風月堂, 聽講呢間日西式餐廳在香港都已經好多年, 而家見到有早餐供應, 每次行過都心郁郁想入去試下, 不過又覺得有D貴。有一日卒之想豪一下, 就入左去試下。早餐有兩個選擇, 有傳統英式早餐, 包括豬肉腸, 煙肉, 火腿, 薯餅, 雙蛋同埋焗豆; 另外有一個鮮菌奄列早餐, 配薯餅及雜菜, 鮮菌可以轉火腿或者煙肉。睇落好吸引, 最後都揀左英式早餐, 原來可以轉炒蛋。個早餐D食物都OK, 因都係買番來, 不過個炒蛋, 好有驚喜, 個蛋炒得好香好滑,一D都唔濕, 比起同區另一間有很多自由行排隊的長龍餐廳, 一D都唔遜色。整體都算合格, D侍應服務都唔錯, 雖然價錢好似貴D, 但係都值得比好多分的餐廳。下次有機會再來時, 就試下個奄列早餐。

今日途經佐敦風月堂門口,看見沒有長龍(因平時都有太多人,唔想等),今日終於可以試下這裏了因為我得2人,所以侍應安排坐在中間的2人座位,不過不用等位都好.當看餐牌時,餐牌都有5/6份,實在太多選擇,最終點左扒羊扒,煙肉焗青蠔和牛油果鮮蝦帶子焗飯.點菜時侍應姐姐問我們要唔要叫杯酒來配餐,還介紹幾樣酒給我,最後我點了一杯NZ.Sauvignon Blanc的白酒,$30的價錢竟然會有杯清香易入口的好酒.而羊扒-肉質鮮嫩,醃製入味,可能廚師的煮法令到肉汁能鎖實,原全不需要用到所跟的汁,所以他們都將汁醬on side,實在太體貼.芝士煙肉焗青蠔-煙肉白汁配搭青蠔的製法很夾,加上焗得面頭夠乾身而蠔身又不太老.牛油果鮮蝦帶子焗飯-這個一上枱就被它豐滿的材料吸引,新鮮的牛油果配帶子及鮮蝦食落清淡而不膩,我朋友就覺得淡,我就比夠喜歡這個口味.本來看見周圍的客人都order甜品,實在太吸引,但實在太飽,只好下次約多些朋友再來.

第一次遇上風月堂，是在千禧前 (?) 的新世紀廣場。依稀的印象是店內比較昏暗，站在門外看不清內裏光景帶點神秘，但店門前玻璃櫃一個又一個的日式甜點擺設，令當年不嗜甜的我也覺吸引。可是那兒的消費對那些年還是學生的我是何等奢華，故偶爾能跟朋友到風月堂［風花説月］確是難能可貴。後來少了在新世紀流連，也不知風月堂何時在那𥚃消失。多少年後，忽然經過奧海城的新店，全白的裝修，還有店内正中心的那棵大樹，十分動人，［風花説月］的日子回來了 --- 可惜又是何其短暫，某天看見奧海城店説再見的啟示，多麼不捨... 雖然明知旺角還是有分店的，但總是無緣...今天無意看見 opensnap 的一張照片 ：久違了的風月堂原來在佐敦 (我的老家) 開了新店，立刻就跑過來了！佐敦店比較擠，桌子的距離不像從前奧海城的慷慨，也不再是全白 (還沒有想通為何是一半灰一半白...)，少了一份恬靜，有一點點失望... 不過近門口的大方枱加吊燈仍是挺 signature 的。食物在全店滿座的繁忙時間仍保持水準：蘋果豬柳雜菜沙律 - 因為有蘋果汁的甜和口感剛好 (不軟不硬) 的豬柳相伴，很清新又不寡。忌廉餐湯加牛油餐包 - 平凡至極

前幾日約了朋友在佐敦風月堂聚會, 環境地點都唔錯, 大檯上面有盞吊燈幾得意, 幾有氣氛.            朋友點了照燒三文魚日戎帶孑蝦串燒一人前定食盒, 我點佐牛肉石窩飯同埋蜆肉芹菜忌廉湯加沙律,望見隔離檯吃幾個甜品都好吸引, 好想試下.  沙律及湯先到, 沙律一般, 但湯不錯, 有蜆肉鮮味. 石窩飯上場, 賣相唔錯喎, 入口味道果然好吇, 配菜豐富, 牛肉嫩口, 質感味道都好. 朋友對一人前飯盒都好滿意, 本想再叫甜品, 因趕時間, 留番下次再試. 聽講風月堂已開了十幾年, 難得可以維持水準, 以後可以常來吃飯聊天.

在佐敦附近工作, 見到風月堂已在本區開了數個月, 一直想LUNCH 去試下, 不過午市時段經常有一群人等位。實在無咩心機等位。不過今天可能因為天氣唔好同埋落雨, 所以無人等位, 咁我即本去試下啦, 午餐餐牌有5個選擇, 頭盤可以選湯或沙律, 有主菜, 仲有甜品同飲品, 好似幾豐富。價錢由78元起, 最貴個牛仔骨伴帶子都係108元, 都幾合理。我第一次幫襯, 穩陣D, 試下個香煎鱸魚大蝦意粉, 配個羅宋湯。個湯幾夠料, 好好味, 不過個餐包就一般貨色。而個意粉個賣相唔錯, 個味道都合乎期望, 鱸魚一D都唔腥, 大蝦的SIZE都合格, 而且好彈牙, D意粉唔會太淋, 總次整體感覺唔錯, 唔怪得平日咁多人等位。甜品可以擇7種口味的雪糕配窩夫, 值得一讚的係熱檸檬茶, 入口好順滑, 一D都唔澀。D侍應都幾有禮貌, 不會大力放D食品在檯, 我亦觀察到佢地頻頻幇人加水, 可能人客不多的原故。整體感覺值得再去多次, 下次約埋D朋友一齊幫襯。

自從旺角果間風月堂無左之後，一直都無再幫襯過，今日同朋友去裕華買野時無意中見到佐敦新開左一間，見咁耐都無食過就去懷緬下先。2點幾入去，好彩仲趕得切叫午餐，朋友們都揀套餐，不過我唔太想食西餐，睇中左個一人定食，嘩！！一個盒咁要成$185，真係非一般的貴！想食但又覺得超貴，幾經掙扎之下，死就死喇豪佢一餐，最多下餐食車仔麵啫個盒有六樣野，分別有蟹籽青瓜沙律︰青瓜幾爽口，撈勻蟹籽同沙律醬，唔會濕地地，OK唔錯三文魚扒︰見佢細細舊無乜睇頭咁，初初幾啖覺得好好味，最重要係唔油！但食到一半已經開始飽，可能係因為三文魚比較滯照燒雞扒︰超乎我想像中好味，諗住都係雞扒一塊啫，但果個汁真係夾得好好，舊雞扒又夠嫩滑，成個盒最正就係呢舊雞扒！！金菇牛肉卷︰本身唔好金菇，因為痴牙，除此之外，味道係幾好，牛肉又唔會太老，好味！三文魚飯︰點解我叫佢做三文魚飯呢？皆因我以為係三文魚壽司，正常三文魚包住舊飯仲唔係壽司？！但當我食落口既時候，點解咁怪既....完全係煙三文魚既味道，舊飯係暖既，問左個侍應，原來係餐廳無魚生牌，唔賣得壽司，所以就用煙三文魚包住舊飯。唔可以話唔好食，但食落口果下真係有D失望囉。如果有其他野代替應

難得放假，同男友本來諗住去佑靈堂隔離間cafe食，點知聖誕期間唔營業，行行下見附近風月堂門面感覺唔錯，就入左去食lunch。個陣未到十二點，餐廳冇咩人。可能未係好繁忙，侍應姨姨都好有笑容咁招呼我地。佢地lunch set 大約有五六款，價錢大約是$7X至接近$90，包沙律或餐湯、主菜、飲品及甜品。我地選了沙律，是芒果大蝦伴蜜糖芥末醬，醬汁不是太多。芒果唔多，頗酸，不過都幾開胃。大蝦有兩隻，大小算是比想像好。我主菜選了燒春雞豬肉腸配飯（亦可配意粉薯菜）。我鍾意佢的燒春雞己經起了骨，吃起來很方便。另外我覺得佢的燒汁味道調配得不錯，不會太鹹。男友則點了煙三文魚天使麵，麵裡還有蘑菇和蜆肉。天使麵挺乾身爽口。飲品方面叫了雜果賓治和凍咖啡。雜果賓治幾足料，有西柚肉。凍咖啡糖和奶自然是分開上畀客人自己落。不過我地發現佢地的畀客人的糖漿和奶分量好適中，就算客人落哂都唔會太甜，咖啡的香，牛奶的滑和糖的甜都出到黎。至於甜品是窩夫伴雪糕，我覺得比一般lunch set 甜品的分量多和有誠意。佢都有幾多雪糕味道揀，我地揀了朱古力和芒果。窩夫整得幾香脆。可惜個人認為芒果味雪糕冇咩芒果味（人工個種芒果味都冇乜），

這間新開的風月堂裝潢很吸引，位於地鋪的關係，落地玻璃，雅致的擺設，會是很好悠閒，談天說地的地方～還有餐具都很雅緻～～這個一般，冇特別，不過玫瑰花的三文魚，賞心悅目。本人好喜歡黑松露的味道，有好多牛油果片，但太薄，失去味道。 但味道不錯，不過挺油的，但欖油就算吧~賣相挺高級，但海鮮不特別新鮮，魚頗乾……Pizza都不錯，有點辣，應該有辣油係裡面，但餅脆，很可口，而且份量剛好。這個真的不錯，好吃過出面的甜品店。但覺得旺角分站的好味一點。盒子裡的麵包粒都是西多士，每啖都充滿蜜糖的味道，很正。