風月堂 (Closed)

等位等左大約45min (好多人等位)入坐之後發現旺角既風月堂比沙田個間貴$90~$100一個飯，粉 而且份量吾多坐位少兩層都只有一個洗手間服務生態度一般不過甜品都OK

男友啡熊知道我最嗜甜，主動提議到旺角風月堂晚膳。之前去過銅鑼灣分店，整體印象不錯，而旺角店亦能維持一貫親切的服務。食物方面，點了黑松露蟹肉粟米pizza, pizza底香脆,可惜吃不到黑松露味，這個價錢還要比其他口味貴些，有點失望！：（番茄海鮮湯意粉， 這個是本人至愛，湯都喝光光！ 至極飽肚但來這裡不吃甜品，好像沒有來過。單看menu已經令人眼睛吃了冰淇淋~心大心細揀左一輪，決定今天的quota頒發給四色窩夫！其中一件來到時軟淋淋，還以為是不新鮮，原來是南瓜蓉口味,真是少見多怪！ 至於味道， 甜品好難難食既， 保持水準啦！

特登約朋友黎食呢間餐廳，我地12:15PM就到左，唔洗等位，不過入面已經坐左２枱客人，所以如果怕等位都係早D黎食好，因為到我地食完已經一點半，食左個幾鐘　睇完餐牌，我揀左A餐意粉，等左一陣，餐包同湯先奉上，餐包仲暖暖地，塗上牛油吃，味道不錯，白湯味道略淡，唔知有無加水，比較失色再等大約五分鐘，主菜黎啦。我習慣將意粉連汁攪拌好先食，俾我發現佢用料都幾足，有青口、帶子、蝦、蘑菇、大量洋葱等配料，汁配得剛好，不會太淡又不會太鹹，好味！不過我自己就不太喜歡食洋葱，如果可以少啲洋葱就更更好～食晒主菜之後，侍應就會走埋黎收野兼落埋餐茶&甜品既ORDER，我叫左朱古力雪糕窩夫，熱奶茶，窩夫好味，但奶茶真係難飲。。。總括黎講，呢間餐廳無令我失望，我會再去食多次，試下其他餐

慶祝朋友生日,當然搵間舒適既地方傾計食晚飯!!於是想到"風月堂", 我未試過,我想食好幾次,可惜每次在樓下已經卻步, 因為知道要等20張枱以上,太可怕了!!今次我地去到等18張枱, 當時7點鐘, 我地一於一路傾計一路等!!!等到8:15先到我地, 前面幾張飛既客人走哂, 我地才可以早左入去原來有兩層,我地被安排坐第二層,上到去原來地方幾大,好多人!!裝修好白,感覺好GRAND,坐低就睇下有咩食先??!!晚餐不合口味,於是散叫!!我起初怕食唔哂,但原來不是太大塊,而且係薄底, 個PIZZA 好脆,味道就唔算特別, 但整體好食!幾大碟WOR!!外貌吸引, 食到中間有一大堆細細條菠菜,VERY GOOD,味道好好!!一上枱,色香味俱全,一定要推介!! 點完餐會有上菜紙!!我地要求飲熱水,侍應即刻換熱水, 個杯好靚,好似屋企用既杯,底部仲印有風月堂三個字!!甜品出名, 一定耍試下,我地揀左窩夫夾住生果, 6種生果, 有士多啤梨,芒果,藍莓,哈蜜瓜,奇異果,香蕉!!!中間有個雪糕球,美味!!!

同老公行完街, 佢建議離風月堂食, 因為之前食過都唔錯, 上次係朋友既生日, 冇叫SET DINNER, 只係散叫, 已經覺得LI度既食物, 服務都係高水準, 比我既感覺係健康, 因為會有蔬菜配.又唔覺有味精.但今次我地叫左SET DINNER食, 老公叫左個香煎石班大蝦香草牛油汁跟南瓜雜菌, 我就叫左個什菌汁西冷牛扒伴帶子飯, 佢要左煙三文魚什菜沙律, 而我只叫左餐湯, 雖然LI度係貴啲, 但真係超健康,又好食囉!

烈日當空下既旺角仍然係人來人往水泄不通，要搵一間坐得舒服無壓逼感可以俾你悠悠閒閒食餐飯既餐廳一D都唔容易醒起之前去過風月堂食下午茶, 日式既簡約裝潢，雅緻既餐具，梳化式既坐椅都有一種令人放鬆既感覺就決定去試一試佢既lunch~ 一點九去到，唔使等位就入得Set lunch 由$72~$88不等～ 有齊晒前菜餐湯主菜餐飲同埋甜品～ 以佢既環境同食物質素來講都幾抵食 餐包上檯時仲係熱既～ 咬落去軟軟地，口感似蛋糕仔多過似餐飽，不過好香蛋味好好食set lunch可以揀沙律或者湯，我地要左個雜菜湯，味道還可以，配料豐富值得一讚女友既主菜係烤牛仔骨配磨菇汁。牛仔骨原條上好有霸氣 肉煮得好腍，好輕易就可以同D骨分開，汁唔會過鹹雖然係咁多個set lunch入面最貴既一款但仍然覺得物有所值自己要左個香煎爐魚配意式燴飯。爐魚味道較淡，連埋D汁一齊食還可以。飯底卻令人失望。D飯的確係煮到黏黏的，但係無左顆粒分明既感覺，就好似食緊一"pat"野咁風月堂既咖啡都唔使多介紹。用UCC咖啡豆有質素保證，加埋set咁別緻既茶具，有視覺同味覺既雙重享受～風月堂既waffles都係出晒名，估唔到set lunch都

嘩嘩 有3年沒來過風月堂啦今次來試試它的午餐!點了煙三文魚雜菜沙律煎牛仔骨配洋蔥汁士多啤梨雪糕窩夫雜果賓治煙三文魚雜菜沙律雜菜有點苦... 煙三文魚好味! 有8塊呢~ 煎牛仔骨配洋蔥汁好喜歡它的洋蔥汁! 少少酸, 配牛仔骨相當不錯! 牛仔骨一點也不韌! 沒選錯啦士多啤梨雪糕窩夫看見大部份客人的雪糕都是白色的... 難道其他味會很難吃嗎? 或是豆腐/雲呢拿味很出名的呢?我都不知道呀 哈哈, 所以點了 士多啤梨味!! 好好味呀, 有果肉的, 會有haggen dazs 的嗎?雜果賓治剛開始飲時覺得很fresh~ 但後尾覺得有點酸...整體來說很不錯呀! 很適合邊食邊傾計! 環境很好!!

晚餐時段walk in去等位,7:00到達，剛好有吉table,我地2人點了小食"牛舌"，辣既帶子篇麵同煙三交魚pizza,最後點了一個dessert share,Mango窩Fu夾餅,我其他的都不post出哩，唯一推介的燒牛舌最美味，可惜汁不夠多。

近日與兩三友人來此吃了一頓簡單的午餐，從是日餐牌中的五款選擇中揀了「扒羊柳伴石班配香草燒汁」作主菜，加上「芒果柚子什菜沙律」為頭盤。先來餐包，普普通通的，無甚特別。這天沒要餐湯，只吃沙律，吃這餐包，感覺總是不大合襯。頭盤「芒果柚子什菜沙律」只是平平而已，雖然用了芒果汁作為沙律醬汁，但芒果汁味道偏酸得來不太討好，芒果也不夠鮮甜，而且柚子不大吃得出來。主菜「扒羊柳伴石班配香草燒汁」好些，不過也非特別出色，只是中規中矩而已。始終，「風月堂」這日式西餐廳最吸引的都是它那些帶有和洋風格的精緻甜品。就好像這天跟餐奉送的甜品，雖是十年如一日的「自選雪糕伴窩夫」，但雪糕就有朱古力、芒果、士多啤梨、雲尼拿、菠蘿、豆腐、咖啡及芝麻八款味道可揀，總有一款可滿足到客人心意。我就揀了至愛的朱古力雪糕伴以香脆的窩夫，雖然窩夫不太夠熱，未能做到與雪糕一冷一熱的強烈對比效果，仍是這頓午餐的一個甜蜜結朿。這頓飯的餐飲除了一般的冷熱飲品外，還有「什果賓治」可揀。既然可以不用多費分文便可叫來較特別的餐飲，那便叫來喝吧。這「什果賓治」味道正正常常的，帶點兒果汁飲品的酸味，有夠開胃的。值得一提的是這裡的空調開得十分猛烈，就像不

在熙來攘往的街道，找到了天堂，除了因為到處白色的裝飾，亦因為它確實可以輕輕鬆鬆嘆杯咖啡［有好多人想做天使，所以等了十五分鐘］。見到餐牌，好醒神，真係插圖精美！快速＂柯打＂，快速動餐！！要杯咖啡，在別緻的餐具內暢泳！令人心曠神怡未吃午餐，要了個小的芝士菠蘿磨菇薄餅，餅底脆，用料足另外點了4款，雖然都係雪糕同生果做朋友，但不得不佩服佢能砌出咁多種類，而且生果都係新鮮，有款係兩併普通同玉桂窩夫，有冰涼雪糕，梗係夏日美品全部加埋4個人,連加一 HK$390環境剛才已說了，很好！分兩層，頂樓有多些空間望到街景。採白色設計，光明，舒服服務人客雖然多，但服務員還是很有禮貌，要讚

琴日同朋友行街有啲餓，經過試一試旺角風月堂。可能下午茶時間，唔洗等。餐廳坐得幾舒服，!嘢食比較貴啲啲，不過間中食吓，感覺都ok!今餐兩個人食，食咗1款個main course 2款甜品: 燒雞煙肉薄餅(加輕盈之選)、士多啤梨雪糕pancake、香蕉朱古力巴菲。- 輕盈之選: 甘荀白湯，ok但無咩驚喜，沙律幾新鮮不過味道一般啦!- 燒雞煙肉薄餅: ok，鍾意佢夠香脆，其實pizza香脆就已經好味。- 士多啤梨雪糕pancake: ok，女仔friend會鍾意，如果生果多啲會仲好，不過成本貴，呢個價錢ok啦!- 香蕉朱古力巴菲: 好香，個樣又靚，個味又ok!總括嚟講ok嘅!

由於復活節假期，到了旺角風雨堂吃午飯，但因假日沒有Lunch Set，因此叫了正假食物。每個飯麵都差不多要$85以上，飲品跟餐平少少，但都加$25-$30元。環境幾乾淨，幾好，唔錯。1. 玫瑰蘆薈花茶，茶面有玫瑰，杯底有蘆薈，加上冰凍的冰塊，透心涼及好味!!2.什果班Cake，皮薄及鬆軟，整體感覺美味!3.忌廉焗菠茶大蝦帶子飯，料足及十分惹味!!!($95元)4.朋友吃的烏冬，吃了少少，因加了沙律醬及木魚，很日式風味，好味!!!總括，物價與食物質素成正比，我滿意。

清明節的旺角也不算好多人, 可能時間還早啦, 只是十二點半左右, 便來到旺角西洋菜街的風月亭, 一上到去, 便有window side坐, 真係好啦, 裝俢不錯, 夠光猛, 望在人來人往的道路, 更感覺自己自身在一個relax 的地方, 坐下先來一杯柚子蜜, 味道ok 啦, 反而我較喜歡杯子和茶壺, 花紋都好精美呢, 我和朋友都品嘗了咖哩豬扒飯和黑松露帶子欖油天使麵, 豬扒飯都ok , 喜歡他加了提子乾做伴菜, 而豬扒是有點香芧風味, 咖喱汁也不錯; 可惜, 那天使麵也真是很一般, 帶子只有數少粒, 總結而言, 坐落的環境其實都頗舒服, 食物都唔錯啦, 下次試下佢地d 甜品先呢

今天跟朋友到旺角風月堂晚飯，上次跟朋友於銅鑼灣風月堂品嚐過後覺得很好，所以帶另一位朋友試另一間分店。只是溫水杯，已令我很歡喜。旺角店的晚市套餐跟銅鑼灣店的不同，只有主菜及餐飲。如需餐湯及沙律，雖另行加錢，我們加了一份。朋友吃沙律，味道很好呀！推介啊！朋友於餐牌中選的，賣相及味道亦很好呀！三文魚忌廉意粉吃至一半，發現其中一件未熟透，店員欲提供一份新的予我，我著她只需給我相同份量。怎料，廚房另添一份意粉，只好浪費一碟了。我點了咖啡作餐飲，怎可錯過ＵＣＣ咖啡呢？

想試這間很久了 ... 試過幾次去到都要排長龍, 加上沒有訂位服務, 今次決定早一點去到, 食個EARLY DINNER吧!6:00到達, 已經有不少人了, 2層的WINDOW SEAT也FULL了 ... 有點失望, 只好坐SOFA位吧.兩個人叫左一個海鮮石頭窩飯, 一個牛仔骨. 牛仔骨很快就到了, 很入味, 唔會太熟, 比較肥, 但亦可以接受吧!海鮮石頭窩飯很大份, 兩個人食剛好, 加上有點飯蕉, 很香口, 海鮮也不錯, 唯一係個汁比較差, 只有兩個汁選, 一個係豉油, 一個係韓式辣醬, 我地選了韓式辣醬, 但其實佢一D都唔辣, 反而比較鹹, 鹹得有點難以入口 ... 唔加醬反而很好, 好在佢的醬是分開上的食物的價錢很貴, 一個飯至少也要100落樓, 比起其他餐廳, 算是很貴了。服務員態度OK, 但做事不大小心, 時常把東西跌到地上。最令我反感的, 係對面的大型戶外廣告牌, 很可怕, 一閃一閃的, 令我眼花頭痛, 這時終於覺得WINDOW SEAT未必一定是好的, 如果我真係坐WINDOW SEAT, 可能我很快就要逃走了 ><