雄記

Open Now

Now Closed

之前炎炎盛夏，帶狗狗到遠啲的地方食嘢，人同狗都辛苦。等到轉季又適逢放假，終於可以一齊行遠啲。呢間餐廳係即日搵，即日聯絡，即日去架~餐牌全日通用，老闆話夜晚有時會做私房菜。餐廳的環境清幽、舒服，位於小路旁，人少，安寧。初時諗住帶埋狗狗一定要坐室外，但老闆喜歡狗，仲歡迎狗狗入店裡面坐，更幫我放埋狗繩，讓狗狗隨意探索，放飛自我。點咗黑松露雜菌手工意大利麵，同老闆講食素但旁邊素亦可，最後，老闆製作咗蛋奶素版。黑松露雜菌手工意大利麵（$150）：忌廉蘑菇意粉係成日食，因大多西餐只提供呢個接近素食的選項，而呢度的黑松露雜菌手工意大利麵係即點現製，老闆即場將麵團以製麵工具製成麵條。同其他餐廳的同款菜式好大分別，單係視覺上的差異已非常明顯，呢碟意大利麵係淺黃色，唔係忌廉白色。佢的醬汁濃稠，質感creamy，味道勁香、豐富。手工意大利麵粗身，有咬口，帶raw的感覺，佢具備我喜歡的口感。我唔係好識描述，但佢絕對係出色的意大利麵！可能有人會唔鍾意濃味，但聽老闆講，佢唔主張用調味料，取而代之會用心製作湯頭同利用食材的原味作取替，令食味更豐富、多層次。所以，雖然呢款意粉係素食而令老闆放棄加入一貫的雞湯底，但佢就

一人經營的小店，老闆好好人，因為天氣熱，專登開涼冷氣，等我地去到就可以涼到，仲倒水比我地休息。我地一行三人，雖然只叫左兩個套餐，但老闆完全沒有不滿，仲主動送多杯果汁比我地，依加咁好嘅服務態度真係好難得。廚房係開放式，所以見到老闆做手工意粉嘅過程，無論係手工意粉還是意大利飯都好好味呀，感受到老闆嘅用心製作，大家都比手指公呀，真心讚賞👍🏻臨走聽到老闆話可能做唔到幾耐，因為無咩人幫襯，覺得好可惜，因為真係好好味，如果之後食唔到就好可惜。如果大家鐘意食意粉，希望各位都可以比個機會「雄記」，相信大家都會覺得值得一試的。

呢間餐廳應該六七年前都已經知道存在，當然媒體上面好多都報道。老闆平易近人。一個人的遭遇及命運，有不同的故事，有了故事，很多事情就會發生。我們買的衣服奢華品牌名錶，要不然有故事你也不會買。這裏的食物就是一個故事。預早一天預訂，講明這裏家庭式款待，大家不要有太多的服務要求。食的是食物裏面的溫度及味道。龍蝦湯有自己的烹調方式，我覺得味道是比出邊好，但因為食物太夠料，所以有一點濃味而引起有少許鹹。有百吉麵包咁應該問題不大。不過自家麵包都好似係老闆自己焗。意粉當然比出邊餐廳做得出色，不過始終正宗的意大利粉係確實分別到。由意大利人做意大利粉，當然是原汁原味。不過比其他餐廳那些罐頭的意大利製作方法，當然就立見高下。爽口的。不過意大利粉裏面的層次以手工麵來講其實仲可以進步。那個橡木豬扒有些乾，但那個蘑菇汁確實非常夠專業。芒果沙律就係作為家庭式伴菜，有些酸。問題是在生果。甜品果凍亦做得恰當好處。提拉米蘇有另一類嘅製作，份量絕對足夠。整體這一餐其實係滿意，如果你要抱着五星級食物質素，這裏是家庭的五星級。地方騷擾性小，當然有車係比較方便。其實一班人三五知己其實都OK。

一食就知道老闆對意粉果份要求同執着。每一啖都食得出老闆嘅要求同誠意。非一般意粉，出面真係食唔返，每次都專登揸車入嚟食。今日有幸食到佢個是日限定-蕃茄龍蝦湯大虾意粉，好唔好食真係呃唔到人，尤其小朋友把咀，小朋友自己一個人隊晒成碟意粉。🤣🤣🤣另外，提拉米蘇必食推介，每日限量發售售完即止，每樣食材比例啱啱好，酒味唔會過火。隱世餐廳，真係名不虛傳！

今日去咗同朋友三個人一齊食一間小店，位置有少少偏僻。店面非常清潔乾淨，座位唔多，得三四張枱。老闆一個人做晒樓面同廚房。首先我哋叫咗兩個湯試吓，第一個，係南瓜湯。南瓜湯非常濃郁，感覺到非常足料。跟住係洋蔥湯，我自己本身麻麻哋飲洋蔥湯，不過試咗一啖都覺得非常之甜，如果鍾意食洋蔥嘅朋友應該會覺得幾正。跟住叫咗兩個牛角包，牛角包係老闆自己整，非常酥脆，好香牛油味，非常推介。然後我哋叫咗一塊牛扒，提提大家，牛扒要預先訂，去餐廳之前同老闆講聲就得，因為老闆話要攞定出嚟解凍，有客人訂先會準備，睇得出老闆對食材準備非常有要求。因為朋友唔係好食得生，我哋叫咗medium，火候啱啱好，牛味非常重。我哋叫咗一個意大利飯同一個意粉。紅酒燴牛肉意大利飯煮得啱啱好，唔會過硬，牛肉煮得好琳同唔好入味，分量亦非常多。明太子海鮮手打意大利麵，意粉係老闆自己整，同現成買嘅意粉口感非常唔同，明太子味道濃郁，蝦亦都好新鮮。最後叫咗一個Tiramisu，本身自己唔太鍾意食甜野，但係都覺得幾好食，質感好棉滑，有香嘅酒味。

幾個人來吃午餐，訂了枱，麵是即叫即拉，十分有口感，牛肉入味，意大利飯濕度剛好。環境清靜，邊食邊傾，一流。味度方面，汁比較濃味。這是個人口味，朋友話好好味。不過沒有預訂菜式，餐牌上有些菜式未能即場提供。整體很不錯，一定會再試。價錢方面，正常合理價格，四個人食4個餐餐，4杯果汁。每人約230左右。

按食評去幫襯，天水圍西鐵站輕鬆行10分鐘便到，沒有華麗的門面，是一家親切的小店。我們預先訂位，一行10人分2枱已經坐滿了小店，熱熱鬧鬧的吃了一頓十分滿意的晚餐。前菜試了牛角包、紅酒燴牛肉及烤羊架，滿意！主菜點了黑松露雜菌意大利麵和明太子意大利飯，好味到要即時加多一份。雖然甜品有小小貴，不過Tiramisu 、意式奶凍和紅酒啫喱都做得十分出色，酒店級的水準，絕對值回票價！值得一提，我們自己帶酒和小小的生日蛋糕，老闆也沒有收開瓶費，讚！

呢間小店位於屏山，地點都算偏僻，店面亦唔顯眼，餐廳主打手工意粉同意大利飯。全店只有店主一人打理，所以上菜速度一啲都唔快，但我覺得同朋友悠閒地傾住偈咁等，其實時間好快就過。因為小店座位有限，只有十幾個位，所以建議大家先打電話訂位，避免去到但無得食。如果有想食既食物，訂位時可以順便預訂。🔍烤紐西蘭羊架（$278）呢個係預訂菜式，羊架叫左7成熟，肉質好好，一啲都唔韌，而且好入味。重點係：羊架完全無羶味！！！配上秘制薄荷醬，完全提升左成個味道。🔍紅酒配牛肉手打意大利麵•跟果汁（$130）牛肉份量一啲都唔少，而且牛肉炆得好冧，好入味，手打意大利麵好有咬口，彈性十足，但對我個人黎講就硬左少少。🔍明太子海鮮意大利飯•跟果汁（$158）意大利飯煮得煙韌同有咬口，而每粒飯都被醬汁包圍，好creamy。海蝦彈牙，鮮中帶甜。但如果一個人食，可能會太膩。🔍飲品兩杯跟餐既果汁，我地左橙汁同蕃石榴汁。同行友人叫左一支「有機英國接骨木花有氣果汁（$38）」。我地一行人對今次晚餐都好滿意，大家都覺得好正同好食😋😋

今晚同c6 book左食夜晚。早一日同老闆預定好羊🐏架。來到真係🈚失望。個羊架外脆內嫩，肉汁好juicy，有層次。食落去無騷味，羊味濃，very yummy，非常推薦。另外，order左 紅酒燴牛肉手工意大利麵，牛肉好軟入口融化，麵老闆即時手製，好有咬口 ，不會我個人中意軟d,所以老闆話下次可以話俾佢聽整軟d。最後，食埋個甜品做happy ending。尼個意式鮮奶凍都激推。好好味。甜品上有2種果醬，我就中意黃色果款（老闆話係熱情果mix菠蘿），食落去酸酸甜甜，正。

真的每次去水準都是一樣的好，今次只點了西冷同洋鞍，因為怕太飽吃不下，之前吃意粉一份就很飽。店內不提供紅、白餐酒，問過原來可自携紅酒，但要自備酒杯，因店裡只有水杯。老闆話最好預埋佢

好多人去屯元天覓食都會諗起傳統港式餐廳，今次去到近 #天水圍 西鐵站嘅屏山文物徑，發現原來入面都有唔少隱世美食，其中「雄記」原來平日晚仲可以預約多國 #私房菜 ，味道比起中上環中價西餐絕對唔會輸蝕！加上所有菜式都係即叫即整，老闆雄哥全程一腳踢，好有小店嘅人情味！💚 洋蔥湯雖然呢道係一道煮法好簡單嘅法式洋蔥湯，但最講究嘅其實係處理洋蔥焦化嘅時間同火喉。整體洋蔥味好濃好甜，如果可以配塊餐包仲正！💚 牛角包超大舊即焗牛角包，佢係果種比較牛油味重嘅牛角包，同埋整體都好鬆軟，不過皮就唔係特別脆口（唔似出面買嘅），送湯一流！💚 烤蘋果乳豬腩卷香草手打意大利麵手打意大利麵口感好特別好有咬口，豬腩卷超嫩口，脂肪位入口即溶，襯鮮蘋果醬都幾夾，完全唔膩！唯一挑剔係乳豬可以煎／焗香啲，食唔慣豬味重可能會唔鍾意。💚 明太子海鮮意大利飯需時10-15分鐘嘅Risotto，非常creamy而且明太子味唔會太鹹，蝦肉亦都好新鮮爽口，分量好多絕對飽肚！💚 邪惡阿華田 & 鮮奶咖啡的確無改錯名，超邪惡嘅阿華田，勁足料之餘仲要極多淡奶，識嗌一定嗌特飲！而Latte亦都唔係一般嘅咖啡，而係Latte沙冰，幾推薦飲呢款！💡如

Food was amazing and worth our 1.5 hour commute! We ordered 1) red wine beef pasta ($130) - handmade pasta was fresh and chewy, the beef was extremely tender and the sauce was perfect, it was so good we went back after our ping shan trail walk to order takeaway (2 servings without the pasta at $98 each); 2) mentaiko seafood risotto ($158) - a well balanced risotto and very filling, 3) piglet belly in croissant ($110) - the pork belly was so juicy and tender, fits very well with the delicious app

Very high quality food in a casual and comfortable atmosphere. The croissants were melt in the mouth, lobster rissotto sauce was amazing and for sure made from scratch with lobsters, the freshly home-made pasta was perfect! We were lucky to be able to try the earl grey mousse which someone ordered and couldn’t collect. Amazing!The restaurant is situated next to Ping Shan historic path and a nice stroll after lunch was relaxing.

由於店舖係雄哥一人打理，所以只可以招待大概四五枱客，建議先預訂，去既時侯就有另一群客人因為未預訂而滿座未能入座，而且部分菜色也需先預訂，方便預留最新鮮食材。由於是即時新鮮製作，所以製作需時，但都值得等待！嘗試了兩款手打意大利麵，由於是即場手打，麵的口感很好，而且份量很足。叫左明太子海鮮同紅酒牛肉，兩樣都好食但個人更喜愛紅酒牛肉，十分惹味又入味！明太子海鮮反而食得多有少少滯。另外都叫左兩款甜品作結，tiramisu十分正宗，意式奶凍個汁既配搭都十分新鮮！推介！最後一讚雄哥態度誠懇友善，希望用心小店會更多人知道及支持！

睇過佢嘅報導，原本只想支持小店，但試過之後覺得真心好味。老闆堅持食物水準嘅質素，一定要你order左之後佢即叫即整，連意粉都係喺你面前搓麵團，非常新鮮。意粉好彈牙意大利飯都好有咬口，唔似一般餐廳有時會煮到林pat pat。雖然選擇唔多，得四款，我哋四個人試晒四樣嘢，都非常非常之好味。可惜之前唔知道有啲餸菜要預訂，試唔到。下次一定要早一日打電話去預訂，試埋啲特別菜式。甜品只食咗奶凍同埋Tiramisu ，兩樣都非常非常非常高質，好好味，一定要再去幫襯！