Outback Steakhouse (銅鑼灣廣場一期)

Open Now

Now Closed

我因為疫情關係，都好少出去食嘢。但係有時人懶，自己廚藝又不精，想食下西餐都好難。有日喺社交平台見到Outback做緊特價，一個芝士白汁鮮蝦寛麵，都係$88蚊，再加埋佢哋嗰個黑糖包，真係冇得輸。我仲嗌左個烤美國白汁帶子燴飯，帶子大大粒，嗰啲汁呢又恰到好處，唔會話有時出面太多汁令到啲飯軟晒。講返個鮮蝦寬面，啲蝦呢又係超大隻鮮甜，超足料。最後呢仲有個錫紙包住嘅黑糖包，因為用錫紙包住呢返到嚟呢都係仲係熱呼呼，同堂食完全冇分別。真係超抵超好味，雖然要日日喺屋企，都可以用特惠價錢食到一個美味嘅西餐，真心推介

疫情還未完, 難找地方食飯。碰巧見到Outback 做疫情價, 堂食都用折，不得不試。黑糖面包追call 了2次, 都沒有額外的收費, 真好, yummy。磨菇湯比較creamy, 再creamy 點就不行了。Outback 只有十多款午餐, 但已符合眾人的口味。例如這個魚扒餐, 有亞洲的風味。每種配菜, 都有獨特的顏色,幸福的味道。雞扒沙律, 好滿足，瘦雞扒適合減肥人士，多種沙律菜做成的口感豐富。雞扒先用燒汁煎熟，再上一層甜汁, yummy。每次去outback 都會試新款式, so far 不錯。

Outback Steakhouse之前都食過，佢嘅牛扒好有質素，而且黑糖麵包超級好食，而家OpenRice仲有晚餐外賣自取優惠，價錢好吸引，今日叫咗芝士蝦闊麵，另外加購左兩條黑糖麵包，價錢大概$100左右，呢間分店嘅好處係，可以中午叫定夜晚嘅外賣，收工後就可以準時去攞到嘢食，去攞外賣嗰陣都見到有好多人幫襯，餐廳亦都將啲外賣食物裝得好好放喺一個大袋度，攞好方便，返到屋企一打開個餐袋，發現原來晚餐叫外賣已經會送一條黑糖麵包，加埋之前加購嘅兩條麵包，結果原來買咗三條黑糖麵包😅真係有排食喇😝味道真係唔錯，芝士蝦闊條麵蝦肉大大粒，大概有五個蝦球左右，另外闊條麵我叫咗多醬汁，佢嘅醬汁好特別，有海鮮味、忌廉、少少辣，好有特色，而且大大份，一個人都食唔晒，黑糖麵包用錫紙包住保溫，依然保持水準，軟軟甜甜，附送我最鍾意佢嘅忌廉牛油，配埋黑糖麵包真係一絕😋😋😋雖然價錢優惠咗，但係一啲都冇影響到食物質素，超級滿意嘅外賣自取餐廳👍🏻👍🏻👍🏻希望疫情下佢可以繼續支持住，提供高質素嘅美食😃😃😃

每逢同屋企人選擇食西餐，一定嚟outback呢間食，食咗十幾年水準一路keep得好好，而且佢哋嘅餐牌不停更新！今日又同媽媽、家姐去，一坐低點完餐就送上數條新鮮焗好既黑糖麥包（不會另外收費）我每次都食晒成條（加埋佢地自己調整既cream butter)麵包熱辣辣放上香滑cream butter，如果唔係要食扒留肚真係可以encore 又encore。今次叫咗個主角斧頭扒（我地會叫五成熟）centre pink 😋😋 雖然等咗30分鐘但很是值得，色香味冇得輸。件扒正正煎到剛剛燶燶地，但裡面既肉汁爆曬係口內，牛味當然夠，仲係會留低係口裏好耐...我每次都會外賣埋條骨回家煲羅宋湯，吾係講笑真係好甜。

鮮蝦白汁意粉， 基本上次次都會嗌呢個， 但係唔知做乜今次廚師重手咗， 我平時唔係好食得辣， 今次出曬汗😅。但總體係ok, 白汁 濃烈 意粉彈牙， 配埋上面兩嚿多士yam埋啲汁，食唔停口😋黑糖面包唔洗多講啦，一定每人每次最少食一條，再比10蚊攞走多條😂脆炸蘑菇， 香脆惹味， 跟上嗰個白汁有少少辣， 兩樣加埋一齊非常之好BTW, cwb要食就食一期呢間，呢外果間去親都無好經歷，可以試網查🤬🤬🤬

第17次寫食評好似好耐無食過Western Food，於是乎決定去Outback Steakhouse 食晚餐。點了2兩款食物：凱撒沙律：沙律菜夠新鮮，夠大碟豬肋骨拼春雞：份量十足，味道唔錯，不過肉質略嫌有點榎可能因為比較早到，安排了入座Wndow Seat, 人少少，清清靜靜食晚餐，好唔錯呢

行過銅鑼灣，諗唔到食咩，即興入咗Outback食晚飯。因為疫情關係都比較少人，所以唔使訂位都可以直接入去食。兩個人都唔食得太多野，淨係嗌左兩款食物，加埋每次都會提供既黑糖包，兩個人夠晒食。第一款係每次去Outback都必食的芝士白汁燒蝦寬麵，食落辣辣地，都有唔少蝦。望落好似好細碟，其實分量都唔少。第二款係燒雞肉芝士夾餅，第一次試，食落又唔錯，不過可能兩個菜都係芝士為主，感覺上好快飽左，薯條炸得都好香脆，整體不錯。

同妹妹慶祝生日,主角話想鋸扒, 於是便到銅鑼灣行街兼食飯. 行街行到差唔到3點先到Outback食lunch,真係十分肚餓. 見到里面好多位, 都幾冷清下, 待應急急腳同我地落左單.一行三人,一共叫左3個餐:前菜就有忌廉粟米湯加沙律, 值得一提的是粟米粒好足. 仲有熱辣辣既黑糖包,係我既至愛, 亦係Outback好出名既其中一種食物1.     香芒燒雞肉沙律呢道菜既香檳蜂蜜香醋汁真係相當唔錯, 好開胃,芒果唔酸, 甜甜地,沙律俾D 汁包雲住,每一口沙律再配上卜卜脆既玉米餅一齊食,相當有口感, 有一股幸福感. 但燒雞肉就份量少左D, 而且雞肉好老,完全無水份.2.     美國安格斯肉眼牛扒叫左5成熟,配黑椒汁, 但D肉就係好韌好柴, 好唔掂..幸好,薯條係我中意食既口感, 脆口,食落都唔覺油膩,食唔停口3.     燒羊扒羊扒叫左7成熟, 唔韌都幾嫩下,都保留左D 肉汁, 又唔無羶味….令人眼前一亮

放假緊係要食好野🤣第一時間就諗起outback，因為食物質素有保證，下午去到完全唔洗排隊，直接有位坐🤪每檯都會附上新鮮暖笠笠既黑糖麵包，好受客人歡迎，麵包微溫鬆軟、帶有少少甜味，配埋軟滑既牛油，的確令人回味😋重點可以免費再encore!!!－－－－－－1. Chicken Quesadilla 4.2/52. Baby Back Pork Ribs 4.2/53. Fettuccine primavera with chicken 4/5烤雞肉芝士夾餅外表餅脆卜卜，一咬濃濃芝士就漏出，有拉絲效果🥰雞肉配芝士相當夾，一人份量絕對足夠燒豬肋骨肉質相當柔軟，好容易切開，味道不錯，夠入味唔會過咸，薯條係粗薯條，熱辣辣好香脆，份量都幾多🤣寛條麵食落煙韌、有嚼口，白汁唔會過稀，但雞肉調味有點淡，整體都係好食😋

6隻食肉獸即興飯局，選了這間「平民西餐廳」，但竟然有意外驚喜。太久沒來過，微溫的黑糖麵包還是成功打開了我們的胃口！大伙兒坐在圓形卡座，私隱度高，也夠闊落。全晚最精彩的就是這個鐵板上Ribeye！是久違「難得一遇」在平民餐廳有真正合口味的Medium Rare Ribeye。Juicy度跟肉質也令人感動，不消10分鐘已清光，還要立即Encore！Waiter也很有細心，看我們談得開心、吃得開心，知道有人晚來，還特地詢問我們是否需要多一份黑糖麵包！這服務…是會令人會心微笑！這一餐，有10分滿足！

一大班人食飯唔想打邊爐又想坐得舒舒服服可以靜靜地傾下計就揀左黎outback食飯每次去親outback最想食其實係佢個黑糖麵包相信食過outback嘅人都知呢度必食一定係佢地嘅麵包就算平時唔食牛油都要搽少少牛油食麵包熱辣辣軟綿綿超好食小食叫咗炸磨菇幾好食好多汁外層香脆叫多個小食拼盤有ribs、薯條、炸雞幾個人食岩岩好每樣食少少洋蔥花好特別平時多數食都係洋蔥圈呢個係成個花咁大大個唔記得咗十幾安士嘅牛扒有專人幫我地切不過其實一般可能太厚5成都好韌

今日放工出咗嚟銅鑼灣買嘢，見時間都比較夜又行到攰，就打算食埋飯先返去。可能我OUT啦，我冇幾耐先知道原來銅鑼灣廣場依面都開咗間Outback，咁就ad hoc去攞咗張飛，餓左好一輪差唔多等左大半個鐘先有位。因為見係星期五，有我最愛嘅prime rib供應，咁當然要左一份啦，例牌配雞汁飯同埋焗sweet potato，頭盤就叫咗個蟹餅試下。蟹餅睇落唔錯，但食落比較多粉，都係一般，試過就算。可能我入座果陣已經比教夜，所以嚟到嗰個時候呢佢地嘅燒牛肉已經係比較熟，應該係有medium well以上㗎啦，但我想食所以照殺啦。咁當然熟左少少，就有影響咗佢嘅軟滑程度啦，但係味道都冇影響，整體來講都冇話係好柴嘅感覺咁。雞汁飯就係一貫標準嘅味道，最正呢就係個番薯，加埋牛油永遠都冇甩拖。但唔知係咪仍住仍住，我梗係覺得係百德新街嗰邊戲院嗰間分店好似好食啲嘅...

今日約咗四個朋友仔去銅鑼灣食午餐，其中一人有張優惠券，可以叫三個午餐免費送一個，於是我哋就用咗呢個優惠！既然有優惠，當然叫得越貴就越抵啦，於是其中三個要美國牛柳($198)，兩個要肉眼扒($218)。未嚟主菜之前先有佢個招牌黑糖麵包，呢個包我一向興趣不大，所以食咗少少，之後有個忌廉蘑菇湯同沙律，個湯幾好飲，沙律都算新鮮。我個主菜係五成熟嘅肉眼扒，切開嘅時候都冇overcook，有少少血水，食落口有肉眼扒應有嘅牛味，塊扒都算大，亦都好多薯條，側邊仲有啲配菜，所以食晒成碟野都幾飽。最後買單加埋一，每位$187，都算抵食，而且唔會吹人走，好適合幾個朋友傾計食飯。

要利申我係好鍾意去outback都成10年，銅鑼灣到尖沙咀到灣仔今日我要寫佢，係因為衣十年來，outblack嘅質素真係冇乜點變 依家多數食lunch 今日 同朋友仔去咗銅鑼灣廣場一期outback， lunch好多選擇 今日食咗個燒雞燴飯，朋友嗌咗個夾餅薯條。 一如既往有湯沙律仲有個招牌麵包， 全部都係質素嘅保證 ，份量一樣 主菜都好大份一個普通打工仔一定食飽有餘真係食得好飽如果番工番到有啲鬱悶可以去outback 食個lunch, 重點係.... 可以飲杯啤酒順下條氣🍻之後再繼續努力生活

今日lunch同同事去咗銅鑼灣食午餐，其實我哋都冇訂位，所以都係見到邊間有位就去邊間，經過見到outback steakhouse 有位就即刻入去坐。我好欣賞呢度嘅黑糖麥包，覺得好好味。我哋叫咗兩個午餐，午餐包沙律、湯、飲品，價格合理，賣相味道都幾好，而且份量都幾多。我哋叫咗個美國安格斯肉眼牛扒，又香又多肉汁，朋友話唔錯，不過午餐食扒就覺得太飽。另外就叫左一個燒盲槽魚柳，煎得幾香👍中午十二時半前吾洗等位，之後就好多人了。，