Outback Steakhouse (銅鑼灣廣場一期)

Open Now

Now Closed

一黎當然係黑糖面包放題， 一如以往 烘熱左好好食。之後嗌左凍蝦杯。d蝦都幾大隻，d蝦肉又唔霉，都幾好食，份量都唔小。之後食左海鮮pasta 同埋ribs。兩樣都好食，拎上黎又熱，不過海鮮就一般咁啦。

是晚來outback 純粹突然經過但又不是太肚餓，只是想食點小食聊聊天，路過見又不用等位加上好耐冇食，就食佢啦😋😋outback 一向水準穩定，黑糖包也是每次也吃不夠的。今日和細食的友人只是輕食，加上我一小時才食了炸雞餐，胃口再大也要收斂一下的🤣🤣，這次食物的體驗不錯😋免費的黑糖包，食是N次，依舊美味😋燒雞沙律，平時的我一定不會點，因為很怕乾爭的雞胸肉，但朋友話要食就試試啦，估不到出奇的好吃，雞胸肉燒得不嚡口，好吃👍🏻👍🏻😋芝士薯條，基本野，好難整得唔好味，吹水必備🤣😋happy hour 沒有洒精的飲品，鮮榨甘甸萍果汁，非常清甜解渴

都唔係第一次覺得outback 好服務 所以更加值得寫番個好評比佢先講野食 Baby ribs 好好食 好淋 平時喺第二到食都會要拎起成條咬 但outback既係淋到用叉都起倒成舊肉出黎但個炒飯真係好麻麻... 所以黎食佢地既黑糖包同肉會比較好我地喺佢地收碗碟既時候反映番個炒飯麻麻地 之後個職員就好好禮拜同笑容就話唔好意思會同厨房講聲之後有個好似係高級d既職員再黎問係咪野食唔okay 又見我地個飯食得唔多 幫我地cancel 左個飯既$其實我真係好appreciate outback 想比個pleasant 既experience比客人 睇得出佢地重視客人意見 順便講埋上一次喺尖沙咀outback既好經歷 話說我爸爸星期日唔想食咁heavy 所以我地4個人叫左3個set 間餐廳唔單止冇因爲我地叫少左野而x我地 而係見我地4個人就比多一份salad+湯我地真係好好服務

4至6人餐份量好足夠，好抵食，淨係一塊斧頭扒已值回票價，盛惠$1580 黑糖麵包 蕃茄湯 雞肉凱撒沙律豬肋骨 意粉 斧頭扒 斧頭扒伴菜 Chocolate thunder好多人為黑糖麵包而黎，我亦唔例外，黑糖麵包簡直出色，微暖配上白色牛油，好味。但係有一點不足就係補充得好慢呀! 開始食正餐先補充第二個咋! 有啲唔夠喉!泰國雞肉沙律，平平無奇，唯一有驚喜係雞唔鞋唔韌。 蝦意粉好有芝士味，芝士味濃郁，意粉唔係腍身。豬肋骨 嗰啲薯條真係卜卜脆㗎! 而豬肋骨都好滑，冇雪藏味，燒得唔錯。最最重要就係斧頭扒，牛扒我哋要4成熟，怕血淋淋就喺個鐵板上面烘一烘，就開始熟啦! 肉汁和油分充足，肉質非常鬆軟，又好有咬口。由於有粗鹽，溶左之後覺得有啲鹹，建議鹽應該另上。斧頭扒伴菜，炸番薯條脆脆地甜甜地，好易入口，愈食愈多甜品好味到要再叫多個，一舊忌廉，一舊雪糕，底部係有nut的brownie，三層一齊食,好味道唔知點形容。試第二個因佢唔夠熱，感覺冇第一個咁好食。要試Coco berry smoothie和pineapple banana smoothie，兩款都屬正品

今天晚上用了銀行信用卡優惠，以優惠價七折品嚐了四至六人份量的斧頭扒套餐。沒有預訂，到達後明明沒有人等位，也有空枱，但不知為什麼還要等15分鐘才安排入座。套餐包括忌廉湯、凱撒沙律、黑糖麵包、豬肋骨、燒蝦寛麵、斧頭扒及忌廉雲呢拿雪糕朱古力軟餅。我們其中一人不能吃海鮮，要將套餐內的燒蝦寛麵轉換其他菜式，侍應建議改為雞肉意粉，更幫我們主動安排加大雞肉的份量， 十分友善。坦白說，所有菜式的味道一般，加一要以原價收費，點了這套餐之後又不可再用半價飲料的優惠，不算很划算。。。而且我們四個人也只覺分量剛剛好，要是六人的話我覺得不夠吃。

屋企人食開一間餐廳好少試新野，今次媽咪生日都揀返outback, 打去百德新街個間冇人聽（好似裝修），就諗住book呢間分店試下。Book左7:15，7點去到話幫我報到左先7:15再安排入座，不過最後7:10就入到去。嗌左海鮮餐$600同開左枝紅酒$300，餐包未點野食已經上左，微暖keep到水準幾好食。1/ 餐具清潔問題包好一卷既餐巾加刀叉冇問題，三個人但碟只比左兩隻，諗住分碟比爸媽既時候摸到底部凹凹凸凸，反轉睇1/4碟底同冇洗樣，痴滿紅色茄汁/醬，冇影低諗住好少事換左就算。2/ 漏單（一）上左沙律同湯，湯係夠熱的正常，沙律明顯雪櫃取出連碟都冰冷，份量偏少同乾到冇沙律醬一樣。到食晒先忍唔到一直都冇上過既紅酒。叫侍應跟一跟佢先記得落單3/ 漏單（二）食完羊架，龍蝦尾就差牛扒未上，由於覺得唔夠飽所以加左個漢堡$118同蟹餅$228，結果食完牛扒侍應主動過黎話幫我地上埋甜品。但明明十分鐘前幫我地加單既就係佢，一check之下佢話原來冇落，但亦沒有表示唔好意思⋯4/ 漏單（三）所有野上晒就落埋甜品，staff亦話清左枱之後會比新餐具，但剛才漏單既侍應上左甜品後一隻叉都冇比一枝箭走開左，到追佢

今日無帶飯，跟前輩食好野，選這間餐廳，我最愛它的黑糖麵包環境舒適食什麼好啦最愛這個包，連續叫左三個包（免費）好好食套餐有湯和沙律微辣，炸蝦酥脆可口，飯香好食大大块牛肉足料，包皮太厚，雞肉嫩滑，配上夾餅一起食，好吃，薯條香脆可口，棒好香炸魚，外皮有嚼口，魚肉鮮甜餐茶

呢間餐廳食過幾次，每次都唔同地區，但食物質素非常好！仲未有失望嘅機會最適合一大班人，三五知己食飯吹水。呢間野好在唔會趕你走，仲可以不斷食佢哋個裸麥包。今次2個人食（唔駛搭枱），嗌唔到多野。一份燒雞salad，一份12oz 慢燒牛扒加焗薯同薯條。飽飽呀非常滿意

今日約埋表哥表姐仲有兩個表姨甥一齊去左outback食個lunch有兩位大食仔，我都就叫足七個餐大家share食首先黎個餐湯已經好creamy好滑，你最鍾意既白湯仲有每次都食唔停既麵包，都有兩三年無食，都仲係咁好食呢個芝士餡餅又係正，有點似pizza咁，好軟身仲叫左燒雞啦，rib 啦，牛扒啦，意粉啦，漢堡包啦，咩都有燒雞滑，牛扒又夠林，rib就無咁出色啦差唔多份份餐都有薯條，粗粗地，外脆內軟，食佢仲多話食扒，成日食埋d妹仔野一班人食下傾下計，約下起旅行又坐左兩個鐘又是一個開心的中午

一直都有食outback，不過晚市價錢有啲貴，聽講lunch set抵食，於是去試下。$88左右一個lunch set 係抵食嘅！Lunch set包埋餐湯+黑糖麵包+沙律+餐飲，真係好抵食。餐湯係蘑菇白湯，味道好香濃，唔係罐頭湯。沙律菜新鮮，好開胃。我最欣賞係黑糖麵包，熱辣辣，好鬆軟，配埋幼滑牛油一齊食，簡直正！尤其牛油味道似忌廉，好香甜另外豬肋骨都好好食，醬汁香濃而且肉質嫩滑。而且芝士夾餅都好好味，趁熱最好食，芝士香濃

約朋友食西餐傾計，呢到都係一個好地方，坐得夠舒服佢而家HSBC信用卡做緊套餐優惠睇過都覺得幾抵但係我地無人有HSBC信用卡所以只好散叫落哂單之後就好快上餐包上到枱仲係暖既，非常之好食我地叫左一個牛排，佢地就會跟2個配菜都有好多選擇沙律菜（好新鮮，醬汁岩岩好）焗薯（原隻薯仔焗有薯仔既甜味）精選肉眼扒（美國）-我地一開始叫左5成熟，上到枱超生好似3成咁，之後叫佢地幫我地再整番熟d，佢地都無問題同好好態度個牛排（面就少少黑黑地好香，入面好多肉汁超好食加埋佢既薯條即炸真係正）芝士白汁燒蝦寬面（白汁煮既，有蝦有菇同包，個白汁好正蝦都好大隻個包超脆）好好食飲品士多啤梨（好酸）紅莓沙冰（好飲）

又到happy Friday今次約咗舊同學食飯 原定係聽日晏晝 但基於各種因由 最後決定星期五收工聚一聚四條友三個係銅鑼灣附近返工 仲要有一個收八點半 為咗就大家都係返銅鑼灣好啲啦最正嘅係有一位係樓上返工 咁啱有張優惠卷八點半後入席可以有7折梗係拿拿臨book檯啦我地去到嘅時候出邊已經排咗好多人 一到八點半就去報到佢地都好快手咁交張檯比我地一坐埋去即刻睇菜單叫嘢食 大家都肚餓了今次基本都係依照返果個同學之前食過而落單芝士薯條、蘑菇、NY steak、肉眼扒配豬肋骨、另外再加多兩個焗紅薯、焗薯、薯條超級多 其實仲有一個雞肉寬條麵 但因為上得太慢大家又差唔多飽了就叫佢取消 好彩佢地又肯費事到時浪費錢又浪費食物啦Outback最出名嘅唔係啲牛扒啊 係呢個黑糖包真心不錯 聽聞可以不斷refill 但我地食完之後就收走咗 後來有其他食物到就唔記得要追加呢個薯條配咗芝士 但又唔會比人感覺好漏蘑菇都幾juicy嘅 但就油咗啲另外送咗一份salad終於到主角啦 NY 七成熟啱啱好 唔會太生又唔會太老 好易入口全晚最值得推介嘅係呢份豬肋骨啊 啲瘦肉好入味 反而份肉眼扒就麻麻來返張合照先 我果杯芒果草莓冰

🥖🍗🍖🥓🐂🐮🐽🐏🐑🐐🐖🐷兩個女人來一次無底線的食肉之宴😋牛羊豬都叫齊，每樣都好好味，我比較喜歡食五成熟，火口剛好👍，朋友的全熟也ok不會太老，但佢🥖才是主角，不只好味還可以無追call酒水🍷🍸🍹，我叫了Bloody Mary 都不錯！

相䣓幾年，在沒有想過的情況下，老公提議去食outback 。 以為星期日要等位，但係去到竟然唔使等，好開心，因為很肚餓就即刻睇餐牌，有set可以點，大B要求要食牛扒，所以點了肉眼扒滿足下佢，點知職員給她的填色畫冊竟然有兒童餐，結果又點了一迷你芝士漢堡餐，又點了雞肉大蝦寬麵，及洋蔥花。先上桌的當然是最好味的黑糖包，鬆軟無比配埋cream cheese 一流。粟米忌廉湯，帶甜。繼續是迷你芝士漢堡，一點也不迷你，對一個小朋友來說應該太大了吧但漢堡肉比較實，唔夠juice 。洋蔥花，和以往一樣味道濃郁如果配啤酒一流。雞肉大蝦寬麵，雞肉質鮮嫩，蝦彈牙無雪味，麵條有口感配搭的汁料很合小朋友心意。最期待的肉眼扒⋯⋯果然無得輸，雖然無任何汁料配搭，反而食到原本牛肉的味道，雖然點了五成熟但由於鐵板上，所以來到已經七，八成熟，但肉質依然鮮嫩多汁，配菜的露旬也不失色。甜品選了朱古力餅作完結。最差的就是餐飲凍檸茶，完全無味。

約咗朋友食晏，冇book位。黎到可以直接入去唔使等位，大約一點鐘左右入座。餐牌選擇亦都幾多。我點了燒雞拼薯菜，本身燒雞跟飯，我詢問侍應可否轉薯菜，待應說可以。餐湯有羅宋湯，白湯揀。另外再跟杯餐飲。我點了羅宋湯。燒雞幾嫩滑，薯條亦炸得好新鮮。