Outback Steakhouse (銅鑼灣廣場一期)

Open Now

Now Closed

每次去食 Outback Steakhouse 既原因都係為左佢地既黑糖麵包!!!相信十個有九個都係為左"佢"而黎既~~因為 Outback 既黑糖麵包真係好好好好食!!!坐底冇耐, 侍應就會奉上一條暖暖既黑糖包, 配埋 Clotted cream;麵包外層微脆, 內裡鬆軟, 加上微甜既黑糖味, 我每次都可以食上2條的~~加上黑糖麵包係任食的, 食完一條又可以再叫, 真係食麵包食飽!!!小吃我就點了炸磨菇;外層炸粉唔會好原, 內裡既磨菇仔好JUICY~點埋個沙律醬就更滋味, 令人好快就一粒一粒咁食哂!!主菜就ORDER 左炸龍蝦尾, 跟主菜可以揀2樣配菜;我就選了雞飯同埋焗薯~~~黎到份量都唔少, 一條龍蝦尾開半;烤得剛剛好唔會老唔會"鞋"身, 肉質彈牙!!! 而焗薯再上酸忌廉又係令人食唔停;但雞飯就一般般, 可以不點。呢度2個人食份量剛好, 如果想試多幾款就要叫多幾個人黎一齊食啦!

今晚食物很不錯👍牛扒5成熟剛剛好羊架也不錯⭐️⭐️最推介小朋友叫兒童餐🍔🍟，選擇多味道也很好還包一盒果汁🍹小朋友食得很開心❤️❤️❤️下次都會再來🥂🍻🍺

Outback嚟講 至抵食應該係lunch set分咗三類：$88 $98 $108 再加一今次book咗銅鑼灣廣場一試環境好靚 無翡翠明珠廣場個邊咁暗同迫豬肋骨熟嘅程度岩岩好 燒烤味都好濃燒春雞都好滑 唔會整得耐令到肉太老呢個牛肉治就一般咗少少 無咩特別呢個海鮮飯有少少辣 不過炒得好乾身 味道都唔錯！

是日happy friday, 梗係要食d 開心0野啦捱左成個星期wor, 要好好獎勵下自己!本身同事"又" 想食pizza express (哈...係"又", 佢真係百食不厭)但我想食下其他, 所以就建議不如試下outback 啦反正我地都未試過outback 的lunch set!講起outback, 佢個餐前包包係不得不帶基本上我去outback 0既其中一個原因就係因為對呢個包念念不忘真係好好味, 再配埋佢個好似牛油的cream, 真係不得了!兩個人order 左兩個sets 來share個餐湯都幾好味, 係蕃茄湯, 幾濃; 沙律就一般貨色啦個炒飯幾好味, 少少辣, 惹味燒雞反而麻麻地, 有d "孩", 下次唔會再order 佢

是日晚餐係outback 小食好味 但主菜失望.炸蘑菇炸蘑菇係outback好出名嘅fingerfood 幾乎臺臺都會叫 外層香脆 入面嘅原粒蘑菇滋味多汁 有少少辣味 不過稍微鹹左少少 原來蘑菇用炸呢個烹調手法都得.牛小排肉迷你漢堡$128西餐黎講唔算貴 但係呢個質素一D都唔值 白色嘅麵包比我感覺好似未焗好嘅麵包 毫無麵包香 入面牛小排肉鬆散 似乎唔適合做漢堡肉不過薯條同埋包入面嘅洋蔥圈係好食嘅

難得老婆放下午,約埋佢舅父一齊去食午餐.午市有套餐包括有沙律,主菜及飲品豬肋骨配酸菜及薯條豬肋骨醃得好入味,唔會過甜,肋骨焗得好淋,但好有肉味;酸菜夠爽脆,唔會太酸,兩者配埋一齊食,絕對一流,可以中和返肉的油膩感.薯條係粗身,好脆口,唔會油淋淋,就算放係度一段時間都唔會淋身身,仲要好大份西冷配雜菜及薯條老婆唔食生野,所以西冷要左七成熟,侍應一放上枱,即刻嗅到牛肉的香味,西冷肉汁豐盈,切開時仲有肉汁滲出來,七成剛剛好,唔會太生或太熟,仲保留住濃郁既牛肉味,西冷面充滿焦香雜菜包括西蘭花,紅蘿蔔仔等,煮得夠淋,無甚特別雞肉扁意粉呢個真係有驚喜,本身諗住意粉應該普普通通,唔會有咩特別之處,但係一試之下,發覺同出面食既係兩個唔同層次,首先扁意粉硬度煮得剛好,唔會太淋,配埋雞肉同少許煙肉碎,成碟意粉既靈魂就係個醬汁,好creamy,唔會太杰身,就算放左一陣先食,都唔會話一PAT PAT,可惜太多油,食完隻碟底都幾多油.午餐時間去食都係$150人,比晚上抵食,食物高質

好耐無食outback😇但唔會再黎食百德新街個間裝修就黎左一期依邊食，6點半左右到唔洗等位我個人都幾鐘意食景，望住軒尼斯道佢有佢忙，我有我食飯😋必食黑糖包，keep到水準仲係好好味炸蘑菇真係超好味😍蘑菇非常好味，個汁係個口噴出黎竟然無安格斯牛，叫左紐約牛排配焗薯+芝士薯條；牛排4成熟，但完全咬唔開🤦🏼‍♀️豬肋骨：不過有點乾，過左火汁不夠芝士大蝦寬條麵：蝦彈牙，但又係汁唔夠😅可能係我地鐘意比較juicy ，好乾，非常乾飲品2杯都好飲，Apple Cider 同埋 菠蘿香蕉沙冰我比較鐘意酸，我覺得味道岩岩好，香蕉味不夠濃

朋友生日，成班男男女女，一齊去咗Outback食個生日飯。貪佢人多但地方好好坐。無咗JP個間之後，去到銅鑼灣廣場個邊，無JP咁大。沙律係燒雞沙律。雞扒都幾大塊下，而且醃咗都有啲味。加上新鮮蔬菜，食起上黎都唔錯。係個汁有啲人就唔鐘意，我自己就還覺得OK。呢個炸蘑菇就好好食。新鮮的蘑菇，新鮮炸起，十分熱辣辣。食起上黎要小心唔好熱親個嘴啊。一咬落去，個炸蘑菇，十分Juicy！好多汁唧出黎。另外仲叫咗個肉眼扒，配埋甜蕃薯添。啲肉汁好多！半食熟剛剛好！個甜蕃薯加咗啲肉桂，特別香，食起上黎，更有風味！叫埋個炸雞揼小食，雖然啲揼係翼揼，但係微辣，食起上黎都好正！又辣又配埋個忌廉醬，更有風味。最後仲點了個心太軟的甜品連雪糕。食起上黎，還是不錯的。當然成班人唔會食咁少嘢，係咁易講下呢幾樣啦～

途經銅鑼灣廣場outback，忽然想起好耐無食bloomin' onion，決定入去食過早早的晚餐。驚喜地發現餐牌有slow cook牛肉，order時waitress回覆係：要5點之後先有得order。咁我地坐低都4:52啦，咪話等到5點叫，waitress又話唔知有無喎。最尾請佢返入去問下，結果面黑黑咁去咗好耐。Bloomin' onion好黑，似炸過籠，得過油字慢煮牛肉，粉紅色，medium rare變rare，勝在牛肉夠淋，微溫Seafood長通粉，入邊只得三文魚同蝦，又係微暖。原來成餐最暖嘅係薯條

由於有新鋪openrice八折優惠,為食的我一連三日都是outback~餐餐都有驚喜！第一日，自己吃。點左個藍芝士漢堡加沙律。完全估五到是甘大份的！牛漢堡有汁流出，煙肉同藍芝士都唔會搶味，重點是個酸椰菜煮得酸甜超爽脆第二日，兩人吃。一份十二安士肉眼五成，一份羊架。肉眼五成煮得剛剛好，宜家已經好少地方準成度甘好架拉，好夠肉味，而且唔會比醃料的味道奪走牛肉的味！跟扒的焗薯同薯條都好好吃不過羊架就鹹左少少，不過都唔錯，配啤酒好夾。杯啤酒🍺夠嗮凍！爽啊！第三日，兩人吃最大的驚喜出現。點餐時姐姐再次推介慢煮398套餐（不是餐牌上假期先有的那個慢煮），其實我一直唔相信會有咩特別，於是好鬥氣甘點左一份普通十二安士肉眼，同一份398套餐肉眼，都是五成。一切開兩份扒，品質立刻形成鮮明對比，普通那份本來就已經好好吃多汁嫩口有肉味，點知慢煮那份是超超超多肉汁，是鎖係肉裡面那種多汁啊，肉質嫩，好嫩，好滑，依然保持醃料不掩蓋肉味的優良傳統！如果個胃許可，我想要十件啊！加上上面幾顆紅色的小酸泡椒，油膩感全消，而且小食我是要醋煮小椰菜的，一定要試，都是唔識形容甘正除左比五星加長氣食評，我堅是唔知點可以表達到我對該餐

美國頂級紐約牛扒 (8/10🤣)套餐 $368，有湯，有沙律，有小食！主菜牛扒@4成熟：剛剛好，內鬆環境@清靜清潔服務@好！有小昆蟲走入沙律，即時更換！價錢@CP值中等

星期日7點半係銅鑼灣食outback 竟然唔洗等位！第一次去銅鑼灣廣場分店食環境都幾開揚，仲有落地大玻璃卡位一行三人叫左一個前菜:炸蘑菇個蘑菇非常juicy, 配上spicy ranch dressing 每次食outback 都必叫主菜:精選肉眼牛扒7成熟，岩岩好雞肉燒蝦寬條麵有少少辣，不過都好creamy 黑糖麥包都食左兩個！

老友臨時約食飯，諗唔到食乜又想揾個好坐既地方食下野傾下計，加上已經9pm，最瘋狂既人潮時間已過，咁不如就去outback啦！去到又真係完全唔洗等位就入得，正啊！小食方面，其實我每次都必叫炸蘑菇！咪講笑，一咬啲汁bi哂出黎真係好滿足架！奈何今次外皮有少少林身唔夠香口，唔知係咪放涼左少少先上枱呢？如果熱辣辣咁食真係好正！另外嗌左份雞翼，表皮係醃料味道濃郁，有少少胡椒味好香，咬落去肉質嫩滑，唔使加醬都好好食～～黎到Outback，梗係必嗌扒啦！今次冇叫到平時menu既扒，試左期間限定既美式肉眼扒。我地食得生就叫左四成熟，一切落去就可以預計到成塊扒有幾咁嫩身！表面有小小碳燒嘅味道，但搞落去肉汁瘋狂流出來，超級滿足！配搭埋燒蒜頭食真係一流啊！！！！

唔係同學約我都唔知道,原來銅鑼灣係有兩間outback嘅。今日是銅鑼灣一期樓上呢間,可能係新裝修嘅關係所以覺得餐廳都新淨啲……因為一班同學七個八個都好耐冇見喇,黎outback當然一人一杯凍檸茶，可以unlimited refill！今日咁齊人士多幾個餸都仲得， 前菜叫咗炸洋蔥同炸雞翼， 炸洋蔥唔係唔好食，不過我鍾意食蘑菇多啲。 至於炸雞翼配埋少少辣汁，香口又開胃配埋凍檸茶又可以減減辣啱啱好！至於參泡水準依然，但不能食太多。因為我哋叫咗主菜嘛……呢度一定要多人嚟食,因為每碟餸的份量非常大,一大班人聚會就最適合啦! cesar沙律一定要加雞至好食。意粉呀我哋叫咗一個茄汁第一個白汁底， 但都係加左雞和蝦做底，所以食得夠飽但係味道唔係好特別。反而塊牛扒煎得啱啱好又有啲驚喜喎！

$88 燒雞肉芝士夾餅夾餅脆脆地，幾香口。配上芝士同雞肉。。唔錯！不過份量比較細！ $98 意大利香草牛肉三文治麵包幾厚。而且香草味都夠！牛肉不失牛味！！芝士再多啲會硬好！ $118 燒肉醬味烤雞烤雞。味重左啲。。但雞幾淋。炒飯就好係西炒飯味道！ $128 煙肉藍芝士漢堡藍芝士唔多。唔算重藍芝士味。應該易接受！漢堡排生熟嘅程度岩岩好！都保留到少少汁。唔會乾真真！ $138 雞肉拼燒蝦闊條麵呢個最好快啲食。放耐左啲汁凝固左。。比較難去食！！雞肉有啲鞋！蝦無食。唔知如何但個汁唔錯。。唔算太濃。但都食到cream味！芝士都有好幾片！每set包沙律同餐湯個餐湯勁濃忌廉蕃茄！仲有無限refill 黑糖包同咖啡。茶！4個人5個餐。4條黑糖包！因為朋友食得唔多！！所以夠嘅！！唔夠咪再食包囉😂黑糖包外層少少脆！裡面軟熟。配上滑滑牛油。係好食嘅！