蠔站 (樂富廣場) (Closed)

朋友生日，想同佢食餐好嘅，所以訂位黎蠔吧食個正正下午茶。我哋叫左三樣嘢：1）午餐set : 啤酒漿炸魚柳薯條，包括餐湯及餐飲2）半打生蠔：美國生蠔，愛爾蘭生蠔3）午餐後加甜品：朱古力心太軟+曲奇味雪糕炸魚薯條好味道，魚肉新鮮無腥味生蠔好鮮甜心太軟都好好味，不過等候時間較長到依度食嘢，一定要Hea 同埋預咗時間等，因為所有東西都係即叫即煮。這間餐廳可以值得再次光顧，因為疫症期間，所有正價食品都係六折埋單。

平時好少去幫襯這間𧐢吧，因為覺得始終街市門口環境麻麻地。今日去食lunch中伏了, 有個waitress 姐姐，倒杯凍水嚟，我問佢可唔可以要杯熱水，佢話暖暖地個喎，唔想做咁，算吧，唔要熱水了。成碟意粉得一隻扇貝，大約五毫子size....跟住同waitress 姐姐叫餐飲熱奶茶, 熱奶茶係近乎凍嘅！又苦又澀，真係有點懷疑係凍奶茶嘅茶膽⋯⋯我都知疫情關係，大家心情唔好，生意難做，但係都唔好咁樣趕客啊！執到錢都唔會再去

叫左蠔站做外賣😋估唔到外賣質素又唔錯喎😋🐷推介食物😋😋😋👇🏻❇️韓國、南非、西班牙 生蠔🦪 $300三隻來自不同地方既生蠔都各有特色，韓國蠔比較細隻，南非同西班牙蠔都脹卜卜😋口感十足🥰❇️炭燒澳洲羊架 $248好香炭燒味😋羊架肉質夠淋，仲係大大件添，而薯菜方面就有薯蓉😋 好creamy好正啊！下次一定要encore✊🏻✊🏻✊🏻

朋友介紹，有價錢超抵，水準都不錯生蠔食，不妨去試，果然無介紹錯，我一個人都食左成一打，跟住點了一個小食炸魷魚圈，味道都尚可，再點主菜羊架，肉質不錯，賣相都靚，配菜都精緻，個薯蓉好好味

講起食蠔，除左去酒店食buffet，其實仲有個選項係去呢間港九新界都有分店嘅「蠔站」我地一行4人坐低，侍應(女仔) 就熱心提醒開蠔需時，問我地洗唔洗嗌住先？咁好喇，黎2打蠔食住先！之後我地仲叫左個至尊pizza，豬手同豬肋骨。點評：法國10蠔生蠔：性價比之選Pizza：正常無驚喜豬手：都脆脆地，可接受豬肋骨：有得揀就唔好叫了，價錢唔平但質素偏下地理位置其實都方便，樂富站一出轉左直上，望向對面馬路，見到滿記，隔離就係了！

今次嗌左兩打生蠔加一個海鮮pizza$10生蠔 抵係抵 但係都唔好有太多期望呢次係愛爾蘭嘅生蠔味道上海水味比較淡 亦不太creamy 海鮮pizza好似差唔多$200 好就好在個皮夠薄同脆 老實講就唔係好抵食但係值得一提嘅就係去食嘅時候都仲有限聚令，但係餐廳入面嘅枱非常之近，而又冇任何嘅防疫措施，例如話加快板做間隔。食嘅時候隔離枱喺度噴口水，高談闊論都真係唔係幾好。

十蚊一隻蠔，對於鍾意食蠔既人來講簡直係極大吸引😍今次呢隻係Ireland蠔質素一般般仲有少少腥 要加檸檬汁味道方面 無咩海水味 又唔creamy不過十蚊隻算係咁啦至於個Pizza 少海鮮 薄脆底但真係好貴成件事一般般啦

經過見到有生蠔店，而且生蠔🦪只需要$10一隻，過下口癮黎講，係非常抵食，但係質素就一般啦 ！生蠔都尚算新鮮，海水味好濃郁，但略稍生蠔太細隻，不過$10黎講，還可以接受。😉

Oyster station 係每個月例牌都會食一次既餐廳～襯住星期六假期幫自己充充電！餐廳係樂富少有既中高級西餐，黎得依到就緊係每次都會叫佢個蠔黎食啦！同行友人鐘意食pizza，今次就試左個手撕豬肉口味，口感其實有d似 豬肉鬆，我就覺得同個pizza 本身唔係好夾，但勝左佢本身個pizza係幾高質，都算不過不失啦每次黎到都必點既鮮蠔，餐廳每次提供既蠔都係黎自唔同國家同品種，今次介紹既係新西蘭既，蠔肉比較瘦，但味道就咸中帶甜，幾可口，每次都要食半打先停到手！依個意粉我地就真係有點失望了，一黎價錢都唔算平，但味道真係一般般，本身見價錢加拿大海膽比起日本馬糞更貴，都幾有期望，可惜食落第一啖已經腥味滿溢，完全同上次黎食馬糞果種鮮甜不可相提並論，令我地今次有d失望而回。下次應該會試埋佢既排，希望會令我重新對佢有番信心，繼續成為我既假期餐廳之列啦

Oyster station is not only a oyster bar but also serving lots of nice seasonal seafood, pasta and other dishes. It always makes lots of promotion, we went there on a Monday night with 30% discount. Besides, there are one type of oyster at discounted price, $10, with unlimited order. The oysters are very fresh and cheap. They usually have 4-5 types of oysters from different countries. If u want something to fresh up your tongue, you can get some chips, ribs or pasta. In general, the quality and c

朋友仔話想食生蠔，但又唔想食貴野，我就諗起呢間蠔站，係幾年前朋友介紹去樂富第一次認識有$10/隻😱宜家佢已經有好多分店，幫襯過三間👉🏻尖沙咀，土爪灣，樂富自從幾年前出名後都難book 位咗當朋友話想食就諗起呢間以前除咗欣賞蠔之外，另一款菜式"啤酒炸薯條"但係宜家已經唔好食👉🏻冇咗啤酒味，冇咗驚喜😑宜家除咗個蠔keep 到，所以叫咗二轉其他都係一般👎🏻好彩係會員有折先再去食咋👍🏻所以間中會去吓

樂富OS係樂富開咗好耐, 但一次都無幫襯過, 主因係佢嘅選址, 係停車場與馬路旁開蠔吧, 做要係半開放式, 衛生好極有限, 今日一試其物水評合格嘅, 除咗生蠔抵食之外, 其餘都係一般偏貴。擺枱有蠔叉及 一般刀叉, 其擺枱就係預咗食客一定會食蠔。10蚊蠔蠔係幾好食, 當日嘅10蚊蠔係塔斯馬尼亞嘅生蠔, CREAMY, 淡海水味, 少少脆身, 少甜, 無金屬味, 但開得唔係幾好, 全部死晒, 有部份有蠔殼碎西冷10OZ (medium rare)西冷合理, 剛好medium rare, 但肥膏太多, 海鹽幾夾, 食得過, 但我覺得偏貴。豬手切好咗, 脆口得嚟黏口, 一般貨式, 但汁教得幾好, 甜度酸度幾平衡。叫咗18隻蠔, 一件扒, 一隻豬手, 加多兩杯啤酒, 埋單948, 係幾貴, 但食味一般, 我個人覺得唔係咁值。

Oyster & Steak House 經過多次自己也無意欲光顧, 最主要原因餐廳採用開放式設計,熱熱熱死了!再加上樂富餐廳選擇很多, 所以每次都直行直過.今次因為朋友將會移民, 少回香港, 又提意 Oyster & Steak House 聚會, 才千萬個不願意去付約.....滿腦子出現飛機鴿子!到達餐廳后, 侍應問我有沒有預訂位? 因為全店滿座了!什麼? 滿座? 真驚訝!點了香炸魷魚條, 脆炸單骨雞翼, 虎蝦意大利飯, 卡邦尼意粉, 黑松露野菌薄餅, 德國豬手.主角.... 當然是生蠔吧!優點：1, 當然是平平平的生鮮生蠔吧! 一只港幣10元! 不限數量! 2, 一份錢一份貨, 港幣10元的蠔, 當然不會給你手掌般大的生蠔吧! 不好厚著臉投訴呎吋太少嘛! 清醒一下吧!但質素值10元, 滿意!3, 每款菜色味道不錯, 最深印象是香炸魷魚條, 好像炸得過火的外表原來是錯覺, 外脆內軟, 黑松露野菌薄底薄而脆.4, 德國豬手是另一個難忘菜式, 外皮雖厚但非常脆口, 豬肉比想像中鬆軟, 滿分.5, 服務員態度不錯, 笑容滿臉! 大讚!缺點 :1, 很奇怪, 沒有想像中熱, 但我仍然需要開

一聽呢間餐廳個名就知佢最出名食蠔啦，所以黎到係必點佢嘅生蠔！$10/一隻真係好抵食，所以就諗住叫住兩打試下先！佢嘅生蠔冇令我失望，生蠔鮮甜肥美，仲有海水咸味！一啖一隻真係好過癮！另外叫左個德國豬手，好大舊，豬手烤得皮脆肉嫩，點埋佢嘅汁食簡直一流！呢個香煎虎蝦配龍蝦汁繪米型粉好特別！唔係好多地方有得食Orzo，其實係一d似飯樣嘅pasta！食落有d黏韌，但係又一粒粒咁樣，好特別！海鮮pizza趁熱食d芝士仲可以拉絲！

成日都聽到有人講10蚊生蠔又抵又好食, 反正唔太肚餓就同男朋友過嚟試下🤭, 餐廳位於樂富街市入面, 地方唔太大, 大約十幾張枱到, 咁岩我地一去到就有位☺️☺️ 第一件事當然係叫今日推介嘅10蚊蠔啦😋😋 今日推介嘅10蚊蠔係法國嘅生蠔, 生蠔海水味較重, 食落去幾creamy, 仲有少少回甘味😋 正!!! 我地仲叫左蒜蓉包同薯條, 兩個小食一d都唔貴仲好好味。蒜蓉包蒜味夠, 非常脆, 而且有小小焦, 好香口🤤🤤 薯條夠香脆, 炸得好好食又唔油膩, 唔點茄汁都好好食, 完全食唔停口🙊🙊 3樣野都極度極度極度推介!!! cp值超級高👍🏻👍🏻👍🏻👍🏻👍🏻👍🏻👍🏻