百味邨

Open Now

Now Closed

食物質素唔錯，主要都係過嚟食雞煲同埋羊腩煲，雞煲味道唔錯，但比一般辣。羊腩煲分量大，味道一流，又抵食，一煲四個人食都夠分。幾個人食到飽人頭都唔會過$200。所以成日都會約朋友過嚟飲酒食嘢。不過呢間店舖有個好大嘅缺點，就係成日都唔開門，我唔理你係咪唔憂做啦，但作為食客就真心覺得好麻煩，次次約親朋友都大失預算，最後唔知食乜，好心就唔好話自己逢星期一休息，一係就一早講定幾時唔開，無論咩日子嚟到都隨時唔開，麻q煩。嬲到唔想再嚟食。

跟隊食羊腩煲同雞煲，估唔到都幾驚喜。羊腩香而不酥，而且完全唔黐牙，夠淋身。食完羊腩，再滾其他邊爐嘢，邊飲酒邊吹水，氣氛幾好。除咗煲之外，個炸韭菜餃同麻辣魚皮極度推薦，韭菜餃超趣，但唔會有琳琳。而且裏面韭菜爆多，我估唔炸，放湯都OK。麻辣魚皮，最勁係個魚皮質地，超爽，而且仲有藤椒，好惹味。同枱有朋友額外叫咗個麻辣薯粉，個薯粉估唔到都吸到好多湯底嘅味道。今次只係偷食咗一條，下次試下叫一碗🤣🤣 另外有個小驚喜就係凍檸茶，個茶底都幾濃，冇揸流攤。

禁堂食，在家食到悶！今晚想食麻辣雞煲，查附近有邊間雞煲，之前食大圍火車站多年，越食越貴，食物水準越來越差！朋友介紹顯徑邨有間麻辣雞煲/醉雞鍋超好食😋未食過百味邨，雖然要坐車取外賣🥡食附近外賣都食到悶，試吓啦！打電話訂外賣🥡，好快有人接電話，耐心問幾時取，要幾辣，預時間準備好，到預訂時間，到百味邨，有位老板嘩⋯超年青有幹勁，有禮貌服務等老板入好外賣時，嘩店內電視播姜濤MV,電視已吸引我注意力！步行去地鐵站好近，坐1個站屯馬綫，已返到屋企回家後家人將雞煲放入煲內，煮熱即刻開餐，香味已漂到客廳⋯雞煲好味由於有老人家食，只叫小辣好香好味😋感覺良好非常驚喜韮菜餃，韮菜超新鮮，有肉汁，味道回味無窮自家制麻辣醬好味😋可次買樽麻辣醬，想食麻辣米線🍜放麻辣醬會開胃啲下次會再嚟食過，可以再食。

之前幫襯很多次車仔麵，味道正常，算是不錯的，可以再幫襯，但食雞煲，真心卻步了，幫襯了2次雞煲，第一次去，顧客比較多，但等了35分鐘左右才出雞煲，實在有點耐，心想應該是顧客較多出不切雞煲，但味道是入味的，選配料也便宜大碟，第二次再去，顧客不多，就3枱食客左右，再次叫雞煲，等了差不多一個小時才出雞煲，期間有催促問店員，只說就快，但一直沒理會，已經等到都不想吃了，味道仍是入味的，但本人不覺得是足夠份量，我叫一隻雞，但配菜多過雞，我覺得半隻與一隻相差不大，由於時間實在等太耐，我不會再給予第三次的機會食雞煲

今次係我第三次食呢間食店，第一次看到員工在飲酒聊天，比較悠閑（只有幾枱客）。出菜的速度還好，點的是冬蔭公湯底，幾好食嘅，但返到屋企肚痛，有諗過係其他事引起⋯第二次買外賣，吃麻辣湯底，又係食完肚痛⋯第三次去食，員工定老闆定熟客？又係在飲酒聊天，只有幾枱客，出菜速度超慢，重點是，晚上回家又肚痛⋯⋯我不知道是水質問題，還是店的食物質素問題。 中伏了三次，食物味道還好，但真的，想支持也支持不了⋯⋯希望店舖可關注一下吧⋯

近期放工有時都要22點後先返到顯徑，做晒成日野唔多唔小都會有d肚餓，一諗唔到食乜就會黎百味邨食米線，佢價錢適中平宜，都係一樣睇你點幾多餸而定，平時我就會點開午餐肉同魚皮餃，午餐肉有兩半塊夠大塊，魚皮餃皮有三粒就唔會好厚。而佢湯底就有分唔同既辣度，佢既辣度真係好配合佢既寫法，小辣對我黎講就真係岩岩好好，唔會話太辣，中辣就勉強食到，而大辣就真係成到滿大汗個隻（之前曾經試過食雞煲，諗住試下食大辣，點知就辣到快死）。以小食方面，我每次都必點川味雞翼尖，因為佢真係好正佢真係醃製得恰到好處，唔會無味，真係每一隻雞翼尖都充份被辣味所包圍，對我來說是必點之選，首選，大力推，推，推

呢度主打車仔麵米線，個麻辣湯底辣得黎都夠香同夠麻。叫過中辣，開頭入口都夠濃味，食到尾就會淡啲。主要係食湯底，配料正常除左唔建議叫雞肉，因為太散好似肉碎咁。冬陰公湯底都試過一次，不過麻辣先係王道。間中試過幾次摸門釘，會無啦啦唔開。

雞煲真係無得頂，用黎打邊爐一流。。不過記得預約，而家一個禮拜食一次。車仔麵多選擇又好食，不同湯底，有魚湯，沙嗲，咖喱....麻辣最正 最好食推介： 豬排，餃子，豬紅，豬皮，雞翅尖，牛腩

魚湯不夠濃非常淡，名不副實，需要改進，款式不夠多，其他湯底太咸，又一次的失望，上一次米線太硬，今次有改善，希望下次來魚湯有待改善。。。。。。。。。。。。。。。。。

眼見下午茶時段呢間餐廳有卡位，就毫不猶豫坐低了。今日試左唔使加錢的沙爹汁中辣，味道比想像中唔辣，有機會下次試大辣或麻辣。車仔麵的餸種類繁多，呢次選擇了香茅豬扒-好重香茅味，而且塊豬扒本身都醃得好味，值得一試。至於牛腩-味道無咩特別，普通左D,份量比較少比較碎，可以唔試。因為此店主打車仔麵，而且有太多選擇，想試多幾款或試下其他食品，應該要光顧好幾次了。

老闆 熱誠有禮食材質素高 曾下單點選豬大腸  一點苦澀味都沒有 反而鮮甜爽口 證明處理過程用心 下單時候備註公仔面3成熟  出來效果相當符合沙田車仔必食佳選小弟剛路過此地 看裝修不錯所以嘗試了 果然不錯

睇飲食男女想試左好耐，今晚終於有機會，睇介紹話冬陰功湯底要試，就試下先，老闆話配米粉好食，的確唔錯，好夠冬陰功味，我叫中辣係唔太夠辣，另外叫左必食南乳雞翼同炸𡯁魚鬚，雞翼好入味，外脆內軟，尢魚鬚口感十足，走果時老闆仲問我岩唔岩食

和朋友相約好在要來這裡試試車仔麵，皆因同事誠意推介如果吃得辣，一定要食呢度嘅冬陰公湯底車仔麵！初時都無為意，一心想試試隔壁的爆珠甜品。咁既然特別推薦，就抱住順便試埋既心態走入去。如果閣下是食環境菜的，這裡比較不適合你，這裡是食風味、味道和人情味的。好！可能因為是舖頭仔生意，所以上麵速度都不快，但十分欣賞這裡的人情味，幾乎每位來客都是熟客仔（除了我這些誤打誤撞的除外），簡單幾句問候，有空就同客吹下水嘅老細實在不多了，在這個李家的城市入面實在釐足珍貴。因為實在太肚餓，無影到相。實在是影咗相你都唔會覺得特別的一碗麵，但，都說人不可以貌相！入口第一啖已覺得非比尋常，冬陰公的香料全在這口湯裡，辣得嚟又帶點麻但又不會令人覺得搶了原本的味道，最後口裡還嚐到香茅的獨特香氣。因為點的是小辣，都吃得好盡興，所以小妹覺得如果吃得辣的人來這裡應該幾過癮！再說他們的餸，同事一再提醒這裡的炸韮菜餃又是必食之選，奈何兩個女子實在吃不下，唯有放棄這小食。但見選餸入面一樣有韮菜餃，所以即圈無疑，另再選了鹵水蛋和魚片頭。餃子一向是我的至愛，這裡的餃子皮不厚又不會過薄，而且仲大大隻，味道都不錯。至於鹵水蛋，如果你有食過鐵蛋