Palace Cafe (Closed)

尋晚係IFC睇戲, 出面又凍又落雨, 大部份既商場都人山人海, 見戲院旁邊間咖啡店好似幾舒服, 同女朋友仔早少少入去坐下, 叫左兩杯honey apple tea 同埋一件cherry cheese cake, 個杯熱蘋果茶都幾好飲, 跟一小杯密糖及幾片薄薄既蘋果, 我試左一啖淨密糖, 發覺有點點果香, 好吸引, 淨食密糖都好, 比女朋友笑我傻仔, 件芝士蛋糕初初食無味既, 上面厚厚芝士糕, 下面有cherry, 食食下慢慢發覺有好濃既芝士味, 感覺好似同D老友飲紅酒食芝士一樣, D芝士味係越食越濃, 總括離講係有餘香, 加上蘋果茶既果香, 感覺非常好, 埋單2x35+35, 再有加一, 總共115.5, 兩個人坐左一個鐘, 跟住去入場睇戲, 好正.

朋友有免費飛睇Casablanca，我地當然唔執輸，睇完戲見呢度個樣幾掂就來飲杯野。叫左幾杯咖啡同jasmine tea，咖啡同茶味道雖不是十分好，但個杯就幾精緻，配合環境和氣氛，都算唔錯。之後又叫了件牛油果什菜三文治同芝士餅。三文治賣相不俗，價錢好似係三十幾蚊，尚算不貴；芝士餅就細件左少少，味道還不差。坐左個幾鐘，埋單百六蚊，都唔算好貴。題外話：好多人話Casablanca好悶，但其實好鬼正，始終係經典，有機會可以去看看。