木金餃子製作所 (Closed)

今日收工超級攰，男朋友約咗我去。。食呢間餐廳！諗住可以好好咁放鬆吓🤤餐廳喺觀塘，所以地點都非常方便易搵！而且餐廳唔算好大，但係座位好闊落，食吓嘢傾吓計都係幾唔錯嘅選擇！👏🏻有時候兩個一齊食嘢嗰種交流係好重要嘅，所以我對於餐廳都好高要求，一定要環境舒適之餘又要好食嘅嘢食，唔會破壞我哋嘅好心情。首先講吓呢度環境真係幾唔錯，坐得好舒服，感覺好有私人空間。嘢食方面韓式泡菜豚肉餃 加 臭臭香荽豚肉餃 烏冬我自己就揀咗呢兩隻餃子，配合烏冬，呢度好得意，湯底全部都係自己倒入去，感覺玩味有啲重🤣🤣好玩。當然餃子都好好食，我就特別鍾意食呢個韓式泡菜豚肉餃。薯條呢個薯條炸出嚟好新鮮，好熱，同埋佢嘅黑松露醬汁好好食，好重黑松露味。

見到Instagram有好多人都介紹呢間！知道呢度嘅環境好靚，所以今日都朝聖一下！💛果然不出我所料，真係好靚！夜晚時間過嚟都好多人，好彩都唔使等位就入到！入咗嚟坐低一陣，就有員工過嚟serve我哋，真係好快手，好顧及客人嘅感受。有時坐低冇人理個感覺真係好唔開心員工企到等我哋睇吓要食啲乜嘢，所以我哋都一樣好快咁叫完嘢食等佢可以快啲做完嘢🤣首先真係要講下，佢呢度嘅餐具真係好靚，全部都係金色嘅，而個腕就係用木來做嘅，所以個感覺好原始。🤣香辣榨菜豚肉餃 $78呢個香辣榨菜豚肉餃，落去嘅時候係有少少嘅辣味，但係好快呢就會比豚肉入邊嗰種甜味中和左，成件事個感覺好似一個過程咁樣樣好得意，好好食呀。

琴日一返工，同事就好興奮咁樣走埋黎🤣，同我講發現左有一間超級超級好食既餐廳♥️♥️♥️，叫我一定要快d去試下，今日一放工即刻去試😍😍👍👍放工時間比較多人食嘢，所以等咗一陣位就可以坐低，喺等位嘅時候都有留意吓佢餐牌有啲乜嘢食♥️喺出邊望入去其實個環境都幾舒服，雖然坐咗好多人但係唔會感覺好逼夾。跟住自己就叫咗幾樣嘢食。粟米芝士豚肉餃 $88打開嘅時候望一望原來真係非常之多嘅粟米同埋芝士，所以真係好滿足呀。重點我想講一講呢度嘅服務態度真係非常之好，上到賽之後員工就會簡單咁介紹點樣食法，啲汁點樣落落去嘅時候會好食啲。我自己覺得非常之細心。👍👍

$68 8隻 每款4隻 烏冬+$12🥬翡翠白菜豚肉餃（7.4/10）🌽椰菜粟米豚肉餃（7.3/10）個人幾鍾意白菜豚肉，菜同肉嘅比例同調味都幾鮮～椰菜粟米每啖都有粟米嘅香甜味～味道冇白菜咁重口味😗餃子係正常Size～冇人地講到話勁大勁大粒🙊配是日濃湯：南瓜湯🎃（6.8/10）就咁睇落感覺好濃，食得出係天然嘅南瓜甜味～但整體只係有南瓜淡淡嘅甜味，唔係真係咁濃🥺！鹹嘅餃子同烏冬配甜嘅湯，食到後面感覺好膩好辛苦。好似差咁啲味道咁。🌹玫瑰荔枝冷泡茶$14（6/10）🍑白桃烏龍冷泡茶$14（6.8/10）不太值的$14冷泡茶🥺～📌只收現金📌朋友想我寫低：臭臭香荽豚肉餃有點似食緊牛肉球🙊個南瓜湯幾失望

最近好似好多人講既餃子店🥟去到都d人排緊隊，等咗15分鐘有位呢到得湯餃，有2款湯 豚骨湯配葱油甜豉油/南瓜湯試咗 韮菜 + 白菜 配南瓜湯，泡菜 + 咖喱 配豚骨湯粒餃份量幾大韮菜同白菜正常發揮🤫泡菜好多泡菜酸酸地，覺得有d怪😪咖喱最好食，就係日式咖喱既味🤣湯底有驚喜，南瓜湯好甜，估唔到同餃子都幾夾💯豚骨湯都係正常發揮🤫2個人埋單$146 免加一味道都ok既，但cp值唔高，試過一次就可以了😌🤫🤫🤫🤫

琴日一返工，同事就好興奮咁樣走埋黎🤣，同我講發現左有一間超級超級好食既餐廳，叫我一定要快d去試下，今日一放工即刻去試😍😍由於我同事講到真係好興奮，所以我都帶着好期待嘅心情過嚟呢間餐廳。未入到門口已經見到好靚嘅裝修，所以我期待嘅心就更加強烈啦♥️♥️入到黎好快就揀咗嘢食，因為真係想快啲放入口食啦。黑松露芝士豚肉餃 $88呢個黑松露芝士豚肉餃係我最鍾意食嘅餃子，因為佢真係好香嘅黑松露味道，同埋芝士一啲都唔小氣用咗好多芝士，加埋佢嘅湯底係用咗西湯處理，所以成件事變咗好似好西方咁。

又係一個好忙碌嘅禮拜，經過咗好多個deadline，終於都去到星期五！難得星期五就梗係要出去食唔會帶飯啦哈哈❤️❤️所以今日就去咗呢間喺公司附近嘅餐廳試吓！過到嚟嘅時候都幾多人，但係多人得來又唔駛等好耐位，證明咗啲乜嘢，就係證明咗員工嘅服務態度真係非常之快手。呢個真係非常之抵讚，所以對佢咁好生意嘅。聽講呢間係新開嘅，所以環境其實都坐得好舒服感覺好乾淨，同埋個招牌真係好可愛。我自己就叫咗啲串燒，韭菜蔥頭豚肉餃我重點想講吓餃子，啲餃子真係好好食，佢啲韭菜真係用咗好多同埋加咗啲蔥落去，所以好香口。和風咖喱豚肉餃 $78呢個真係有日本咖喱嘅感覺，佢真係好好食，同埋用咗好多豬肉，所以隻餃子好大隻。

尋日好開心，終於返左成個星期忙碌嘅工作，可以有時間去拍下拖食下野😆😆男朋友仲專登搵咗一間好有特色嘅餐廳帶我去試吓！去咗呢間係觀塘既呢間餐廳喺地鐵站出口一出，行幾分鐘就去得到，非常方便！駱駝漆亦都係好多人鍾意行街嘅地方嚟嘅。上到嚟唔駛等好耐就已經可以坐低，睇吓個餐牌有啲乜嘢食，發現餐牌嘅種類都幾多，所以睇到眼花撩亂。之後睇咗好耐就決定食以下呢幾款啦。韓式泡菜豚肉餃 $78我自己就揀咗呢一個餃子，原因係因為佢真係賣相好靚，琴晚我自己係好鍾意食泡菜嘅，自己屋企都長期有罐泡菜喺度可以俾我送飯。首先講吓呢隻嘅泡菜真係我最鍾意嗰隻口味，同埋豬肉嘅份量都幾多。加埋一啖湯一啖餃子真係享受黎。

喺香港食嘢真係好多唔同國家嘅菜式都可以試得到，一般出面食嘢都係食港式或者日式嘅食物比較多，今次想特別一啲，所以就去咗試吓呢一間係觀塘既餐廳發現呢度真係都幾多嘢食，首先講吓個環境坐得都幾舒服，都幾闊落，啲櫈坐得我好舒服。👍👍至於員工方面我自己覺得好快手，而家食唔使等好耐就上到黎。大大粒鳳城蝦蝦餃 $88首先講吓呢個價錢其實真係唔貴，原因係因為佢真係做得好有心，餃子每一粒都好大粒。同埋佢個名都真係叫大大粒🤣🤣聞名不如見面咬落去嘅時候入邊嗰隻蝦真係好大隻。再加埋佢可以選擇用細湯嘅方式來浸住呢隻餃子，感覺都真係好得意，同埋賣相非常之靚，啲碗全部都係用木製品。

經歷咗咁耐以來嘅疫情，相信好多人都冇乜點去旅行！同埋已經好經常都冇乜點同朋友聚會啦😂所以有時候喺香港，都會好想試吓唔同國家嘅菜式，當自己去咗旅行都好💙一解思鄉之愁🤣今日就去咗呢間位於觀塘最熱門地點，駱駝漆大廈😆點解會話去唔同嘅國家食嘅菜式呢，係因為呢度做嘅餃子感覺真係好韓國🤣🤣🤣雖然喺香港都好易食得到餃子。黑松露芝士豚肉餃 $88呢個係普通嘅餃子店比較少見嘅係因為佢加咗黑松露同埋芝士入去，成件事變咗好韓國🤣🤣🤣真係好好食嗰浸黑松露嘅味道真係keep住喺個口腔入邊。無骨明太子雞翼 $38無骨真係非常爽，唔使你去骨，同埋入邊真係好多明太子!

做完運動很肚餓，不行吃太飽又不想再吃cafe的多士，發現駱駝漆多了一間新的餃子店，立刻過去試一試。餐廳沒有太華麗的裝潢，不過作為速食已經很好，簡潔的環境配上簡單的餐單，有多款餃子口味，還有小食和飲品。招牌木金餃子set $68其實我想吃泡菜豚肉，不過這個組合上無法讓我選擇，只好選經典餃子類別：椰菜粟米豚肉餃和有營纖維素菜餃子。套餐可以二選一湯底，我選擇了是日濃湯-南瓜濃湯🎃 雖然是吃餃子 但這個茶漬飯玩法我倒是很喜歡，加上南瓜湯不會太稠又有南瓜香氣，微甜的感覺很適合配上比較清淡的經典餃子💕 餃子皮算是夠薄，適中的彈壓感包著滿滿的餡料。椰菜粟米豚肉餃豚肉咸香不肥膩，咬開發現裏面2/3都是肉😮豚肉很有咬口，配上甜甜的粟米和清新的椰菜味道很平均，就算有我討厭的西芹也不會覺得太突兀，加上有甜甜的南瓜濃湯，很飽肚！素菜餃子裡面原來都有很多食材：冬菇 蘿蔔 馬蹄 木耳等等，其實吃到一半我有種吃鹹水角的感覺😂不過它的口感真的是很強烈，而且不會很鹹，想清淡就要選它了。不過要提提大家，餃子製作真係需要一段頗長的時間，大家趕時間的話要衡量一下。

環境很一般，凳同枱都唔好坐，凳邊枱邊太利。枱與枱緊貼，中間只有一塊膠板隔住，坐又迫，又要被迫聽隔離枱傾計。食物餃子很一般，個餡好普通，個皮冧冧地。烏冬係普通讚岐烏冬，南瓜湯如果就咁當濃湯飲係ok嘅，淋落餃子度，又無令到個餃子變得特別好食，總之就為Gimmick而gimmick。明太子雞翼，味道ok嘅，不過唔太食到明太子嘅味。黑松露薯條，個醬有黑松露味，不過48蚊得一碟仔，數埋都係得廿條薯條。價錢最平嗰幾款68蚊8隻，加烏冬加12，一碗唔太好食嘅餃子烏冬就收你80。明太子雞翼3隻38蚊。黑松露薯條一碟仔48，真是搵笨。飲品一罐罐裝葡萄梳打12蚊一樽200-300ml嘅冷泡茶包茶收14。舖頭只收現金，唔方便。食物質素唔值佢定價，唔會再食，都唔值得一試。

假日嚟到觀塘同平日繁忙嘅景像好唔同多咗區外人 但仍然係水泄不通😂呢邊好多餐廳假日都休息就望下有咩新餐廳可以試見到呢間新開喺駱駝漆嘅餃子店🥟空間唔細 都有十多張枱木系設計 環境幾乾淨木餐盤上仲印上餃子店logo附上金色餐具 幾有心思呢度只做湯餃 冇煎餃餃子款式都有十多款揀完餃子就可以揀湯底//🫖湯底//湯底有兩款可以揀好得意咁用鐵壺裝住上枱可以依喜好落幾多都得🍖豚骨湯 配特色蔥油甜豉油想清淡啲可以揀豚骨湯調味唔會太鹹豚骨味道就冇乜不過飲落都應該冇味精 唔口渴～而蔥油甜豉油冇特別冇咩蔥油味似普通甜豉油🎃是日濃湯：南瓜湯鐘意濃味嘅南瓜湯底就啱哂南瓜味夠晒濃郁有南瓜清甜味感覺係真材實料質地濃稠唔會水溜溜似平時食西餐嘅餐湯咁自己幾鍾意呢個湯底//🥟餃子//餃子分三個款式經典口味/特色口味/奢華口味分別係$68/$78/$88一般係八隻 單拼/雙拼今次同朋友雙拼試咗四款餃子🥟餃子份量好多而且都偏大粒一個人食都絕對飽肚唔夠飽仲可以加錢配烏冬！🍜✔️經典口味（南瓜濃湯） HKD$68🥬韮菜蔥頭豚肉餃勁香韮菜味鍾意食韮菜一定唔可以錯過韮菜比例比豚肉多屬於好食個type但餃子皮比較厚餡料係多但粉感較重▶️評分

招牌木金餃子set / 68小編揀咗經典口味翡翠白菜豚肉餃同臭臭香荽豚肉餃配是日濃湯 - 南瓜湯 另外仲可以揀豚骨湯配特色甜豉油南瓜湯好滑 甜甜地食得出冇落味精餃子大大粒好飽滿 白菜鮮甜肉質嫩滑 芫荽味仲超重添 食得出用料好新鮮唔好睇少佢得8粒餃子 其實真係好滿足如果真係驚唔夠飽 仲可以另加$12要烏冬——————————————————推介度: 8/10——————————————————觀塘開源道駱駝漆三座6樓E2室——————————————————

今日去咗駱駝漆大廈試呢間新開餃子店，叫咗兩set餃子：1）白菜+韮菜 配 豚骨湯；2）黑松露芝士 + 鳳蝦 配 南瓜湯；另外叫咗一支白桃烏龍冷泡茶。嚟到嘅時候個場都唔算full，半滿，但我哋落單之後等咗20分鐘先上菜。隔離枱明明遲過我哋入嚟，都快過我哋有得食。問咗店員兩次啲野食先到齊。服務來講都算有啲混亂。餃子size同口感方面，餃子都比一般大，粒粒都足料大隻，女仔食到第四五隻可能已經開始飽，食完八隻個肚都頂到就爆咁。餃子唔知係咪煮得太耐嘅關係，餃子皮咬落有啲一pat野咁，口感麻麻。餃子亦略嫌壓得有啲實。餃子味道方面，韮菜同白菜餃味道都一般，冇咩特別；但個黑松露芝士豬肉餃對我來講有啲太漏同埋太滯，食一兩嚿已經漏到唔想再食；個鳳城餃子就不過不失，中間有啲蔬菜同埋木耳絲，對比起黑松露芝士豬肉餃就冇咁heavy嘅。另外，建議食量唔係十分大嘅朋友唔好加加烏冬。同行男友係大食之人，但佢個餐加咗烏冬都有啲太飽，因為餃子份量真係大。而且烏冬上面鋪滿餃子，想食烏冬嘅話要食咗幾粒餃子先食到烏冬，但係都食到烏冬嘅時候可能已經飽咗。湯底方面，豚骨湯麻麻，偏甜；南瓜湯味道都幾濃郁，都令人滿意嘅。支茶茶底唔錯，