PAPER STONE BAKERY

Open Now

Now Closed

屋企人生日，所以一早十一點幾就出發，去咗商場睇吓有咩蛋糕買，因為驚太晏去已經俾人買晒。發覺原來葵芳都有好多蛋糕店揀，最後買咗paper stone嘅朱古力榛子醬慕絲蛋糕，因為size細細地，啱啱好一人一少件，飯後食啱啱好，又唔會太飽。蛋糕嘅朱古力榛子味非常濃烈，入邊又有啲金沙，中間有海綿蛋糕，減低甜膩感。而且賣相都好靚，屋企人都好鍾意。不過生日冇膠牌跟，要另加$15，如果包埋會更好。另外，蠟燭如果有膠袋包住會好啲，因為疫情關係，都驚蠟燭已經受到污染。

今早請咗半日假去葵芳辦私事，完成後行下新都會, 朝早嘅新都會好靜，paper stone 唔近電梯囗更加一個人都無，舖位唔大，麵包款式都唔多，不過有餅房，感覺新鮮。見倒有款🥬菠菜英式方包幾特別咁買嚟試下，HKD16共四塊厚切，價錢都中規中矩，微燶嘅包面我好鍾意，中間位置雖然綠色，但就食唔倒波菜味，同普通方包味道差唔多，不過好鬆軟👍，囗感唔錯。收銀態度好一般。

聽講paper stone既法包係全城最好食，今日咁岩有機會試到。其實平時一定唔會買咁大條法包黎食，因為真係硬到掟死人，屋企又冇焗爐整翻熱黎食。今次食到用炭爐烘熱既法包，搽埋牛油，一絕呀😋

Paper Stone Bakery 是美心集團旗下的麵包店，他的特點是融會了亞洲風味的歐陸麵包，品種很多，優質的原料製作出精美的麵包。今日買咗「丹麥紅豆酥」以Danish Toast 為基礎，加入了紅豆，味道相當不錯，除咗有丹麥酥的香脆 還有紅豆的甜味，兩者混為一體非常配合，優良品質而且價錢合理。我好喜歡這裏的「香蕉牛油蛋糕」味濃、鬆軟、有著香蕉的甜味，又有牛油的濃香，頂部還有果仁碎片，更能增加口感，超好味。

多次路過 Paper Stone Bakery，第一次進店，總體感覺不錯！麵包選擇很多，賣相吸引！但沒啥香味！我買了海鹽牛油卷，不是當天吃，隔了１天才吃(翌日的早餐)，麵包仍然松脆，不錯！我姊買了１排方包，也是翌日的早餐，她說味道不錯！買２件蛋糕，享85折，我們又買了，１件特濃朱古力蛋糕，１件士多啤梨慕絲蛋糕，朱古力味濃郁，但蛋糕質感不夠細滑，只能算勉強合格！蛋糕用紙袋包裝，本來是環保的，但有改善空間，叉子叉在蛋糕上，這點不好！紙袋可以小一點，蛋糕在袋内不會左搖右擺。任何消費加12元換購Starbucks咖啡，這個好！

經過Paper Stone Bakery🥖🍞原本打算購買普通麵包放在家假期得閒可以食😋點知見到出左聖誕期間限定的可愛雪人麵包公仔☃️太可愛了，於是立即購買了😛雪人帽子是以朱古力裝飾，麵包內餡都是朱古力，而鼻子是以百力滋製作，而雪人的可愛樣子，是麵包師傅畫的，麵包師傅很細心畫了很多不同造型同樣子，很多麵超可愛！有笑眼，豬鼻，打tie，帶眼鏡等等造型，好有心思啊🤗大家可以襯聖誕呢段期間去買黎試試啊！

身為一個包痴嘅我，每次行過麵包店都會想試吓有咩新奇嘅麵包😂今次就試吓呢一隻菠蘿酥！平時菠蘿包就食得多啦！但菠蘿酥真係未試過😜呢一款菠蘿酥即係菠蘿包外層嘅脆皮mix牛角包🥐菠蘿包外皮鬆脆又香甜，但甜度適中又唔會覺得膩喎！牛角包有陣陣牛油香，食落口感超級鬆軟呀💕

今日去到葵芳新都會見到有間麵包店勁多人買，叫PaperStone 而且入面的包都十分香，而且有些仲可以試食，其中肉桂味好吸引到我，最後買了一個肉桂生果粒包而門口仲有八元二件的朱古力雪芳蛋糕，十分便宜就買了當明天早餐，在收銀附近仲有蜜糖和細果醬賣，價錢七元的細果醬，有二款選擇，最後要了士多啤梨，麵包要了仲可以切方便食添。肉桂包拿到回到家一打開好香，肉桂味不太濃都可以，勁多生果粒少少甜同麵包少少似法包表面少硬入面軟熟幾好味，果醬味不太甜都可以之後第二天食雪芳蛋糕就覺得有點濕而朱古力味不夠，如濃點就更好味，但八元這價錢都幾吸引到我下次買其他味道。

我喺8月3號星期六，下午12點半左右時間，到葵芳店照舊買糟糟包，負責入面包及收銀嗰一個係一個後生仔黎，我唔知道係因為時間早丫定其他原因，面口已經目無表情，睇住佢入個糟糟包既時候真係突哂眼，佢勁求其，就都無就下位，就咁塞落去！！當我接手既時候，發覺隻手好‘痴淋淋’！跟住一望，我隻手勁多朱古力！我剛剛番到屋企，鞋都未除！就要即刻洗手拎電話影相！要開OpenRice寫評語，只係希望員工有所改進。亦唔想因爲依一次咁差既員工，就令自己唔再幫襯一間有質素既店。買過糟糟包既人都知個包外圍係好多朱古力咁既野，平時我買既時候，無論邊間分店，每次女員工都好細細心，會就位入位個糟糟包，每次都好整潔。

原本今早是去另一間麵包店買麵包，但去到才知道開十點的，所以就去了這間麵包店。看到這款三重芝士燒米餅樣子很吸引，脆卜卜，於是就買了一個回公司吃。一打開袋就聞到很香，上面是脆脆的，下面是麵包。麵包有很濃芝士味道，鹹鹹的，脆脆這層很香口，麵包很好味。這裡還有很多選擇，每個麵包看似都好好味，下次要再買其他款試試。

新都會廣場裝修後，引入唔少品牌，如美心集團其下嘅Paper Stone Bakery，雖然同一集團，但差天共地，雖然價錢略貴，但係款式特別，麵包用法國麵粉，人手製作，高纖有營麵包店設有開放式廚房，客人可以睇到麵包師嘅製作過程，而且仲有幾款麵包可以試食，我當然唔客氣試下試左幾款，特別推薦大家試下：左邊紅莓南瓜籽黑麥法包，雖然切到好細舊，但每粒都有餡，唔怪得拎起上嚟咁墜手右邊蜂蜜橘子麥法包，麵包好煙靱，要不斷咀嚼先食到，餡料酸甜另外幾款就一般，試下就好呢到都有蛋糕、西餅賣建議：麵包擺曬出嚟任人拎，無夾畀人之餘，客人講野、打噴嚏都會整污糟，希望店員可以作出改善

行新都會經過見到好多精緻既包，忍唔住駐足行一圈再睇下有無試食到到個蝶豆花藍莓包真係幾靚想買黎試下下次今次既主角髒髒包，個樣就好得，但唔知味道係點🥖但真係好吸引返到屋企就打開咗個紙袋，陣朱古力味湧出黎都幾勁，出面一大層可可粉好重手下，個包相當軟熟唔會乾巴巴咁。值得一讚既係個包鬆軟得黎唔會話係一個空氣包，氣孔分明，㚒層既朱古力漿都甘香濃厚，最正中既朱古力軟心都好大份，塞滿個中心位，朱古力味唔會假同太甜膩

行開商場，感覺肚餓，便選了這間包店。包店細細，但就非常香噴噴，老遠就嗅到它的香氣。看見一個叫髒髒包的東西，感覺挺有興的，便選了它。吃下第一口，真是髒了，膠袋髒了，面髒了，上衣也髒了，但心情爽了，因為真的好香，好甜，好好味。下次如果女友或男友不在的話，不妨來髒髒，心情可爽爽哦！

今日午餐諗起想食麵包，平時食呢間係熱食，今日佢都冇新鮮面包就求其買咗個芝士包，好硬又唔好食，之後見到櫃檯推銷香蕉蛋糕，咪買咗返嚟試，個香蕉蛋糕咬落去口感不佳，香蕉味比較淡

行過新都會廣場，我地睇到一間鋪頭叫做paper stone，俾佢個污糟包吸引左。😮😮😮不過因為就嚟食晚飯的關係，我哋驚太飽，所以就冇試過污糟包。反而我地就走咗去買一個$10兩塊的麵包。✌️✌️✌️✌️✌️味道唔錯，賣相也好，一個朱古力味就淡咗啲。😔😔😔因為人哋話個污糟包，入邊係流心，而且我哋都睇到好鬼大個。睇落去真係好吸引，下次經過新都會廣場你間店舖，我一定要同自己講，無論幾咁飽，都要再嚟買返一個污糟包返屋企。💪💪