Parkview (新都會廣場) (Closed)

今日山長水遠黎葵芳翻工， 見到新都會廣場真係閒日都超多人～ 見到呢間格局同價錢同餐單都幾成正比，所以就試一試啦！我叫左25號午餐，包括有： 餐飲，餐包，餐湯，和主菜，盛惠： $128 加一服務費。餐包十分鬆軟，暖暖地，夾埋牛油🧈真的不錯。餐湯：蘑菇忌廉湯，真材實料，不是開罐頭的，完全食物到一粒粒蘑菇，而且不鹹！餐飲：可以簡咖啡奶茶，不過我就要左檸水，正常啦。 你好難吹噓話杯檸水好好飲咁噶嘛～ 主菜： 栗子雞肉菠菜扁意粉🍝麵條偏軟～菠菜量少，栗子南瓜汁搭配十分秒～肌肉偏少但好吃的。今日我來到不算多人，見比較多人點沙拉餐，好像真的非常十分吸引人，賣相很好，也很大盤～下次來再試一試吧～結帳的時候，經理說14天內再來光顧的話就會有堂食9折（憑這次的收據）。

今日下午茶時段 比佢出面餐牌d相吸引左 八層高士多啤梨pancake整得好靚 所以決定入黎試下座位寬敞好舒適 可能下午茶時段 餐廳唔算多人 套餐兩個人$160 除咗pancake 仲有炸薯條跟芝士醬 兩杯飲品 pan cake都整得幾靚 如果可以再鬆軟啲就仲好 size細細塊 所以八塊叠起賣相好得意 薯條係粗薯條 炸得好脆 熱辣辣送到 除左芝士醬之外 我仲叫埋茄汁 其實兜薯條都幾大兜 鍾意點醬汁嘅我 一兜芝士醬又點會夠？另外叫埋一杯 熱齋啡 凍檸茶 飲品算係正常嘢啦 如果兩個人坐低飲杯嘢吹下水 其實都係唔錯嘅選擇

2點入座，落單，要催單4，5次，3點3才上哂全部食物，旁邊幾枱遲過我們入座都已食完離開，由肚餓坐到食唔落，食物質素又普通，入座時又唔係高峰時間，離哂大普，冇下次😡

見到兩個人百六蚊有pancake 薯條雞翼好似好吸引，仲包兩杯嘢飲，所以入去諗住試吓。叫咗兩杯凍奶茶，有得自己調節奶嘅份量，唔係好甜又有茶香，呢兩杯凍奶茶唔錯。但係重點嚟啦，個pancake嚟到首先唔係大塊嘅pancake，係細塊嘅pancake然後搭到好高，然後中間夾咗幾舊香蕉，賣相OK，但係食落去真係好唔掂。首先啲pancake係凍嘅，然後仲要硬，講真喺屋企整嘅水準仲好食過佢一百倍，冇蛋香同牛油香味，好似食緊舊固體嘅擦子膠碎咁。然後雞翼同薯條整體正常，係熱辣辣嘅，不過份量唔多同埋冇乜調味，啲醬都係一般般。但係講真俾佢吸引到入嚟嘅係個pancake，連個Menu都係得pancake個樣，但係真係好難食，所以唔太建議食呢個下午茶餐。

俾門口的lunch set 牌吸引左入去🤣假期時間lunch time好多人，等左2-3張枱👍Lunch set有餐湯、麵包、主菜、加野飲😋男仔都夠食得飽🥳主菜嗌左個漢堡飽同薯條，超大個漢堡！大到根本放唔晒落個口到，要分開個包同入面啲餡食😂😂而且個薯條好脆，好熱！另外嗌咗黑松露麵，個麵幾特別，個口感好啲啲魚肉，同意粉完全唔同，但個人覺得無咁入味，如果中意黑松露可以叫返飯or意粉會好食啲同埋佢加小食價錢唔貴 如果多人食可以嗌多啲👍🥳

餐廳在戲院附近，最啱睇完戲食飯。雖然走大眾化路線，但侍應有禮親切。食物質量同價錢成正比。兩個人點了一個西班牙海鮮燴飯套餐自家製麵包鬆軟加$18餐湯升級龍蝦湯湯味濃，有少少龍蝦味，唔太鹹。朋友另加一個焗酥皮龍蝦湯要$72。當然唔係正宗西班牙海鮮飯，但材料豐富新鮮。有帶子、蝦、魷魚和幾隻青口。用湯汁燴過的飯入味軟熟。加$15 - 追加小食洋蔥圈新鮮熱辣，好抵食，味道就一般啦。好甜的普通朱古力雪糕，加埋大大件軟滑唔甜嘅蛋糕，中和返甜味，兩個人食啱啱好

好有  feel  嘅餐廳🍴好似去左外國旅行上個禮拜日放假去嘅葵芳買衫，所以決定食呢間，間餐廳名叫 Park View，入到去都成個用餐體驗都好舒服，好似係外國啲好 chill 嘅餐廳度食嘢咁 😋😋 雖然上菜慢左少少，但係食物質素唔錯，哎左幾樣嘢都好好食。宜家冇得飛，耐唔耐食餐好，對自己好啲！

下雨星期三，下午雨勢轉強，氣溫急降8℃，主要在室內活動，地點是葵花新都會廣場，逛了一會，已經是下午茶時段。我們來試試未吃過的 Parkview Cafe，點了３份下午茶餐，share吃，包括以下的：#芝士雞肉蘑菇墨西哥夾餅：芝士、蘑菇、雞肉，很合拍的組合，加了黑醋，起很妙的點睛作用。#Parkview三文治：賣相佳，用料足 (煎蛋、蕃茄、生菜、煙肉)，可惜烘麵包不夠脆，應該是受潮，變韌了，味道打了折扣。#香草蘑菇雞肉扁意粉：香味十足，大大提高了食慾，扁意粉有咬勁，加分。#冰美式咖啡：咖啡味濃，好喝。#熱咖啡：醇厚，好味！#熱檸檬茶：解油膩，好！滿意的一頓下午茶。

次次經過都比佢既西班牙海鮮飯吸引住，今日終於忍唔住入咗去食西班牙海鮮飯($158)一個set連湯另外加咗幾10蚊轉野莓冰茶本身好期待個飯，好吸引，食落成個飯都好淡無咩味道，唯一值得一提既就係入面個隻蝦，燒得好香好好味。另外個湯味道唔錯，湯入面有淡淡既黑松露味，本身唔食黑松露既我竟然都接受到，加埋啲黑椒粉落去就好味好多。飲品方面叫咗杯野莓冰茶，莓味非常重，雖然唔錯但係另外加既錢都唔算抵。總結：食物味道過淡，飲品還好，但價錢偏貴，性價比低，不太推薦。

已經好耐冇去過呢間餐廳，因為疫情之後再約朋友食飯，而朋友選擇咗呢度，因為六點前仍然可以叫lunch set，相信價錢應該俾dinner平少少，我哋點咗兩個餐，朋友點咗西冷牛扒🥩，佢選擇咗七成熟，但當牛扒切開，差不多已經是全熟，啲肉好乾，一啲肉汁都冇，而我就點選咗一個什扒，有羊有牛有隻蝦和有兩條腸，牛和羊一樣沒有肉汁，已經全熟，真係令人失望😔，幸好餐湯和餐包還可😅，沒有想到幾年之後，嚟呢間餐廳水準，已經差咗咁多

Lunch time周圍都好多人等位，見呢間即刻有得食就試下。有set lunch, 但價錢唔平，轉餐仲要另外加$25。.燒春雞 - 芥末汁幾香，都幾夾隻雞。不過春雞就唔算好滑，份量適中，但配菜得薯仔就有啲單調。.雜扒餐 - 牛扒好老，太熟，牛肉味又唔算濃。蝦都大隻，不過唔夠味。如果呢碟野二百蚊，我會覺得似茶記雜扒質素但西餐廳價錢。.椰菜花湯 - 呢個湯唔錯，唔會好多麵粉嗰種質地，都滑身。味道就有少少淡，不過都還可接受。

晚市點左一個黑松露野菌意大利飯，南瓜帶子意大利飯，白酒青口黑松露野菌意大利飯：極不推薦，味道好淡，無黑松露味，飯偏硬，賣相睇落好OK仲以為幾好食🥲🥲好失望呀！南瓜帶子意大利飯：一般貨色，都係啲味好淡，飯岀事白酒青口：味道OK幾香，但青口勁細隻🫠服務態度一般，無特別好都唔係太差，座位坐得舒服整體都係低分，都唔會再幫襯，埋單$480，如果好食嘅話就抵食，但唔好食就真係一啲都唔值🤮

同朋友見肚餓諗住入去tem time叫左燒春雞 蜆肉意粉 車打芝士薯條 2杯咖啡燒春雞 干身到不得了 似一招早整定 有人order再加熱加工下 似焗左幾次既雞 吾值呢個價錢蜆肉意粉 蜆肉十分之腥同有味 蜆肉應該係叫貨返泥 意粉無味道要自己加 Tabasco 先食得車打芝士薯條 碟野本身係十分之少既芝士醬 圖上既芝士粉係自己加上😑 焦糖咖啡同normal熱咖啡 幾好飲 好香濃咖啡味 無諗到最好飲係咖啡 咖啡推介

香草醬蘑菇蝦意粉🦐🍝去葵芳廣場食到悶！！去左隔離商場新都會行下，見到呢間餐廳好多人入去排隊等位，所以就試下，今次嗌左個香草醬蘑菇蝦意粉，不過我個人認為好一般，味道都麻麻🥵🥵🥵

餐廳環境寬敞，坐位亦很舒適，點了兩份餐，一份燒西冷牛肉配青木瓜柚子沙律，蔬菜新鮮爽口，燒牛肉口感嫩滑配上酸酸甜甜的沙律汁，十分醒胃，另一份是美國牛肉漢堡配薯條，漢堡扒充滿肉汁，加上新鮮的生菜番茄，口感十足，薯條亦炸得香脆，好味道。