Parkview (新都會廣場) (Closed)

見佢地lunch set都好似幾抵咁，所以入去睇下好唔好食，其實一開頭是懷住又是一D伏的西餐廳的念頭入去的😂😂😂我叫左all day breakfast個個set 98蚊，無咩抵食野在里面 滑蛋較無的，啲蘑菇都切到碎濕濕，不是一個大啡菇咁，香腸都一般般， 成個all day breakfast完全沒驚喜 但味道就是不會難食 不會伏朋友的意粉聽朋友意見都是一樣 不難食 但也就是間間都是咁既味囉 😂😂😂我地都覺得個餐包最好食 軟淋淋仲熱架！加牛油真係好好味😂😂😂

公司在餐廳附近，隔一段時間就會來幫襯👍🏻餐廳lunch set價錢在這區來說是有點貴，但係同朋友一齊食餐好嘢吹吓水，都唔錯。今次同朋友share食，一個食沙律一個食漢堡加薯條，一款輕食一款重份量，但係兩個人食一齊分享就啱啱好。最先嚟麵包加牛油，麵包又熱又軟綿綿搽上牛油非常非常好食。趁着鮮甜南瓜湯非常配搭😋再嚟就係我嘅漢堡加薯條，同朋友分享份量啱啱好，雖然剛剛已食了一個餐包，確實非常好味不知不覺又食了半個漢堡包。薯條份量唔多，炸得有點乾但非常脆，是我喜歡吃的那種類型薯條。同朋友傾吓講吓又完成了🤪

星期六夜晚同男朋友係葵芳覓食，我地無去掃街，反而入左間餐廳坐低食晚飯。呢間限時食90分鐘。我地叫左青咖哩雞肉石鍋意大利飯同炸香蔥巴馬火腿卡邦尼意粉，兩個都加左$45變套餐。套餐有餐包、餐湯/沙律、甜品同餐飲。我地都揀飲湯，今日係南瓜忌廉湯。個湯細細碗，食到後尾有少少酸，普通。好彩呢個餐包超好食，十分鬆軟又熱辣辣，大大個但唔係空氣包，好想食多幾個！青咖哩雞肉石鍋意大利飯比想像中辣，雞肉粒嫩滑，亦都係熱辣辣，幾惹味。炸香蔥巴馬火腿卡邦尼意粉十分creamy，幾好食。甜品係朱古力雪糕，有啲真朱古力係入面。餐飲要左凍檸茶同熱咖啡。

去開附近做野,就要搵下好野食,呢頭既食物都比較平民 價格相宜又多花款 真係好難選擇呀係門口見到呢個SET就知道要入有餐湯,餐包,飲品,主菜. 都係$88UP凍檸茶~~呢個沙律要加12蚊既 上面仲有2片札肉添餐湯 係蘑茹湯 超級濃郁!!!! 唔係PIZZAXXX個種個汁結到呀媽都唔認得個隻再來就係餐包心諗 點解個包咁樣衰食落先知 真係好好好好食= =仲要係合桃包MAIN黎啦~~~~~ 係煎盲糟魚呀!!!有兩大塊架 入面有一小堆沙律菜啦 仲有一小球薯容 有兜汁係香辣沙沙醬我用黎配薯蓉食入面係好滑架..

星期五晚上約左小火龍小學同學媽咪交收野順便2個媽咪聚一聚。吹吹水😆去到太約夜晚19:10左右，都見到有啲人等緊位，拎左飛都好快等左十幾分鐘都有位啦！環境都吾錯，美中不足係吾冇卡位坐我哋2個人叫左3樣野，果然眼闊肚窄

之前來呢間食過幾次，覺得呢間無論係扒餐仲係意粉都好好味所以今次慶祝母親節第一時間就想起呢間係open rice上 定咗枱呢間除咗有美味的食物😋😋樓面員工的服務態度都好好😊😊特別有位叫Calvin的員工，值得點贊，不僅服務好，而且衛生意識強👍👍👍今次用餐很開心😊😊

其實食物質素、味道是可以的，坐位舒適度亦不錯；作為飲食業，就是一粒個別員工老鼠屎，足以可以攪跨原本的好評成極負評；在沒有預先通知午餐需要限時下，見環境方便與友談歡，所以選此餐廳與2年沒見朋友用短短午餐時間相聚一下，換來是經理的板嘴臉掃興；waitress 突然催促買單，在正當我們打算飲完手中咖啡後離開時，疑似經理用極不友善眼光及語氣開聲請我們離開，宏觀一下其實很多枱都是空着及門口亦見不到有人在等待，$5xx 3人午餐都算不上茶餐廳格局，何解有此態度，枉為主管.... 失望！香港服務業有此等人真沒救！

喺葵芳約咗人未夠鐘，行吓新都會廣場，搵個下午茶食下。Parkview係新都會地下嘅中央，好容易搵到，因為樓底好高，所以比較空曠，不過環境就會嘈少少， 餐廳枱同枱之間嘅距離亦都唔算好闊，整體一般。嗌咗一個漢堡包下午茶餐。漢堡包同樣平平無奇，漢堡扒冇乜肉汁，裏面嘅蔬菜比較少，薯條亦都唔算好香脆，薯味唔濃，份量亦唔多，完全冇驚喜。餐飲叫咗熱檸水，普通熱檸水一杯。整體來講唔需要有乜嘢期望，純粹搵個位坐下嘅話可以接受。

突發要在葵芳找個地方晚飯，咁就係Openrice搵下，然後搵到此西餐廳。用Openrice訂座了。感謝安排能坐在一角落的地區。服務員超細心，讓我們可以好好聚餐。（當然是4人桌，要分3張桌子）食物是好味的，主食可加配晚餐。晚市亦有不同類型的種類選擇。非常好！餐包有驚喜！ 柔軟！晚餐加配了一客炸雞翼（$38），脆口好味！配上少許沙律菜，賣相也好看！讚！整體價錢對比這商場位置的餐廳也算是合理。可以再來encore🙂！

今日吃了all day breakfast & pancake 甜品，另外加了酥皮龍蝦湯。All day breakfast standard level, 平時想搵個舒服地方食全日早餐，這裏也是不錯選擇。今日跟餐加個酥皮龍蝦湯，佢個酥皮好脆👍🏻👍🏻，龍蝦味都有嘅。個pancake加朱古力雪糕都唔錯。一個普通嘅晚餐，呢度水準都穩定。餐牌都有好多唔同嘅選擇。復活節嘅關係，另外有小禮物俾小朋友，適合一家大細嚟呢度食飯，環境舒適。

今日想食西餐，呢度環境舒適寬敞，座位又多，晚市剛開始唔洗等位。餐廳提供多款西式美食，有扒類、意大利粉、意大利飯、漢堡包、沙律、蛋糕、鬆餅🥞⋯⋯三文魚明太子意粉🍝三文魚煎至皮脆肉香，明太子粒粒晶凝通透，食落口有爆汁感覺。意粉醬汁加入蟹籽及洋蔥，所以份外香濃惹味，creamy又滑流。跟意粉可以加＄升級，要埋沙律、麵包、甜品及飲品。雞肉磨菇芝士墨西哥酥餅🍕酥餅裏面夾有滿滿嘅雞肉、磨菇同芝士，溶化咗嘅芝士食起嚟有拉絲效果。剛做起嘅酥餅係最脆嘅時候，所以要襯熱食😋。

返工真係太攰，我同朋友中午實在太肚餓了。於是又點咗漢堡。粗薯條真係好地道，炸的也很完全，唔會出現薯心過於鬆軟嘅狀況，每一根都係熱氣騰騰且香脆嘅。漢堡都好大，竹簽由上而下貫穿整個漢堡，開動之前拔掉竹簽，雙手捏住一口咬下，牛肉，番茄，生菜以及烤到恰到好處嘅麵包餅，滿口都係食肉嘅滿足感。新鮮蔬菜搭配讓你喺食肉之餘仲可以感受到難以置信嘅清爽。雞翅亦係點睛之筆，外層蛋黃同麵粉包裹了適當嘅一層，增加脆感嘅同時又唔會過分嘅掩蓋翅心嘅肉香，大口咬下脆皮之下包裹的暖意會在嘴裡揮發開來。唔會好似街邊攤因為過度追求脆感，而加太多嘅蛋液同麵包糠，卻忽略咗內裡的肉香。必點小食！

上週五來這邊工作，實在是太餓了，路遇這家西餐就跟朋友來嘗試一下。首先我是一個對事物要求很高的人，所以我很願意吃這種連鎖的集團餐飲，因為這種餐飲業都是有嚴格的監管制度和審核制度的，倉儲物流貨源也能夠讓人放心。紐西蘭肉眼牛排我點了7分熟的，外酥裡嫩，血水處理的很乾淨，封邊和表面的焦感令人很有食欲，肉質有嚼勁，但不會給人柴膩的感覺，另外午市套餐還包含有麵包，餐前湯，及飲料，分量很足，一人午餐我覺得足矣。

之前同朋友嚟食lunch 叫咗啲嘢share嚟食😙叫咗2個set lunch 每個包餐湯🥣同餐包🍞✨南瓜湯🎃配餐包🍞同朋友都一致覺得個南瓜湯好飲🤩🤩估唔到個餐湯咁濃南瓜味 而且幾creamy👍🏼配埋餐包食 都唔錯啊😆😆😆✨牛肝菌黑松露意大利飯✨三重芝士小龍蝦肉意大利飯兩個飯味道都ok嘅~但我覺得黑松露個款好啲😆

黎到葵芳新都會廣場食野，自然想揀間坐得舒服嘅西餐廳，Parkview係我其中一間心水之選，有卡位，座位闊落，樓底夠高，坐好耐都夠晒舒服。食物味道、環境實屬中上，我點了一個黑松露磨菇手搓粉及正宗美國牛肉漢堡伴薯條餐，價錢已包括餐湯、餐包及飲品，還可以用優惠價加小食。餐湯點了磨菇湯：磨菇味淡了一點，口感creamy。每次黎都必點黑松露磨菇手搓粉：黑松露香味濃郁，濃濃的醬汁包裹住每一條口感煙韌的手搓粉，非常好食，夠飽得黎又唔會好膩。正宗美國牛肉漢堡伴薯條：即叫即整，漢堡扒juicy，配上新鮮嘅蔬菜及煙肉，熱辣辣無得輸，連薯條也是外脆內軟。