台北倆伴

Open Now

Now Closed

放假去咗圍方睇"但願人長久"❤️真係好值得睇👍🏻 散場出黎肚仔已經咕咕聲 所以極速搵野食 就係咁比我搵到間正野😃門面半開放式設計 牆身貼上藍底金雀嘅牆紙 有Feel👍 ▫️麻辣鴨血臭豆腐拌麵配紫菜貢丸湯及地瓜酥 ($56)你無睇錯 係真係有咁多野食🫵地瓜酥外脆內Q軟 鴨血香辣軟滑 麻辣拌麵個人首推😍😍 香濃嘅辣汁配肉碎蔥花及酸菜麵質軟硬適中 非常惹味 枱上仲有酸菜任添▫️紅燒牛肉麵拼古早滷肉飯 ($58)呢度嘅茶餐完全滿足到我樣樣都想食嘅人🤣 牛肉麵嘅湯底香濃 牛肉軟腍滷肉飯配有溏心蛋 肥肉有油香 好惹味！▫️士林鹽酥雞 ($48)熱辣辣又香脆 曬上鹽酥粉 好香口▫️古早起司肉鬆芋泥蛋餅 ($62)蛋餅煙煙韌韌 餡料幾足料三樣野加埋味道都幾夾架喎▫️鮮鳳梨水果茶 +$18（套餐加配）水果茶入面有波蘿碎同橙角片 唔會太甜▫️愛文芒果起司奶蓋 +$22(套餐加配）奶蓋香滑有鹹香 ▫️芋泥三色芋圓 ($46)心思思想食埋佢嘅甜品大大碗足料😮 芋圓Q彈 仙草爽滑芋泥有嚼勁 加埋花奶 出色👍

星期六下午一點幾嘅圍方食肆超級多人，基本上每間食肆都要排隊。呢間由撳飛到入座等咗半個鐘左右，好在落完單之後，唔洗5分鐘就出餐！！！我哋食午餐紅燒牛肉麵同花雕雞卷麵，手工麵幾彈牙，吸到湯嘅味👍🏻👍🏻牛肉同花雕雞卷都唔錯。午餐包杯嘢飲，我哋叫咗熱冬瓜茶，唔會太甜，好飲👍🏻

台北倆伴今次要介紹圍方商場入面一間台灣菜餐廳叫「台北倆伴」，呢間餐廳年下午茶都爆哂場，我都要等差唔多半粒鐘先入到去，因為入面好逼，只有最尾一張枱先適合輪椅人士坐，有人排隊自然有好野食，呢間餐廳都值得等半粒鐘！入到呢間餐廳裝修以木系風格作主色，掛咗好多雀鳥裝飾品，牆上亦貼上咗雀鳥牆紙，感覺都幾舒服，只係枱與枱之間比較迫，其他都好ok！1.麻辣海鮮鍋 配王子麵（大辣）$158（8/10）呢個麻辣海鮮鍋叫咗大辣，店員再三強調呢度大辣係好辣，我唔信繼續堅持叫大辣，結果狂飲水！不過呢個海鮮鍋入面食材相當豐富，入面有2隻大蝦、2件鴨血、2粒鵪鶉蛋、芋頭貢丸、福州魚蛋、2件米血糕、1舊冬菇、2隻蛋餃、津白、金菇、甜不辣、蟹蓋、沙白、青口、雞件同榨菜，再配埋有少少咸王子麵，食得辣嘅你可以試下大辣！ 2.花雕雞卷麻辣拌麵（小辣）配紫菜貢丸湯及地瓜酥$56（9.5/10）花雕雞卷有少少花雕酒味，雞肉嫩滑，麻辣拌麵叫咗小辣仍然好辣，我覺得等於出面中辣，紫菜湯入面有貢丸粒，仲有2條地瓜蘇，炸得好脆，番薯味好出，唔會好甜！3.士林鹽酥雞$48（8.5/10）呢個鹽酥雞炸得好酥脆，不過有少少咸，一共有8舊鹽酥雞！

圍方呢個商場新開幕之後,今次第一次嚟,去到5樓見到呢間台北倆伴見佢下午茶好抵食,一於入去試吓先同朋友見到呢度有臭臭鍋食入邊配料仲好豐富所以我哋都叫咗一個鍋,一個小食同埋定食Share古早味烤台灣香腸每次食台式嘢我都一定要嘅呢度個蒜片切到薄薄地夾埋香腸食好夾一品臭臭鍋本身跟飯或者粉絲我哋最後加咗錢轉左要王子麵入面鍋底有津白,冬菇,金菇,米血糕,甜不辣芋頭貢丸,福州魚丸,蛋餃,鵪鶉蛋,臭豆腐,豚肉,沙白,大腸同鴨血..仲可以自選辣度tim,我哋就叫咗個小辣黎到見到個份量都嚇一嚇差啲滿到瀉晒湯底叫小辣啱啱好滾吓滾吓入晒味米血糕Q彈，索晒啲湯汁碗上王子面一齊食，好豐富鹽酥雞肉鬆滷肉飯配：紫菜貢丸湯及地瓜酥滷肉好香, 屬於半肥瘦嘅滷肉我最鍾意配上肉鬆個口感好好帶有小小甜鹽酥雞炸得酥脆大大件地瓜酥較有驚喜因為食落有QQ彈口感,而且好香下午茶本身有包嘢飲但係我哋就加錢轉左珍珠奶茶同埋芋香珍珠芋香珍珠超濃芋香味而且唔太甜重點一讚喺呢度所有店員都好有禮貌會主動詢問需唔需要幫我哋加湯等等

同事話圍方5樓台北倆伴美味又抵食，餐廳裝潢新族美觀。我們點左紅燒牛肉麵配古早滷肉飯 $58，飯面舖滿滷肉、肉鬆、半隻流心蛋味錯不錯，牛肉麵的牛𦟌肉質軟腍味濃郁，湯底清香，麵質煙韌很好吃👍飲品：黑糖薑母茶。鹽酥雞肉鬆滷肉飯配紫菜肉丸湯$62，鹽酥雞炸得脆口、滷肉飯流心蛋香滑，紫菜貢丸湯好飲、地瓜酥鬆脆，飲品：台灣奶茶。私房麻辣牛三寶$128，（有牛腱心、牛筋、牛肚）厚切牛𦟌展肉質軟腍可口，頗大條牛筋很鬆軟入味，牛肚夠味略硬實。

話說等左半個鐘頭，入座先講話限時一個鐘，即時呆左，好嬲，但等左咁耐唯有照食，因為d檯太細張，一埋去就要搭檯，叫左個蛋餅同臭臭鍋，個餐送到埋黎都無左4個字，大佬呀，得半個鐘多d 邊夠時間食？張檯勁細張，放個打邊爐既窩，再加份小食2杯野飲，根本就係食得勁辛苦😑😑唔會想有下次兩樣野都正常操作，叫埋兩杯野飲埋單4百幾，點解要食得咁折墮？真係無下次，惡夢因為太嬲，所以無心情去影相。無諗過食得仲慘過去茶記食

今日又黎到圍方行街兼搵食見到呢間台式餐廳既下午茶勁抵食$46-62不等 供應時間更去到下午6點怪唔之得咁多人幫襯 長期滿座咁滯➜花雕雞卷麻辣拌麵配紫菜貢丸湯及地瓜酥雞卷好入味 雞肉保持到嫩滑 有酒香拌麵既麵條好彈牙 份量都唔少麻辣醬惹味得黎又唔會太重口味地瓜酥外脆內軟 食到煙韌感➜老阿嬤焢肉肉鬆滷肉飯 配紫菜貢丸湯 $56焢肉肥瘦分明 入口同時有兩種口感加入肉鬆撈飯令滷肉味道更加分加埋碗紫菜貢丸湯 真係有台灣既味道➜九層塔起司培根蛋餅 煙肉好厚身煎到香脆 融化既芝士令蛋餅更香➜士林鹽酥雞每粒都大大粒 炸粉唔會太厚 啖啖肉好滿足餐廳仲有好多款台式飲品我地就揀左兩款茶類 無咁邪鮮柳橙四季春炭培烏龍起司奶蓋

我們一行5人於19:49到達，等待派位見有2，3張枱埋單及差不多食完，及地方有點細當等了差不多半小時，經理跟我說坐不下需要再等多半小時，相信該餐廳不會是好味道，要等1小時才可享用。首先可以分開兩張枱，還有很多其他方法垃圾服務態度⋯⋯永遠不會該集團旗下的所有餐廳。

我哋一行八人喺三月30號晚八點嗌咗外賣平台外賣，食咗飯同埋麵，鴨血，鹽酥雞等等。跟住集體第二朝劇烈肚痛及肚痾，基本肯定係啲嘢食有問題。我基本上唔會打食評，但係希望可以話俾人哋聽呢間嘢啲嘢食係唔衛生，大家小心。嘢食味道就正常，鹽酥雞、醬汁排骨、雞卷等等都唔差，後三步的份量亦不少。食嘅途中亦覺得沒有異樣，只是食藥後集體劇烈肚瀉，翻翻在OpenRice的食評及外賣平台內裏的食評都發覺有類似問題，並並不是第一次發生，強烈投訴及表達不滿！

👧🏻Wodafoodie in Tai Wai平日放假特登去圍方試下未食過既餐廳，新商場熱潮過左終於唔洗排長龍啦😆特登黎想試呢間台式料理，下午茶2點開始，套餐只係$46-62仲包飲品，款式好多，份量唔少，幾抵食！😍✨ 🍝花雕雞卷麻辣拌麵 $56拌麵麻味好重但唔會好辣😍每條麵都掛滿曬汁好惹味🥰雞卷既花雕酒味好重，雞肉都幾滑～✨ 🐮紅燒牛肉麵 古早滷肉飯 $58呢個餐岩曬大食既人，有麵有飯，份量都唔細！牛肉麵味道正正常常，幾鍾意佢個湯清得黎又好甜好好飲😋細細個滷肉飯但都好多滷肉，食曬兩碗好飽肚😆✨ 🍚老阿嬤焢肉肉鬆滷肉飯 $56好少見滷肉飯有肉鬆，有佢撈埋滷肉一齊食帶點鹹香，味道有層次好鍾意，滷肉肥瘦相間，仲有酸菜同糖心蛋，最岩食肉獸👍🏻✨ 🍜台南擔仔米粉 $46經典台灣湯麵，擔仔即係肉臊，米粉應該用左新竹米粉夠幼細同滑👍🏻✨ 🍳古早起司芋泥肉鬆蛋餅 $62必食之選！芋泥夠綿滑唔會太甜，肉鬆同芝士咸香好出，少少蓋過左芋泥味，但整個融為一體咁好好食🥰✨黑糖薑母茶✨桂圓紅棗茶✨荔枝烏龍冷泡茶📍 台北倆伴 (大圍)大圍車公廟路18號圍方5樓528號舖

古早起司芋泥肉鬆蛋蛋餅係台灣通常都係早餐食蛋餅，呢個芝士芋泥肉鬆蛋餅就反而似一個甜。芋泥甜甜地，芝士又咸咸地，食落又覺得唔錯喎。加埋蛋餅又煙煙韌韌咁，做個下午茶都唔錯鹹蛋黃芋泥酥呢個炸嘢我又有啲興趣喎，芋泥麻糬包住鹹蛋黃再炸，外邊脆入便QQ彈彈咁。一碟有三嚿，炸得好出色。炭焙烏龍芝士奶蓋呢杯望落似啤酒咁樣，但係其實係一杯烏龍茶。上邊白色嘅泡其實係芝士奶蓋。作為一杯台灣茶飲，味道算係唔錯，烏龍茶係唔甜嘅，但係加上鹹鹹地嘅芝士奶蓋，係解渴嘅。

今日揀台北倆伴食下台灣嘢。慢煮豬軟骨麻辣拌麵將碗內的咸酸菜、葱粒、麻辣醬拌勻麵條，麵條口感煙韌，麻辣味好香，但唔會好辣，豬軟骨就夠晒入味。咸蛋黃芋泥酥(3件)入口嘅芋泥酥鬆脆，口內有香香芋泥蓉。紅燒牛肉麵拼古早滷肉飯牛肉麵嘅牛𦟌，肉質夠淋又入味，重有咸酸菜，加埋麵條彈牙，好開胃嘅湯麵。滷肉飯細細碗，食晒成碗都唔覺得膩，配搭半隻糖心蛋連同豬肉鬆加滷肉碎，夠晒野味。士林鹽酥雞酥脆嘅鹽酥雞，咬落肉質嫩。芋泥三色芋圓中間有一大粒唔係雪糕嚟，係芋泥，配搭三色芋圓，入面有一絲絲煙韌嘅仙草凍。桂圓紅棗茶芋香珍珠奶茶紫色好靚，飲落有啖啖芋香味嘅奶茶。

某日行圍方嘅時候見到呢間餐廳平日都要等位 就試試佢！佢嘅下午茶都幾抵食 四五十蚊一個餐 仲包埋餐飲~-🍜紅燒牛肉麵拼古早滷肉飯 💰$58兩樣都細細碗 可以試晒兩樣😗牛肉麵有一兩舊牛肉 牛肉好軟腍滷肉飯味道濃郁 滷肉肥瘦適中-🥯大腸麵線拼淡水焢肉刈包 💰$52啲麵幾幼細 個湯幾掛汁 大腸滷得香嫩另外刈包軟綿綿 包住香茜 淡淡肉 -🍳古早起司芋泥肉鬆蛋餅 💰$62芋泥口感綿密 肉鬆鹹香 口感好豐富食落又甜又鹹😗-🦀士林夜市蟹蓋 💰$52蟹蓋炸到好脆 入面有啲蟹肉、粟米、蘿蔔絲 成個配搭都幾新奇特別~-🧀炭焙烏龍起司奶蓋 +💰$18奶蓋嘅味道奶濃郁 有淡淡嘅鹹味-🧀愛民芒果起司奶蓋 +💰$22芒果甜甜的 成杯整體都唔會過甜

在大圍新開商場圍城，－向都是大集團食店為主，其中有一間台式餐廳下午茶，性價比極高，座位都好舒適，啱我剛剛shopping 完鹽酥雞肉鬆滷肉飯雖然用小碗盛著，但滷肉飯份量充足，肥肉比較少，滷肉味濃有順滑感，甜中帶鹹嘅感覺，滷肉控制得恰到好處，呈亮晶晶的啡色， 鋪了烚蛋及肉鬆更加好味，另外加入店家自家製酸菜，令到味道昇華不少紫菜貢丸湯是傳統福建風味，地瓜酥外表炸過，煙靭無比，好香甜咬口鹽酥雞，炸得脆卜卜，內裏肉質鮮嫩，灑了鹽酥粉好滋味逢甲肉鬆榨菜蛋餅蛋餅好多餡，蛋皮充滿蛋香，包住大量肉鬆同榨菜，－齊食有種好鬆軟嘅感覺，－分為四件，可以細細啖慢慢地咀嚼鮮鳳梨水果茶清新舒服，有好多水果，香甜解渴冷泡荔枝烏龍茶味道清香，樽仔入住飲唔晒可以拎走

圍方開幕咗一段日子試過唔同嘅餐廳呢間價格係最貼地性價比最高嘅一間下午茶時段仲有好多選擇跟埋飲品真係好抵✨逢甲肉鬆榨菜蛋餅蛋香味濃郁．包着肉鬆同榨菜味道同口感更豐富✨鹽酥雞肉鬆滷肉飯配紫菜貢丸湯及地瓜酥香脆嘅鹽酥雞．炸完依然保留肉汁滷肉同飯嘅比例恰好每粒米飯都充滿肉汁✨紅燒牛肉麵拼古早滷肉飯厚厚嘅牛肉．口感軟腍配呢種麵質好夾套餐仲可以upgrade 台式飲品▫️珍珠奶茶▫️芋香珍珠奶茶▫️鮮鳳梨水果茶