台北倆伴

Open Now

Now Closed

二哥👦🏻啱啱响台灣訓練返嚟成日都同劉媽👩🏻講念念不忘台灣嘅 滷肉飯好啦～ 見二哥👦🏻咁想食近近地就帶👦🏻去圍方 #台北倆伴 食台灣麵今次我哋order咗🍴花雕雞卷·麻辣拌麵雞卷肥瘦適中 有淡淡清香花雕酒味 拌麵加了麻辣醬汁 勁有麻香味🍴鹽酥雞·肉鬆滷肉飯鹽酥雞炸得好酥脆肉嫩滑又有肉汁滷肉鹹香味適中 唔會太鹹 撈飯好正 🍴台南擔仔米粉(輕量) 米粉爽口彈牙 加上肉碎 食得好滋味🍴紅糖地瓜酥地瓜酥口感煙韌軟糯 地瓜香味加上紅糖嘅甜味味道好夾🍹鮮鳳梨水果茶🍹桂圓紅棗茶值得一讚👍🏻呢間職員個個都態度好好～ 好主動又有禮貌台北倆伴 ( #大圍 )📍大圍車公廟路18號圍方5樓528號舖

週末晚餐時間五人位等候甚久，約一個小時左右，放被叫籌，然後由侍者帶入坐。以服務來說，這間台灣餐廳的侍者，🈶求必應，殷勤，手腳快，friendly and nice，很不錯😉。來台灣餐廳吃鍋，一定是為了台式專屬的臭臭鍋或薑母鴨湯底。這次在兩伴品嚐的是臭臭鍋！有些些發酵後的酸臭味，有些些台味。雖然臭度，不足以令甜不辣入味，但比上不足，比下有餘，已經剩過某些主打台式火鍋了。肉鬆蛋餅，還有附贈的很台式的紫菜蛋花湯。很適合貪嘴時吃～

🇹🇼 台北倆伴偏重口味嘅台灣菜*榨菜肉鬆蛋餅冇乜蛋味都冇榨菜味，不過幾好食😂*紅燒牛肉手工麵個麵底口感唔錯，牛肉超級無敵腍，可惜個湯底完全唔辣*古早滷蜜汁排骨便當好豐富好多小食，蜜汁排骨好好味！滷肉有少少過鹹，反而肉鬆撈飯幾正👍🏻*麻辣鴨血臭豆腐（唔記得影相🤣） 正正常常冇咩特別假期去真係超級多人，入座後限時60分鐘，落單後幾分鐘已經上菜，好有效率🔥 雖然好忙，但係店員都好好服務，值得一讚👍🏻

同大仔放學後去圍方買參考書，然後順便食個下午茶先返屋企。由於阿仔鍾意食台灣街頭小食，所以試下呢間「台北倆伴」。餐廳位於商埸最頂層，門面很大，裝修環境大致舒適精美。下午茶時段，提供有十款下午茶套餐，價錢由$46-$62不等，並附送飲品，亦可升級台式特飲。此外亦有不少經典台灣夜市小食供應，更有麻辣牛三寶（$128），價錢亦由$38-$128不等。T03《逢甲肉鬆炸菜蛋餅》（$48），肉鬆頗多，加上醬汁，蛋餅薄脆，並且已經分切4小件上碟，方便食用，非常精緻。呢份餐啱曬輕食人，吾會太大份量。T06《古早滷肉飯拼大腸麵線》（$52），有一碗迷你滷肉飯，加一大碗麵線。滷肉飯配有半隻溏心蛋及肉鬆。麵線夠大碗而且頗多肥腸。呢個餐相對豐富更加抵食，直頭可以當作晚餐食。A01《士林鹽酥雞》（$48），最愛小吃之一。上枱賣相不錯，大約有八件左右，入口夠酥脆夠熱，加有炸香葉更添風味。A07 《士林夜市蟹蓋（3件）》（$52），阿仔想食，於是叫埋試下。入面釀有魚肉之類，炸至十分香口熱辣辣。最後決定下午茶當晚餐食，最後叫多個燙菜 ，餐廳有三款燙青菜，包括娃娃菜、A菜及秋葵。最後我們選了《香菇滷肉A菜》（$48），

圍方開左一排都未去過😂今日放假就約左朋友去行下，順便食個tea，未有時間去台灣旅行就食住台灣野先(´▽｀)餐廳裝修光猛，職員態度親切有禮.老阿嬤焢肉肉鬆滷肉飯配紫菜貢丸湯 $56食台灣野就必點滷肉飯，滷肉飯上有兩件大大舊嘅焢肉口感軟腍，滷肉滷得入味，伴飯一流.盬酥雞肉鬆滷肉飯配紫菜貢丸湯及地瓜酥 $62鹽酥雞都係必點之一，鹽酥雞外皮香脆，雞肉嫩滑，地瓜酥金黃酥脆，中間口感煙韌軟糯，好surprise幾好食！.古早起司芋泥肉鬆蛋餅 $62蛋餅好食，不過我地擺到最後先食就淋左，芋泥唔會太甜，芝士半流心而且芝士味濃郁，啖啖都食到芝士(´▽｀)估唔到呢個配搭係好夾又好食.士林夜市蟹蓋（3件）$52蟹蓋炸得好香，食到材料好豐富，有蟹肉、鯪魚肉，紅蘿蔔、粟米粒等等。.炭培烏龍起司奶蓋 +$18茶味夠重唔會甜，兩者味道好夾。朋友話好好飲(⁎⁍̴̛ᴗ⁍̴̛⁎).愛文芒果起司奶蓋品+$22我係好鐘意芝士奶蓋，由於我飲茶會訓唔到，所以我就揀左芒果味，味道唔會太甜配埋奶蓋一齊飲好creamy！.

本身我係朝著古早起司芋泥肉鬆蛋餅而食呢間餐廳，點知反而宜蘭蟹肉蟹黃拌麵好有驚喜😍😍😍超級超級多既蟹肉蟹黃，多到撈曬d拌麵之餘仲有剩😍😍😍好足料，$128黎講好抵食！d拌麵仲要特別煙靭，好有口感😋古早起司芋泥肉鬆蛋餅都不錯！九層塔起司培根蛋餅就比較鹹，同埋入面塊煙肉仲有好大舊肥膏，可惜本人唔太好肥膏…粒粒藍莓起司奶蓋個奶蓋好正可惜藍莓汁味道比較似糖水，飲唔出係由原粒藍莓攪拌而成既藍莓汁…所以飲品就一般。

大圍嘅圍方有好多新餐廳都未食過，今日就去呢到食下台灣菜，見到呢到有呢間---🌟台北倆伴🌟門面好光亮，餐廳裏面好光空間感好多，坐位又闊落坐得舒適，餐牌選擇都好多，而且店員都好好態度，服務好好💕._.🦆| 麻辣鴨血臭豆腐 |🦆麻辣味勁重，好過癮，一上枱臭豆腐嘅花椒八聞到好香，裏面嘅臭豆腐同鴨血嘅數量都好多，味道好入味，好有台灣夜市嘅味道·🧆| 咸蛋黃芋泥酥 |🧆新鮮熱辣辣咁炸起上枱，炸到外層勁酥脆，咬落去非常脆口，裏面係香濃嘅芋頭味，軟腍腍嘅芋泥好有口感，一碟三舊幾抵食👍🏻·🤎| 逢甲大腸麵線 |🤎我最鐘意就係食台灣面線，同台灣味道好貼近，大大碗，而且仲有好多大腸，好香濃，仲配埋啲醋增加味道·🦀| 宜蘭蟹肉蟹黃伴麵 |🦀蟹肉蟹黃已經令我心心眼，仲要數量限定架，個汁好多，足夠撈曬成個面，仲有好多蟹肉，每啖都有好正好滿足，仲會跟送埋一碗肉丸紫菜湯，好台式嘅風味💕._.

嚟到新商場圍方，好似冇乜好食咁，全部連鎖店，想搵啲冇乜分店嘅餐廳，咁岩就搵到呢間，得圍方一間分店，夜晚7點，都幾多人排，不過等咗十分鐘左右就有位，店內座位唔算多。冇dinner set，全部單點慢煮豬軟骨便當 $98飯係肉燥+肉鬆，仲有半隻溏心蛋有個紫菜湯，好彩唔係好咸，鴨血豆腐就麻麻地，個汁好怪豬軟骨唔夠汁，同埋有啲鞋彰化花雕雞卷手工麵 $78麵唔算好多，偏淋不過湯底都幾濃味，個雞卷就一般，啲花雕都幾苦宜蘭蟹肉蟹黃拌麵 $128見到佢寫住限量，即刻想叫一碟試吓，估唔到嚟到會係咁樣一堆汁咁不過都夠多，都夠撈得晒成個面，蟹香味還好，都食到少少士林鹽酥雞 $48啲鹽酥雞係一個個圓形好似個波咁，都算脆，不過勁鹹士林夜市蟹蓋個蟹蓋係好脆的，連個蓋都好脆好似薯片咁，入面有啲蟹肉、蘿蔔絲咁，都幾香，不過比較迷你味道還好，但價錢偏貴，亦唔知道邊啲餐先至會有湯，唔知道點解花雕雞卷嗰個就冇俾到湯我哋，不過都冇問到

服務員非常殷勤，服務態度非常好👍🏻👍🏻👍🏻鹽酥雞肉鬆滷肉飯配紫菜貢丸湯及地瓜酥鹽酥雞炸得夠脆，味道可以濃多少少，滷肉飯有半隻唐心蛋，一齊食真好味😋紅燒牛肉麵拼古早滷肉飯一個餐試哂2款地道台灣主食，分量十足，味道都好夠台味👍🏻花雕雞卷麻辣拌麵紫菜貢丸湯及地瓜酥麵嘅質地軟硬程度適中，醬料適量，啱啱包曬所有麵。味道唔算太辣，微微帶點酸味，食落都唔會太油膩。醉雞充滿濃郁酒香，好適合配埋拌麵一齊食😋下午茶餐有跟餐飲，我地叫咗黑糖薑母茶：有薑味又帶點紅棗玫瑰🌹香💕 荔枝烏龍茶：淡淡荔枝味👍🏻冷泡阿里山綠茶🍵另加了小食和甜品咸蛋黃芋泥酥：外脆內軟，邪惡得來又好味❤️‍🔥芋泥三色芋圓仙草凍：甜度適中，仙草夠台式，芋圓煙靭有口感😋

今次去大圍試下台式料理，店舖裝修整潔，光線充足，有卡位，下午茶時間好快滿座，好熱鬧😚鹽酥雞肉鬆滷肉飯鹽酥雞大大粒，外脆內軟，裏面juicy，炸粉薄，滷肉飯啲滷肉都滷得好軟熟👍🏻配埋肉鬆口感豐富☺️麻辣鴨血臭豆腐拌麵鴨血同臭豆腐都整得十分出色，下次黎會再食麻辣牛三寶有滷水蛋，牛展，牛筋，牛肚，豆腐，全部都好入味，配埋酸菜送飯一流台灣熱奶茶茶底濃郁，沖得幾好黑糖薑母茶加左玫瑰同杞子，唔會太甜幾好

圍方新商場，嚟到試下台北倆伴，鋪頭枱凳擺位比較密，坐卡位比較闊落，有傾偈嘅空間☺️。宜蘭蟹肉蟹黃拌麵（限量）🦀蟹黃好足料，食落似蟹粉，聞上去稍欠香味古早起司芋泥肉鬆蛋餅🥞幾香口，芝士味好夾成個蛋餅，芋泥唔膩，小朋友都岩食粒粒藍莓起司奶蓋🫐幾解渴，味道不過不失炭培烏龍起司奶蓋🍵飲落茶味夠重，起司奶蓋攪勻會比夠creamy餐廳經理服務較專業，通情達理。新餐廳落成，職員質素稍有參差，待加強培訓。期望下次有更高服務質素。台北倆伴📍 台北倆伴 (大圍)大圍車公廟路18號圍方5樓528號舖#台北倆伴 #圍方 #台式餐廳 #大圍餐廳 #foodie #hkkol #hkrestaurant #hkfood #yummy #foodblogger #hkfoodblog #飲食推介 #crazy媽媽 #missmammy #missmammylove

四人卡位要搭枱，唔俾兩個人坐。 最終見到有兩個單人但係唔識嘅坐咗呢張枱，即係都係兩人坐四人枱，咁樣嘅安排係咪有問題呢？ 要求60分鐘限時交枱， 但係店員服務態度係好嘅。 食物似係外面交入嚟加熱， 我杯飲品唔可以少冰，加錢加珍珠，隔離張枱個飯唔可以少汁。

今日去大圍行街，見到有間台式餐廳「台北倆伴」好多人食，決定試吓，佢下午茶套餐非常抵食！選擇都好多！有台式特色嘅滷肉飯、麵線、台灣小食、蛋餅…呢啲搭杯嘢飲都只係幾十蚊，CP值非常高！裝修唔錯，環境仲非常舒適，台灣國語歌曲嘅背景音樂，超有氣氛。下午茶餐：逢甲肉鬆榨菜蛋餅 配飲品鮮柳橙四季春。出面好少食到有榨菜肉鬆嘅蛋餅，蛋餅皮薄，豐富嘅肉鬆，口感層次好高，切成4段方便食用。下午茶餐：台南擔仔米粉，嘢飲揀配大甲芋頭芋圓鮮奶。擔仔米粉賣相吸引，充滿台南特色，撈埋肉燥非常惹味。鹽酥雞炸至金黃，酥脆香口。蟹黃秋葵 有豐富嘅蟹黃，邪惡又好味，配搭清爽嘅秋葵，健康又好味！

今日終於考完試啦🥲可以放監啦🫂問佢想食乜，佢同我講想飲珍珠奶茶😒朋友仔話想黎呢到食，咦😂我都黎過架！食物粒粒藍莓芝士奶蓋🔥呢個必嗌！超級好飲🩷加$22唔太甜，但好濃藍莓汁🫐味但飲完會好飽😅刈包😂😂😂原來呢個叫刈(刮）包，唔識讀😅叫佢交叉包呢個又係新感覺！好軟熟嘅包，夾住好Juice嘅五花腩、好開胃嘅酸菜、好清新嘅蔬菜…一啲都唔膩！真係值得一試豬大腸麵線超級香麻油味🔥同台灣嘅味道一樣🩷連哥哥仔都鐘意🥸芋頭貢丸米粉隻豬仔好鍾意食米粉，佢見到呢個清清地😂可以齋食米粉佢話有芋頭唔鍾意，我就叫佢咬一啖貢丸，然後愛上左🙄佢好彈牙嘅外層，加上好creamy嘅軟心。所以有時真係要夾佢哋試先得🥲台灣腸因為婆婆去咗台灣旅行，買咗啲腸仔做手信😂然後佢話可唔可以食多一次？其實人哋媽媽都想食😀因為台灣腸真係好好食！佢切開一片片，咁就唔怕爆汁出嚟，整污糟自己啲衫🩷🩷🩷鹽酥雞、地瓜酥、滷肉飯配紫菜湯呢個$62，但有咁多樣食物💪🏻啱晒大家，樣樣都可以試！哥哥一食脆卜卜雞，已經問我係咪叫鹽酥雞😀因為佢話鹹鹹地脆脆地好好食🥳我就覺得個地瓜酥超甜超軟糯💪🏻💪🏻💪🏻滷肉飯係用珍珠米，好有咬口之餘仲好香！哥哥話想帶細佬黎食🫂黑

上次去圍方睇完戲之後搵嘢食，行過見到 @ 都有啲人氣，決定去試下佢地嘅啲下午茶😙 佢地主打台灣菜同手搖飲品，價錢非常親民💕 裝修以清新木系為主，位置雖然有啲逼但可以好似我地咁等卡位，咁就坐得舒服啲👍🏼 紅燒牛肉麵拼古早滷肉飯 $58Braised Beef Noodle Soup w/ Braised Pork Rice紅燒湯底呈深啡色，味道較清淡🍲 牛肉燉至肉質軟爛，帶有滿滿膠質嘅牛筋🥩 配上煙韌彈牙嘅麵線令層次更為提升🍜 白飯上鋪滿口感香潤但唔油膩嘅滷肉，醬汁包裹米粒嘅感覺真係越食越上癮🤪蟹黃秋葵 $58Okra w/ Crab Roe清新嘅秋葵獨有黏稠嘅口感，就咁食好清淡，配上蟹黃變得鮮美甘甜，絕對係個健康又好食嘅選擇👍🏼麻辣海鮮鍋 $148Mala Seafood Hot Pot呢個鍋有四個辣度揀，我就叫左小辣，佢地會上一小碟麻辣醬，唔夠辣可以自己加🌶️ 配料有津白、金菇、鵪鶉蛋🥚台式嘅水血糕、鴨血同甜不辣🍢 仲有蝦、青口、雞、沙白同釀蟹蓋，超足料🥳 海鮮全部都好新鮮，雞塊嫩滑，最後落埋粉絲索曬啲湯汁夠曬惹味👅