北京酒樓 (Closed)

訂左七點半枱一行7人食飯, 侍應俾左張8人檯我地, 但我地有1位朋友臨時要OT唔知黎唔黎到, 侍應不停問6個定7個, 6個定7個, 6個換張6人檯你, 俾番張大檯佢地, 態度惡劣。我地堅持話7個, 唔換檯, 點知成晚就俾D侍應黑面對待… 我地要左個700幾嘅6人餐：雞絲粉皮：店員極速撈混D 汁,粉皮勁厚, 從未食過咁厚嘅粉皮, 味道還可以賽螃蟹：同樣, 店員極速幫我地倒醋落去撈, 完全趕客feel, 不過蛋白都幾滑北京填鴨：粉皮太厚身, 賣相唔吸引, 味道亦一般宮保蝦： (( 嘩 ~~ 蝦黎架? 刄到離譜! )) 炒通菜：味道幾好 小龍包：皮厚少汁, 極差 砂窩雲吞雞：朋友食左隻雲吞未熟透, d湯還可以高力豆沙：一般 食飯期間, 侍應阿叔已經成日催促我地快d 食, 講得好聽就話：凍左唔好食 之後我地攞d相出黎睇, 點知阿叔好唔客氣話：唔好睇啦, 快d 食野啦, 好多人等緊檯呀… 我地真係愕晒然, 徒未遇過d 咁嘅服務態度, 講真, 野食一般, 加上極擠迫嘅環境同咁嘅服務, 真係 NO NEXT TIME! 700幾嘅6人餐, 埋單就要 $905, 仲要收cash呢個價錢都有好多

因為屬樓上舖,所以酒樓的位置都幾難搵; 如果唔係見到個大招牌我都唔知原來要走入大廈再上行上一樓先到. 入到去坐低,完全感覺到係一個好有傳統懷舊feel的地方...考慮要餐定散叫,但因為有人話填鴨麻麻,加上個餐都唔平,最後決定自己話事...三色拼盤 - 揀了素鵝,薰魚&海蜇. 侍應話一定要order大份喎... 薰魚算滑,入味之餘汁又唔會過甜; 海蜇OK; 最正係素鵝,大大舊又多料,好好食.山東燒雞 - 應該係手撕山東燒雞. 唔錯,唔洗沾豉油都好夠味,不過勁油...宮保明蝦 - 是日最差的菜式. 蝦好大隻,可惜佢唔知用乜炸粉,又厚又唔脆. 那層炸皮,我以為食緊塊餅囉...松鼠黃桂魚 - 個人對這碟並不熱衷; 好多甜酸汁,條魚本身都唔差.賽螃蟹 - 本來對佢無乜期望,但食落又唔錯喎... 可以見到"一舊舊"蛋白,入口滑之餘仲好有質感; 唔似其他地方"散"到似糊仔; 仲有些少蟹肉添!蔥爆羊肉&义子燒餅 - 注意係分開兩碟叫,所以义子燒餅拼乜可以自己話事. 羊肉味道OK,可惜實在太少,成碟大部份都係蔥. 燒餅好大個,一客四個,即八件.甜品高力豆沙免費奉送 - 張張檯都有,當然係預先整定; 所以

為朋友慶祝生日, 壽星公愛呢度嘅餃子, 所以一再光臨. 無o黎一排, 環境依舊, 只係唔洗等位. 醬牛肉 - 呢個冷盆做得唔錯, 牛肉味濃, 薄薄一片, 好味! 雞絲粉皮 - 粉皮做得幾薄同滑, 不過d麻醬就唔係咁好味! 三拼冷盆 (海哲, 醉雞, 熏蹄) - 海哲爽口, 醉雞酒清肉滑, 熏蹄唔肥而帶爽口. 片皮鴨 - 皮唔脆, 無咩鴨味, 可能一早整定, 所以唔好食. 賽磅蟹 - 一般, 同出面京菜館差唔多. 松子魚 - 醬汁做得好好, 但係魚用炸粉太多, 失咗魚味. 腰果蝦仁 - 蝦好爽口, 味道唔錯. 火腿津白 - 津白煮得好淋重帶金華火腿味. 正 炒拉麵 - 簡簡單單用肉絲白菜炒, 拉麵唔油, 好味. 砂鍋雲吞雞 - 雞同金華火腿煲嘅湯, 味濃好飲, 不過雲吞就麻麻. 高力豆沙 - 可能又係一早整好, 所以出o黎已經凍晒, 失望. 侍應成晚推介呢個8-10人餐, 人未齊已經問咗我哋叫咩食, 為免佢再問我哋已經叫咗頭二個冷盆, 後來朋友o黎齊唔想諗就叫咗呢個餐, 侍應重好醒目驚我哋食唔晒而叫我哋減一味餸, 個餐就減$100, 都ok, 不過最後都係食唔晒要打包.

跟北京認識o既同學搞畢業周年聚會…就選o黎哩度懷舊o下食o下北京菜…老式o既裝潢、檯椅…老式o既侍應大叔, 恤衫西褲加冷冷淡o既態度, 語氣掘掘咁…對啦!...就係哩種感覺…哈哈!!一圍10人窗邊位, 間左屏風俾我地…好方便我地班嘩鬼傾計!!!...免傷神, 就叫左一個6-8人套餐, 8款菜色…馳名o既賽螃蟹、山東雞、糖醋魚片、砂鍋雲吞雞等都已包在內, 味道一致讚賞……餐單中係唯獨小籠包較遜, 亦吾係用籠上的…碟碟大件頭份量足…炒拉麵都要打包帶走!!!因套餐不包冷盤, 再多點三樣, 依次好味係 (1) 素鵝 – 超好味啊!!! (2) 薰魚 – 個人必選 (3) 醬蹄…嘩!!!...只叫例牌都已經夠我地飽肚…午市哩個套餐有8折添播…加埋其他…埋單都只係 $664…真係滿意又超值!!!最後例牌奉送甜品高力豆沙…臨走D阿叔已經熟到識同我地開玩笑呢!!...原來都係外冷內熱o架…哈!!P.S. 是日下午見電影界老行尊吳思遠同張同祖都係坐上客呢!

一家五口慶生，訂了7:30，家人早十分鐘到，一去到有位，但席上已滿座。環境懷舊中國feel，尚算整潔，但舊的檯布已很多破損都沒有更換，只在底下墊一張白紙，我想這些叫懷舊吧！？我最後到，家人等我發板，但我一坐低，阿叔便過來問寫單，我說要等等要看看，他面都無難色，不像網友評價那麼差，但我不見有套餐餐牌，那我便叫了以下小菜：鹽爆管廷砂鍋津白北京填鴨(阿叔話中的已夠)松鼠黃魚(阿叔話小的可以了)賽螃蟹正當我們想取出濕紙巾抹手預備等陣要吃北京填鴨之際，阿叔很快手地取了獨立包裝消毒熱毛巾過來，抵讚先上鹽爆管廷和北京填鴨的醬汁，點菜後約五分鐘已上賽螃蟹，上菜時，阿叔問我們落不落醋，我們話落，他便很快手地落一點點，還幫我們撈勻，一人一匙，很好味，即叫了兩碗白飯，因實在太好味喇，好滑滿分跟著上鹽爆管廷，十分爽脆，同樣是滿分再來個北京填鴨，鴨皮薄多肉，但不香脆，包鴨的粉皮是凍的，又厚又多粉，因我一向在大陸吃的是用蒸籠上桌，熱騰騰的，所以期望越大，失望越大。再來松鼠黃魚，魚是新鮮的，很久都依然熱騰騰，汁是甜甜酸酸，好好味，醒胃最後來一個砂鍋津白，湯很鮮甜，有點金華火腿味，菜都是滿滿的，阿叔幫我們分好後，還剩

預早一日慶祝母親節,不過呢一日都好多人,好在有訂位,又咁岩有人取消booking,所以好快就有位好舊式既裝潢,配合到北京菜既感覺我地4個人叫左5樣野北京填鴨---呢度招牌菜,好多鴨肉,加埋青瓜,京蔥同醬料一齊食,十分惹味~不錯~賽螃蟹---都係呢度既招牌菜,必食,非常滑,有少少蟹肉,都算幾大碟下~~好好味~仲有個叔叔會幫我地落埋醋撈埋,幾好服務~推介~糟溜魚片---魚片好滑,幾清淡,有d酒味咁,酸酸甜甜,好味~火腿津白---津白淋身易入口,火腿咸左d,要兩樣一齊入口先中和返~~北京餃子---呢個又係正,皮厚度剛剛好,入面冇湯,但肉餡十分多汁,而且好新鮮,非常好味高力豆沙---送甜品,普通,凍左,不過送既,算係咁啦~食到好飽,都係600幾埋單,唔算好貴,服務都ok,d 人唔會黑面,仲同你傾兩句添,幾滿意,有機會會再黎~~

同朋友一行十四人星期五去食北京菜, 是晚絕對爆場..座無虛席.. 先講頭盤, 一向愛食燻魚, 但這裡做得不太好, 汁少....有d乾..其他如....醉雞入味, 海蜇爽口.. ...好快被清碟!賽磅蟹勁搶手, 一個字滑, 唔覺多油...撈埋蛋黃同醋, 送飯一 流, 可惜個餐沒有跟飯, 京菜主食係餃子, 所以不足為奇....忘記名字, 炸四寶, 有茄子, 菇片,肉片等,. 十分香口, 因我們男士多, 個個都讚不絕口!!雞煲翅, 非常足料, 又夠火侯, 送埋大包裹雞肉食.......妙!!!煎桂花魚, 小女第一次見咁大條既桂花魚........魚滑, 汁唔酸, 連不愛食魚既男士都食指大動!!片皮鴨, 肉皮不分(同在北京食時一樣)...最快被清碟......我比較喜歡連肉食, 個人喜好...所以這裡正合胃口!宮保蝦, 全晚最差....友人說" 唔講係蝦, 都唔知原來係食緊蝦"........食完湯圓....侍應伯伯見我們既男士唔太夠飽, 全動送我們高力豆沙, 超讚!!! ....總的來說, 服務幾好, 食物中上 !!!!

今晚同frd去食,第一次去~ 都係食評最多人提的那幾樣啦...賽螃蟹, 窩貼,火腿津白~~下面大量食評提過,唔提了~~原先想食北京填鴨,但係最細都係中size,得小貓34隻實食唔哂,留番下次吧~反而係個松子魚~ 諗住叫個小既,都係例牌size,點知...黎到... 真係..大到..可以同一大碟菜胆雞連菜既size有得fight!!考起我們幾隻小貓既食量了...最後都剩底少少...美中不足係..我食到幾舊粉..要扣少少分..這兒唔單止好味,d service真係好得~尤其係serv我們那個侍應叔叔~~完全值得我捱眼訓去打這份第一篇食評!!1. 唔小心過左booking time先到,雖則都等左陣(10分鐘啦),但係部長都比我們入先,比前面那幾個人walk-in早入左少少~~good~+分!2. 諗住點高力豆沙做甜品,點知order既時候侍應叔叔話送比我們~~ 正!! 散叫都有甜品送~~ +好多分啦~~ 而家連酒樓都唔送飯後那些溝左唔知幾多次水既糖水啦,這兒仲有甜品送,仲要同正價既同standard,抵讚~3. 我們剩下2個高力豆沙,傾左成個字先決定由frd take away~問侍應叔叔

尋日(26-3-2009 Thur)因爸爸去睇醫生,住家人都會一齊食晚飯,所以約佢o地o黎食.今次我唔叫套餐喇,8:00pm同男友上到o黎,家人未到,就慢慢睇吓menu先,但其實已諗定叫咩食,8:15pm全家到齊後,就叫:2. 山東燒雞上星期五食過,覺得好食,所以要encore. o黎到,依然大大碟,今次被亞叔淋晒啲汁上去,咁樣好似好食過要自己蘸,味道濃郁啲.而呢個全家都讚,姪女更係咁食,用汁送飯就一個人食晒成碗,真係勁.1.凍豚肉粉皮要食粉皮但唔想食雞,因為好多o野都係雞,所以問亞叔重有咩肉o既粉皮,佢就話凍豚肉,啊,好吖,就呢個.o黎到,唔係伴以麻醬,而係帶少辣o既汁,食落,粉皮好滑,豚肉OK.7. 北京填鴨又係北京填鴨,原本我唔想叫,但大哥話呢間最出名o既唔叫?咁就叫啦,爸爸話呢個唔錯.3. 8個叉子呢個係朋友叫我一定要叫o既,o黎到,冇肉碎伴上o既?我o地就加京蔥爆羊o黎食,叉子本身冇咩味,不過就幾脆口,一定要伴入其他餸o黎食,我o地覺得伴賽螃蟹好味,男友就覺得用大蔥蘸烤鴨醬食最好食.4. 賽螃蟹都係同上次一樣,爸爸都話好食,6. 京蔥爆羊佢同叉子一齊上,呢個味道冇想像中咁濃,

尋晚(21-3-2009 Sat)同男友,男友人LKW一家四口,男友人J,女友人H同佢老公一行九人,約o黎呢o度食晚飯,o係等人期間,侍應一直催我o地落單(但都好聲好氣o既),建議我o地要個8至10人餐,我話想要山東燒雞(因有朋友推介),佢話可以將炒海蜇頭改o左佢,亦唔使加錢($70.00),啊,咁我o地就叫呢個$1,580.00o既餐啦.不久,就上菜喇.1.山東燒雞都唔細碟,有蒜汁伴上,我蘸o黎食,蒜味唔重,而就算唔蘸汁都好食,雞肉夠滑,個個都讚.2.醬蹄素鵝呢個好突出,素鵝出奇地好食,因佢本身已經好入味,唔似其他o既素菜咁,只有腐皮味.而醬蹄亦唔錯,蘸埋微辣o既蒜汁更好味,推介.3.賽螃蟹侍應幫我o地撈好,食落,今次好味啲喎.蛋白滑滑又夠味.4.砂窩雞飽翅好足料呀!有雞,有好多翅,筍,金華火腿同菜.湯好清甜.而個飽好大個,可惜凍o左,裡面就係一糰冇味o既粉.5.北京填鴨鴨已經唔熱lu,不過唔漏,OK o既.6.松鼠桂魚味道唔太濃,男友話酸甜味適中,魚都炸得脆,唔錯.7.錦繡蝦仁腰果脆,呢個味道冇問題,有好多蝦仁,都係足料.8.冬菇鮮蘆筍蘆筍新鮮,呢個好好味.9.鮮肉水餃一咬開,有肉

28 FEB,2009今天是family day, 成家人,7個人黎食飯...家姐早前已經訂好枱了.是一間上樓酒樓,要上一條好窄既樓梯,地方不大,頗迫.聽說這裡是從來冇裝修過,樣樣野都keep到而家...所以都幾有特色!家姐點了一個六人餐 $1150那個.....如下:雞絲粉皮: 佢幫我地撈埋....都好好味,好快清哂~賽螃蟹: 正!!!砂鍋雞鮑翅: 用料足,份量又多,每人都差不多飲了三大碗!!! 仲清左佢食雞, 正!!!北京填鴨: 好大碟,好好味,個亞叔見我地唔夠個d皮包,仲送多碟比我地包,正!!宮爆明蝦: 比較普通,可能已經有d飽了,haha冬菇蘭花北京水餃甜品 (高力豆沙): 我還是喜歡拔絲香蕉 我們仲另外叫左個"拔絲香蕉"...夠哂脆,正!!我們是為了想食北京填鴨而來的,所以這裡是一個好地方!!!! 推介!!!之前在openrice見過話服務麻麻,但serve我地個個亞叔超好人呢~還會說笑~讚!!!

我本試過食1餐飯係咁趕嫁~~ 之前同d 同事黎依度食(之前book 左位既) 1黎到其實唔知係咪早. 都未full la~. 但佢比我既feel 就好趕la~先係趕住落order. 剩係比1個餐你, 係咁叫你落依個. 我地驚6人餐唔夠7人食. 所以由"雞絲粉皮"改成"手絲雞". 之後佢地上菜真係好快. 依頭落單, 無幾耐就上菜啦. but 個feel 都係好耐. 我地想影相, d 伙記又係咁話食完先影啦. but 之後佢地都有幫我地影. but 成日都係果句囉: 食完先影la~. 整體上d野食ok 既. 食北京填鴨, 食完d青瓜都會幫你加. 上晒菜之後, 佢地仲會送埋高力豆沙比我地食既. (其他野因太趕都唔記得食過d咩)但可惜佢真係比人有好趕既feel. 食到咁上下又幫你轉細碟可以快d 上其他菜咁.本身諗佢如果成個場full 趕住比位客都會明既, 但我地明明見到佢隔離果張台都未有人坐, 就係咁趕住我地食. 就真係過份d 囉.返正由坐落到食完埋單都係1個鐘多d. 真係太趕la~

第二次光顧此店，同樣座無虛席，上次訂6:30pm，今次訂8:30pm，所以要在狹窄且越來越人多的樓梯等入座。8:25pm到達，8:45pm才能入座。坐下發現環境如上次般嘈吵，冷氣一貫地凍。在非常肚餓及侍應的“落力介紹”下點了$700多元的六人餐。大部分食物都不錯，不是非常好味也不難吃，可是京滬菜難免多油。六個人吃六人餐另加一個腰果雞丁，非常非常飽且有吃剩！埋單每人$155吃得撑著肚皮走都算很ok。其實侍應都並非沒禮貌，只是太旺場趕交枱給下一場顧客才催促你。今次還反而覺得他們幾好人，例如：會教你放那種及多少調味才好吃；見我們北京烤鴨的粉皮吃完但還有鴨剩下會主動加粉皮給我們；我們打算叫白飯時勸告我們會吃不完等等…上菜及收拾快是他們效率高吧?其實真的不是很特別，不明白為何每天座無虛席?

訂左八點枱食朋友既生日飯，但黎到仍要排隊等位，因為好多客，有些是外國遊客。店子裝飾古式古鄉，未食野已好有中國feel，而店員都係上年紀既叔叔，令人覺得呢度既菜一定好有中國風味。我地要左個餐再加小菜：賽螃蟹：正到爆！蛋白十分滑，店員幫我地撈d調味汁入蛋白度，酸酸地好醒胃，撈飯食會超正！我地個個爭住食，共要左兩碟。雞絲粉皮：粉皮幾滑，店員幫我地撈入幾樣調味汁，幾好味。燻魚：魚肉頗嫩滑，甜酸度適中，正。北京填鴨：粉皮太厚身，食兩件已好飽，但唔用粉皮包住食又會好肥膩。宮保蝦：酸甜汁好味，炸粉加入左糯米粉，食落煙煙刄刄，但炸粉太厚，食完濟濟地。小龍包：皮較厚身，唔夠汁，麻麻地。薰蹄：食落無肥膩既感覺，而且肉質爽身。砂窩雲吞雞：雲吞皮好滑，餡肉鮮味，但因為太飽已食唔落雞了。高力豆沙：唔熱而豆沙餡少，差！食到十點，大家都好飽，但店員不斷催要執枱，快d食埋個生日蛋糕，因為十點半關門。呢d服務態度真係老店先有‧‧‧

第一次來, 朋友已經訂左位, 不過還是要等二十分鐘左右, 可能是星期天的關係吧.一行九個人, 叫了個八至十人套餐上菜速度快 先來一個冷盤最好吃的是賽螃蟹 是我必吃推介 雞燉翅也夠火喉 片皮鴨的份量好像少了一點不過此處並非慢慢聊的好地方因為侍應會給你一種催逼的感覺他們都是老臣子 上菜收碟乾脆利落但老店始終坐無虛席