北京酒樓 (Closed)

踏進門口, 等了等, 有位大叔問幾位呀? 之後竟然沒反應不理我, 再來另一位帶眼鏡叔叔再問, 才給我位子, 後來又叫侍應給嬰兒座椅, 一聲不響走掉, 究竟有沒有聽到? 還好原來有聽到, 亦有給我們拿椅子, 基本上除了一位帶眼鏡較瘦的大叔外, 其他全都一樣黑面, 跟他們說話總沒反應5大人, 1小朋友, 點了:1. 北京填鴨 : 肉比皮多, 微暖, 鴨皮還算香脆, 包鴨的麵粉皮厚得可以, 一點也不軟熟2. 海哲 : 比想像中大碟很多, 一般的味道3. 回窩肉 : 我一向不喜歡回窩肉, 所以未能評價, 不過家人都認為不合格4. 宮保蝦 : 如果合上眼必定吃不出是蝦, 不爽口, 不彈牙, 沒蝦味5. 甜酸魚塊 : 味道跟宮保蝦差不多, 優點是炸粉不自厚6. 炒豆苗 : 豆苗應該是很嫩滑, 可這碟是入口有粗糙感, 好像有菜渣的感覺7. 砂窩雲吞雞 : 有半只雞, 雲吞不少, 可味精應該不少, 吃完口渴得很8. 甜品 : 芝麻湯丸, 來了一窩, 樣子已經不討好, 一粒下肚, 怎麼味道怪怪的, 有一點異味, 然後我妹妹吃了半粒, 也有同感, 然後我媽吃, 說曱甴屎臭味似的 !!! 想討

八點鐘去到唔洗點等,要搭枱,環境嘈雜叫左二人餐,本來驚唔夠食,想再叫其他野,但係d伙計好好人話比我地聽"兩個人食好飽架勒,唔洗再叫啦,食完唔夠先叫啦"上菜頗快賽螃蟹:蛋黃香蛋白滑,有水準北京填鴨:塊皮睇落厚,食落都算薄,同埋好夠軟身奶油津白:都OK兩個人食左半個鐘就要走,因為個伙計會叫你"食左甜品先呀","埋左張單先呀"..埋單三百蚊多d,真係好飽,好彩無再叫其他野

翡翠蝦仁: 那件蝦仁可以呀.但不出色北京填鴨: 唔熱.但味道和包著餡的皮幾好食1..- 賽螃蟹:不件醋會好很多.- 砂鍋雲吞雞: 幾好...大家可一試..北京炒麵:無試.但賣相唔吸引.- 小龍包 (沒蒸籠的感覺蠻奇怪喔!): 但肉汁很豐富.試呀.- 甜品 (高力豆沙) 味道好.但比較外面甜品專門店始終失色一點. 因為這裡用砂糖代替糖霜..又總是QQ 的感覺..HAHA整體來說.試下無妨.

位置：很隱閉，要上一樓，不懂看路牌的請找人帶路。環境：中國傳統特色服務：比想像中好有醬汁既菜式佢會幫你撈埋，我要影相，佢都等我影埋先食唔晒，連湯佢都話可以打包(不過最後我地自備了環保盒)食物：足料、美味注意事項：1. 只收Cash2. 繁忙時間請預先book位，並準時抵達。-------------------------------------------------------是次order：1. 6人套餐 ($7xx) - 雞絲粉皮 (粉皮略嫌太粗) - 北京填鴨 - 賽螃蟹 - 宮爆明蝦 - 砂鍋雲吞雞 - 小龍包 (沒蒸籠的) - 時菜 - 甜品 (高力豆沙)2. 松子魚 ($150)3. 海蜇 ($64)總結：絕對值得一試

28-11-2008 FRI2個中學同學為我設下補慶祝生日飯局~右埋我honey & 另一中同既honey一行5人~!由於之前一直都未唸定食邊間..所以當日中午才著手訂枱.先打去"鹿鳴春"...: "sorry~已經full左..!"再打去"泰豐廔"...: " sorry~已經full左..!"最後再打"北京酒樓"...如果又full埋都唔知點好...幸好.....聽電話的叔叔,問我幾多個...我話5個...佢就話有啦...不過只得8:30pm....冇其他時間啦...我梗係即刻話得啦!!!呵呵~8:20pm分到去到....應該d枱未埋單..所以未有枱/等到8:40pm度...終於有枱坐低啦.不過要搭枱...眼見全場full晒...咁就唔緊要啦...幸好同搭枱的4個人.並沒有好似茶樓飲茶咁高聲喧嘩~!我地一行5人..心思思唸左好耐...都渣唔定主意叫咩食..當中緊係有俾d伙記吹落單啦.~不過又唔係冇禮貌嫁喎..最後決定散叫..果然落單後唔夠5分鐘就已經有菜上枱....勁!!!***雞絲粉皮~$50***落完單5分鐘即到就係佢..!賣相都幾好~一上枱,侍應會幫你落野的.好似係醋,佢幫搭

是晚，跟一位熟悉北京菜的猛人來到北京酒樓搵食，點菜自然由他去發板。佢話唔好叫套餐，散叫喎。無問題，由他揸旗吧！第一味來到的是糟溜魚片，一睇就知對辦。佢沒有像現今酒樓咁勁放酒，而是酸酸甜甜的味道，魚片滑溜，還有幾爽口的木耳，是很正宗又好味的京菜。再來的是蒸餃，一碟有八隻，是豬肉餡。吃下，皮脆餡料正，肉汁得以保持，算幾好的。美中不足的是豬肉用機攪碎，如果係手刴的話，口感會更加好。腰花又是另一道不錯的菜色，豬腰爽口得來又不會過韌，亦沒有渣的。腰花連蔥花食，最為合適。全晚唯一要彈的是鍋塌雞片，其實雞肉是好嫩滑的，沒有半點"鞋"口的感覺，份量又足。可是雞肉過咸，有點吃不消。贈送甜品高力豆沙，不過我們只掛住傾計，甜品也放涼了，否則會更好食。

友人邀約參與其家庭飯局, 有得食唔怕唐突, . 原屬意鹿鳴春, 但提前三天預訂八人桌只有九時半以後. 泰豐廔我說味道大不如鹿, 友人謂"何不試試北京酒樓", 即成此美事. 將原來的八人套餐改一下, 換了山東燒雞, 再添一個沙鍋雲吞雞和鍋貼就好.1. 三色拼盤: 水晶肴肉, 去骨鳯爪, 卤豬腳. 三道都做得出色, 尤以肴肉香嫩而不膩, 甚好.2. 山東燒雞: 皮是夠滑了, 雞肉只能算是不鞋口, 嫩是說不上了. 重點是蘸汁, 甜中帶酸, 力保這道冷菜.4. 賽螃蟹: 以味精代鮮, 白代肉, 黃代膏, 佐醋同食. 這炒蛋的味道果然賽過螃蟹! 調味細緻處尤在鹿鳴春之上.5. 松子魚: 去骨起魚柳而成, 除了啖啖肉的口感出色外, 甜酸汁的調制得宜, 惹味而不膩.6. 填鴨: 只屬中規中矩. 皮不夠酥, 鴨油不夠多.7. 雲吞雞: 或者說是餛飩雞比較合適吧, 料子是豬肉不是蝦肉. 以鮮雞加火腿熬湯去餵, 鮮甜的味道無懈可擊. 這才是真正的砂鍋雲吞雞.8. 翡翠蝦仁: 即西芹炒蝦仁, 原以為是宮保蝦仁, 應該是侍應搞錯了. 也罷, 蝦仁晶塋透光如白玉, 爽脆甜兼俱. 縱特色不如其他, 亦是道得當的菜

第一次幫襯北京酒樓, 其實係 係月頭,但就唔記得咗寫食評, 等我今日補返先!!去之前已經上黎呢度睇下 d 食評, 通常都係比人話趕客, 服務油麻地,由於我地係要去慶生日, 所以一個禮拜前已經卜位, 同埋講明會帶個蛋糕去食, 同埋問佢定佢會唔會趕我走, 佢地就話我果日係平日, 會好 d ge..............當日係禮拜三, 我地五個人去, 上去之前都有 d 擔心, 因為怕無位,因為我覺得果訂枱過程有少少兒嬉!但好彩上一到去就已經有位, 我地卜左七點半, 三個人先上, 另外兩位過多十拎分鐘先到,咁佢地都無話要我地人齊先比枱我地, 坐正係近門口 ge 中間!!雖然我地只係得五個人, 但只係見到佢有六人餐, 咁六人餐就六人餐, 六人餐都有唔知三款定兩款, 只係記得有一款就 1150, 另一款就七百幾蚊, 分別係無咗個雞飽次囉, 但我地怕六人餐會食唔哂, 所以叫左個七百幾蚊果個, 咁樣就算食唔哂都無咁肉痛嘛!!內容有: 雞絲粉皮, 賽螃蟹, 北京填鴨, 宮爆明蝦, 雲吞雞, 時菜, 小龍飽同甜品,一叫完, 轉個頭個粉皮已經黎到, 都未黎得切影相, 個伙計已經好快手咁同你撈醬, 食到一

自從幾個月之前認識到北京酒樓今次已經係第２次帶friend 去喇，　人未齊之前先叫個醬牛肉（細）＄４８食住先，原來即係牛展，　不過份量都幾多，　味道不過不失啦．後來叫左個６人餐，　有片皮鴨, 蝦球，賽螃蟹, 雞絲粉皮,小籠包 等等片皮鴨　－　北京酒樓片皮鴨多肉小皮，　我就prefer 多皮小肉，　香ｄ麻 (先忘記卡路里既問題　)　我最鐘意食呢度既賽螃蟹，　有蛋黃香，　又滑，　好多地方都炒到死實實嫁其他幾碟都ｏｋ服務方面，　呢度咪等如普通街坊酒樓咁上下law, 我去過幾次，　待應叔叔既態度都冇咩問題吖，　你當然唔可以expect 有酒店級既服務啦有一次我幾個女仔黎，佢地仲會好風趣咁我地講笑呀，　唔明點解咁多人話，　受過佢哋氣？

冬天嘅炭爐涮羊肉係好玩又好食！其實耐唔耐都會想去食吓佢,但起碼要四個人去先叫到想食嘅餸,因為份量都幾大:山東燒雞----呢個係食咗咁多次味道都無變嘅!強勁蒜蓉味真係食完兩日都無人敢埋身！唯一分別係隻雞愈來愈細隻....無乜肉食。糖醋排骨----類似甜酸炸豬柳多Ｄ,唔係好食又未致於入唔到口.(個樣同糖醋魚一樣）片皮鴨----呢個真係食咗己經飽一半!大大片肉但又無咩肥膏加埋塊薄餅靑瓜大京葱包住食都幾滯吓!缺點係唔夠熱!鍋貼----皮脆內多汁!佢係炸多過煎所以個底好脆,但凍咗就變硬,要趁熱食！一碟十幾隻抵食!什錦鍋----等於雜菜粉絲煲,清清地無咩特別京燒羊肉----羊肋排夠入味乾身,好食!合桃露加湯圓----呢個衰咗喇!炒燶芝麻湯圓!同個合桃露好油好大陣"烘"味!舐咗一吓就放低!樣嘢好奇怪,好多人話Ｄ阿叔惡頂,服務差,但我又唔覺喎!成晚同Ｄ阿叔有講有笑,

看看圖二中筷子上的魚翅，雞煲翅絕對係俾足料之作！圖三是我們七個人食剩嘅片皮鴨，還有鴨殼一個帶走，後天早上給老媽煲粥，又唔浪費又好味！

中秋提早左兩星期做節, 上星期日去左呢間老字號, 諗住食水準唔食裝修.book 左8點, 等左十二分鐘就有檯, 算係咁喇! 冇book檯就一定冇,佢講明嘅!我地9位, 叫左個$11xx 套餐. 有:賽螃蟹 – 不過不失, 大碟夾抵食.冷盤三寶(醉雞、海蜇及熏蹄) - 海蜇爽脆, 熏蹄香軟, 不錯.北京填鴨 – 雖然肉比皮多, 但正合我地注重健康一族, 而且皮下沒有脂肪, 省卻不少我的起肥工夫! 所提供的餅皮同配料份量亦足, 侍應叔叔仲成日話唔夠可以再比添! 松子魚 – 好好味, 就算淋上左汁都好好好脆, 我減肥都食左兩件! (罪過)火腿津白 – 鮮甜, 夠淋.豉椒鱔片 – 本來套餐餐牌寫係 “油爆鱔片”, 但我怕肥, 問侍應叔叔可唔可以改, 佢好快咁應承左我, 唔會好似其他酒樓咁話要check check, 真係有效率! 可惜, 碟豉椒鱔片真係好油, 個碟底餘下d 油可以炒多碟菜, 所以食唔晒! 蝦球西芹腰果 - 蝦球又大又爽, 腰果又脆. 砂鍋雲吞雞 – 等左成餐飯, 最尾先來飲湯, 大家都飽晒. 不過, 個湯好鮮甜, 最驚喜係d 雞肉依然好滑, 我都食左唔少! d 雲吞就普通啦.

周末前的下午，用了積存的Time-off 放了半天假期，已預早约定食友一行七人在北京酒樓一起開飯，在附近住的Y君已預早訂枱及預留了一煲雞煲翅。 我老遠的從新界趕過來，抵達時其它人已到齊並正在千筷並舉，在夾着剛上枱的山東手撕雞，我二話不說便加入戰團，不過手撕雞很大只，份量夠八個人食。今餐吃了以下食品:1. 山東手撕鷄 可能晚了一些到，雞肉凉了香味不夠，好像是用冰鲜雞，没有鲜雞味，味道一殷。2, 雞絲粉皮 - 粉皮做得夠薄加上蔴醬夠香濃，入口爽滑。3. 北京填鸭 之前有人說這裹的片皮鴨的肉太厚，其實正宗的片皮鴨就是這般的，鸭肉燒的很香口，以包皮捲着鴨匆件加上山東大蔥及自製甜醬，大蔥中和了鸭肉的油腻感，入口香蘇可口，我吃了最少六包了！4. 雞煲趐 以一個大砂煲原煲上，份量很大每人可分得超過兩湯碗，煲内湯料豐富有光雞一隻、起碼有十多両趐、金華火煺等，看看背景黃衣食友筷上的翅針可見用翅量不少，乳白色的湯水很清甜绝不油腻，相信厨師在上枱前已捌取了湯面上的雞油，火腿的質素好像不及澳門龍記的那麽香濃，而且侍應没有攪拌，所以後來喝的一碗才有火腿肉。 不知為甚麽會跟幾隻大包一起上，

星期五晚上，一行9人到此晚餐。點了比較便宜那個8-10人套餐，記不起全部菜式，只記得：冷盤三寶：醉雞、海蜇及餚肉 (醉雞味較淡，餚肉晶瑩頗美味)北京填鴨 (鴨片是比較乾，但加上醬料配料吃起來也很好味，而且不油膩)賽螃蟹砂鍋雲吞雞西芹炒蝦仁松子魚上海炒麵奶油津白高力豆沙 (吃的時候是冷的，不好吃；不知熱食會否加分?)好像還有其他但忘記了9個人男女比例平均但吃不完所有菜！而且很飽！所以勸奉大家點了套餐其實就不用點其他食物。我覺得味道其實沒什麼特別，跟金滿亭、翡翠拉麵小籠包等差不多吧！很多人都說服務生態度差，其實他們真的是豪邁，我認為是這餐廳的風格及特色呢！而且點菜及上菜時都幾親切及風趣呀！不過他們的生意真的很好，服務生見我們停手不吃便很客氣地問我們能否盡早結賬離開，說外面還有很多人等候；離開時大概9時，但真的還有很多人在等，樓梯站滿了人，甚至有些人在樓下等呢！想光顧這餐廳務必訂座！

4-8-2008(Mon)晚我打電話去book22-8-2008晚7:30pm六人枱,因為我怕佢會full晒.聽電話o既亞叔最後問我記唔記得o架?重有十幾日喎.我笑答:記得,你唔好唔記得我呢個booking就得喇.咁佢都笑笑咁收線.到今日22-8-2008(Fri)打風日,5:20pm接到個電話,係一個廣東話唔係好正o既人打畀我,佢話佢係北京酒樓,唁好意思因為今日打風,所以佢o地唔開,下次有機會再o黎幫趁.我自己都唔好意思.啲亞叔其實係冇乜o野,就只有不拘謹o既豪氣,就係咁被人誤會o左冇禮貌同惡死,下次有機會我真係會o黎.因我上年9月都o黎過.當時食評: http://www.openrice.com/restaurant/commentdetail.htm?commentid=178467