半島漁港/阿翁火鍋館

Open Now

Now Closed

尋日放假上左去住將軍澳嘅朋友屋企打麻雀，大戰左10個鐘頭之後終於散場，因為打到午餐都冇食，所以大家都特別肚餓，朋友就話屋企樓下有間新開冇耐嘅酒家不如去試下，跟住4條友就落樓了，去到後原來係一間叫「阿翁火鍋館」的酒家，門口知客就問我哋想食小菜定打邊爐，我地睇完門口餐牌一致決定打邊爐，最重要嘅原因係寫明《無限時》可以慢慢食慢慢傾，講返呢度嘅環境新裝修都幾富麗堂皇，枱與枱之間好有空間感，唔會擺到密質質，坐得好舒服，飲品方面火鍋放題當然啤酒汽水都係任飲啦，嘢食我哋叫左個雞煲(可無限加雞的)，雞件惹味嫩滑辣度適中好食，我哋仲追加多咗1 round添，跟住陸續送上呢個餐包嘅刺身拼盤有: 三文魚、希靈魚、墨魚同北寄貝；海鮮拼盤有: 蟶子、生蠔、海蝦、青口同龍躉片，刺身同海鮮拼盤都好新鮮 跟住再嚟鮑魚同鵝掌同樣出色牛頸脊好有牛肉味，睇啲紋理就知係靚貨，水餃皇就足料蝦肉爽口彈牙，其他任食配料如: 美國肥牛、豬肉片、羊肉片、鵝腸、蝦滑、魚皮、竹笙同墨魚滑都水準唔錯，特別推介鱔片同脆鯇片，因為太好食嘅關係我哋都叫咗好多轉，肉質非常爽彈，呢間阿翁火鍋館無論食物質素同侍應服務都好好，今餐打邊爐我地真係好滿足又好

朋友住將軍澳, 佢介紹去食中菜, 坐得舒服, 去到估唔到咁大間, 睇到餐牌有$1優惠, 至尊燒鵝皇1/4隻, 即刻叫碟先, 燒鵝皮好有光澤, 食落皮脆肉嫩，有成隻大鵝脾, 肉質好滑, 餸飯一流, 小菜叫了非常開胃的脆皮菠蘿咕嚕肉$138, 估唔到係原個菠蘿上枱, 咕嚕肉既皮好脆口, 肉質夠淋, 最欣賞係用新鮮菠蘿炒的, 好清甜, 份量都多, 菜叫了金銀蛋莧菜$98, 有濃湯墊底, 莧菜索晒啲濃湯味道。最後驚喜, 還有糖水送, 今日係紅豆沙, 唔會太甜, 好味。

呢間位於將軍澳廣場嘅酒樓終於開幕😍，今晚就專程帶屋企人去食番個晚市火鍋放題啦🥳.呢度嘅火鍋放題食物選擇好多😎，無論係飲品定食物都好豐富，而且重要係無限時🤩.無限時任飲任食 $298/位.重慶雞鍋估唔到呢度仲有雞煲可以食⭐️，重慶麻辣味夠曬香，而且雞肉又多件有夠滑😝.阿翁極級牛頸脊呢碟牛肉相當高質❤️，肥瘦均勻，咬落又唔會有筋，而且牛味都好出💕.刺身拼盤估唔到呢度都會有刺身食😆，而且種類繁多，仲夠曬新鮮添😗

今日行過將軍澳廣場，開咗間新酒樓阿翁火鍋館，見到門口大大招牌，任飲任食海鮮火鍋，非常吸引，一定要試吓🍻🐟入到酒樓裝修唔錯，座位非常寬闊，店員有禮貌💁‍♀️先來一個雞煲，唔會太辣，雞肉嫩滑😚海鮮火鍋拼盤，有生蠔，聖子，蝦，龍躉片和青口，配埋鴛鴦湯底，材料又新鮮，真係好味😋每人一份，鮑魚鵝掌，鮑魚夠淋，鵝掌入味又唔黐骨😇一定要試吓，這裏的水餃，大大隻，材料十足👍我們還叫了響鈴，炸魚皮，蟮片，菜…..都好好食😊這裏啤酒汽水任飲，真係想唔飽都幾難😄😄

這酒家位於將軍澳站附近，剛剛新張不久，難得跟男友二人剛好放假，便來試一下。下午二時已經是下午茶時段，等位很快，因不足四人是要搭枱。（我個人不太介意搭枱）菜苗鮮蝦餃皮薄餡靚，菜苗夠嫩，沒有渣也冽又有苦澀味蝦肉鮮爽彈牙，整體不錯。流沙奶黃包很久沒有吃過好吃的奶黃包了！當下非常驚喜！包點上枱時暖暖的，包皮鬆軟，甜度適中，有淡淡咸蛋黃的味道。就算包皮凍了，內裡還是流心。醬汁鳳爪炸鳳爪吸滿醬汁又夠稔，正常水準。份量也正常，有少許墊底的花生。個人不太喜歡墊底的不知名配料，這個還好。醬汁金錢肚醬汁偏甜，我覺得可接愛。金錢肚炆得夠稔也入味，老人家也應該能夠吃。叉燒腸粉腸粉皮夠滑，叉燒份量足。但整體味道一般。蟹籽燒賣我覺得挺好吃，但男友覺得偏肥膩。豬肉跟蝦肉混合得剛剛好，鮮味又彈牙。紅油抄手不推薦，不好吃。個人喜歡川辣的醬汁，這款不合我跟男友的口味。還有個咸水角，忘了拍照。咸水角味道不錯，正常水平。整體點心質素不錯，上枱都是温熱的。雖然是搭台，但大家也有足夠空間。全場9成滿座，平日下午茶來説相當旺場。服務也不錯，上菜速度適中，每次一兩籠，速度剛剛好。很怕一次過上太多點心，因為很快便會吹涼。清理枱上吉碟也

收費：周一至四每人298再加一環境：一般酒樓，闊落嘅上菜速度：好似好抵，但四人一枱嗌肥牛，寫一碟嚟兩塊；於是寫兩碟，都係嚟兩塊；忍唔住寫六碟，嚟四塊。雖然冇限時，不過一個鐘內除咗佢提供每人一份嘅嘢之後，我哋一共寫咗九碟肥牛，嚟咗八塊。至於其他食物，一係等好耐，一係直接冇出現，情況就可想而知⋯⋯食物尚算正常，不過如果想任食嘅話，應該冇乜鋪頭可以上菜上得咁慢同咁「孤寒」。中間更加追過工作人員三次，最後出動經理先上多八塊肥牛。呃，應該好難有下次⋯⋯

今日同女友係將軍澳食飯，大家又覺得放題/打邊爐悶，網上搵到一間平日$1燒味優惠，我地覺得抵就試下店內乾淨清潔燒鵝即場製作，$1又好吸引，所以叫左閒日仲有其他優惠，平！我地揀左龍蝦伊麵$398餐，雖然特價餐，但份量很多，龍蝦份量多，啖啖肉，而家肉質唔硬，不會像橡膠咬不開，配上湯好食主角出場，燒鵝夠熱即整，皮汁多夠脆，肉質都嫩滑，出面這樣食都要$100，真的抵火腩炆大鱔煲，火腩大大件不會散開，肥瘦適中不錯，大鱔肉厚嫩滑有鮮味，火腩肉味夠，咸鲜惹味，夠鑊氣蒜蓉菜心蒜味夠，夠晒爽甜埋單食左咁多野先479，我地食唔晒要拎走，食物質素不錯同坐得舒服，值得下次再來惠顧

好耐無食過中菜！知道附近新開左間酒樓，就同爸媽黎試下！酒樓格局好開揚，闊落又光猛，都坐得幾舒服一坐低梗係睇下食咩啦！其實黎之前已經睇中左呢個$398既2-3人餐，有蝦有魚又有燒味，好似幾抵食！仲有呢個$1優惠，無理由唔食架？！首先到既係$1既至尊燒鵝皇，呢度係1/4隻！燒鵝個味都夠，肉都嫩滑，側邊個酸蘿蔔都用黎去油膩感岩岩好，如果個皮都脆就正啦！不過$1真係好抵食呢個係餐入面既例牌燒腩仔，肥瘦均勻而且個皮都係脆既！幾好美極煎鮮海蝦，好香味道比較濃，個殼都脆卜卜可以食埋，唔錯呢個係龍躉兩味入面既蒜子陳皮蒸頭腩，龍躉肉厚，個皮夠煙韌，又唔會蒸得太老，有淡淡陳皮味，都幾好味第二味係油泡龍躉球，呢味好夠鑊氣，又有少少菜中和下，唔錯夾埋差不多$500埋單，3個人5個餸，飽晒！

襯週末同家人飲個茶，見哩間酒樓新開，諗住去試下裝修同上一手（煌府）差唔多 事發6月13日去飲下午茶叫咗一碟牛雜、燒腩麵、叉燒酥 第一碟嚟嘅係牛雜：平心而論，味道同份量都正常水準 👌🏻 然後戲肉嚟喇！ ！第二碟係燒腩仔配麵 嘩！！！ 🙀舊燒腩仔係生㗎！ 真係仲係粉紅色嘅肉！嚇咗一嚇。即刻叫部長嚟，佢自己見到都有點疑惑.. 於是就話換過第二碟。（唔記得咗影相！）牛雜食得7788 ，都等咗半個鐘，另外兩碟未嚟 就叫樓面姐姐幫手睇下單。得到嘅回覆🙎🏻‍♀️：叉燒酥無咁快㗎，燒腩仔幫你追單比燒味部鬧呀…. 既然樓面姐姐咁講，就唯有搵番頭先「生燒腩仔事件」果位部長跟進啦… 點知過咗20分鐘都無嘢食到，又無回應，於是不厭其煩再問多次。 👨🏻： 幫你跟咗，燒味部話生嘅咪唔好食囉！無㗎喇，幫你取消咗喇！叉燒酥賣晒啦！ 都無喇！ 🤯🤯：吓，我唔問你都唔講嘅？ 咁又唔問我轉唔轉其他燒味就取消張單？👨🏻： ……（沉默）🤯🤯：咁我地入嚟淨係食牛雜，又唔通知我哋啲野賣曬，淨係一路等…？👨🏻：…（拎起張單，畫咗啲野）哦！ 原來佢免我地一個茶位了事！事情仲未完結嫁！去到收銀再食多肚氣收銀姐姐見到免咗一位茶芥，又食得一碟

小米發現將廣有新餐廳, 即是以前富臨那個位置, 新店又是中式酒樓.    難得小米想食中式早茶, 所以我倆到酒樓飲早茶.  職員很快安排在內堂包房就座, 但這1號房是有7-8張枱了!   洗過餐具後, 發現 枱面有特價點心紙. 看到優惠, 馬上2眼發光. <一蚊都算到盡>的潛意識又出來了!  點了2個孖寶再加一籠燒賣皇, 快快交給職員.   不過等了很長時間, 還不見食物呈上. 房內几枱客人也在催單呢!  新開的餐廳, 職員還未完全習慣新工作環境, 是需要時間來磨合.   不過最特別 = 部份職員不熟悉FLOOR PLAN &枱號的位置囉!!!!    香煎蘿蔔糕  是小米點的點心.   3件蘿蔔糕, 2面煎得夠香脆但不油膩, 配辣油更美味. 內裡還有粒粒的臘腸, 帶著臘腸微微的甜味和玫瑰露酒味.    皮蛋瘦肉粥  軟綿綿杰撻撻, 即是SHOW ME YOUR LOVE的朋友, 無需太多牙力去咀嚼的食物, 就是小米喜歡的款式.  加入大量胡椒粉後拌勻, 然後小米就把蘿蔔糕浸在粥裡, 全都變成軟綿綿的食物了.    燒賣皇3件   小米看到顏色鮮艷的燒賣, 馬上起筷要搶

試新店中伏，今晚叫咗個$9xx（4人套餐），明白新開幕服務運作會混亂，（第一宗罪）“等了1個鐘頭”才有第一道餸菜上枱，都唔緊要。最後上甜品及埋單才是戲肉，（第二宗罪）送餐員話沒有紅豆沙給了4件桂花糕代替（一碗紅豆沙都$20，4件桂花糕幾錢呀？），問有冇其他甜品她話要問經理，（等咗10分鐘）“自稱經理的女士”話套餐甜品沒有寫明是什麼甜品，所以唔會有其他甜品選擇亦沒有其他甜品提供（真係串，下次可以給4粒方糖當作甜品），但隔離枱剛送上兩件紫米糕。之後，又叫“另一位男經理”來話有紫米糕給我，這時候，我已覺得沒有需要了亦無意思，去了埋單。這是什麼的服務態度？（第三宗罪）埋單時，前一位客人用Paywave拍卡付款，收銀員話他張卡有問題，之後要刷另一張卡付款。到我用Paywave付款時，又話我張卡有問題，真的忍夠了，我說是否你部Paywave機有問題，個個客都用唔倒Paywave，係就停咗佢唔好用啦，免浪費客人時間及質疑客人信用卡有問題。幫襯一次就夠了，沒下次。如睇完都去幫襯，又中伏就不要埋怨了。漁港高管有興趣可以睇下當晚的服務情況，我係6月12日晚上7時半入座，27號枱。