牡丹金閣 (Closed)

時不時都同屋企人黎呢間酒樓食晚餐，因為套餐有多種選擇，食物多樣化👍👍，男女老少都會揀到鐘意食嘅野。☺️☺️每次食夠幾百蚊又會再送優惠券😍😍，又可換1~2個鐘免費停車🅿️，員工服務態度非常好😉，勤力又有禮貌。總括而言，就係唔知去邊食乜時，就想去呢度🤟。值得推薦嘅係佢嘅象拔蚌，無論做刺身食或是打邊爐熟食，都非常好味，夠新鮮夠爽口，一點點腥味都冇。唔點任何調味料都已經夠美味！！！片皮鴨都係非常值得一試，外脆內嫩，配上京蔥醬料，包埋薄薄的皮，口感豐富多層次！

嘩！勁耐無食過點心啦🥴🥴🥴計計埋埋已經有成年啦😑😑😑今日一早諗住食個腸仔蛋做早餐點知經過酒樓……呀！😝😝😝果種掛住「一盅兩件」嘅情緒出曬嚟！👍👍👍💪💪💪飲早茶係爽嘅😆原來呢間酒樓已經轉咗手啦(唔知轉咁幾耐呢)我覺得食物質素比以前嘅好咗😛😛😛😛😛😛**銀針粉**好味，配料多🥰🥰🥰尤其是臘肉部分甜甜地，好開胃🥬🥬🥬唐芹都好香中和油膩感🥬🥬🥬**木魚茄子**🍆🍆🍆個名就話係木魚但嚟到變咗煎釀三寶茄子😅🍆好彩味道幾好🔥🔥🔥咬落去茄子心仲係熱辣辣架**皮蛋瘦肉粥**碗粥有驚喜雖然啲皮蛋比較少但食得出唔係索好曬啲粥先掉啲料落去🌞🌞🌞所以啲粥底好入味**燒賣**早市有特價$9·8就有一籠(2件)啦🌈**蘿蔔糕**超大件，有咗佢叫少個點心都得口感適中唔會一夾散開亦唔會太硬好多好多蘿蔔🥕🥕🥕但就無咩冬菇、臘肉等等嘅配料**點心拼盤**一籠有3款每款一件，包括:蝦餃、麥糕同粉果嚿麥糕我好鐘意質地比馬拉糕煙韌味道有啲飲白糖糕😇😇希望快啲可以再同一班親朋好友齊齊去酒樓食點心啦！😙😙

成日覺得元朗區飲茶平過其他地區好多，疫情未爆前，同屋企人黎交通廣場間牡丹金閣，午市正常價位，下午茶就超平。侍應推住特價點心出黎，要左炒銀針粉同煎腸粉，銀針粉幾爽口，煎腸粉煎得香口，勁夠豉油正喎。叉燒包熱辣辣夠鬆軟，餡料甜甜地幾好味。叉燒酥個酥皮好香脆，而且好大條，一條飽左。春卷即叫即炸，食左幾次都係熱辣辣的，餡料有豬肉蔬菜等，鹹鹹地咁囉。黑糖蜂巢糕，軟綿綿又煙煙韌韌，好香嘅黑糖味又不死甜，必食之選！點左燒味部嘅燒腩仔米粉，半肥瘦，皮脆鹹香，好好味噃，伴碟嘅蘿蔔好鮮甜無渣，哈哈，連配菜都好味。米粉就普普通通啦，無乜味嘅清湯底。藥膳雞腳勁香藥材味，湯頭超濃，雞腳煲了不少時間，軟身入味，好味到一滴湯都飲晒。鮑汁雞腳，一碗好似有六七隻？同勁多花生，個汁鹹鹹甜甜又幾好味，呢碟個雞腳同樣晒味好正。菠蘿生炒骨？定咕嚕肉？哈哈，唔識分。甜甜酸酸的醬汁好開胃，啖啖肉同鮮菠蘿，好味。豉椒排骨炒河，下午茶份量意外地大碟，好多排骨，醬汁調得好味，河粉不黏口，炒得好正。仲有乾炒肉片河，炒得好香口呀，肉片仲多過粉，點搞呀？哈哈。每次都點好多，但人均都六十零蚊，好抵食呀～

星期六早醒，就同媽媽飲早茶平時去開的酒樓飲到悶悶地，就轉下場啦點知要食到背脊骨落知客態度極差，有冇位都唔講聲，就帶人入去坐，搵左好耐先搵到張枱，點知茶都未叫，就帶多兩個客黎坐話搭枱咩事啊⋯ 一開始你唔講係要搭枱，真係接受唔到囉！大佬，明明仲係限聚令，一張4人枱，仲要玩搭枱，逼到咁⋯好難唔交叉感染囉！最嬲係，你完全無知會食客要搭枱！如果一早知，真係唔會食啊見到有客走左，有吉枱了，問可否轉枱？樓面同事黑口黑面話：得，不過都係搭枱。個下真係嚇親，咩事啊，咁的服務態度最後都係費事同佢嘈，到時可能要食口水大餐為免大家交叉感染，極速食完走人以後真係唔會再黎啊！

晚飯嗌咗龍蝦伊面同埋焗薑蔥蠔，個薑蔥蠔好好食，每人埋單平均唔使130 ，都食到好飽，仲有冬瓜盅，片皮鴨，位置喺交通廣場樓上，應該轉左手一輪，之前有一日去飲茶，都幾好食嘅

星期五晚上同屋企人一齊去食生日晚飯，六大兩小，1000蚊埋單，有冬瓜盅，片皮鴨，龍蝦伊面，幾好食，夠熱切埋蛋糕，就有壽桃包，都算幾抵，感覺上佢人手唔係好夠，但係個部長同埋個姨姨都幾好禮貌

晚餐，有很多雙拼架。店員不停sell set 餐，但我們不喜歡set 餐餸菜，所以不叫了⋯⋯燒鵝一隻味道又真的不錯菠蘿生炒骨，味道不錯，沒有什麼肥肉，爽口椒鹽魷魚，食落口爽口，都脆卜卜大龍躉兩味，最適合老人家吃。齋煲，差差差。粉絲，菜，少少云耳，完全唔掂蝦干通菜，味道濃郁，蝦干好好味兜兜白飯，熱辣辣鮑魚雞煲，雞都好嫩滑，只是咸了一點點，鮑魚也爽口，番薯糖水售罄，只有紅豆糖水，不太甜也OK。只是美中不足，賣單的時候，我們只有七個人享用晚膳，但是好彩，我們有看收據，見到收了12 位的茶錢，足足收多了60多元左右，真是不誠實，還是不小心。侍應同我們講：話收銀員不小心，收多咗。但是真的嗎？要認真說，客人不多。我們book 了1900 晚膳，2030 時埋單。全酒樓大摡只有十位枱左右，真的不小心？一定要check 單。

之前經常去裕滿人家幫襯，上個月光榮退場，變咗牡丹金閣！星期日諗緊食乜早午飯之際，就同老公提議去試試牡丹金閣，如果唔錯的話可以延續我地行去交通廣場飲茶既嗜好去到茶樓大概10:45，接待員見到我地已經主動安排入坐。老公有啲唔滿意係安排我地坐電梯走廊既兩人枱，少少對住出菜位走廊我倒覺得冇問題⋯大廳既枱梗係安排比4人或以上啦！坐低落柯打，點咗六款點心⋯咸水角、咖哩土魷、叉燒包、千層糕、牛肉球、鮮蝦菜苗餃！呢度仲keep住有雀巢芋角，依家好多茶樓唔做喇，識食既朋友可以黎食喇。第一款送黎既係咸水角呢款係我同老公摰愛，佢哋整得脆口而且唔係夾肥豬肉，真係食得好滿足。之後黎牛肉球、菜苗餃同土魷⋯款款新鮮唔濃味，好抵讚。最後上埋叉燒包同千層糕正吖~叉燒包唔係勁多獻果款，有叉燒食，包鬆軟。最開心係千層糕真係用咸蛋黃果款造法，唔係千層奶黃糕，實在太難得