Pepper Lunch Express (希慎廣場)

Open Now

Now Closed

Pepper Lunch個鐵板真係好熱，如果平日好趕時間真係食唔到。但咁啱今日唔洗返，好想食一個長長既lunch記得一定要瘋狂落啲汁，咁啲聲先會係咁滋滋響XD都仲係熟識既味道，同埋熱度，個鐵匙真係熱到癲呀，大家都要小心食用呀

今次食黑椒飯三拼飯，有牛啦，雞啦，同埋魚，我覺得啲牛好有少少吾淋啊，可能我擺喺鐵板嘅時候太耐啊。呢個飯系幾香嘅，最欣賞佢嗰隻蜜糖芥末醬，甜甜地撈飯幾好食。坐嘅地方，就喺美食廣場里面，噉人都比較多嘅。

今次係第二次幫襯Pepper Lunch，小去嘅原因係因為要等好耐，再去幫襯嘅原因係因為都幾好食上次等左30分鐘，今次等左45分鐘，我叫咗香蒜黑椒牛肉飯，加大左牛嘅份量，牛肉切得好薄，所以唔會嚡，牛肉味唔係好重，最主要係靠嗰調得幾好味嘅醤汁，要倒多啲汁先好味，但係食完後會覺得幾鹹，一定要加配汽水，配菜仲有好多粟米，同啲飯撈埋一齊食，幾好食，但係啲飯要快啲食晒，如果唔係煎得耐，啲飯就有啲變飯焦咁乾身，都好抵食

籌備很久的旅行✈️終於和朋友👭出嚟傾談細節，剛好每位朋友都在港島區工作所以我們就很方便地在銅鑼灣相約出來！ 由於傾談旅行的細節內容需要很長時間一般的餐廳都不允許我哋坐得太耐，所以我哋就選擇去咗希慎上面嘅樓上food court！諗住平日都冇乜人可以靜靜地傾下詳情點知一上到去人山人海幾乎都搵唔到一張空枱！喺言談間我們不斷聞到左右隔離很香的鐵板飯味道，就知道係邊一間餐廳傳來的香噴噴！談了不久我們被整個food court的濃烈氣味吸引著，所以我們決定一行四人即刻停止所有工作📖立刻排隊買晚飯吃！這間餐廳價錢💰非常親民一啲都唔貴，適合大眾市民或學生哥👩‍🎓！淨係聞到氣味已經令人垂涎欲滴🤤，真不愧這間餐廳人龍時常都咁長！我們一行人分別點了兩個一口牛扒拼漢堡扒和兩個黑椒一口牛扒飯一口牛扒拼漢堡扒🐮🥩首先配菜份量非常十足一大埋芽菜 豆和粟米，一口牛係生肉用鐵板熱力興熟會令肉質嫩滑鎖住肉汁，漢堡扒上面有一小許牛油可以令漢堡香滑之餘帶出牛肉味黑椒一口牛扒飯🐮🍚牛肉粒亦都一樣是生肉用鐵板興熟，佢嘅好味之處在於有黑椒碎佈滿整個鐵板，無論在牛肉粒上面或白飯上亦有很多黑椒碎還有少量粟米🌽和蔥花...黑椒碎受到鐵板

成個food court入面幫襯得最多次就係pepper lunch 學生餐嘅話價錢可能係全場最平個個 然後出餐速度都幾快 如果落單個陣漏左無話走蔥個d講返d店員都會幫手改返 嘢食都好好味

Pepper lunch不嬲都好多人排隊希慎food court呢間都唔例外平日夜晚我都排咗半個鐘先有得食今次叫左黑椒咖哩芝士牛肉飯 +$8配可樂鐵板炒溶d芝士令個飯好味左而且加埋佢既蒜蓉蜜糖汁 好好食呀

好耐無幫襯pepper lunch, 今日經過food court 見到胡椒廚房，即刻叫一份胡椒雞肉飯食下啦。等咗大概7-8分鐘就可以拎，加點蜜糖醬，拎到埋座位仍然好熱，鐵板「咋咋聲」，攤涼一陣再慢慢食。好多胡椒，好香口惹味，雞肉份量剛好，同以前食pepper lunch 嘅感覺一樣

Pepper Lunch是我少時常常光顧的餐廳，在當時來說是不太貴，而且香口和有特色的食飯。在今天，pepper lunch已經相當為人熟悉，我也很久沒吃，因為新鮮感已失去。今天，因為不知怎選擇，所以碰巧選擇了pepper lunch, 我已不用再點最便宜的肥牛餐，想點貴一點的選擇。但我又不想飯是額外上的，因為我喜歡飯焦。唯一的選擇就是新出的一口牛扒飯，用上較貴的牛肉，沒有鬆肉粉的味道，又不會像肥牛一樣失去牛肉味。在鐵板上自己決定想要的熟度，加上真·牛肉的香味，十分過癮！Pepper Lunch有驚喜啊！

每次行過商場美食廣場，都會聞到呢間餐廳好香嘅味道，還有那種熱呼呼嘅感覺，每次都忍唔住要叫一客一口牛芝士飯，睇住嗰啲芝士慢慢溶的感覺真係好正，不過價錢而家越嚟越貴，要成$60幾$70先至有一碟飯食，所以唔可以成日食，只可以間中吃一次。

銅鑼灣算係平，但食飯時間一個真會難搵位。。。。無語。太耐無食，今晚突然興起，口痕友舊夢重溫，叫個加大碼蒜香黑椒牛肉飯，幾多個份量，同時又加芝士再加煎雞蛋，香到死死下，可能因為撞啱我有D餓，餓到又好像不太餓，飽餓已經唔太分到。蒜片係幾唔錯，仲要D芝士有唔少拉得成芝，會有些少感動😹但問心個飯唔會因為咁而有乜芝味，答案係無既！自己加多左黑椒粒，所以更好味。茶好香檸檬味，皆因系道地。結帳七十五蚊，交到功課，對得起個價錢有突了。

食物好味，但要等咁耐真係唔合理！已經係2㸃後non-Peak hour。趕時間真係唔好㨂呢度！因為只要一個人係度煮，其實只要有多一個人，成個過程會快得多，㸃解店方唔改善吓呢？

Weekday 午飯時間喺希慎food court 挑戰食 pepper lunch, 簡直係冒住返工遲到嘅危險... 😅.. 因為閑閑哋都要等半個鐘咁上下, 但行咗一轉, 除咗pepper lunch 又真係冇其他嘢想食🙆🏻‍♀️, 豁出去粒飯腳們!! 果然, 買嘅時候店員已經講明要等半個鐘🤦🏻‍♀️, 快食15分鐘應該係可行嘅... 半個鐘之後, 我嘅黑椒牛肉飯有得食啦!! 熱辣辣, 香噴噴嘅黑椒牛肉飯, 係冇令我失望嘅😌, 溫馨提示, 食完鐵板係會有一陣味, 介意帶着呢陣味返工嘅朋友要留意啦😉

希慎foodcourt我只會食兩間，一間係triple o一間就係pepper lunch 啦~黎pepper lunch都會食鐵板牛肉飯， 仲要加肉加芝士加粟米， 口感超豐富超滿足加左芝士會有少少拉絲效果tim有兩種醬油一種甜一用咸， 我每次都會落曬兩種同朋友一齊食暫時都未見過有人揀牛肉飯以外的選擇，黎pepper lunch點會唔揀牛肉飯啊!!唯一要挑剔的是，個鐵板比較多油，不過唔夠油就應該會整到d牛肉乾哂，所以少少油都無辦法啦

銅鑼灣foodcourt 行到入去 pepperluch香氣已經撲面而來一於少諗就選呢間啦 選個食得最多既牛肉飯 生牛肉一撈即熟 掛住禁電話唔記得加埋芝士 如果加埋芝士會更加更加好食 一句講哂 快餐之選

尋日放學同學仔話想去銅鑼灣行下。順便就喺銅鑼灣果邊食埋晏晝啦。其實喺銅鑼灣想食平啲真係冇可能咁濟，最多就係落希慎food court。我哋就嚟咗呢間Pepper Lunch Express。一黎佢有學生價，夠平。二黎我食過，覺得幾好食。我就叫返不嬲食開嘅黑椒牛肉飯，可樂。唔錯嘅，個鐵板係好夠熱，本來個牛肉係未熟晒，放多震就熟晒啦。再倒啲醬汁落去更加會有同鐵板扒一樣嘅『喳喳』聲。唯一嘅缺點應該就係飯焦太多，可能係我食太慢，啲飯煎窿咗啲。總體嚟講係抵食嘅，量充足，牛肉都唔會難食或者韌。