Video
7-min walk from Exit A, Mei Foo MTR Station
continue reading
Telephone
21111234
27412803
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
中午唔想煮飯，所以早早預訂咗PHD。PHD多寶-叫咗芝心批，來到仲係熱辣辣，可以好輕易拉絲。正Dip Dip薯條加日式章魚丸-好仲意食呢款粗薯條，比較有薯仔味；章魚丸味道一般。脆香雞-表面脆皮有少少辣，肉質好滑。
continue reading
美孚區有Pizza Hut，亦有PHD，兩家都喺外賣店，無堂食，有訂開呢兩家薄餅都知，兩家同屬一個集團，大致上質素差唔多，不過後者就平啲，有時優惠又多啲。星期日晚，老婆想休息吓唔想煮，小弟行完山亦唔夠時間準備，所以，是晚就過嚟PHD買薄餅。不過，蠢咗，誤信個店員話等20min，結果等咗40min，否則，落咗單再去逛超市買嘢，返轉頭先拎薄餅就變相唔使等太耐。 有咩揀就唔講喇，Pizza Hut又好，PHD又好，相信好多香港人都好熟。本來打算叫個超值二人套餐，但薄餅只限指定款式，老婆唔啱食，唯有散點。不過，其他套餐嘅薄餅就可以任揀款式，唔明咩邏輯。臨俾錢時，見佢啲有啲「星級追加」，睇落好似平平哋，就點多兩客甜品返去，不過，比預期好鬼細杯。醬烤雞肉薄餅 $117 (8折) 外賣自取有樣着數，就喺8折咗，而揀咗惹味嘅「醬烤雞肉薄餅」，睇餐牌紙材料包括雞肉、牛肉、桃、青椒、青瓜，並配以燒烤醬汁。不過，單睇外表，餡料真喺唔算多，加上睇住佢哋咁多單，啲店員做到唔停手，餡料就唔好期望分布平均喇。質素方面呢？咁叫得PHD嘅，都唔喺貪咩高質素，但求平靚正，過吓薄餅癮，不過，食材分布不均，喺會影響咗個食味，我都專登揀件料多嚟影先睇落咁好咋，其實啲青瓜同罐頭桃都喺平價嘢，不妨落多啲啦。沖繩黑糖豆乳布甸 $10 本身黑糖分開裝起喺無問題，但估唔到喺黑糖粒，唔喺黑糖漿，唔似食豆腐花咁，熱嘅豆腐花好易將啲黃糖溶咗去，但呢家啲黑糖根本就一粒粒晌布甸上面，唔會溶，故此，食落口喺沙沙嘅感覺，唔OK喎，嘥晒啲香滑豆乳味濃嘅布甸啫。紅豆抹茶布甸 $10 相對個豆乳布甸，呢個紅豆抹茶布甸就正好多，一來紅豆跟抹茶向來都好夾，二來唔會好似啲黑糖有沙沙嘅感覺，再者，紅豆夠腍、夠清甜，布甸嘅抹茶味夠濃郁。可惜喺兩杯甜點都好細杯，兩啖就食晒，感覺有少少到喉唔到肺嘅感覺。題外話，晌等候期間，客人越嚟越多，但都仲喺同啲客講我20分鐘，我見佢哋啲外送速遞堆到十幾袋都送唔徹，我心諗，後面啲客唔使等一個鐘就怪，眼見有啲客都開始不耐煩，包括小弟！
continue reading
個pizza料幾足，但個邊口感一般，唔夠脆。但個蒲汁雞皇長通意真係要俾100分，個汁好好食，夠濃，咸度岩岩好。雞肉都算嫩，唔鞋口。另外叫左2個甜品，黑糖布甸同果凍。果凍都好酸下，食野前食反而應該會幾開胃。布甸同黑糖分開上既，本身布甸都夠甜，唔建議落太多黑糖。
continue reading
成家今日唔想出街，所以嗌左PHD外賣，個人覺得炸雞水準真係差少少，因為個外皮唔係好脆，食落唔算juicy，同埋都幾咸下，一定要嗌埋嘢飲外賣。薄餅個批係差少少，有種pizza同配菜分開嘅感覺，海鮮千島醬批味道普通。
continue reading
原來星期二有個特別嘅大批優惠，外賣自取半價只需$78！（原價$156）無任何嘅附帶條件，不過呢，你想上網就order唔到啦，一定要打電話去order! 啲電話唔知係咪係大陸聽嘅,質素好差, 好似潛緊水咁～ 為咗食個大批都要試吓啦！呢期做緊嘅只有兩揀一款係PH嘅珍寶大批，另一個係美式蘑菇烤雞大批，叫咗個烤雞大批啦，返屋企一家三口見到咁大個以為食唔晒，最終都可以完成，個手拉批底係我至愛，好過佢姊妹店的批底多多聲！另外自己煮咗啲西蘭花咁就一餐真係抵呀！
continue reading