越一越南牛肉粉專門店 (Closed)

今日2點零鐘入到去，有個職員遞咗個下午茶餐牌（下午茶係由2點開始）俾我。餐牌上寫住生牛肉湯河係$38，咁我就order咗一個生牛肉湯檬同一杯熱飲，另加$12叫咗一份春卷。後黎男職員出張單俾我，我發現碗粉嘅價錢係午餐價（即$50），由於見店內客人都多，又得一個職員，就到埋單先同職員講張單打錯咗。點知個男職員態度好差咁問「邊度錯？」，我同佢講「下午茶唔係應該$38咩？」，佢先醒覺張單出錯，佢不但無表示歉意，俾錢過程亦表現得唔耐煩同唔禮貌。不論佢係無心定有心收錯價錢，客人同你提出及要求更正，係咪應該有返基本嘅禮貌呢？咁嘅態度對客人，無人會想再幫襯囉，邊個會想食到一肚氣🤷‍♀️🤷‍♀️

今天去粉嶺流水響水塘一遊, 遊覽完後很肚餓, 到火車站附近找一找有什麼餐廳。見粉嶺中心有間越南餐廳，供應多款下午茶，有海南雞飯、豬頸肉飯、生牛河，又有各種牛肉、丸類檬粉等等，便入去試一試！雖然是間小餐廳，但裝修也不錯。下午茶時份顧客不太多，坐得舒舒服服。今日叫了豬頸肉飯，豬頸肉份量頗多，大大塊，煎得不錯。此外、叫了香茅牛肉檬粉，湯底加了不少洋䓤，非常惹味，湯底調味適中，不會太鹹。牛肉頗多，但牛肉稍為韌。煮食之外加了$12春卷，春卷炸得香脆，熱辣辣，非常美味。飲品方面，除了一般茶餐廳的🍋水🍋茶，這間越南餐廳有鹹檸檬，凍熱均可。鹹檸檬味道令人有清新感覺，大力推介！👍🏻👍🏻

今日突然想食粉麵 見到間越南牛肉粉專門店 一碗下午茶牛肉粉先38💲 包埋一杯飲品 分量足夠 又好味🤤 下午茶時段少人 防疫清潔都做的足 食完D碗會問我要唔要 幫我收左去 態度好Nice 飲住杯凍奶茶 坐係卡位真的好Chill

宜家疫情嚴重，但唔知點解d餐廳仲系甘貴，可能真係咩都加價，要搵d平靚正既餐廳去食其實真係唔容易，唔通日日都買三餸飯咩，今日經過粉嶺去左粉嶺中心，這邊宜家好多餐廳，我黎既時間系4點幾，順便可以睇吓有咩平靚正下午茶去到地下見到一間越菜叫越一，下午茶平均消費38蚊，甘我就試吓佢啦，食越南菜第一想起生牛肉湯河，春卷同珍多冰，就甘樣叫，生牛河$38，春卷追加$12兩件，珍多冰加8蚊，甘樣叫$58蚊，又不算貴，仲有地方夠大，夠光猛，仲見到員工用清潔濟抹抬，衛生也不錯，約等五分鐘到枱，份量夠，仲另外比一杯有笌菜，青檸，辣椒自己落換粉，春卷包住生菜食，.正杯飲品超大杯，這間越菜平靚正指數：五星（最高七星）如果經過這邊我會再來的

我同Friend睇戲前搵地方食嘢，比我搵了嚟呢間野。入到去Take Order。個女侍應用不耐煩嘅語氣同我地講「快，到啲乜？」，我地就好似欠佢嘢咁嘅對待。Take完Order。上菜期間，我個Friend就執緊野，咁個侍應再一次用不禮貌語氣叫我個朋友讓開。我當堂好嬲，我地係客人，入嚟比錢買服務，食嘢，點解咁嘅對待。個男嘅店員就同我講會同個女店員講番，有春用咩，有啲垃圾員工，啲食物幾好都冇用，不過食物都唔好食，所以間嘢係比啲水魚食嘅，$93蚊一個咖哩牛腩飯套餐。^ ^

假期接近5時多，經過越一，看看門口餐牌，下午茶至6時，決定早點吃，下午茶餐價吃晩餐。店內燈火通明，裝修簡約，時間早，入不多，坐位任選，二人坐了近窗的四人卡位，舒適餐牌簡單易明，下午茶餐由$38起二人點兩個下午茶餐:生牛肉湯金邊粉$38+雞絲扎肉湯金邊粉$38~配熱咸檸水上枱賣相吸引，份量大，湯底有牛味，生牛肉熟左9成，肉尚嫩，另一碗扎肉，扎肉味道正常，雞絲略兼少點，金邊粉粉量多，但可惜，粉質粗鞋，有陣"行"味，令碗粉味道大打折扣。咸檸水，味道咸多於酸，唔知係咪有下火作用，唔啱口味，下次就唔會叫啦。另外追加了$12的小吃兩款:田園米紙卷田園顧名思義是素菜的，賣相不俗有青瓜絲等等，口感清新越一春卷兩件上枱熱騰騰，外脆，饀料有粉絲、木耳，有點爽口，點上酸甜汁，用生菜捲著吃，味道不錯。埋單$100，星期天下午茶餐價錢便宜，食物不錯，唯金邊粉拉底整體滿意度，下次會再光顧，但不會再點金邊粉。

夜晚附近餐廳爆哂，於是見到呢間冇乜人又趕時間就去食啦。點知佢哋環境、味道同衛生都好差。食到中途，我哋個位近後廚，竟然見到佢後廚開門洗碗個呀姐係度洗菠蘿蓋，嚴重懷疑佢哋將個菠蘿炒飯個菠蘿重用，好嘔心！見到我哋即刻冇胃口，埋單走人，2個飯餸食咗$150。食譚仔三哥都仲好食仲冇咁貴。大家睇路。雞飯&金邊粉勁難食，叫完雞飯10秒都冇拎出嚟，啲雞飯啲黃色一忽一忽咁，個呀姐執完台叫佢拎餐具過嚟直接冇洗手就拎嚟差評，劣食。

很少寫食評，但這隻原個哈密瓜冰實在太抵太震撼，聽經理講是限量季節性特飲，完全沒有加糖，製作只加少許冰，$38一隻，抵過自己買。上次我試咗原隻西瓜冰，有機會再試埋原隻菠蘿，原汁原味。

7月21日和幾個朋友首次光顧越一，結賬時，信用咭的終端機中途斷了線，那位男職員説不肯定過咗數未，要求我先付現金，待他向寫字樓確認後，兩日後覆我電話。若過了數的話，他們會透過電子途經轉返數給我，因為我已表明我不是住附近。為了證明我在現場已付那賬單$370，當時我要求那職員在收據上註明及簽名作實。過了兩天越一確實有致電給我，但他説還不肯定過了數未，並會繼續跟進及回覆我。我有點不安，於是自己打去銀行問，銀行告訴我有商鋪拿了我$370的授權，但現在未返單，筆數會hold一個月，若他們一個月內不返單的話，那授權金額便會自動取消。再過幾天，他們還沒有聯絡我。我便主動打給他們，當時好像其他職員都知道我是誰，就算是一位女職員接聽我的電話查詢時，她便問我是不是不在附近住那位，我説「是」，她告訴我寫字樓還在跟進中。我告訴她我已問過銀行，指他們現在是拿了我的授權，若他們不返單的話，那麼整件事便可告一段落。由於他們一直沒有明確的回覆，迫於無奈我要在e-banking 定期mon住他們有冇過數。結果，他們在8月13日（相隔三星期後）返了單！！！我打返鋪頭要求他們俾返錢給我，他們仲好意思叫我傳過了數的憑證給他們看

行到肚餓，諗住搵間餐廳醫下肚，黎左食越南野-越一（粉嶺）聽朋友講呢度係美食沙漠，我初頭都唔信，體驗過下就明白。叫左雞絲扎肉湯金邊粉，地獄線難食，問侍應佢竟然解釋係雞扒整成，匪夷所思。總之食多幾條咬到你牙都可以甩幾隻。👎👎👎👎👎其他食物同飲品中中間間，可圈可點。唯一覺得個西瓜汁太甜，落糖水落到重手左。結論，無下次。

CP值：2/5價錢Price:- 扎肉蒸粉包（4件）steamed rice pancake with Vietnamese sausage (4 pcs): $48 - 海南雞飯 Hainanese chicken rice: $62 - 串燒（三串）Skewers (3 pcs)：$38 - 越式炒金邊粉 Vietnamese stir-fry Thai noodles: $88本身見咁多好評，諗住應該都唔會伏，點知結果令人好失望囉！😖成餐飯最好食就係個蒸粉包個米粉皮好薄，所以要好小心夾起啲餡料係豬肉、紅蘿蔔、木耳，有啲甜甜地辣辣地咁😋雖然唔係好明蒸粉包同扎肉有咩關係，但2樣野加埋黎食都ok嘅海南雞飯淨係見到啲飯嘅顏色咁唔均勻就知雞油味唔會好出，仲要啲飯好乾🙁雞肉因為係雞胸，所以都同預期一樣一般滑啦串燒真係勁咸，個花生醬變相就一啲味都冇🙃最最最失望一定係個炒金邊粉！😔我心目中嘅炒金邊粉係酸酸甜甜咁，好開胃嘅但尼一碟一上檯就成條豉油王炒麵咁😨我地都呆左😱唔只個樣似，連個味都係豉油王炒麵咁咸😣仲要愈食到底就愈咸，最後都係放棄佢😣There are a lot of g

首先我係見到出邊啲圖片覺得入邊啲食物唔錯，然後發現入邊啲食物完全同圖片係兩回事，真係個人認為全港最差嘅越南菜嘅餐廳，入邊金色馬尾頭髮嘅服務員態度超級麻麻，另外一位覺得冇乜嘢，我入咗去大概10分鐘都有啦，而餐廳入面剩係得幾台客人，等咗10分鐘都未有水送來，於是叫服務員送來兩杯水點知發現水入邊極度唔衛生唔乾淨仲有啲污糟野喺入邊，然後嗌咗一份燒春雞和豬扒撈檬仲有一份海南雞，海南雞冇乜嘢，反而份豬扒撈檬同埋份燒春雞令我十分之不滿意，豬扒啲毛仲多過我啲頭髮，份燒春雞仲老過我阿嫲，真係垃圾中嘅垃圾，以後不會再光顧，特別係食份豬扒嘅時候啲毛刮到我喉嚨，你唔講我仲以為你幫緊我喉嚨做緊massage。

又係越南野時間, 由於太鐘意食越南湯河(其實係鐘意飲湯) 所以今日放工都係揀左越南野食今次就揀左呢一間越一呢到坐得幾舒服, 啲位都幾闊落, 唔會太迫 睇見menu 就每樣都想試, 但正如我所講, 主要係試個湯底! 所以就叫左呢個火車頭, 叫左金邊粉, 呢個係兩人份, 落order 時職員會再次confirm , 份量係十分十分足, 我地一行兩人食完呢個就已經好飽先講火車頭入面有啲咩包括有牛栢葉啦 牛丸 牛肉 牛腩呢到每一款係發揮到佢地自己應有嘅水準牛栢葉 爽脆 唔會咬唔開 無異味牛丸 十分juicy , 唔係平日大家食到粉麵鋪嗰牛丸, 肉汁鮮甜, 唔會痴牙, 而且有4粒, 十分足!牛肉片, 薄薄肉片, 由啲湯去煮熟, 一咬就開, 仲有濃濃肉味我最欣賞就係呢個牛腩, 煮得非常之淋, 唔洗點用牙力, 肉又唔會鞋, 呢個真係值得一試湯底:我俾8分呀! 呢個味就係越南湯河嘅靈魂未食之前, 職員攞過黎已經聞到個陣香料味道, 再飲一大淡湯, 就係你喇! 超級喜歡!! 另外點左一個柚子蝦沙律, 入面有柚子 鮮蝦 同埋 洋葱無錯! 係洋葱! 係紫洋葱!加埋酸酸辣辣嘅醬, 十分開胃洋葱辣味已經無晒, 相

今日去左粉嶺行街，行到粉嶺中心地下，見到咁岩有卡位，咁就唸都唔洗唸就入左去。我們點了午餐，火車頭湯檬$68 和綜合牛肉河粉$62。火車頭比綜合多了牛柏葉。個湯好好味，牛丸彈彈有肉味，不過牛腩就差了一點鐘意食牛叫綜合就沒錯，牛丸有三粒，比火車頭多一粒。不過好想念以前在其他越南餐廳特別大碗既火車頭。小食點了 田園米紙巻$12，和燒豬頸肉$26。豬頸肉加左蔥花食落無咁肥膩。12元吃米紙巻好抵食，大大個放入口好滿足。特飲點了 椰汁三色冰$8 同鹹檸七$8。

其實幫襯過好多次！一路都有見證住佢進步！之前食過炸物就一般，但其他粉麵飯都係好ok.加上疫情外賣有8折，勁抵囉！今次食海南雞飯+野飲，本身都唔係貴，下午茶就$48.外賣就8折，即係$38! 平過街市！想點呀？仲要d雞係滑嘅，熱嘅，仲有雞翼！仲要油飯！我出面閒閒地都$50幾60蚊。真係平到爆炸仲要有質素！野飲係熱飲唔洗加錢！喂有咸檸水添呀仲！下火一流以前嗌外賣，無乜人都搞成半個鐘。依家快到爆，5-10分鐘就準備好。上次食生牛肉湯河，仲可以電話叫定先，WhatsApp落單都得，又回應得快。真係值得大大表揚！