錦麗 (又一城)

Open Now

Now Closed

今日要去九龍塘學車，學完就順便約老公係九龍塘食飯。 九龍塘從新開後，多佐好多餐廳，突然想食越南湯河🍜，見到一間錦麗越南，雖然要排隊，但都好快可以有位。☺️因2公婆都唔係太過肚餓，就食得比較簡單。老公就點煎蛋香茅猪扒飯，猪扒好捻滑，配上蔥油豉油，好好餸飯，再配上一杯冰凍3檸可樂🥤，有新鮮檸檬🍋，青檸，咸檸，超正😋我就點碗胡志明粽合粉，有牛腩，牛丸，生牛肉，牛腩原條牛味濃，牛丸咬口有汁 生牛肉夠滑，湯夠濃😋😋，配一杯椰汁紅豆冰🤭🧋紅豆比日本紅豆好食，又甜又大粒，加入椰子汁，太滿足。🤩餐廳有套餐配搭，加點錢就可以配不同小食，但因二公婆都唔係太肚餓，所以就冇加，餐廳價錢合理，食物好食，老公話下次再去，再試吓小食。☺

歌和老街打完乒乓波，肚餓，波友提議食越南菜。來到錦麗，幸運找到卡位，綠色沙發凳，天花板的波波圓形燈幾靚，提升了環境檔次。平時唔好飯，但打完波，激戰連場，特別叫左兩個咖哩飯，豬頸肉和追加一碟菜心。越南咖哩牛腩飯飯和牛腩分開上，越式咖哩的特別處用上了很多不同種類的香料，特別是越南特產魚露。食味獨特，微辣，牛腩肉質口感腍滑，入口鬆化而滲有淡淡咖哩香味。香茅咖哩豬扒飯 見🐷扒煎得好靚，同朋友交換牛腩。豬扒幾大塊，肉質嫩而不乾，香茅味香噴噴，咖哩汁既碗伴有薯仔。火炙香茅豬頸肉賣相靚，燒得好靚，表層色澤亮麗。擺入口，外脆內嫩。新鮮椰青好Fresh，運動完飲最解渴和補充體力,清甜。一碟菜心雖然送，但份量多，菜綠味鮮。

同朋友又一城睇完戲，最方便當然係喺L2 food court 果邊搵嘢食啦。咖喱控嘅朋友話不如去錦麗，因為佢好喜歡錦麗嘅咖喱，所以順應佢嘅提議過咗去幫襯喇。我哋分行點咗香茅咖喱豬扒飯同香茅咖喱雞槌飯。唔知點解大家都各自叫咗咖喱飯。可能因為晏咗少少，雞槌已經無哂，職員話我哋聽會幫我哋將雞槌轉成雞翼。錦麗嘅咖喱，除咗咖喱香之外、仲帶住一點香茅嘅清香、椰香、花生香，餸飯、點豬扒同雞翼都惹味。豬扒同雞翼都醃得好入味，而且都係即點即炸，唔係凍冰冰。我哋另外仲點咗一份火灸香茅豬頸肉，豬頸肉都幾厚切，厚得嚟唔韌。豬頸肉經火灸後，表面嘅叉燒醬令其輕輕微焦、入口更加香口美味。我朋友都算養生，所以點咗個熱玫瑰龍眼茶。玫瑰龍眼茶可以選擇甜度：正常、微甜、走甜。朋友就要咗走甜，佢話咁樣先飲到玫瑰嘅花香、同埋嚟自龍眼本身嘅鮮甜味。我依個咖啡控就點咗杯凍嘅越南滴滴咖啡。凍同熱嘅分別就係會多杯冰底，當咖啡滴漏完、再與杯底嘅煉奶攪勻後，再將其倒入冰杯，一杯凍嘅心越南滴滴咖啡就完成喇。

自從Maple Tree 集團入主又一城後，空間大改造，好多嘢都有煥然一新的感覺。特別係戲院旁的位置，以前係一間特大麥記，依家一開三，由馬來西亞，越南到港式餐廳都有，選擇更多元化。餐廳錦麗主打越南菜，最不得不食當然係胡志明粽合粉，特別係改良左煮法的越南牛肉湯底吧，個湯底係店入面煮夠23小時，用左大量的肉和骨來熬煮，湯頭鮮甜濃郁，啖啖都係牛骨香氣。金邊粉上又有大量芽菜及洋蔥絲，再鋪上生高質牛肉片，牛腩及牛丸及蔥花，超澎湃一碗。生牛肉粉嫰肉滑唔洗多講吧，熟牛肉炆得軟淋粉嫰，一夾即化，唔會硬柴柴，加埋牛丸爽口彈牙，整碗粉既有濃郁牛肉味又不失口感，超一流。火炙香芽豬頸肉火炙後豬頸肉醃料充分滲入肉塊，咬落香脆彈牙, 又不會過火太熱氣， JUICY得黎唔覺肥膩！食得越南野飲多杯椰汁三色冰不為過吧。呢到杯椰汁三色冰超多豆，滿滿的一杯，食極都仲有，冰涼暢快又飽肚。朋友叫左薏米水，暖胃又去水腫，健康之選。

尋晚食完越南菜真係有d掛住, 尤其係牛肉湯河嗰d好好味嘅牛, 今晚encore先, 又一城li間錦麗喺foodcourt入面好大間.🇻🇳煎蛋香茅豬扒飯 (HKD66)豬扒比想像中大塊同埋厚身, 醃得好入味充滿香茅嘅香氣, 豬扒肉好易咬開夠哂juicy勁好食. portion黎講算大份, 抵食推介!!! 🇻🇳胡志明粽合粉 (HKD70)越南嘅南部胡志明市名物Pho嘅豐富版本: 有齊生牛肉, 熟牛肉-應該話係牛腩先啱, 有成3大舊呢, 好彈牙嘅牛丸, 湯底嘅牛味都非常之濃, 飲多啖完全無口渴感呢.🇻🇳Li間餐廳嘅特飲都OK大杯, 椰汁紅豆冰同椰汁三色冰(HKD30@)咁多椰汁黎講真係足料又抵飲.

今日在又一城睇完早場已經11:05，諗住去錦麗食越南湯粉，點知行入餐廳只見成班伙記在吃飯，企咗一陣都冇人招呼！乜營業時間唔係11:00開始嗎？見到客人都懶得招呼，只顧自己吃，似乎服務態度有待改善！

想問下呢，係咪唔洗做生意？2日下午茶過嚟，都冇位坐，但明明後邊就大把位，只不過係封住左，問你哋d同事（藍色衫），又話後面呢到，唔入客，搞到我要焗住食敏華，離9哂蒲🤬

以前既錦麗係好味到排長龍🚶🏻‍♀️🚶🏻🚶🏻‍♀️🚶🏻‍♀️🚶🏻果日做完野去又一城搵野食，見到錦麗無排隊，所以就入左去食野～態度差，服務差落錯單d野落錯哂😓仲要漏單，等左差唔多半個鐘都未到😰😰😰已經係無乜人野食質素當然同佢服務一樣，都好一般以前我喺將軍澳果間係好好味🥺估唔到而家差左咁多😌失望.....

碗麵係求其㗎得壹塊扎肉切開一半，求其擺啲雞絲，搵啲唔知乜嘢扮金邊粉... 問過哥哥仔（劉俊傑）有冇火車頭，佢竟然會答一句：「我哋冇啲咁嘅嘢㗎喎」.... 做越南粉麵竟然冇火車頭，啲員工仲要乜都唔識....

本人好耐冇打食評，但佢令我食完後好反感，實在不吐不快。今次叫左豬扒撈檬，午餐包飲品，我揀左薏米水。一黎杯薏米水都靚靚仔仔嘅，點知飲落去有薑茶味，都唔緊要，仲要有薑絲，認真接受唔到。至於碗撈檬，唔知點解又有肉鬆，又有薑蔥，可能係想有d港式嘅味道啦。佢地都唔係好大影響，但最可惜係d檬粉有陣生水味。唔知係因為用生水過冷河，定d魚露有怪味呢？ 豬扒都還可以，不過不失啦！整體而言，好差，可以用奇怪黎形容成個餐。

原來九龍塘又一城又開了間錦麗， 餐廳環境 都幾大， 座位唔會密麻麻。 原先想吃生牛肉河， 最後點了午市套餐～ 魚丸扎肉香濃雞湯金邊粉$66、 香茅咖哩雞腿飯$68、 越南滴滴咖啡$8（ 跟餐價）。💠魚丸扎肉香濃雞湯金邊粉～ 每次都吃生牛河今次決定轉下口味， 香濃雞湯果然唔錯， 有一塊黑椒扎肉好香口， 魚蛋彈牙， 金邊粉質感稍為硬了一些。💠香茅咖哩雞腿飯～ 炸雞腿好juicy， 咖哩味道香濃好適合我胃口， 真係可以食曬成碟飯啊！💠越南滴滴咖啡～ 喜歡這裏的咖啡， 香濃又好飲，每一次必點 。每次都是食 pho， 今次有突破試一試咖哩飯， 原來又幾好喎！😊

河粉雞肉俱甚鞋。雞翼夠香但不脆。45/100從未吃過有眾多分店的「錦麗」，但見其他分店好評的比例都頗高所以一試。點了雞絲扎肉香濃雞湯金邊粉加蔥油雞翼外賣，盛惠$97。回家看見裝雞翼的膠盒是完全密封的便心知不妙。果然如此，蔥油煎雞翼是蠻香的，肉質亦不鞋，但因為膠盒密封的關係，熱力將雞翼全部焗「淋」了，一點香脆也沒有。提議裝炸物的盒應該剪開一角。說回主角，雞湯確是比很多越南餐廳濃郁多倍的，但也不能說是鮮味很突出。沒有附上任何香草和辣椒是不足之處。金邊粉可能是我吃過所有越南餐廳之中最鞋的，實在難以下嚥。雞絲很韌，想不到連扎肉也可以特別粗糙。見餐廳內其他食客主要是點飯食，望起來好像比金邊粉好吃。希望餐廳能積極檢討選用的食材，積極改善食物質素。