錦麗 (信德中心)

Open Now

Now Closed

來到信德中心已經晚上八點，我哋非常肚餓，呢個商場唔算好多吸引嘅餐廳，不過竟然畀我哋發現有一間新開嘅越南餐廳<錦麗>，見餐牌嘅嘢食都好吸引，便入去試下！～餐廳供應二人套餐都係$250，而且已經包括兩個主食，一個小食拼盤，兩杯飲品，價格非常親民！～加$22就可以upgrade火車頭金邊粉，我哋都叫咗一個，火車頭金邊粉材料非常之多，有肉眼牛腩肉、牛筋、牛丸、扎肉，而且湯底非常清甜，仲有越式嘅香料同埋大量嘅芽菜，配埋金邊粉，非常好食。另外叫咗胡志明綜合越式金邊粉，份量夠曬多，同樣美味。小食拼盤材料相當豐富，無論豬扒、蔗蝦、越式春卷、牛油雞翼，都做得非常出色，唔會好油膩。惠顧套餐，仲可以以優惠價加一份通菜，同埋牛油雞槌，非常抵食。今晚呢餐飯好食又高質，而且餐廳嘅服務態度都非常之好，上菜快，唯一溫馨提示就係呢度唔收現金，只收電子支付。

錦麗．真係好好食YOYO，錦麗開到去信德以後過大海前後都有好野食！最開心係有2人餐：「風味二人套餐」HKD 250包2個主食、1個小食拼、2杯飲品想要特別的飲品或主食，可以加少少錢就食到真心抵！3個女仔一齊食先來好飲消暑之選左起：自家薏米水(凍)：足料多薏米，更加入了薑，充滿健康元素，入口好飲香濃美祿(凍)少冰：濃香細滑，中意美祿的朋友，好開心清甜甘蔗汁(凍)：我中意此款，清清甜甜，解渴又消暑主食：胡志明綜合粉 (河粉)好香濃的湯底，用足心機熬煮好飲好食，牛丸爆汁勁香牛油味牛肉片極度軟滑，牛腩入味香軟此店更可無限追加牙菜配料喜歡的話，不容錯過，整體水準很高酥炸軟殼蟹撈檬香酥脆，蟹味香濃入口脆脆的，啖啖蟹香，沒有厚炸粉加上清爽的檬粉，配上酸香的醬汁夏天來一碗剛剛好惹味牛肉法包必食啦！法國統治下的出品個包好香脆，內有滋味牛肉此醬比較特別，除了蛋黃醬更加入了豬肝醬與椰香很順口之外，醬香之中還多了層次很是好吃特色小食拼盤好豐富呀！包括有：金絲網蝦春卷、越式蔗蝦、越式蒜蓉牛油雞翼、香茅豬扒應該係我比較中意的配搭金絲網蝦春卷：外脆之中又有香軟內心，網網得脆越式蔗蝦：蝦肉很彈牙，調味是我喜歡的越南口

呢晚喺上環做完嘢朋友又咁啱喺附近於是臨時約食個晚飯佢話想食pho 於是去咗信德中心嘅錦麗行去餐廳嘅途中見到廣告板開咗半個世紀 仲攞咗好多獎係胡志明市最好食嘅牛肉粉好期待餐牌選擇好多 有Dinner set可以試多啲嘢於是要咗個2人餐有2個主食 要咗胡志明綜合粉同香茅豬扒撈檬綜合粉湯底好香濃 夠正宗 每日現場熬製23個鐘 先做得出咁香嘅牛骨湯底河粉掛起湯汁 好好食🤤生牛肉半熟 食落好嫩滑熟牛肉有咬口 夠軟滑牛丸彈牙 牛味濃郁加咗$8要埋油炸鬼 沾一沾牛湯食比平時食嘅油炸鬼更酥脆 好食👍🏻香茅豬排煎得香口 大大件但唔會韌撈檬嘅source份量剛剛好 檬粉比外面食嘅更幼 仲有青瓜、紅蘿蔔、芽菜 加埋花生粉脆脆地 好豐富好有口感特色小食拼盤金絲網蝦春卷、越式蔗蝦 炸得金黃香脆 好香口又唔會油膩越式蒜蓉牛油雞鎚 my favourite! 蒜蓉同牛油冇得輸仲有香茅豬扒 食肉獸好滿足加點咗個經典扎肉法包入面有大量餡料 扎肉用蹄肉、豬耳、黑椒、肉桂混合而成 本身已極香極有口感加埋自家製嘅豬肝醬同埋蛋黃醬、肉鬆、川蘿蔔、青瓜、蔥、辣椒層次十倍提升 好食度max好似真係去咗越南咁再加咗個馬拉盞醬時蔬份量

越式蟹肉餅蕃茄湯檬粉：蕃茄湯底非常濃郁， 10分開胃。蟹肉餅味道唔錯，份量十足同蕃茄湯底非常之夾，驚喜之作。安格斯火車頭金邊粉：有牛筋，牛丸，牛肉片，牛小排，扎肉鍾意食牛嘅你梗係要試吓啦，一次過滿足你食牛嘅慾望。炸物拼盤：有法式蒜蓉牛油雞翼，蔗蝦，蝦春卷同炸豬扒。炸物都係新鮮炸起，上嚟嗰陣仲係熱辣辣，雞翼非常香口濃郁，炸豬扒亦保留到水份唔會太乾，蔗蝦同春卷味道都唔錯，各有特色。酥炸軟殼蟹：呢個小食十分驚喜，絕對係食過咁多間餐廳之中三甲之內。新鮮現炸，大大隻開邊，非常有咬口，而且軟殼蟹入邊仲有羔添，十分滿足，如果唔係食咗咁多熱氣嘢都想再叫多碟。椰子咖啡：椰子味香濃，甜度適中，有椰肉襯托，同咖啡嘅配搭一流，可惜比較細杯，未能盡興。總結：第一次食呢間餐廳，食物質素唔錯，炸物水準一流特別係軟殼蟹，二人餐性價比高，絕對值得一試。

又係食pho嘅時候！喺附近見到新開嘅錦麗，水準有保證，唔洗諗直接去食😂火車頭粉$92必叫乜都有嘅火車頭粉，唔洗諗揀咩餸，直接一次過要哂所有～味道都幾好，水質keep到！唔知係唔係錯覺，好似好食過其他分店🤔胡志明綜合粉 $84牛魔王必點！有齊牛丸、牛肋條，生牛，食落完全係唔同嘅滋味。另外佢個湯底濃而不油，有一種清湯嘅感覺，甜甜地好正！絕配油炸鬼（即炸半條） +$8好推薦加呢個！即叫即炸，上菜果陣勁新鮮，好脆口，而且一啲都唔油，值得一試！酥炸軟殼蟹（2隻） $66同出面嘅唔同，佢除咗即叫即整，佢唔係得d粉，而係啖啖都食到軟殼蟹！馬拉盞時蔬 $44自家薏米水 $34

今日午餐嚟咗錦麗呢間越南餐廳 真係一個好選擇 😋我叫咗招牌越南牛肉河粉 同埋春卷 牛肉河粉湯底清甜 牛肉有某部份嫩滑 但有部份都係好韌 配料超豐富 有牛筋 牛丸 同埋牛肉片 每一啖湯都充滿超濃牛肉嘅香味 非常甜 😍春卷用既料好新鮮 蔬菜脆口 好似食緊草咁 米紙包得緊實 每一口都感受到唔同食材嘅味道同口感 再加埋醬汁 真係好好食 😋環境方面 餐廳裝修得幾靚 有越南風情 座位舒適 雖然人多 但係唔覺得擠迫 👌但係都要留意午飯好多人要等位仲有呢度只會收電子貨幣唔收現金

餐廳最近新開 環境闊落 坐得好舒適 食物味道不錯☺️-✨風味二人套餐 ($250)▫️火車頭粉 (另加$22)火車頭粉內有牛肉、扎肉、牛腩及牛丸 每類大約有2-3舊/片 份量都幾足！湯底牛味香濃 濃而不鹹 無咩味精感 食完都唔會頸渴🥰牛肉好嫩 牛丸爆汁！▪️錦麗生牛肉粉生牛份量多 幾嫩滑 生熟岩岩好 肥瘦適中🫶🏻▫️特色小食拼盤內有蒜蓉雞翼、金邊網蝦春卷、越式蔗蝦及香茅豬扒 雞翼好香脆 蒜蓉味不算太濃；春卷夠香脆；蔗蝦食落幾彈牙 而豬扒香茅味出 肉質嫩▪️ 金馬牌新鮮椰青 (另加$32)椰青大大個 好清甜！仲可以食椰青肉😍▫️香芒生椰乳(另加$22)幾香芒果味 幾Fresh 而椰汁味都重 兩者味道夾 不會搶味✨牛油果米紙卷 ($46)多款蔬菜包成 有青瓜、菜、紅蘿蔔、紫椰菜及牛油果🥑口感幾清新爽口 幾夾 感覺好健康

放假同家人快閃過澳門玩未夠鐘上船我哋去咗信德中心搵食。原來開咗間錦麗。坐底睇吓食咩先好多款午餐同下午茶套餐香茅咖喱牛腩飯（午餐）咖喱好香辣度適中幾岩我口味，牛腩入味夠稔身。黑椒扎肉魚丸粉（下午茶餐）魚丸爽口魚肉彈牙。仲配咗杯自家薏米水（熱）錦麗牛丸小粉（下午茶）家姐話啲牛丸好正夠牛味。佢仲加配咗個越式蔗蝦（1件）椰青 椰汁糕（下午茶）老豆就唔係好肚餓佢話留肚去澳門食。叫咗呢個椰汁糕佢話好香椰汁味仲有啲豆豆食落有口感。惹味牛肉法包有9款餡料足8吋食落好惹味。

錦麗 網址: 地址: 上環干諾道中168-200號信德中心3樓322-323號舖電話: 呢度架越式牛肉河，無點來食等於無幫襯過，唔同口味湯河，有雞練，紮肉、牛小吃多滋味，是呢，我是偏心一定要加點$115 一人餐點了份，主食試了香芽咖喱牛腩飯，越南滴滴coffee，白灼時蔬。牛腩飯有埋筋位，有唔同口感。咖哩汁調得香，撈飯食很夾。一層煉奶，看著咖啡慢慢滴下來，很raw 。$86小食拼盤 ，有春卷，蔗蝦、雞翼同豬扒，每款有兩件，2個人來食點一個，就可以食到四樣小食了。推薦蔗蝦，蝦肉彈牙，雞翼也濃郁香噴噴。春卷是米紙，酥化無比。$48 馬拉盞怡保芽菜，馬拉盞甜中帶辣，可以話是星馬那邊的xo 醬。#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #好去處 #igab

今日買了豬扒檬粉外賣（是正價，不是下午茶），打開份量少得可憐，檬粉不夠半碗，豬扒都頗細塊，終於檬粉3啖就食哂，承惠$82，實在太離譜了。本人不是大食之人但都覺得太少了。性價比極低。收人$82真的好意思嗎？我本人一次都未北上消費過，但而家就非常明白香港餐飲業點解會搞到而家咁嘅境地，是自己造成的！

去開上環搵食，落雨天，Honey 話行去信德中心試下，因為可以地鐵直上，唔怕淋雨，於是我地就行左上信德中心， 沿扶手電梯上到三樓見到一間越南餐館【錦麗】，正正對住售票處，好新淨，乾淨企理 ，光猛寬敞，見到餐牌有套餐都幾抵食，於是就坐低準備數碼點餐，點知個套餐原來好豐富， 可以用優惠價加三個小食，又可以升級飲品，不過數碼點餐搞來搞去都搞唔掂，終於都要搵店員幫手，熱情的店員姐姐幫我們點好餐，又送來熱水紙巾非常周到。二人套餐250元，有兩個主食，一個小食拼盤，兩杯飲品，我們有加了兩個小食，分別是椰汁糕和油菜，主食就揀熟牛肉湯粉和香茅豬扒雞湯金邊粉，份量充足，豬扒牛肉都非常新鮮好味，配搭肥嘟嘟芽菜，青檸檬，香葉，辣辣，湯粉夠熱，在涼快的雨天裡，食得好舒服。小食拼盤是意想不到的豐富，有兩隻炸雞翼，三大塊香茅豬扒，兩條鮮爽的蔗蝦，兩條咖哩春捲 ，再配一啲酸菜，一碟酸甜辣醬，全部都是現叫現炸，熱辣辣香噴噴，食到不亦樂乎。飲品方面我就揀鹹檸檬青檸水，Honey 就升級椰汁紅豆冰，各取所需，各享其成，最後仲有一個好好味嘅甜品，就係椰青糕同椰汁糕， 兩個心形的甜品對應左520這個甜蜜的日子。❤

好耐無嚟呢個場，翻新後有D新舖新景象都唔錯，食肆選擇都似乎多左~坐完船個人真係特別餓，見呢度座位四正裝修光猛，即刻坐低點個胡志明綜合粉，有齊生牛肉、熟牛肉、牛丸~牛肉片大大片又軟熟，牛丸就大大粒夠香甜仲爆汁!最重要個湯底香濃得嚟唔會膩，加配件油炸鬼索埋湯汁就夠開心!碗粉望落唔大但其實勁飽肚~小食拼盤有齊庶蝦，越南春卷、牛油雞翼、香茅豬扒等，鐘意佢夠香茅味又彈實，而且只係$78，性價比唔錯~朋友每餐必須有菜，就點個馬拉盞醬時蔬/芽菜，當然係惹味又香口，菜亦夠嫩~其實呢度特色飲品選擇都幾多，龍眼玫瑰花茶感覺稍甜，反而朋友嘅香芒生椰乳又幾香滑好飲喎~

話說今日喺澳門返嚟香港早咗，平時返嚟都非常之夜全部嘢都閂晒，今次早啲就行吓呢個商場，估唔到而家有咁多舖頭新開咁嚟其他分店食過，但係呢間新開就冇食過，又決定試一試✅✅風味二人套餐：小食拼盤:- 金絲網蝦春卷：脆皮的春卷外層包裹著鮮嫩多汁的蝦肉，咬下去時有一種香脆和鮮美的口感。- 越式蔗蝦：蝦肉本身冇太重嘅調味，所以點埋個醬都唔會太鹹- 越式蒜茸牛油雞鎚：外酥內嫩，搭配上香氣四溢的蒜茸牛油醬汁，給予了豐富的口感和味道。- 香茅豬扒：豬扒煎至金黃酥脆，搭配上香氣濃郁的香茅味道，肉質鮮嫩多汁。火車頭粉：非常足料，絕對值得加錢升級！肉眼肉質鮮嫩，咬下去有一種彈牙的口感，牛筋口感彈牙有嚼勁，牛丸彈牙有嚼勁，肉質鮮美，與湯底相融合，最重要係湯底，做到越南粉應該有嘅濃而不俗！蟹•肉餅蕃茄湯檬粉：蟹肉餅肉質鮮嫩，口感彈牙，搭配上蕃茄湯的酸甜，帶來豐富的口感和鮮美的味道。湯底酸甜可口，呢度嘅扎肉都係一個高度推介，黑椒嘅香味非常好✅

上環信德中心翻新咗之後多咗嘢行比以前光咗好多過大海去澳門 珠海玩上船前見有時間入嚟食個dinner$8堂飲限定 青檸梳打幾抵飲 飲多幾杯都唔驚貴個人比較鍾意光線充足嘅餐廳坐得舒服 精神啲聰明善用玻璃，令到光線不斷反射風味二人套餐 $250 除返開每人都係130左右胡志明綜合粉 生牛肉 熟手肉 牛丸金邊粉芽菜辣椒青檸可以無限添加 生熟牛肉都是到 牛丸彈牙個湯底清清地 牛骨味道香茅豬扒撈檬 蘿蔔絲 青菜絲 花生粒 魚露唔會太鹹根據返個人味道調整返落幾多魚露金馬牌新鮮椰青大大大隻 多椰汁水 厚椰肉 清甜解渴特色小食拼盤 金絲網蝦春卷 越式庶蝦 越式蒜蓉 牛油雞鎚 香茅豬扒幾款小食 一應俱全 share一齊食最好

見信德開咗間太興集團嘅越南嘢，話係越南胡志明市過江龍，嗰陣係下午茶時間見冇人就入去試下～（之後第二次再去係lunchtime就要排好耐隊🥲）下午茶樣樣嘢都寫住係mini，叫咗「生牛肉粉 $60」，睇落好細碗，啲粉真係唔多，但食落出奇地都好多塊牛，我諗有六、七塊！個牛肉湯底佢話熬咗23分鐘，飲落真係好濃郁，有牛味得嚟唔覺好油/好膩，真心覺得係似喺越南食嘅街頭牛肉粉🤤小食我揀咗魚餅（一個餐一舊仔，個春卷係朋友嘅），冇乜特別嘢飲叫咗熱薏米水，細細杯但好足料，好多薏米同碎香茅喺底，有少少甜味