稻香超級漁港 (Closed)

三個人去食晚飯, 本來有個信用咭套餐幾抵, 不過果個係四人餐, 而落單果阿姐話我地三個人一定食唔晒, 所以都係散叫好d. 經阿姐推介, 叫左個晚飯三寶, 有龍蝦依麵底, 燒雞半隻, 同一碟菠蘿生炒骨. 另加一碟炒飯, 叫多兩支啤酒同兩支汽水. 個龍蝦依麵底以前食過幾次, 要數今次最好食, 夠份量得黎又唔會太咸. 依麵幾夠飽, 睇黎四個人都夠食. 最好係d龍蝦都幾新鮮又幾多肉, 起碼唔會係d頭頭尾尾. 燒雞都幾好, 唔太肥, d皮又夠脆. 炒飯因為太飽, 所以成碟都係打包. 有信用咭88折優惠, 埋單560, 幾唔錯.

和三位女同事晚上去打邊爐, 叫了不少食物渣打咭88折後只是$100一人, 算抵食.湯底一邊清湯一邊沙爹, 沙爹幾香濃,配料選了桂花蚌, 鱔片, 脆鯇片, 豬腰, 豬膶, 牛柏葉, 豬下青, 豬爽肉, 本地手切牛肉, 美國肥牛片, 粟米, 白蘿蔔, 豬肉丸, 雜菌, 魚皮餃, 水餃, 油麥菜等.桂花蚌不算很鮮甜, 鱔片不重泥味但比較削, 鯇片不太脆, 豬下青和豬爽肉都爽彈, 美國肥牛片比本地牛鮮濃, 水餃皮很容易夾破, , 豬肉丸大大粒.很飽呀!!

星期日當然要同家人飲茶啦~今日同一班嘈到好似爆炸機o既師奶同台,好采,可以換台,當然禮貌咁問D waitress 啦,佢都好有禮貌咁叫我等等3個人叫左8個點心,入左房,係冇人理的@@要咩都要自己拎,不過都好過爆耳膜~有我喜歡的芋茸包,煎堆仔,鴛鴦雙潮,上素粉果,皮蛋瘦肉粥,生煎菜肉包,粟米花枝餅同XO醬蘿蔔糕我好鍾意食芋茸包,好好味,要新鮮焗出黎架喎!煎堆仔個奶黃唔夠濕變左個奶黃波鴛鴦雙潮,蝦好彈牙,粉果麻麻!上素粉果個皮一夾就爛,渣!仲好油添皮蛋瘦肉粥OK啦生煎菜肉包勁油,不過父親大人愛吃粟米花枝餅都好油,不過每次來都會食,因為好彈牙XO醬炒蘿蔔糕--- 每次家人都會叫但我唔係太BUY O既點心,因為我比較鍾意食蒸O既~XO醬炒蘿蔔糕好咸

呢間稻香,基本上我都成日嚟,而尋日我又同一班親友落咗稻香食飯喇! 我哋叫咗半圍套餐,有四寶"更",燒味拼盤,一碟唔記咗叫咩名,類似炸鮮奶的餸,冬菇扒生菜,花枝片炒xx(唔記得..)一碟白焯蝦,炒白菜仔,糯米飯,有一jar橙汁同三罐汽水,飯後仲有紅豆沙同生果,幾豐富!四寶"更"有d似碗仔翅"light版",都係用d肉絲做,無咩特別.白焯蝦就隻隻都好似營養不良咁,d色水睇落仲好似唔多新鮮...燒味拼盤基本上每次必叫,幾好.至於炸鮮奶那個就唔錯,可能我不嬲都好鐘意食炸鮮奶,佢仲有少少蜜瓜味添!冬菇扒生菜,d冬菇係大陸菇,唔係真冬菇,不過都唔怪得佢,酒樓又點會同你浸冬菇呢..花枝片炒xx就幾好,d花枝片幾嫩,有d辣味.其餘的都係正正常常啦!八個人食咗一千鬆d,喺稻香食飯,係咁上下.

今晚落堂後與友人一起來這裡吃晚飯. 六個人叫了吊燒雞, 什菜煲, 花膠海參煲, 椒鹽瀨尿蝦, 蒸魚頭, 賽螃蟹, 金菇肥牛煲. 除了吊燒雞尚算皮脆肉滑外, 其他的都是碟頭小, 比以前縮水不少, 而且味道只是麻麻, 該辣不辣,有些不夠味, 有些則太鹹! 什菜煲完全沒有味, 應該說是焯菜煲! 瀨尿蝦煮得不入味, 而且肉有點散; 蒸魚頭的辣醬只酸不辣; 賽螃蟹和花膠海參煲都煮得不好. 連甜品(送的)合桃糊也不成, 很粗, 入口不滑且有點苦味!總的來說十分失望, 與上次與屋企人來吃晚飯時的質素差得太遠!!! 唔通真係只可以係呢間打邊爐而唔可以食小菜?

今晚有朋友生日, 原本諗住黎食火鍋, 但有人話驚熱氣(唉~咁都好驚), 於是改食小菜. 上湯龍蝦伊麵同竹笙豆腐好快手, 落單後三四分鐘就上, 仲快過生炒骨, 跟住有雜菰煲, 燒味并盤好慢, 最慘係沙薑雞, 差唔多食哂所有餸先上, 已經飽九成. 各款菜的味道幾滿意. 同侍應接觸唔多, 唔知態度係咪真係咁差. 但我見隔離枱果兩位顧客, 只係遲我地五分鐘黎, 食火鍋, 但等下等, 等到我地食左七成野, 先等到個湯底....都幾恐怖!

頭先同屋企人係lee間稻香食左一肚氣~我地一坐低d侍應就係咁叩我地食seafood~我地已經好有禮貌咁講左我地係唔食seafood ga~於是就諗住叫豉油雞la, 個侍應話冇~咁唔緊要la, 依過第二樣!Then個侍應指住我姑媽手上個menu話”lee個menu d夥幾乎冇ga wor, 睇另一個la!”然後又比個seafood牌我地睇!我地都冇出聲, 幾經辛苦終於諗好食咩, 就開始叫la~侍應一聽到我地叫豆苗就話”個豆苗$88 ga wor!”仲足足問左2次~ 我姑媽即時好嬲, 因為佢好似睇我地唔起, 唔食seafood就食唔起88蚊個菜咩?我姑媽即刻起身走人~我諗現場會比咁講差好多~希望佢地可以train下d staff~

星期六等埋男朋友來飲茶,我地order 左蝦餃/花枝餅/XO醬炒蘿蔔糕/滑牛檬粉蝦餃-----皮薄軟滑/料靚,好味.花枝餅--都不錯,但好油.XO醬炒蘿蔔糕---好恐怖,好似食左成碗油.又辣.好難吃.滑牛檬粉----湯底不錯,檬粉爽滑.我覺得佢地整得太油膩,到夜晚都好飽.

為左同屋企人補祝生日就打算去間有保證小小既稻香打邊爐因為之前去過旺角食覺得唔錯今次就去番近小小既九龍灣試下等位等左成個鐘,終於入得去湯底叫左蕃茄薯仔豬骨,點知個湯底勁淡..落order,足足等成半個鐘有多,吹左成3次都未黎成餐飯..只係覺得一開頭既象拔蚌好味算係新鮮同清甜其他火鍋配料都係不過不失總括黎講我寧願番番去旺角稻香好過..可能任食火鍋都好過佢

星期六同屋企人去飲荼.... 首選當然係稻香啦! 不過佢幾時都係咁多人等位! 五個人食咗十一、二碟點心都只係百五、六蚊! 平靚正! 叫咗蝦餃、燒賣- 好足料, 好味!炸夌魚球- 好彈, 好味!花枝餅- 油太多....好肥及漏!牛腸- 老公鐘意食!糯米卷- 好味!xo醬蘿白糕- 好味, 少少辣!排骨鳳爪飯- d鳳爪好味!雞絲腸粉、饅頭、叉燒包- 冇食到, 因太飽!

真係好抵....九個人食...都係only 七舊幾...真係想點呀......要知道係八個男一個女ja wor....我地仲要食到飽晒tim~~哈哈~~正呀~~搵日再尼!!

尋晚提早做節, 一行十一人(九大兩細)叫了個別1,688餐(未計茶芥)! 又包汽水,啤酒,果沐! 隻乳豬就縮水D (隻豬肥到咁但就得咁少上枱, 好似被人偷咗半隻咁! ) 個加拿大蟹伊面好好味! D 蟹新鮮及D伊面吸晒D汁好好味! 個翅OK ! 隻燒雞有D唔熟! 條花尾龍塾蒸得過了火! 好"UN" ! 炒甜豆XX 就OK ! 但D節瓜脯、冬菇、生菜之頪我就好怕D "獻"汁好勁! 個壽包OK ! 荷葉飯OK ! 生果盆都OK啦! 食物質數都OK ! 不過D冷氣太勁! 以及D待應服務唔夠....食晚只換了一次碟......隻碟滿晒骨同蟹殼都冇人換!

成日聽人講話稻香打邊爐有幾抵有幾好食上星期終於有機會試啦同老媽子、家姐夜晚8點幾去攞位呆等左半個鐘終於有得入座啦佢地個晚做緊個孖寶,係一個湯底加一斤白灼海蝦,好似$68D蝦都OK大隻鮮甜~~我地叫左個海底椰竹絲雞湯底是晚有好多台都係叫呢個湯底,好快賣哂先黎一渣竹蔗水之後落ORDER我地叫左一碟美國肥牛、炸魚皮、鮮竹、雲吞拼水餃、芋絲、小白菜、蝦丸拼墨丸、豬腰拼豬潤、花枝片之後再叫多一渣蔗水炸魚皮幾香脆,無油益味,不錯。鮮竹、芋絲個D都係普通貨色,無咩特別雲吞同埋水餃其實D餡都係一樣,不過形狀唔同姐~但都幾鮮甜,好味手打蝦丸拼墨丸,比想像中彈牙,墨丸比蝦丸出色,有趙口~~花枝片就好似不太新鮮,有D太林既感覺>.<3個大胃王食到飽死之餘仲要有食物剩(呢個真係唔好既行為),都不過三百多,都叫做抵啦~P.S.9點後真係平好多,不過建議大家係9點前就去定門口等攞位,因為真係勁多人架(不論係星期幾都一樣)

之前係將軍澳區那間飲茶, 麻麻, 今晚為歡迎同事, 開了五!乳豬全體- 皮脆, 又唔太肥, 唔錯!貴妃蚌炒蜜糖豆- 豆甜!炸蝦丸- 唔夠彈牙, 太細粒, 賣相小家!乾貝扒小唐菜- 汁太濃稠, 不過, 小唐菜夠腍!蒸魚- 大大條, 幾"鞋"!翅- 我已無食好耐, 同事話極難食!食到中途, 有事先走, 同事comment 都麻麻...稻香已退步了!

因為懶的關係,這篇父親節的食評,到今日才動筆父親節的下午3時,竟然唔駛點等位食物XO醬炒蘿糕-唔算太油,味道亦幾好炸鯪魚球-好彈牙,差在無蜆芥,差少少碗仔翅-比街邊小食檔好味,有竹笙,爽口D流沙奶皇包-無食到,但見到好靚,好流沙鮑魚鵝掌-當日父親節的特價食品($48),無份食,鮑魚當然細細隻,但鵝掌幾大,老爸話幾好味服務雖然地方大兼星期日,但覺得招呼幾好