稻香超級漁港 (Closed)

因為前幾晚已經去鴻星食晚飯，所以星期日母親節正日決定同母親飲午茶慶祝。當然預要等位啦，無計啦!之前我問過幾家酒樓都不設訂位，唯有星期日等位啦!結果由朝早十一點等到差唔多下午兩點先有位。其實，附近其他酒樓未必要等咁耐，不過，母親大人喜歡呢度點都要等啦!點心都唔錯，灌湯餃值得推介，試過官塘區內幾家酒樓灌湯餃，都係呢度最好味!最可惜係母親大人想食，竟然賣唒呀!呢度服務不過不失啦!

致德福稻香酒家總經理：稻香部份員工正在破壞稻香的聲譽，請管理層關注及作內部調查。事件：新鮮游水澳洲大龍蝦變死龍蝦，海鮮主管還強詞狡辯，教食客如何食龍蝦，本人認為貴集團有欺騙顧客成份，盡失食客對貴酒家之信心。一食客上

往時一月幫襯8次以上, 由於表現水平急降, 而家決定懲戒佢, 轉移陣地. 漏單情況嚴重左, 上次追碗鵝瀨, 由開order到問你last call 兼埋單, 成粒鐘唔見鵝瀨, 中途追過, 無交無代, 追到埋單都無答案, 但隔籬竟然遲來先上岸, 遲order反而有, 嬲到老媽發火, 最後是但求其質碗擺左又係成粒鐘咁耐既雞瀨比你頂檔, 當你坐近廚房係盲既, 博你見唔到攤到凍晒d油擎晒既陳年雞瀨就隊比你食. 過程中, 黑衣男部長狂鏟點心廚房班人, 鬧住問點解某某點心賣晒唔單聲, 點知無人理會男部長, 令人覺得班伙記內部都有問題, 但結果令我地飲茶人受罪. 食品安全問題, 上次除左自己漏單外, 受災原來係大範圍區域性, 連隔籬附近幾漏單漏到媽媽聲, 見住隔籬漏左雷沙湯丸, 部長即時命令廚房去跟, 眼見點心部d 人百般不願意咁即做, 另外隔籬漏單既鴨腳紮仲衰, 點解咁記得? 就因為隔籬男食客勁嬲d 鴨腳未蒸熟就出菜, 佢係咁狂鬧, 仲要脅話即時打去食環署同稻香總部投訴, 氣氛好緊張, 其後黑衣男部長連聲sorry同取消碟野平息事件. 另外點心紙唔update, 一早無左幾百年既甜品榴槤露成年都唔

唔怕等位就去啦，一朝早已經好多人，點心真係幾好服務一流( 茶餐計)晚晚唔平架，同樣價錢同區有更好既選擇

椰林閣算係最差架啦不過我上次去德福稻香真係差到嘔...個亞姐入錯單仲要黑面埋黎個陣一句"找錢!!!"真係興....!!!

難得放假,去左飲早茶. 呢度聽講平日早茶都好多人,果然冇誇張,好彩去到剛剛有位.先講服務,態度真係算好ok;點心都有好多款,唔似鴻星咁乜都冇,而平日仲有特價,味道亦唔錯,材料好新鮮.不過,當叫第二輪點心時就等左好耐都冇得食,可能太多人(門口排長龍!!)廚房做唔徹?!要扣分!如果唔係都好正!下次會再幫襯!!p.s.冷氣冇左以前咁凍

九時後入, 人山人海兩隻大閘蟹共$60,不過不失三人食三人餐$338全包,菜式好食過一圍o個d,四個人食都得.服務好差咩?唔覺.

早幾日生日男友請我食，爆多人哪！但就很快有位^^看到不少食評話服務差，我就一d都唔覺，仲覺得佢地服務好過籠我們是二人，但就叫了個三人餐，六個菜，飽到上心口呀~~其實，要人服務好，自己態度也不要太過分！我地食完仲有個經理來問食得滿唔滿意，做到咁，真係有返咁上下啦

一直以為普通茶樓2 點後會有下午茶, 星期日冇唔出奇, 但原來依間星期六都冇o既。反而旺角分店又有@____@ 兩點去到已經要等位, 好多人企o係門口輪侯, 坐低先發覺冇下午茶. 好多燒味粉麵都冇特價, 味道亦只是一般. 咁o既價錢同美心冇分別, 但美心味道更好, 至少冇咁肥膩.P.S: xo 醬炒羅白糕向來是稻香的招牌點心, 但今次食發覺羅白糕係用粉開的! 沒有口感, 吃上口也感有有粉! 不過魚香茄子點心做得不錯!

今晚一家人(6大1小)食晚飯, 好彩有訂位, 坐無虛席.叫左全包搭搭餐(六人份量):- 原隻珍珠鮑配冬菇蝦丸(每人1份): 好彩食之前睇一睇, 好似夠數, 應該每人一份, 欠冬菇蝦丸每款一粒, 即刻叫部長姐姐加番, 態度十分友善, 但大家一致認為唔係珍珠鮑...係螺頭(因為質感唔同), 好彩味道都唔錯.- 乳豬拼盤: 燒鵝好滑, 海蜇十分彈牙, 乳豬一般啦!- 花旗參燉雞湯: 唔錯! 好花旗參味...- 越式網米卷: 入面有粉絲, 蘿蔔絲, 雲耳絲, 再用生菜包住食, 味道唔錯.- 翡翠冬瓜夾: 冬瓜切到好薄, 入面夾住雪菜同豬肉, 冇味既! 好後悔, 早知唔叫啦!- 蒸海斑仔: 蒸得過火, 好"鞋".- 紅米福建炒飯- 原來加入紅米一齊炒, 味道同口感都好好!- 甜甜蜜蜜- 珍珠南瓜露: 好香南瓜味!呢個餐好抵食, 6人套餐大約都係$490, 免茶芥及加一, 仲有6枝汽水.P.S.埋單時發現超額外收一位晚茶$8.00??? 因為之前部長話唔收, 個小朋友3歲都未夠都要收茶錢? 後尾退回$9.00.

平時同屋企飲早茶都會黎呢間稻香~ 但服務一次比一次令人失望! 本來都唔唸住彈佢, 但今日真係好唔滿意!服務欠佳有四:一,話說今日去飲早茶, 執完臺換完臺布卻冇卑杯杯碟碟, 上完壺茶同滾水都仲未有杯碟碗筷, 要舉手舉到手軟先過黎卑到d杯碟碗筷!二,落左order 成半個鐘仲係一碟點心都未有!!! 實在過份! 等到壺茶都凍曬都未有野食~ 上點心慢已經唔係第一次, 但今次係最過份o既一次! 都唔知係唔係特登拖時間, 令我地冇得係優惠時間前結脹離座(優惠時間係十點前, 結果我地要等到十點到先上最後果兩份點心)三,知客帶位果陣話張臺埋緊單就dum 低我地走左去, 要我地自己入座~ 另外個別服務員黑口黑面, 同上點心果d 啊嬸有笑容地禮貌地講"早晨", "請慢用"成強烈對比!四,早牌報紙先話呢度o既冷氣太凍~ 到依家仍然冇改善, 冷氣凍到好似雪櫃咁......講番d野食:南乳炆豬手- 炆得幾num, 都幾入味~瑤柱貴妃餃- 皮薄, d餡幾鮮味~薯餅(唔記得個全名) - 冇乜特別雞包仔- 同往常一樣咁好食, 但size 細左貢菜牛肉腸- 唔錯~仲有一個類似"讓"節瓜(瑤柱節瓜xx) - 呢個都幾好味

佐治和連打明天便回老家了,特別到此送行,我硬拉住你一起來,因為我知道他們也喜歡你,也想見你:我飯前買了一些小禮物,到場時爸媽,佐治和連打已經坐下,我們坐在房內,當晚客人十分多,坐得有點逼,但十分愉快,等了等了,蔡sir和細佬終於到達,好野,人齊openrice.點了一個六人餐包括有乳豬拼盤,海皇冬瓜盅bb鮑+鮑魚菇炒得幾好食的菜和紅米炒飯再加霸皇雞龍蝦加伊麵菠蘿咕嚕蝦球啤酒,汽水,西瓜汁(特別一提,叫了一個班片火腿嚷豆腐,豆腐唔知是不是變酸了,我們要求換左去,服務員二話不說,馬上更換.手快有禮)吃呀吃,飲呀飲,傾呀傾,盡情地傾一番,大家也吃飽,盡興.找位服務員結帳,誰知蔡sir已經快人一步,偷偷把帳單付了.蔡sir,多謝你.P.S.跟佐治一別,未知幾時再會,回家餘情未了,繼續把酒言歡...

星期五同朋友打邊爐預祝生日, 點知...我訂了6位8:00, 7:50到達但未有位, 等到8:10有一張中, 叫完我前面8位無回應之後, 竟然叫我後面另一個8位, 我質疑大家都係中, 點解跳過我?? 佢話張大D, 所以分配俾8位喎.....之後等到8:20, 我地開始唔耐煩, 似領班位小姐就話“而家有兩張, 圓無底爐, 卡位有底爐, 但坐得迫小小”“梗係要底爐啦! 但我地6個人喎, 卡位係咪真係坐得落架??”“無問題0既” ....等我以為卡位係KING SIZE添, 我地5大1小(都讀小六架), 個卡位點睇都無可能坐得到.....剛頭先領班個位小姐經過, 我即係嘈佢, 佢仲竟然答我”坐到架”我即刻同帶位個小姐講”有無搞錯, 叫您經理出黎同我講!!!!”佢有少少手足無措, 大家僵持左一陣, 終於都換番張正常0既俾我....食0既都係咁上下野, 可惜上菜實在太慢, 原先叫左隻18蚊特價香妃雞諗住頂肚,點知催左幾次, 成大半個鐘先到(不過味道唔錯)最唔滿意係全程無人換碟, 叫左都無人換咁0既消費, 咁0既服務, 下次都係咪搞我

呢度真係好旺,平日食晚飯居然要早幾日訂位至有位,結果今晚終於有得食.未到七點半已全場滿座.認真誇張!4個人叫個套餐,有乳豬拼盆,雲腿津白紅蘿蔔,甜酸炸桂魚,揚州炒飯,海皇四寶羹,京都牙薟骨,重每人送鮑魚菜一客,汽水一枝,及甜品(綠荳沙).整體上食物味道ok,分量好大,今晚係第一次酒樓食套餐係多到食唔晒要打包走咁多!最唔好就係d冷氣超凍!最抵就係唔使加一,茶芥同埋茶錢.結果食飽走人時發覺重要排長龍籌等食飯(果陣已經9點鐘啦!),真係好誇張!!

原對這一間酒樓有一點期望，因為上次飲過茶都唔係咁差，但最終都係失望而回。晚飯要了兩個小菜: 半隻燒脆雞:塊皮一Ｄ都唔脆，Ｄ肉又乾又硬，味道又唔夠。乾蔥炒肉蟹：佢話係肉蟹，其實係花蟹，但要８０蚊一隻。Ｄ肉唔新鮮，又走油，又無肉食，又重味精。仲有上菜又慢，個部長Ｄ態度又唔好，SUGGEST食Ｄ貴嘢，唔要又唔高興。但最奇怪，唔知點解間酒樓會坐滿，仲有幾張大枱。下次就算話請我食小菜都要考慮清楚。